1 KOLINTI 15
15
1NKYEKYU bakunyi, nwasakolela losangu lunengela lunakanwambila, lunwakangata kabidi, lunwemana munda mwalu kabidi, 2lunwamapandixibwa yinalu kabidi ; ndo nwanamata ku diyi dedi dinakanwambila losangu yinadio, kutena nwamakwetabusa kanana. 3Bwalo bunakanulongola buxi bwa bintu bioso diembi dinakangata kabidi ene, Kalistu akafwa ku bwalo bwa mabi ecu luna biakatôya mikanda ya Ncembi ; 4yi ene, akancikibwa ; yi ene, amabixibwa ku diba diamusatu luna biakatôya mikanda ya Ncembi ; 5yi ene, akamoneka kudi Kyefasa ; kunyuma kudi disangi yi babidi ; 6kunyuma akamoneka kudi bakunyi badika lwedi Iwa nkama itano ndongo, bamasala kicini kiabo kinene pôi nkyekyu, mo banga bamalala tulu. 7Kunyuma akamoneka kudi Yakobo ; kunyuma kudi batumibwi boso. 8Ku sula kwa bantu boso, kwakamonekayi kundi meme kabidi, bea kudi muntu amalelebwa kunyuma kwa kikondo. 9Bwalo bunamafwila banga batumibwi bubende nci, utasolelekyela yi kubikidibwa ene, mutumibwi, bwalo bunakakolomona kikokye kia Ncembi. 10Kaninga bwalo bwa lwoxixi lwa Ncembi ndo bundi munapwakala, yi lwoxixi lwanci Iwakangupebwa kalwakadi kanana ; kate nakabadika bungi bwabo yi kukamba kwa mudimo mungi ; mo kumoni meme, kate lwoxixi Twa Ncembi lwakadi yinami. 11Mbwôso ndo meme ndo bobo, coco twamakwămbila noku yi nonu nwakakwetabusa noku.
12Aka lolo Kalistu amakwambididibwa ene, akabixibwa kudi bafu, banga badi yinenu bamatôya beci ene, kwombuluka kwa bafu nyô ? 13Mo akali kwombuluka kwa bafu kakunako, Kalistu lolo akadi kasobixibwa ; 14yi ndo Kalistu akadi kasobixibwa, kwambila kwecu kudi kanana, yi kwetabusa kwenu kudi kanana kabidi. 15Ya, yi coco twamasañanibwa batôbôdi ba ncimi dia Ncempi, bwalo butwamatôbôla dia Ncembi ene, akabisa Kalistu ; utabisayi ndo bafu kabasobixibwa. 16Bwalo ndo bafu kabasobixibwa, Kalistu lolo kiena mubisa. 17Yi ndo Kalistu kiena mubisa, kwetabusa kwenu kudi kanana ; nukidi mu mabi enu. 18Mbwôso bobo kabidi bamalala tulu mu Kalistu bamancimina nya. 19Ndo tutani yi mudingidilu bwalo bwa Kalistu mo ku môyo ou, twamadika bantu boso bena maxitu.
20Mo nkyekyu Kalistu amabixibwa kudi bafu, somo a buxi a bantu bamalala tulu. 21Bwalo bwakalwa lufu kudi muntu, kudi muntu kabidi kulolwa kwombuluka kwa bafu. 22Luna bifofwa bantu boso mu Adami, binatekyebwa bantu boso yi môyo mu Kalistu kabidi. 23Kaninga muntu mwoso mu kikondo kienci ; Kalistu ndo somo a buxi, kunyuma bobo badi bena Kalistu ku kilulu kienci. 24Kunyuma kunalwa ku sula, panalongolayi bufumu kudi Ncembi Tete, panakala amapwesa bunene bwoso, yi bumanya bwoso, yi ngulu mioso. 25Bwalo bunakalayi yi bufumu pôi kikondo kinakalayi amapwesa batandañani boso muxi mwa makasa anci. 26Mutandañani a ku sula unalengolebwa udi lufu. 27Bwalo bwamapwesayi bintu bioso muxi mwa makasa anci. Mo patôyayi ene, Bintu bioso biamapwexebwa, twalembetela ene, you kasopwexebwa akapwesa bintu bioso muxi mwanci. 28Yi panakala bintu bioso biamapwexebwa muxi mwanci, kunyuma Mwana kabidi mikyenci unapwexebwa muxi mwa you akapwesa bintu bioso muxi mwanci, bixeakala Ncembi bintu bioso mu bintu bioso.
