Захарияа 6
6
Наймадахи үзэгдэл: дайшалхы тэргэнүүд
1Дахяад дээшээ харахадам, хоёр хадын хоорондохи хабшалһаа дүрбэн дайшалхы тэргэ гаража ябаба. Тэдэ хадануудынь үргэлжэ зэд байба. 2Түрүүшын тэргэдэнь хүсэ ехэтэ зээрдэ морид хүллөөтэй, нүгөө тэргэдэнь хара морид, 3гурбадахи тэргэдэнь сагаан, дүрбэдэхи тэргэдэ алаг морид оруулагданхай ябаба. 4Намтай хөөрэлдэжэ байһан Эльгээмэлһээ асуубаб:
– Эзэн минии, энэ баһа юун гээшэб?
5– Дүрбэн һалхин гээшэ. Тэдэ хамаг юртэмсын Эзэнэй урда гараад байна. 6Хара морид хойто зүг руу шэглэнхэй, хойноһоонь сагаан морид ябана, алаг морид үдын наранай орон тээшэ ошохо, – гэжэ Эльгээмэл харюусаба.
7Хүсэтэн газар дэлхэйе һэтэ гараха гэжэ тэгүүлэн байба. «Ябагты, газар дэлхэйгээр аялагты» гэжэ Эльгээмэлэй хэлэхэдэнь, газар дэлхэйгээр ябаба. 8Удаань Тэрэ намда хандан үгүүлбэ: «Хара даа, хойто зүгэй орондо ябагшадынь хойто зүгэй орондо хандаһан Минии сухал номгоруулба».
Ахамад санаарта ба Абарагша
9Эзэн намда зарлиг болобо:
10– Вавилоондо баряанда байһанаа Хэлдай, Тобияа ба Едаяа гэгшэд ерээд байна. Тэдээнһээ алта мүнгэ абаад, Цэпаанияагай хүбүүн Ёшияагай гэртэ тэрэ дары ошо. Тэдэ булта Вавилоонһоо бусаа мүн. 11Титим алта мүнгөөр урлажа, Ёцадаагай хүбүүн, ахамад санаартан Иисүүсэй толгой дээрэ таби. 12Тэрээндэ иигэжэ хэлэ:
Түмэн Сэрэгтэ Эзэн иигэжэ айладажа байна:
Тэрэ эрын нэрэ – Угай түлөөлэгшэ.
Түлөөлэгшын угайнь һалаа урган олошоржо,
Эзэнэй Һүмэ бүтээхэ.
13Тиимэ, Эзэнэй Һүмэ бариха хүн Тэрэ юм.
Тэрэ алдар солодо хүртэжэ, шэрээ зонхилон һууха.
Санаартан өөрын шэрээдэ һууха.
Хоорондоо эбтэй эетэй байха.
14Титимынь Һээлэмдэ ба Тобияада, Едаяада болон Цэпаанияагай хүбүүн Хээнэй аша габьяа тухай һануулан, Эзэнэй Һүмэдэ үлэхэ. 15Хаана холоһоо хамаг зон ерэжэ, Эзэнэй Һүмэ бодхоолгодо хабаадалсаха. Тиигэжэ Түмэн Сэрэгтэ Эзэн намайе танда эльгээгээ гэжэ мэдэхэт. Хэрбээ өөрын Эзэнэй үгэ түгэс дуулан дагабалтнай, эдэ бүгэдэ хүсэхэл даа.
Currently Selected:
Захарияа 6: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
