Малаахи 1
1
Би Яковые энхэрэн хайрланаб, харин Эсаавые үзэн яданаб
1Эзэн лүндэншэ Малаахида дамжуулан, Израилиин арад түмэндэ хандаа бэлэй. Тэрэ хандалгань энэ. 2«Хайра дурамни таанад тээшэ эрьенхэй» гэжэ Эзэн айладхана. Гэбэшье таанар «Танай дура үршөөл ямар юумэнһээ эли болохо жэшээтэйб?» гэжэ асуудаг байнат. Эзэн энээндэ харюусана:
– Эсаав Яков хоёр аха дүү болоно. Гэбэшье Минии сэдьхэл Яков тээшэ эрьенхэй. 3Харин Эсаавые үзэн ядажа, хадата орон нютагыень хооһон болгооб. Мүнөө тэндэнь губиин сүүбэн шононууд амидардаг. 4«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ». 5Таанад энээниие нюдөөрөө үзэжэ, «Эзэн Израилиин хизаарта үргэмжэлэгдэхэ болтогой» гэжэ хэлэнэт.
Санаартадай нүгэл: тэдэ Эзэнэй урда һүгэдэн бэшэрэнэгүй
6Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта. 7Таанар бузартай талха Минии үргэлэй шэрээ дээрэ үргэжэ байгаад, «Бидэ Танай нэрэ яажа доройтуулаабибди?» гэнэт. Иихэдээ таанар «Эзэнэй шэрээ бузарлагдаха болтогой» гэжэ хэлэнэт. 8Таанар һохор мал тахил болгон үргэжэ байхадаа, энэ муу бэшэ гэнэ гүт? Таанад дохолон болон үбшэн хони мал үргэжэ байхадаа, энэ муу бэшэ гэнэ гүт? Энээниие удамаршадаа абаашажа үгэгты. Тэрэ юун гэгшэ ааб? гэжэ Түмэн Сэрэгтэ Эзэн айладажа байна. 9«Тэрэниие бидэндэ нигүүлэсхы сэдьхэлээр хандуулхын тулада таанар санаартад Бурханда зальбарагты. Таанадай иимэрхүү үргэлтэй байхада Тэрэ хүлеэн абаха гү?» – иигэжэ Түмэн Сэрэгтэ Эзэн айладана. 10«Минии үргэлэй шэрээ дээрэ гал носоожо байнхаар хэн нэгэнтнай хаалгаяа хааха байгаа. Би таанадта дураа гутажа байнаб, таанадай гарһаа үргэлытнай абахагүйб» гэжэ Түмэн Сэрэгтэ Эзэн айладажа байна.
11«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба. 12Харин таанад «Эзэнэй үргэлэй шэрээ бузарлагдаа, үргэлэй эдеэн, үрэ жэмэсынь жэрхэмээр» гэжэ хэлэхэдээ, тэрэниие бузарлажа байнат. 13Таанадта энэ шэрээдэ байһан хоол таагүй, «ямар зоболонтой юм бэ» гэжэ хэлээд, зэбүүсэнгүй һэжэглэнэт. Һүүлээрнь үргэл гэжэ хулгайн, дохолон дорой, үбшэн мал асарнат. Тэрэнииетнай Би танай гарһаа абаха болоно гүб? 14Хонин һүрэгтэнь һайн хусын байхада, тэрэниие үргэхэб гэжэ тангариглаһан аад, Эзэндэ асархадаа, үбшэн малаар андалдаад үргэлдэ асардаг хуурмаг зон хараалда хүртэг. Ушарынь хадаа Би агууехэ Хаанби, арад үндэһэтэд Минии нэрэһээ һүрдэдэг! Иигэжэ Түмэн Сэрэгтэ Эзэн айладана.
Currently Selected:
Малаахи 1: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
