1 KOLINTI 4
4
1MUNTU mwoso abali ku bwalo bwecu bea bwa basadi ba Kalistu, yi bankôngôlo ba malo a bwisa a Ncembi. 2Kunu lolo, bwalo bwa bankôngôlo, kwamakyebebwa ene, muntu uxeakala muna kibaku. 3Mo ku bwalo bwamene kudi mo kalo kabende nci, meme kusambolebwa kunudi, ndo ku kimu kia bantu ; ya, meme kisodisambola mikyemi. 4Meme kisodilubukwa ene, bwalo budi yinami ; kaninga kisosuwixibwa noku ; mo yei ungwasambola udi Fumu. 5Mbwôso kanubedi bwalo bwoso buxi bwa kikondo, pôi diba dilolwa Fumu, unasokolola bintu bisokoka bia mwedima, unakwebesa nkanyi ya micima ; yi ku kikondo kieki kunakala muntu mwoso yi mwalakanu kudi Ncembi ămakwalakanibwayi.
6Bintu bebi pako bakunyi, ndo binamakulumuna ku mwele ku bwalo bwamene yi bwa Apolo, ku micwe yenu ; binuxekweya kutudi, kumoni kudika bintu biamafundibwa ; bitaxedibandisa muntu umoumwe ku mpala a muna kwanci. 7Amakuxiyananisa ñani ? Yi owe udi yi kintu kai kitangacili ? Kaninga ndo wamakiangata kukai wañana mwanu bea muntu utakiangata ? 8Nonu nwamakwokuta isanga nkyekyu ; nudi yi madidi isanga nkyekyu ; nwamadidila bufumu kutena coco ; yi meme ngwakyeba nuxeakala bafumu, bituxeakala bafumu yinenu kabidi ndongo. 9Bwalo bungwakisa ene, Ncembi amatwebesa coco batumibwi bantu ba ku sula, bea luna bena yipanga ; bwalo butwamatekyebwa kimonenu kudi loboko, yi kudi bangele, yi kudi bantu. 10Coco tudi badibi ku mucwe ă Kalistu, mo nonu nudi yi bwinu mu Kalistu ; coco tudi kulebela, mo nonu nudi yi ngulu ; nonu nwamanemekyebwa, mo coco twamakyesolebwa. 11Isanga pôi ola you twombombwa ncala, yi nyota, yi tudi mataka, yi twamakumibwa mapi, yi twamasambasamba kutena ncibo ; 12yi fwakamba kamba, tudi mu kwenca mudimo yi bianca biecu mikyecu. Pa kutangolebwa, coco twamalwangwasana ; pa kukolomcnebwa, twamatata yi bwika ; 13pa kukixibwa, twamabondabonda. Twamalwa bea mbindu ya loboko, bea mayedi a bintu bioso pôi dituku dedi.
14Kisofunda bintu bebi ndo kunufwisa bundu, kate nwadimusa bea bana bamene banangibwi. 15Bwalo isanga nudi yi beyexi nkone disangi mu Kalistu, kanuna yi batete bangi ; bwalo bunakanulela mu Kalistu Yisu ku losangu lunengela. 16Mbwôso meme nwabondabonda ene, nwakali bokodi bamene.
17Ku mucwe ou ndo kunamanutumina Timoteo, udi mwanami munangibwi yi muna kibaku mu Fumu, unanwelesa miesambu yamene nkanyi idi mu Kalistu, luna bingweyesa ku kidi kioso mu kikokye kioso. 18Mo banga bamadibandisa, kulexi yi ndo meme kinalwa kwenu. 19Kaninga nakulwa kwenu mo nkyekyu, ndo Fumu ananga ; yi nakulubukwa, kumoni diyi diabo dia bantu bamadibandisa, kate ngulu. 20Bwalo budi bufumu bwa Ncembi, kumoni yi diyi, kate yi ngulu.
21Nwakyeba beci ? Meme nxelwa kunudi yi kanonge ? sungu yi nyinga, yi mucima ă diedya ?
Currently Selected:
1 KOLINTI 4: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
