1 KOLINTI 2

1MEME lolo bakunyi, binakalwa kwenu, nakadi kisolwa yi lwoxixi lwa diyi, ndo lwa bwinu, kulwa nusakolela ntôbô ya Ncembi. 2Bwalo bunakakwenca ene, kilubukwi kintu kioso kwenu kitena Yisu Kalistu ; yi yei muxipa ku nkulusu. 3Yi nakadi yinenu yi kulebela, yi bowa, yi kulukuta kungi. 4Yi diyi diamene yi diembi diamene kabiakadi yi meyi a bwinu a kusosola bantu kanana, kate yi kiebexelu kia Mwoxixi yi kia ngulu ; 5bitaxeakala kwetabusa kwenu mu bwinu bwa bantu, kate mu ngulu ya Ncembi.

6Kaninga twasakola bwinu kudi babakulu ; mo kumoni bwinu bwa mwociya ou, ndo bwa bantu banene ba mwociya ou, banalengolebwa ; 7kate twasakola bwinu bwa Ncembi ku bwisa ; bwinu busokoka, bwakalungika Ncembi buxi bwa mieciya, bwalo bwa dikai diecu ; 8butalubukwa bantu banene ba mwociya ou ; ximbi bamabulubukwa, kabaxekopeka Fumu a dikai ku nkulusu.

9Kate bea biakafundibwa ene, Bintu bitamona diso, yi bitakwombwa dicu, bitabwela mu mucima ă muntu ; bintu bioso biamalungika Ncembi bwalo bwa bantu bamwananga. 10Mo Ncembi amatwebesabio kudi Mwoxixi, bwalo bwatomba tomba Mwoxixi bintu bioso, isanga bintu bia Ncembi bia bule twakô.

11Ape ñani a bantu amalubukwa bintu bia muntu, utena kidimu kia muntu kidi munda mwanci ? Mo nako kababiyi bintu bia Ncembi kudi muntu mwoso utena Mwoxixi a Ncembi. 12Mo coco twakangata, kumoni mwoxixi a loboko, kate Mwoxixi you a Ncembi, bituxelubukwa bintu biamatupebwa kanana kudi Ncembi.

13Coco twatôya bintu bebi lolo, kumoni mu meyi eyesa bwinu bwa muntu, kate aa eyesa Mwoxixi a babala ; tudi mu kusakola malo a Mwoxixi yi meyi a Mwoxixi. 14Bwalo butasoangata muna paxi bintu bia Mwoxixi a Ncembi, bwalo budibo budibi ku meso anci ; yi kabiyi kubikyendula, bwalo bwalembetelebwabio kudi Mwoxixi. 15Mo you udi muna Mwoxixi amalembetela bintu bioso, yi yei mikyenci kasolembetelebwa kudi muntu mwoso. 16Ñani amalubukwa lukanyi lwa Fumu, bixemweyesayi ? Kaninga coco tudi yi lukanyi lwa Kalistu.

Currently Selected:

1 KOLINTI 2: Luna_NT

Highlight

Copy

Compare