Һошээ 1
1
1Уззияа, Ётаам, Ахааз, Хэзэкияа гэгшэдэй Иудын хаашуул, Ехоһаашай хүбүүн Еробоһаамай Израилиин хаан байха үе сагта Бээриигэй хүбүүн Һошээдэ Эзэнэй дамжуулһан үгэнүүд эдэ мүн.
Забхай ябадалтай Гоомэр һамган болбол урбагша Израилиин дүрэ мүн
2Эзэн Һошээдэ анха түрүүн айладхажа эхилхэдээ, иигэжэ захирһан байна:
– Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.
3Һошээ ошоод, Диблааһимай басаган Гоомэрые һамга абаба. Гоомэр хээлитэй боложо, тэрээндэ хүбүү түрэбэ. 4Эзэн Һошээдэ хандан:
– Тэрээндэ Езрээл#1:4 Эхэ еврей хэлэн дээрэ «Езрээл» хадаа «Бурхан сасан тараана» гэһэн удхатай. гэжэ нэрэ үгэ. Юуб гэхэдэ, Езрээлдэ Еһүү хаанай хэһэн алалга-хюдалгын түлөө Би өөрынь үринэрые удахагүй үгы хэхэб!#1:4 Еһүү Израилиин хааниие болон түрэлхидыень алажа, өөрөө хаан болоһон байна (Хаан түрэнүүд тухай 2-дохи ном, 9:15–10:14). 5Тэрэ үдэр Езрээлэй нюрууда Израилиин хүсэтэ сэрэгые бута сохихоб, – гэбэ.
6Удаань һамганиинь дахин хээлитэй боложо, басага түрэбэ. Эзэн Һошээдэ:
– Басагандаа Ло-Рухамаа#1:6 Эхэ еврей хэлэн дээрэ «Ло-Рухамаа» хадаа «Хайрлагдахагүй» гэһэн удхатай. гэжэ нэрэ үгэ. Юуб гэхэдэ, Израилиин уладые Би бэшэ хайрлажа, хүлисэжэ байхагүйб. 7Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.
8Ло-Рухамаае хүхэнһөө гаргаһанай удаа һамганиинь дахин хээлитэй боложо, үшөө нэгэ хүбүү түрэбэ. 9Эзэн Һошээдэ айладхаба:
– Тэрээндэ Ло-Аммии#1:9 Эхэ еврей хэлэн дээрэ «Ло-Аммии» хадаа «Минии арад түмэн бэшэ» гэһэн удхатай. гэжэ нэрэ үгэ. Юуб гэбэл, Израилиин арад зон Минии бэшэ, Би тэдэнэй Бурхан бэшэб.
Нэгэдэһэн Израилиин хаан ороной һэргээгдэхэ тухай лүндэн табилга
10Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ. 11Иудын болон Израилиин улад зон хамтаржа, өөһэдтөө нэгэ удамаршые шэлэжэ табиха, өөрын газар уһанда бусаха. Энэ болбол Езрээлэй агууехэ үдэр болохо!
Currently Selected:
Һошээ 1: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
