1 KOLINTI 13
13
1ISANGA ngwatôya yi ndimi ya bantu yi ya bangele, mo ndo kiena yi nyinga, namalwa bea kiamu kia mulaku mungi, ndo bea mwangala ătenda kanana. 2Isanga lolo ndi yi mudimuxilu, yi ngwalembetela malo moso a bwisa, yi kilubukilu kioso ; yi isanga ntani yi kwetabusa kwoso kwa kututula mpongo, kaninga ndo kiena yi nyinga, ndi kanana. 3Yi isanga ngwalongola bima biamene bioso ndo kudisa bakombi, yi isanga mpapa mumbidi ămene ndo kwoxebwa, meme ndo kiena yi nyinga, kisotetowa kintu.
4Nyinga yamakwekyela yi kiekyelo kia bwika, yi idi yi bonkangi ; nyinga kayisoakala yi mwokunyo ; nyinga kayisodianina mwanu, kayisokwolubila disasa ; 5kayisoakala yi mwosambu utasoleiekyela ; kayisopalala bwalo bwanci mikyenci ; kayisonyungula mangwoso ku mucima ; kayisobanda muntu bwalo bubi ; 6kayisoxekyelela kwona mo yamaxekyelela yi sosôlwo ndongo ; 7yamakwombwa bintu bioso yi bwika ; yamakwetabusa bintu bioso yi mwetabusu ; yamadingidila bintu bioso yi mudingidilu ; yamatata bintu bioso yi kicwandundu.
8Nyinga kayisoxikila nyô ; mo ndo midimuxilu, yei yinalengolebwa ; ndo ndimi, yei yinalekyela ; ndo kilubukilu, kieki kinalengolebwa. 9Bwalo butwamalubukwa ku kusaka, yi twamadimusa ku kusaka. 10Mo panakala bwokokya bwamalwa, kusaka kunalengolebwa. 11Panakadi mwamuki nakatôya bea mwamuki, nakakwenca munda bea mwamuki, nakakwela lukanyi bea mwamuki ; binamafika mwamukulu namamana yi miesambu ya mwamuki.
12Bwalo butwamona nkyekyu bea mu mulondo lubungi peta, mo ku kikondo yikia tunamonañana ku mpala ; nkyekyu ngwalubukwa ku kusaka, mo ku kikondo yikia nakulubukwa bea binamalubukibwa kabidi.
13Nkyekyu kwamasala kwetabusa, mudingidilu, nyinga ; bintu bebi bisatu ; mo kieki kiadika bunene kidi nyinga.
Currently Selected:
1 KOLINTI 13: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
