1 KOLINTI 10

1WBWALO buntasonanga, bakunyi, nonu kwakala kutena kulubukwa dia batetecu, ene, bakadi muxi mwa dibaxi bungi bwabo, yi bakadika bungi bwabo munda mwa mai manene. 2Yi bungi bwabo bakanumeyebwa ku bwalo bwa Mosese mu dibaxi yi mu mai manene. 3Yi bakadya bungi bwabo kudya kumokumwe kwa Mwoxixi, 4yi bakanwa bungi bwabo kunwa kumokumwe kwa Mwoxixi ; bwalo bwakanwabo kudi Lubwe lwa Mwoxixi Iwakabalanda, yi Lubwe lwakadi Kalistu. 5Kate ku bwalo bwa bantu bangi yinabo, Ncembi akadi kasobaxekyelela ; bwalo bwakaxindibwabo mu mbata a kisobe.

6Bintu bebi noku lolo biakadi bielekyexelu bia bwalo bwecu, bitutaxeakala bena luxindilu lwa bintu bibi, bea biakadibo yi luxindilu. 7Kanwakadi lolo baxingidi ba ngixi luna banga yinabo ; bea biakafundibwa ene, Bantu bakaxikama ndo kudya yi kunwa, yi bakakwemana ndo kusaba. 8Katwakadi bena madibi kabidi, bea biakadi banga yinabo bena madibi ; yi bakapona ku dituku dimodimwe bantu masangi abidi a nkone yi bantu nkone isatu. 9Katwelekyexi Fumu lolo, bea biakamwelekyesa banga yinabo, yi bakaxipibwa kudi nyoka. 10Kanupindudi mapindu lolo, bea biakapindula banga yinabo, yi bakaxipibwa kudi muxipanani.

11Mo bintu bioso bebi biakabaponena luna bielekyexelu bia malof yi biakafundibwa ndo kutudimusa coco bamatulula ku sula kwa mieciya. 12Mbwôso you encenca ene, amakwemana, adingili ximbi uxepona. 13Kielekyexelu kioso kakisonukwata kitena luna kia bantu boso ; kaninga Ncembi udi yi kibaku utasonulekyela ndo kwelekyexebwa ku lwedi lunutasoponyañana yinalu ; kate unadipula kipandilu yi kielekyexelu ndongo binuxelubukwa kwekyela yi bwika.

14Mbwôso banangibwi bamene, nucini kixingilu kia ngixi. 15Ngwatôya bea kudi bena bwinu ; nusamboli mungwatôya. 16Mpamba a lotumbu utwatumbisa, ka busangilafiani bwa maxi a Kalistu ? Dimpa ditwanyowa, ka busangilafiani bwa mumbidi ă Kalistu ? 17Bwalo butudi coco, isanga bangi, dimpa dimodimwe yi mumbidi umoumwe ; bwalo butwamakwabanyafiana ku dimpa dedi dimodimwe. 18Numoni bena Isalele ku bwalo bwa munyu ; bobo badedya malongi amalongolebwa ki badi yi busangilafiani bumobumwe yi kilongolelu ? 19Mbwôso ngwatôya beci ? Ene, dilongi diamalongolebwa ngixi didi bwalo ? Ndo ene, ngixi udi bwalo ? 20Kate ngwatôya ene, bintu biamalongola mabila malongi, bamabilongola kudi bidimu bibi, kumoni kudi Ncembi ; yi meme kisoli nuxesangilañana yi bidimu bibi. 21Kanubiyi kunwa mpamba a Fumu yi mpamba a bidimu bibi ; kanubiyi kwabanyafiana yi mesa a Fumu, yi mesa a bidimu bibi. 22Coco twatekyesa Fumu mwokunyo ? Coco tumwadika ngulu ?

23Bintu bioso bialelekyela ndo kwencebwa ; kate bintu bioso kabina yi kipoma kinengela ; bintu bioso bialelekyela ndo kwencebwa, kate bintu bioso kabisokwabakafiana. 24Muntu kapaladi bwalo bwanci mikyenci, kate bwalo bwa muna kwanci. 25Kintu kioso kiamakwodixibwa mu bixipilu bia nyama, nudi, kutena kwapangusa mwapangusu ku mucwe ă kilubukilu kia munda. 26Bwalo budi loboko lwa Fumu yi kiolubilu kialu. 27Aka muntu abo a bantu batasokwetabusa amanuswala ku bidya, yi nonu nwananga kuya, nudi kintu kioso kiamatekyebwa ku mpala yenu, kutena kwapangusa mwapangusu ku mucwe ă kilubukilu kia munda. 28Mo ndo muntu amawambila ene, you amalongolebwa ngixi dilongi, kanudi ku bwalo bwanci bwa you apwebesa noku yi ku bwalo bwa kilubukilu kia munda. 29Ngwatôya ene, kilubukilu, kumoni kiebe, kate kia munga you ; bwalo bwamabelebwa bumanya bwamene ku kilubukilu kia munga muntu kukai ? 30Meme ndo ndedya yi biloba, kukai namatangolebwa ku mucwe ă kintu kieki kinamakixingila biloba ?

31Mbwôso ndo nudedya, ndo nunonwa, ndo nwencenca kintu kioso, nwenci bintu bioso ndo kulundisa dikai dia Ncembi. 32Kanwakadi biponexelu ndo kudi bena Yuda, ndo kudi bena Ngiliki, ndo kudi kikokye kia Ncembi. 33Bea bingwaxekyelesa bantu boso kabidi mu bintu bioso, kumoni kupalala kutetowa kwamene mikyemi, kate kwa bantu bangi, bixepandixibwabo.

Currently Selected:

1 KOLINTI 10: Luna_NT

Highlight

Copy

Compare