Софоний 2
2
Господьӧс корсьысьяс мездмасны
1Тӧдмалӧй, тӧдмалӧй асьнытӧ, яндысьтӧм йӧз,
2кытчӧдз оз во индӧм кад,
кытчӧдз лунъясыс оз лэбны кыд моз,
кытчӧдз оз киссьы тіян вылӧ Господьлӧн яр скӧрлуныс,
кытчӧдз оз су тіянӧс Господьлӧн скӧралан луныс.
3Корсьӧй Господьӧс,
мувывса рам сьӧлӧмаяс,
Сылӧн Индӧд серти олысьяс.
Корсьӧй веськыдлунсӧ,
корсьӧй рамлунсӧ,
сэки, гашкӧ, ті верманныд дзебсьыны
Господьлӧн скӧралан лунӧ.
Филистим муӧс мыждӧм
4Газаӧс эновтасны,
Аскалон кушмас,
Азотын олысьясӧс луншӧрнас вӧтласны,
Экронӧс вужнас нетшыштасны.
5Курыд шог саридздор муын олысьяслы,
керетса войтырлы.
Господь висьталӧ Ханаан му йылысь,
шуӧ Филистим му йылысь:
– Ме бырӧда тэнӧ,
тэнад оз коль олысьыс.
6Саридздорса му лоӧ йирсянінӧн,
ыжъяслы йӧртӧдӧн.
7Сійӧ муыс вичмас Иуда чужанкотырлӧн коляслы,
сэні найӧ пондасны видзны ыж-мӧснысӧ,
войнас найӧ пондасны узьны-шойччыны аскалонса керкаясын.
Ӧд Господь Ен кутас тӧждысьны на вӧсна,
Сійӧ бара сетас налы бур олӧм.
Моав да аммон войтыръясӧс мыждӧм
8Ме кывлі Моавлысь омӧльтӧмсӧ,
кывлі аммон войтырлысь лёкӧдӧмсӧ,
кыдзи найӧ увтыртісны Менсьым войтырӧс,
кыдзи повзьӧдлісны, мый уськӧдчасны на вылӧ.
9Та вӧсна Ме кыв сетӧмӧн кӧсйыся Аслам олӧмӧн,
– висьталӧ Господь Саваоф, Израильлӧн Ен, –
Моав лоӧ Содом кодь,
аммон войтыр лоӧ Гомора кодь,
налӧн муясыс тырасны ёг турунӧн,
лоӧны сола гуӧн,
пыр кежлӧ лоӧны овтӧминӧн.
Менам коляс войтырӧй куштас найӧс,
Менам войтырысь ловйӧн кольӧмаяс босьтасны налысь мусӧ.
10Тайӧ суас найӧс вылӧ кыпӧдчӧмысь,
суас сыысь, мый найӧ омӧльтісны
да повзьӧдлісны Господь Саваофлысь войтырсӧ.
11Найӧ кутасны ёна повны Господьысь,
ӧд Господь бырӧдас мувывса став енсӧ.
Став йӧзыс кутасны копрасьны Господьлы,
быд морт копыртчас Сылы аслас муын.
Эфиопияӧс да Ассурӧс мыждӧм
12Ті, Эфиопия войтыр,
куланныд Менам шыпуртысь.
13Господь нюжӧдас Ассьыс кисӧ войвывлань
да бырӧдас Ассур му,
Сійӧ пазӧдас Ниневия кар,
вӧчас сійӧс кос муӧн, овтӧминӧн.
14Сэні кутасны узьны-шойччыны
пемӧс чукӧръяс да вӧлявывса зверъяс,
ёж да пеликан кутасны узьны усьӧм сюръяяс дорын,
стен розьясысь кутас кывны налӧн гӧлӧс шыныс.
Ӧдзӧс тагӧсъяссӧ лоӧ жугӧдӧма,
сус пу эжӧдсӧ стенъяссьыс лоӧ кульӧма.
15Татшӧмӧн лоӧ кар, кӧні йӧзыс гажӧдчылісны,
тӧждысьтӧг олісны,
ас пытшканыс шуалісны:
«Миян кар кодь мӧдыс абу».
Но ӧні сійӧ лои киссьӧм карӧн,
зверъяслы – дзебсянінӧн.
Сы дінті мунысьяс пондасны шутьлявны,
кинас швачӧдны боканыс.
