Амоос 6
6
Бардам зантай, хашалгүй амархан һуугааша Израильда гай тодхор тохёолдохо
1Арадай удамаршад, бүхы Израилиин түшэг тулгуубари таанадта,
Сион уула дээрэ хашалгүй байгаашадта,
Самариин гүбээ дээр амархан һуугаашадта гай тодхор тохёолдохо!
2Калнээ ошоод харыта,
агууехэ Хамаат руушье ошыт,
Пилиштын Гаат руушье ябаарайт, –
эдэ хан түрэнүүдһээ таанад хүсэтэй аалта?!
3Гай гасалангай үдэр холодуулан,
болзорынь хойшо татан байха һанаатайт.
Теэд гансал хүсэрхэл мандахые ойртуулнат.
4Заанай яһаар бүтээгдэһэн шэрээнүүд дээр
хэбтэн һагад һуужа,
зөөлэн үнжэгэн мяхатай хурьга,
тарган, тобир тугал зооглон байнат.
5Морин хуурай дууряан доро,
Давидһаа муу бэшэ хүгжэмшэд аялга дуу дуулана.
6Иосифой уг удамай һалажа байгаа тухай
түр зуурханшье һанаа зобонгүй,
тахилай аягаһаа үзэмэй дараһан архи уужа,
эрхим гүгэл түрхинхэй һуунат.
7Тиимэһээ таанад эгээл түрүүн туугдахат.
Тэндэ хэбтэжэ байха арга таанадта олдохогүй!
8Түмэн Сэрэгтэ Эзэн Бурхан Өөрөөрөө тангариглажа, иигэжэ айладана:
Яковай бардам зан Намда жэгшүүритэй,
бүхэлэлтэнүүдыень үзэн яданаб.
Хотые бүхы ажаһуугшадтайнь хамта
дайсадай гарта дамжуулхаб!
9Ямар нэгэн гэртэ арбаханшье зон үлөө һаа, тэдэшье хосорхо. 10Түрэлэй хэн нэгэн наһа барагшые хүдөөлүүлхэеэ, шарилынь занданшуулхаа ерэхэ. Нүгшэһэн бэе гэрһээ гаргажа байхадаа Тэрэ иигэжэ асууха: «Үшөө хэн байнаб?» Тэрэнь харюусаха: «Хэншьегүй». Тиихэдэнь тэрэ иигэжэ хэлэхэ: «Ааляар! Эзэниие дурдаагүй һаа, дээрэ».
11Удахагүй Эзэн ордонгуудта һандарал болохые,
гэрнүүдтэ һандархай болохые захирха.
12Хабсагайгаар морин соёрхо гү?!
Далайн уһа сар хүллэн хахалдаг юм гү?!
Тэрээн мэтэ таанад зүб хуулиие хорон,
зүб шударгые шаралза болгонот.
13Ло-Дэбаарта баясан бахархажа, «Карнааһим өөһэдөө эзэлэн абажа шадаабди!» гэлдэнэт. 14Түмэн Сэрэгтэ Эзэн Бурхан иигэжэ айладана: «Израильшууд, таанадые Лэбоо-Хамаатһаа Арабаагай нюруу хүрэтэр хашан үлдэхэ арадые удахагүй таанад руу ябуулхам!»
Currently Selected:
Амоос 6: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
