Амоос 3
3
Израилиие шэлэн абаа, мүн хэһээхэ
1Израилиин улад зон, таанар тухай, Египедһээ гаргаһан бүхы обогууд тухай, Эзэнэй айладхал дуулагты!
2Дэлхэйн обогуудһаа гансал таанадые мэдэржэ байгааб.
Тиимэһээ бүхы гэмэйтнай түлөө таанадыел шиидхэн асуухаб.
Лүндэншэн Эзэнэй тэрээндэ нээһэн юумые айладхадаг
3Хоёр хүн уулзахаяа болзолдоогүй байжа хамта алхална юм аал?!
4Ямаршье олзогүй байһан аад, арсалан ой соо архирдаг юм гү?!
Ямаршье юумэ баряагүй аад, залуу арсалан нүхэн сооһоо архирха аал?!
5Урьха соо ямаршье хоолой байхагүйдэ шубуун газарта байгаа урьха руу унан орохо юм аал?!
Юунэйшье тэндэ ороогүй байтар урьха газарһаа үргэгдэхэ юм аал?!
6Хото соо бүреэ үлеэхэдэ, зон шэшэрэлдэхэгүй юм гү?!
Хото соо гай тодхор тохёолдобол, тэрэниие Эзэн хэһэн бэшэ юм гү?!
7Үнэн дээрээ Эзэн Бурхан зарасанартаа, лүндэншэдтээ, нюусаяа нээгээгүйдээ юушье хэдэггүй.
8Арсаланай архирхада хэн айхагүйб?!
Эзэн Бурханай айладхахада хэн лүндэн табингүй байхаб?!
Эзэн шүүбэрилэн хэһээнэ
9Ашдоодой болон Египедэй хэрэмүүд соо тунхаглыта!
«Самариин хаданууд дээрэ сугларагты!
Тэрээн соо боложо байгаа угаа
ехэ худхаляа үймөө, дарлалтые харыт!» – гэжэ хэлыта!
10Үнэн зүбөөр яажа ажаһуухые тэдэ мэдэдэггүй,
хэрэмүүд соогоо гансал хүсэрхэл,
дээрмэшэлгээр баялиг суглуулаа! –
гэжэ Эзэн айладхана.
11Тиимэһээ Эзэн Бурхан иигэжэ айладхана:
«Дайсан бүхы орон нютагые бүһэлхэ,
хүсэ шадалыетнай бууруулха,
хэрэм хотонуудтнай дээрмэшэлэгдэхэ!»
12Эзэн иигэжэ айладана:
Хонишон арсалангай аманһаа хоёр хүл ба шэхэнэй таһархайе буляан абадаг мэтэ Самарида оршогшо израильшуудһаа гансал ороной булан ба диванай торгон үлэхэл!
13Түмэн Сэрэгтэ Эзэн Бурхан иигэжэ тунхаглажа байна:
Шагнагты, Яковай гэрые һэргылэгты!
14Юуб гэбэл, Израилиие гэм зэмынь түлөө шиидхэхэ үдэртөө
Би мүн лэ Бэт-Ээлэй үргэлэй шэрээнүүдыешье шиидхэхэб,
үргэлэй шэрээгэй эбэрнүүд таһа татагдажа, газарта унахал!
15Үбэлэй, зунайшье ордонгуудые сохин һандаахаб,
заанай яһаар баригдаһан ордонгуудые, мантан томо ордонгуудые үгы хэхэб!
Энэ болбол Би, Эзэн, айладхана мүн!
Currently Selected:
Амоос 3: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