Currently Selected:
Софоний 2: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Софоний 2
2
Господьӧс корсьысьяс мездмасны
1Тӧдмалӧй, тӧдмалӧй асьнытӧ, яндысьтӧм йӧз,
2кытчӧдз оз во индӧм кад,
кытчӧдз лунъясыс оз лэбны кыд моз,
кытчӧдз оз киссьы тіян вылӧ Господьлӧн яр скӧрлуныс,
кытчӧдз оз су тіянӧс Господьлӧн скӧралан луныс.
3Корсьӧй Господьӧс,
мувывса рам сьӧлӧмаяс,
Сылӧн Индӧд серти олысьяс.
Корсьӧй веськыдлунсӧ,
корсьӧй рамлунсӧ,
сэки, гашкӧ, ті верманныд дзебсьыны
Господьлӧн скӧралан лунӧ.
Филистим муӧс мыждӧм
4Газаӧс эновтасны,
Аскалон кушмас,
Азотын олысьясӧс луншӧрнас вӧтласны,
Экронӧс вужнас нетшыштасны.
5Курыд шог саридздор муын олысьяслы,
керетса войтырлы.
Господь висьталӧ Ханаан му йылысь,
шуӧ Филистим му йылысь:
– Ме бырӧда тэнӧ,
тэнад оз коль олысьыс.
6Саридздорса му лоӧ йирсянінӧн,
ыжъяслы йӧртӧдӧн.
7Сійӧ муыс вичмас Иуда чужанкотырлӧн коляслы,
сэні найӧ пондасны видзны ыж-мӧснысӧ,
войнас найӧ пондасны узьны-шойччыны аскалонса керкаясын.
Ӧд Господь Ен кутас тӧждысьны на вӧсна,
Сійӧ бара сетас налы бур олӧм.
Моав да аммон войтыръясӧс мыждӧм
8Ме кывлі Моавлысь омӧльтӧмсӧ,
кывлі аммон войтырлысь лёкӧдӧмсӧ,
кыдзи найӧ увтыртісны Менсьым войтырӧс,
кыдзи повзьӧдлісны, мый уськӧдчасны на вылӧ.
9Та вӧсна Ме кыв сетӧмӧн кӧсйыся Аслам олӧмӧн,
– висьталӧ Господь Саваоф, Израильлӧн Ен, –
Моав лоӧ Содом кодь,
аммон войтыр лоӧ Гомора кодь,
налӧн муясыс тырасны ёг турунӧн,
лоӧны сола гуӧн,
пыр кежлӧ лоӧны овтӧминӧн.
Менам коляс войтырӧй куштас найӧс,
Менам войтырысь ловйӧн кольӧмаяс босьтасны налысь мусӧ.
10Тайӧ суас найӧс вылӧ кыпӧдчӧмысь,
суас сыысь, мый найӧ омӧльтісны
да повзьӧдлісны Господь Саваофлысь войтырсӧ.
11Найӧ кутасны ёна повны Господьысь,
ӧд Господь бырӧдас мувывса став енсӧ.
Став йӧзыс кутасны копрасьны Господьлы,
быд морт копыртчас Сылы аслас муын.
Эфиопияӧс да Ассурӧс мыждӧм
12Ті, Эфиопия войтыр,
куланныд Менам шыпуртысь.
13Господь нюжӧдас Ассьыс кисӧ войвывлань
да бырӧдас Ассур му,
Сійӧ пазӧдас Ниневия кар,
вӧчас сійӧс кос муӧн, овтӧминӧн.
14Сэні кутасны узьны-шойччыны
пемӧс чукӧръяс да вӧлявывса зверъяс,
ёж да пеликан кутасны узьны усьӧм сюръяяс дорын,
стен розьясысь кутас кывны налӧн гӧлӧс шыныс.
Ӧдзӧс тагӧсъяссӧ лоӧ жугӧдӧма,
сус пу эжӧдсӧ стенъяссьыс лоӧ кульӧма.
15Татшӧмӧн лоӧ кар, кӧні йӧзыс гажӧдчылісны,
тӧждысьтӧг олісны,
ас пытшканыс шуалісны:
«Миян кар кодь мӧдыс абу».
Но ӧні сійӧ лои киссьӧм карӧн,
зверъяслы – дзебсянінӧн.
Сы дінті мунысьяс пондасны шутьлявны,
кинас швачӧдны боканыс.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023