Һошээ 12
12
1Израилиин арад зон бүхэли үдэрөө хэндэшье хэрэггүй ажал хэнэ. Худал хуурмаг ябадал, хархис муухай хэрэгүүд үдэр бүри олошорно. Ассиритэй тэдэ хэлсээ батална, Египет руу оливын тоһо абаашана».
2Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха. 3Яков эхын умайда үшөө байхадаа ахаяа мэхэлээ. Тиигээд томо болоходоо, Бурханай урдаһаа тулаба. 4Бэт-Ээлдэ тэрэ Бурханай Эльгээмэлтэй тулалдажа, диилээ һэн. Бурханһаа үреэл эрижэ, тэрэ уйлан-хайлан байгаа бэлэй. Тиихэдэнь Бурхан маанадта зарлигаа айладхаа һэн. 5Энэ хадаа Түмэн Сэрэгтэ Эзэн Бурхан мүн, ой ухаанда хадуугдаха нэрэнь Эзэн мүн! 6Тиимэһээ ши Бурхандаа буса. Үнэн сэхэ, шударга бай, Бурхандаа хододоо найда!
7Эзэн иигэжэ айладана: «Ханаһаанай зондол адли, Израилиин арад худал шэгнүүрээр зониие мэхэлхэ дуратай байна. 8Бидэ баямди, олон зөөритэйб, тиигээд хэншье намайе нүгэл хэжэ, эдэ бүгэдые үбэршэлөө гэжэ хэлэжэ шадахагүй гээд тэдэ хэлэнэ. 9Теэд Би, Египедһээ эхилэн таанадые дахуулан байгааша Эзэн Бурхантнай, сүл губида таанадай байрлаһандал адляар, майхангуудта таанадые байрлуулхаб.
10Би лүндэншэдтэ айладхаа бэлэйб, үзэгдэлнүүдые олоор үзүүлээб, лүндэншэдөөр дамжуулан, арадта һэргылтэнүүдые эльгээгээб. 11Галаад угаа нүгэлтэй болоо, энэ һандаралаар дүүрэхэ. Гилгаалда буруудые үргэл болгон үүсэлээ, теэд үргэлэй тэдэ шэрээнүүд таряалангай хажуугаар байгша шулуун мэтэ һандаргагдан хаа-хаанагүй хаягдаха». 12Яков Араамай талмайнууд руу тэрьедэн ошожо, һамга абахын тула хони адуулан байгаа. 13Египедтэхи богоол ядуу байдалһаа Израилиин арад түмэниие абархын тула Эзэн лүндэншөө эльгээгээ, лүндэншөөр дамжан, арадаа харууһалаа һэн. 14Израилиин арад зон Эзэниие угаа уурлуулаа, аламаар хэрэгүүдые хээ. Тиимэһээ Эзэн доромжолһонойнь түлөө өөһэдыень усадхаха.
Currently Selected:
Һошээ 12: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
