1 KOLINTI 3

1MEME lolo bakunyi, nakadi kibiyi kutôya yinenu bea kudi bena Mwoxixi, kate bea kudi bena munyu ; bea kudi babaki mu Kalistu. 2Namanunusa mabele, yi kinudixili munyenye ; bwalo bunwakadi kanusoponyañana. Kate kanusoponyañana isanga nkyekyu, 3bwalo bunukidi bena munyu. Pakala mwokunyo ukidi kwenu yi kitumba, ka nukidi bena munyu, yi nwendenda yi mwendelu ă bantu ? 4Panakala muntu umoumwe ene, Meme ndi muna Paulu, yi munga ene, Meme ndi muna Apolo, ka bena paxi nonu ? 5Ñani lolo udi Paulu ? Ñani Apolo ? Mo basadi banwamakwetabusa kudibo ; yi muntu mwoso bea biamamulongola Fumu. 6Meme namakuna, Apolo amatopesa mai ; kate Ncembi amalundisa bintu. 7Mbwôso you akuna kiena kwalo, ndo you atopesa mai ; kate Ncembi alundisa bintu. 8Nako you akuna yi you atopesa mai badi umoumwe ; mo muntu mwoso unangata difuto dienci bea lwedi lwa mudimo ănci. 9Bwalo butudi bantu ba mudimo umoumwe yi Ncembi ; nonu nudi kibidi kia Ncembi, ncibo a Ncembi, 10Ku lwedi lwa lwoxixi lwa Ncembi Iwamangupebwa, yi bea mwabaki a ncibo a bwinu, ndo kunamabangola kibangolelu ; yi munga muntu amakwabaka kulu. Mo muntu mwoso adingili mwabakayi kulu. 11Bwalo butabiyi muntu mwoso kubangola kinga kibangolelu kitena kiekio kiamabangolebwa, kidi Yisu Kalistu. 12Mo muntu mwoso ndo abaka kulu kwa kibangolelu kieki ndo ôlo, ndo mpalata, ndo mabwe a mapiko, ndo mici, ndo bilo, ndo sono, 13mudimo ă muntu mwoso unakwebexebwa ; bwalo bunakwebesau dituku dedi ; dinakwebexebwa yi mudilu ; yi mudilu mikyeu unakwelekyesa mudimo ă muntu mwoso butonga bwau. 14Aka muntu mwoso mudimo ănci unasala ămakwabakayi kulu, yei unangata sayi. 15Aka muntu mwoso mudimo ănci unalwa kwoxebwa, yei unapwexebwa ; mo yei mikyenci unapandixibwa ; kaninga bea ku mudilu.

16Nonu kanubiyi ene, nudi tempelo a Ncembi, yi ene, Mwoxixi a Ncembi apwakala munda mwenu ? 17Aka muntu mwoso amasalula tempelo a Ncembi, Ncembi unamusalula yei ; bwalo budi tempelo a Ncembi babala, unudi nonu.

18Muntu kadidimbi mikyenci. Ndo muntu mwoso apwela lukanyi ene, udi yi bwinu kwenu ku mwociya ou, akali mudibi, bixeakalayi muna bwinu. 19Bwalo budi bwinu bwa loboko lolu budibi yi Ncembi. Bwalo bwakafundibwa ene, Yei ndo akwata bena bwinu mu bwanya bwabo. 20Kabidi lolo ene, Fumu ndo alubukwa nkanyi yelela bena bwinu ene, idi kanana. 21Mbwôso muntu mwoso kani mwanu bwalo bwa bantu. Bwalo budi bintu bioso bienu, 22ndo Paulu, ndo Apolo, ndo Kyefasa, ndo loboko, ndo môyo, ndo lufu, ndo bintu bia nkyekyu, ndo bintu bilolwa ; bintu bioso bidi bienu, 23yi nonu nudi bantu ba Kalistu ; yi Kalistu udi a Ncembi.

Currently Selected:

1 KOLINTI 3: Luna_NT

Highlight

Copy

Compare