1 KOLINTI 5

1LWINDU lwamakumibwa ene, budibi bwapwakala kwenu ; yi budibi bwa bubi butenako isanga kudi mabila ; muntu kwakala yi mukaxi a tetenci. 2Yi nonu nwamadibandisa ; kaninga kanwadila bixencudibwa muntu you kunudi akakwenca bwalo bobu. 3Meme sôsôlwo, isanga ndi kulekuie ku mumbidi, ndiko ku mucima ; yi namasambola isanga nkyekyu, kulexi ndo napwakala koku, ku bwalo bwa muntu you amakwenca noku, ku dina dia Fumwecu Yisu Kalistu. 4Namasambola panwamakokama yi mucima ămene kidi kimokimwe, yi ngulu ya Fumwecu Yisu Kalistu, 5ndo kulongola muntu a noku kudi Satana, munyu kuxipibwa, bixepandixibwa kidimu ku dituku dia Fumu Yisu.

6Mwanu ěnu kauna loko. Kanusolubukwa ene, kiolubixilu kibende kiamakwolubisa kimoma kincimancima ? 7Mbwôso nunamuni kiolubixilu kia kalikali, binuxeakala kimoma kipyakipya, bea binwakala kutena kiolubixilu. Bwalo bwakaxipibwa Kidikixilu kiecu, Kalistu ; 8mbwôso tunami kitula kumoni yi kiolubixilu kia kalikali, ndo yi kiolubixilu kia mwoxingi yi kia bubi ; kate yi mampa atena kiolubixilu, a babala yi a sôsôlwo.

9Namanufundila mu mukanda ămene ene, kanusangidi yi badibi. 10Mo kifundili dyendeli bwalo bwa badibi ba loboko lolu, ndo bena luxindilu yi bafinañani, ndo baxingidi ba ngixi ; ximbi ndo kwenca nako, nuxeakala yi bwalo bwa kuncuka mu loboko. 11Kate namanufundila nkyekyu ene, kumoni kusangila yinanci, ndo muntu amabikidibwa ene, mwakunyi, apwakala mudibi, ndo muna luxindilu, ndo muxingidi a ngixi, ndo muna mwotangu, ndo muna nkolwa ya malufu, ndo mufinañani ; bwalo bwa muntu a noku, kumoni isanga kudya yinanci. 12Ape bwalo budi bwamene ndo kusambola bantu badi kunci ? Ki bwalo bwenu kusambola bantu badi munda ? 13Mo bobo badi kunci, Ncembi ndo ubasambola. Nusokoli muntu you mubi kunudi.

Currently Selected:

1 KOLINTI 5: Luna_NT

Highlight

Copy

Compare