MALAKI 1

1Ili lyo isyu lya Ntwa ili alimbulile Malaki ukuti ababule abanya Israeli munkunguluka.

Ulugano lwa Ntwa Kyala pa banya Israeli

2 # Rom 9.13 # Yes 34.5-17; 63.1-6; Yere 49.7-22; Eze 25.12-14; 35.1-15; Amosi 1.11-12; Obad 1-14 Untwa ikubabula abandu bake ikuti, “Mbaganile umwe.” Loli umwe mukulalusya mukuti, “Ngimba utuganile bulebule uswe?” 3Untwa ikulalusya ikuti, “Ngimba Esau akaya yo nkulu gwa Yakobu? Loli pope une nunganile Yakobu, numbengile Esau. Ikisu kyake ikya mfyamba nkipelile ukuya fisame, kangi ubuyo bwa bisabo mbupelile ukuya bwakwitugalamo ifinyamana fya mmatengele.” 4Linga aba nkisu kya Edomu bikuyoba bikuti, “Utwaya twitu tupalaganike tusumwike pakutuyenga kangi utu twipelile fisame,” Untwa ikuyoba, ikuti, “Linga bikuyenga, loli nisakutubulutula, abene bisakuyobigwaga ukuti, ubunyafyale bwa buniongafu, ikikolo kya bandu aba Untwa abagunile bwila na bwila.”

5Yu yumwe mwibene mwisakusibona sisisi na maso ginu, kangi mwisakuyobaga ukuti, “Untwa Kyala yo nkulumba, ubukulumba bwa Kyala buyile kufika na ku fisu ifi fili kubutali nikisu kya Israeli.”

Untwa ikubakemela abaputi

6Untwa gwa filundilo ikuyoba ukuti, “Umwana yo ikungindika ugwise, untumwa yope ikungindika umalafyale gwake. Linga une ndi gwisemwe, ngimba lulikugu ulwimiko ulu mumbele une? Linga une ndi malafyale gwinu nongwa yafiki mutikunyimika une, umwe mukuyiywelula ingamu yangu, pope mukulalusya mukuti, ‘Ngimba tuyiywelwile bulebule ingamu yako?’ 7Muyiywelwile papo mukwikemesya pafigemo ifi fikabagila. Po lelo mukulalusya mukuti, ‘Ngimba tutoligwe bulebule ukukwimika ugwe?’ Papo mukukiywelula ikigemo kyangu. 8Apa mukutwala ifya kwikemesya finu ifi fifwile amaso, ifi fibinile, ifi filemele, ngimba mukwinogona ukuti bukayamo ububibi? Bule linga muntwalile undindilila kisu gwinu, ngimba naloli abagile ukwikyela nanumwe, pamo ukubagana umwe?”

9Loli lilino umwe mwe baputi, mupyelesyege kwa Kyala ukuti ayege nikisa kumyinu. Namanga atisa kupilika inyiputo syinu, kangi ubu bwisakuya busobi bwinu. 10Untwa gwa filundilo ikuyoba ikuti, “Nalondaga ukuti yumo igaleko ififigo fya Nyumba Inyikemo ukuti mungakosyaga umoto pa kigemo kyangu. Ndikwikyela nanumwe, kangi ndikwambilila amakemo aga mukundwalila une. 11Namanga ukwanda kubusokelo ilisuba ukwakufika kubwingililo bwake, abandu bikunyimika une. Kosakosa itolo, bikokya amakemo ga twakufukisya mu ngamu yangu, kangi namakemo aga gangyelile une. Bosa itolo bikunyimika une. 12Loli umwe mukuyinyasya ingamu yangu apa mukuyoba mukuti, ikigemo kya Ntwa Kyala kinyalile, apa mukwikemekesyapo amakemo amasita kubagila. 13Untwa gwa filundilo ikuyoba ikuti, Mwe mukuyoba mukuti, ‘Ko kukatasya kuki,’ syosa sisisi kangi mukunsinda inyuma une. Bo mukwisa pakwikemesya mukutwala, ifi muhiyile, pamo iki kilemele, pamo iki kibinile. Ngimba mukwinogona ukuti une nikukyambililaga ikya bunobuno ukufuma ku myinu? 14Agunigwege umundu, uyu ikwikemesya kumyangu ikitimigwa ikisita kubagila, bo ali nakyo ikinunu muntimo gwake iki afingile ukundwalila une! Namanga une ndi malafyale unkulumba, abandu bamfikolo fyosa bikunyimika une.”

Currently Selected:

MALAKI 1: NNBII

Highlight

Copy