29 Ape kutena noku, bobo pako banakwenca beci bamanumeyebwa ku micwe ya bafu ? Ndo bafu kabasobixibwa pô, kukai lolo bantu bamanumeyebwa ku micwe yabo ? 30Kukai coco kabidi twamakwemana yi mutete ku ola mwoso ? 31Ngwatôya ku bwalo bwa mwanu ěnu ungwañana mu Kalistu Yisu Fumwecu ene, ntanafwa dituku dioso. 32Ndo namatanda yi nyama ku Efeso yi mutandilu ă bantu, kutetowa kwamene kudi kupai ? Ndo bafu kabasobixibwa, tudi, tunwi, bwalo butufofwa mankyelo.
33Kanudimbibwi ; kusangila yi malo mabi ndo kwasalula miesambu yinengela. 34Nubiki yi mwosambu ă nkwami, kanwoni ; bwalo butena banga bantu yi kilubukilu kia Ncembi ; ngwatôya noku ndo kunuxipa bundu.
35Kate munga muntu unatôya ene, Bafu babixibwa beci ? balolwa yi mumbidi ă mwocindu kai ? 36Mudibi, kintu kiakuna owe kakisobixibwa yi môyo kutena kiamafwa. 37Yi kintu kiakuna owe, kusokuna mumbidi ou unakalakio yinau, kate mutongu mutupu, ambeci ă mwobeli, ndo ă bunga butonga. 38Mo Ncembi amaupela mumbidi ămamonayi loko, yi ku mutongu mwoso mumbidi ău mikyeu. 39Munyu mwoso kauna munyu umoumwe ; kate munyu umoumwe udiko ă bantu, munga munyu ă nyama, munga munyu ă nyonyi, munga ă yixi. 40Mimbidi idiko lolo ya mu diulu, yi mimbidi ya ku loboko ; kate dikai dia mu diulu didi pabwadio, yi dikai dia ku loboko didi pabwadio. 41Dikai didiko dimodimwe dia diba, yi dinga dikai dia ngondo, yi dinga dikai dia mitoto ; bwalo bwaxiyañana mutoto yi mutoto dikai. 42Mo nako kabidi yi kwombuluka kwa bafu. Mumbidi ămakunibwa yi musalu, ămabixibwa kutena musalu ; 43ămakunibwa yi lukisu, ămabixibwa yi dikai ; ămakunibwa yi bubombu, ămabixibwa yi ngulu ; 44ămakunibwa mumbidi ă mwosambu ă bantu, ămabixibwa mumbidi ă mwosambu ă Mwoxixi. Ndo mumbidi udiko ă mwosambu ă bantu, mumbidi udiko kabidi ă mwosambu ă Mwoxixi. 45Mbwôso kwamafundibwa ene, Muntu a buxi Adami akapangibwa muna môyo ; Adami a ku sula udi ndo mwoxixi a kupañana môyo. 46Kaninga ou kiena buxi ă mwosambu ă Mwoxixi, kate ou ă mwosambu ă bantu ; yi kunyuma ou ă mwosambu ă Mwoxixi. 47Muntu a buxi udi muna loboko, a yimbwi ; muntu amubidi udi muna diulu. 48Bea bidi you a yimbwi ndo biapwakala bantu kabidi badi bena yimbwi ; yi bea bidi you a diulu biapwakala bantu kabidi badi bena diulu. 49Yi bea bitwamacwala kifwanisa kia you a yimbwi ndo bitunacwala kabidi kifwanisa kia you a diulu.
50Nkyekyu ngwatôya noku, bakunyi ; ene, munyu yi maxi kaubiyi kukita bufumu bwa Ncembi mwokito, yi musalu kausokita mwokito utena musalu. 51Numoni, meme nwebesa bwalo bwa bwisa ; katunalala tulu bungi bwecu, mo tunapiludibwa bungi bwecu, 52mu kakondo kabende nci, mu kikuminu kia diso mbodya, ku mpungi a ku sula ; bwalo bunatôya mpungi, yi bafu banabixibwa kutena musalu, yi coco tunapiludibwa. 53Bwalo budi mumbidi ou ă musalu yi dibambu dia kulata mumbidi utena musalu, yi mumbidi ou ă kufwa uxelata mumbidi utena yi kufwa. 54Mbwôso panakala ou ă musalu ămalata ou utena musalu, yi ou ă kufwa ămalata ou utena yi kufwa, ku kikondo kieki kunafikixibwa diyi diakafundibwa ene, Lufu lwamaminibwa mu bumanya. 55Owe lufu, bumanya bwebe budi kupai ? Owe lufu, kisuminu kiebe kidi kupai ? 56Kisuminu kia lufu kidi bubi, yi ngulu ya bubi idi bwadi. 57Mo Ncembi axingibwi biloba utupapa coco bumanya kudi Fumwecu Yisu Kalistu. 58Mbwôso bakunyi bamene banangibwi, nwakali kukola bô, kutena kunyinga, nulekoli matuku moso yi mudimo ă Fumu ; bwalo bunwalubukwa ene, mudimo ěnu kauna kanana mu Fumu.
Currently Selected:
1 KOLINTI 15: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
