1 PITA 2
2
1MBWÔSO nwekyeyi mwoxingi mwoso, yi buluba bwoso, yi mancanga, yi mietumbu, yi mietangu mioso ; 2yi nukyebi mabele a lukanyi atena buluba, bea mayedi malela mo nkyekyu, binuxelunda yinao pôi ku kupandixibwa ; 3akali nwamakikisa Fumu udi kunengela. 4Binulolwa kudiyi, bea kudi dibwe dia môyo, diamanyananibwa sôsôlwo kudi bantu ; mo ku meso a Ncembi, diamasungudibwa yi diamanemekyebwa ; 5nonu kabidi bea mabwe a môyo nudi mu kwabakibwa ncibo a Mwoxixi, ndo kwakala bubokanda bwa babala, ndo kulongola malongi a Mwoxixi, adi ñonu ku mpala a Ncembi kudi Yisu Kalistu. 6Bwalo budiko mu mukanda ă Ncembi ene, Mona, ngwaladika dibwe mu Siono dia ku ilunga basodi diamasungudibwa, diamanemekyebwa ; yi you umwetabuxila kanaxipibwa bundu pô. 7Mbwôso kunudi bamakwetabusa kwamanemekyebwayi ; mo ku bwalo bwa bena ntamu, dibwe diakanyañana babaki ba ncibo, kadedi diamatekyebwa mucwe ă ilunga basodi ; 8yi dibwe dia kiponexelu yi dibwe dinene dia kixindilu kudi bantu bamapuma diya ku diyi, bwalo budibo bena ntamu ; yi kwakabalungi-kidibwa noku. 9Mo nonu nudi bu-tonga bwa bantu bamasungudibwa, bubokanda bwa bufumu, bubila bwa babala, bantu badi bena diso dia-manculayi ; binuxekwebesa miesambu ya lwoxixi ya you akanubikila mu mwedima kulwa ku obo anci a kikamakama ; 10isanga nonu batakadi bantu, mo nkyekyu nudi bantu ba Ncembi ; batasananini mwengo mo nkyekyu nwamasañana mwengo.
11Banangibwi, nwabondabonda bea bantu babene yi bea bena ngendo, ene, nuncili xindilu ya munyu yamatanda yi mucima ; 12nwakali yi mwosambu ěnu ă nkwami pakacikaci pa mabila ; mbwôso isanga bamatôya ku bwalo bwenu bea bwa bakixi ba malo mabi, kaninga ku mucwe ă makisa enu anengela amatebelabo, baxetumbisa Ncembi ku dituku dia kuxiximibwa.
13Nwedeyi mulangu mwoso ă bantu ku mucwe ă Fumu ; ndo fumu munene amadika kulu, 14ndo milopwe yamatumibwa kudiyi kuya ambisa bantu malo bamakwenca bubi, yi kutumbisa bantu bencenca kunengela. 15Bwalo budi nyinga ya Ncembi ene, ku kukisa kwa kunengela ndo kunuxepudikisa bena madibi batasolubukwa malo. 16Nudi bana ba bula, mo kanwakadi yi bwana bwa bula luna mucwala ă kuncibika mwoxingi, kate bea basadi ba Ncembi. 17Nunemeki bantu boso. Nunangi bakunvi. Nucini Ncembi bowa. Nunemeki fumu.
18Basadi ba ncibo, nwedeyi bafumu benu yi bowa boso ; kumoni bobo batupu badi kunengela yi kulebela, kate bena bwolemo kabidi. 19Bwalo bobu budi nonu, ndo muntu ombombwa maxitu ku mucwe ă kilubukilu kia munda bwalo bwa Ncembi, udi mu kwombwa kusama kutena amakwenca bwalo bubi. 20Mo ndo nwamakwona yi nwamakumibwa, akali nwombombwa kusama yi bwika, lotumbu ludi lwa beci ? Kate ndo nwencenca kunengela yi nwombombwa kusama, akali lolo nwombombwa yi bwika, nako kudi nonu yi Ncembi. 21Nwakabikidibwa ku bwalo bobu ; bwalo bwakanutacila Kalistu, amanuxiyila lwedi kwelekyesa, binuxetomba bipokye bienci ; 22utakwenca bubi pô, yi mu musuku ănci kamwasañanibwa mwalo. 23Yei, pakatukibwayi, akadi kasotuka kabidi ; pakatatayi, akadi kasoxekyeya ; mo akadilongola mikyenci kudi you asambola yi nkwami ; 24akacwala mabi ecu mikyenci mu mumbidi ănci kulu kwa muci, bituxeakala yi môyo ku bwalo bwa nkwami, bwalo butwamafwa ku bwalo bwa mabi ; yi ku miekolola yenci ndo kutwamapandixibwa. 25Bwalo bunwakadi mu kuungaunga bea mikwakwa ; kate nwamapiñana nkyekyu kudi Kalama yi Munami a micima yenu.
Currently Selected:
1 PITA 2: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
