Наум 2
2
Нинэвээ хотын хосоролой үзэгдэл
1Тараан бутаргадаг нэгэн шамда добтолхоор ерэжэ байна.
Цайзаа хамгаала! Харгы замые хаража бай!
Шандааһаяа шангала, хүсэ шадалаа нөөсэлэ!
2Яков болон Израиль дайсадтаа хухалуулһан
үзэмэй модоной модондол адли.
Харин Эзэн тэдэнэй алдар солые бусааха.
3Дайсанай баатар сэрэг улаан бамбайтай, шад улаан хубсаһатай.
Байлдаанда бэлдэхэ үдэр дайшалхы тэргэнүүдэй түмэр
гал дүлэн мэтэ ялалзана, жаданууд ой модондол найгалзана.
4Дайшалхы тэргэнүүдынь үйлсэнүүдээр галзууржа урилдан,
талмайнуудаар зэрлиг мэтэ соёрно.
Тэдэ гал дүлэн, сахилгаан мэтэ ялаганана.
5Шилдэг сэрэгшэдынь бүдэрэн яаража захиралтаар гүйлдэнэ,
хотын хэрэм хана руу шуумайжа, хамгаалалта бэлдэнэ.
6Голой хаалганууд нээгдэжэ, ордон үгы болоно.
7Бүхы юумэн шиидэгдээ. Хатан нюсэгэлэгдэжэ, сүлэлгэдэ туугдаха,
шэбэгшэнэрынь гашуудан сээжээ сохихо,
тагтаагай дуугардагтал ёололдохо.
8Нинэвээ байгуулагдаһан сагһаа хойшо
уһа табидаг сөөрэмдэл адли бэлэй.
Улад зон гүйн гаражал байна.
«Зогсогты! Зогсогты!» – гэхэдэ, хэншье һөөргөө эрьенэгүй.
9Мүнгэ алта дээрмэшэлэгты! Элдэб үнэтэ хэрэгсэлнүүдэй нөөсэ дууһашагүй.
10Теэд Нинэвээ дууһан дээрмэшэлэгдээ, хооһороо, сүйдхэгдээ.
Айн һүрдэһэндөө зонойнь зүрхэн хайлажа,
үбдэгүүд шэшэржэ, хүсэ шадалынь бууража,
нюур шарайнь сухиигаа.
11Энэ хототой юун тохёолдооб?
Арсалангуудай нүхэнтэй жэшэбэл, залуу арсалангууд тэрэ газараар
сүлөө сэнгэжэ ябадаг, эрэ, эмэ арсалангууд гүлгэнтэеэ хамта
аюулгүй амидардаг мэтэ бэлэйл.
12Гүлгэдөө болон эмэ арсаланаа дүүрэн садхаахын тула олзоёо таһа татан алажа,
байдаг нүхэеэ тэрэ мяхаар дүүргэгшэ арсаландал адли һэн тэдэ.
13«Харагты даа, Би таанадые хэһээхэб! – гэжэ Түмэн Сэрэгтэ Эзэн айладана. – Дайшалхы тэргэнүүдыетнай гал дүлэндэ шатаахаб, һэлмээр сабшан, үхи хүүгэдыетнай усадхахаб, олзо оршыетнай хүрьһэтэ дэлхэйһээ үгы хэхэб. Дэлхэйн арадуудые баадхажа, занажа байдаг элшэнэрэйтнай абяа дуун бэшэ дуулдахаяа болихо».
Currently Selected:
Наум 2: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
