1 KOLINTI 11
11
1UNWAKALI bokodi bamene bea bindi meme kabidi mwokodi a Kalistu.
2Nkyekyu meme nwalakana bwalo bunungwelela nkanyi mu bintu bioso, yi nwabamba mixiyilu bea binakanulongolayo. 3Mo ngwananga nuxelubukwa ene, mucwe ă mwamulumi mwoso udi Kalistu ; yi mucwe ă mwamukaxi udi mwamulumi ; yi mucwe ă Kalistu udi Ncembi. 4Mwamulumi mwoso ndo alomba ndo adimusa, udi yi mucwe ănci mubukila, amakisa mucwe ănci lukisu. 5Mo mwamukaxi mwoso ndo alomba ndo adimusa, udi yi mucwe ănci ololwo, amakisa mucwe ănci lukisu ; kulexi yi ndo amakuludibwa nyonyi. 6Ndo mwamukaxi kasoncibikibwa mucwe, akuludibwi kabidi ; kaninga ndo kuxakibwa nyonyi ndo kukuludibwa kudi bundu, ancibikibwi mucwe. 7Bwalo butaxencibikibwa mwamulumi mucwe ănci, bwalo budiyi kifwanisa kia Ncembi yi dikai dienci ; mo mwamukaxi udi dikai dia mwamulumi. 8Bwalo butakadi mwamulumi kudi mwamukaxi, kate mwamukaxi kudi mwamulumi. 9Yi mwamulumi akadi kasopangibwa ku bwalo bwa mwamukaxi, kate mwamukaxi ku bwalo bwa mwamulumi. 10Ku mucwe ou kuxeakala mwamukaxi yi bumanya ku mucwe anci bwalo bwa bangele. 11Kaninga mwamukaxi kasoakala kutena mwamulumi, ndo mwamulumi kutena mwamukaxi kumoni, mu Fumu. 12Bea biakalwa mwamukaxi kudi mwamulumi, mwamulumi kabidi ndo alelebwa kudi mwamukaxi ; mo bintu bioso bilolwa kudi Ncembi. 13Nusamboli bienu ; kudi mwosambu unengela, mwamukaxi kulomba kudi Ncembi yi mucwe ololwo ? 14Ka mwosambu ă bantu mikyeu ămanweyesa ene, ndo mwamulumi udi yi nyonyi milemile, kudi bundu yinanci ? 15Mo ndo mwamukaxi udi yi nyonyi milemile, kudi dikai yinanci ; bwalo bwamamupelebwa nyonyi yenci kibukilu ku mucwe. 16Mo ndo muntu mwoso alanda kwelesa mbata, coco katuna yi mwosambu ă noku pô, ndo bikokye bia Ncembi.
17Mo ku bunga bwalo bobu, meme kisonwalakana ; bwalo bunwalundisa bubi pa kusangila, kumoni kunengela. 18Ku buxi buxi, binwasangila mu kikokye, ngwombombwa ene, pakacikaci penu padi nkalu nkalu ; yi namacina ene, ambeci padi noku. 19Bwalo buxeakala kabidi bixe bixe pakacikaci penu, bixemoneka bantu pakacikaci penu bamakwalakanibwa. 20Mbwôso binwasangila kidi kimokimwe, kakuna ndo kudya kidilu kia Fumu. 21Bwalo budedya muntu mwoso kienci kidilu buxi panudedya ; yi muntu umoumwe udi yi ncala, yi munga udi yi nkolwa ya malufu 22Ai ! Nonu kanuna yi ncibo ya kudya yi kunwa munda ? Sungu nwatamuna kikokye kia Ncembi, yi nwaxipa bantu bundu batasodya ? Nakunutôyela kai ? Nwalakani ? Ku bwalo bobu kisonwalakana.
23Bwalo bunakangata kudi Fumu diyi dedi dinakanulongola, ene, Fumu Yisu, ku butuku bwakakwengebwayi, akangata dimpa ; 24yi pakadi amaxinga biloba, akanyowa, yi akatôya ene, Dedi ndo mumbidi ămene udi ku bwalo bwenu ; nwenci oku ndo kungwela nkanyi. 25Mo nako kabidi mpamba, pakadi bapudya, ene, Mpamba you ndo disambi dipyadipya mu maxi amene ; nwenci noku matuku moso anunonwa, ndo kungwela nkanyi. 26Bwalo matuku moso anudedya dimoa dedi, anunonwa mpamba you, nwamasakola lufu lwa Fumu pôi kikondo kilolwayi.
27Mbwôso muntu mwosb unadya dimpa, yi unanwa mpamba a Fumu, kutena kwenca noku yi nkwami, unakala yi kwona bwalo bwa mumbidi yi bwa maxi a Fumu. 28Kaninga muntu adielekyesi mikyenci, yi mo nako adi dimpa, anwi mpamba. 29Bwalo bwa you udedya yi unonwa, udiadila yi udianuna lopelo, ndo kasoxingulula mumbidi. 30Ku bwalo bobu ndo kwamakala bantu bangi yinenu bena mabombu yi bena masama, yi banga bamalala tulu. 31Mo ndo tuxedixingulula, katuxebelebwa. 32Kate panakala twamabelebwa twamatatixibwa kudi Fumu bitutaxebelebwa yi loboko. 33Mbwôso bena kwami, binwasangila kulwa dya, nukungilanani. 34Aka muntu mwoso ombombwa ncala, adi kunci kwanci ; binutaxesangila kulwa belebwa lopelo.
Ku bwalo bwa binga bintu, nakubilungika pandolwa.
Currently Selected:
1 KOLINTI 11: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
