Амос 7
7
Куим петкӧдчылӧм: саранча, би да изъя кӧв
1Со мый петкӧдліс меным Господь Ыджыдыс. Сійӧ вӧчис саранча чукӧр буретш сэки, кор ӧксылысь турунсӧ вӧлі ытшкӧма, и петіс выль турун. 2Саранча сёйис став турунсӧ. Сэки ме шуи: «Господьӧй Ыджыдӧй, прӧстит! Яков рӧд оз вермы водзсасьны, сійӧ ӧд этша лыда». 3Господь вежис кывсӧ. «Оз ло тайӧ», – шуис Господь.
4Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ. 5Сэки ме шуи: «Господьӧй Ыджыдӧй, эн вӧч тайӧс! Яков рӧд оз вермы водзсасьны, сійӧ ӧд этша лыда». 6Господь вежис кывсӧ. «Тайӧ тшӧтш оз ло», – шуис Господь Ыджыдыс.
7Со мый петкӧдліс меным Господь Ыджыдыс. Сійӧ сулаліс карса стен вылын, киас кутіс изъя кӧв#7:7 изъя кӧв – строительный отвес. 8Господь юаліс менсьым: «Мый тэ аддзан, Амос?» Ме вочавидзи: «Изъя кӧв». Господь шуис: «Тайӧ изъя кӧвнас Ме тӧдмала Ассьым Израиль войтырӧс, медым аддзыны, веськыдӧсь-ӧ найӧ. Водзӧ найӧс ог прӧстит».
9Исаак рӧдлӧн вись ваян мылькъясыс кушмасны,
Израильлысь вежаинъяссӧ лоӧ жуглӧма,
Ме сувта шыпуртӧн Еровам рӧдлы паныд.
Амасей поп ӧлӧдӧ Амос пророкӧс
10Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ. 11Амос весиг шуис, мый Еровам кулас шыпурт помысь, а Израиль войтырӧс нуӧдасны пленӧ».
12Амасей шуис Амослы: «Тӧдысь-аддзысь, мун Иуда муӧ. Сэні кынӧмпӧттӧ перйы да сэні пророкав, 13а Вефильын эн пророкав. Тані ӧксылӧн вежаин да войтырлӧн вежа керка».
14Амос вочавидзис Амасейлы: «Ме абу пророк и абу пророклӧн пи. Ме рӧдмӧда ыжъясӧс да чукӧрта инжир. 15Но Господь босьтіс менӧ ыжъяс дорысь да шуис: ”Мун да пророкав Менам Израиль войтырлы”. 16Ӧні кывзы Господьлысь кывсӧ. Тэ шуан: ”Эн пророкав Израиль йылысь, эн юӧрт Исаак рӧд йылысь”. 17Та вӧсна Господь тадзи висьталӧ:
– Тайӧ карас гӧтырыд лоас кырсалысь аньӧн,
ныв-пиыд кулас шыпурт помысь,
мутӧ мурталӧмӧн юкласны.
Пеж муын тэ кулан,
а Израиль войтырӧс нуӧдасны пленӧ».
Currently Selected:
Амос 7: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Амос 7
7
Куим петкӧдчылӧм: саранча, би да изъя кӧв
1Со мый петкӧдліс меным Господь Ыджыдыс. Сійӧ вӧчис саранча чукӧр буретш сэки, кор ӧксылысь турунсӧ вӧлі ытшкӧма, и петіс выль турун. 2Саранча сёйис став турунсӧ. Сэки ме шуи: «Господьӧй Ыджыдӧй, прӧстит! Яков рӧд оз вермы водзсасьны, сійӧ ӧд этша лыда». 3Господь вежис кывсӧ. «Оз ло тайӧ», – шуис Господь.
4Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ. 5Сэки ме шуи: «Господьӧй Ыджыдӧй, эн вӧч тайӧс! Яков рӧд оз вермы водзсасьны, сійӧ ӧд этша лыда». 6Господь вежис кывсӧ. «Тайӧ тшӧтш оз ло», – шуис Господь Ыджыдыс.
7Со мый петкӧдліс меным Господь Ыджыдыс. Сійӧ сулаліс карса стен вылын, киас кутіс изъя кӧв#7:7 изъя кӧв – строительный отвес. 8Господь юаліс менсьым: «Мый тэ аддзан, Амос?» Ме вочавидзи: «Изъя кӧв». Господь шуис: «Тайӧ изъя кӧвнас Ме тӧдмала Ассьым Израиль войтырӧс, медым аддзыны, веськыдӧсь-ӧ найӧ. Водзӧ найӧс ог прӧстит».
9Исаак рӧдлӧн вись ваян мылькъясыс кушмасны,
Израильлысь вежаинъяссӧ лоӧ жуглӧма,
Ме сувта шыпуртӧн Еровам рӧдлы паныд.
Амасей поп ӧлӧдӧ Амос пророкӧс
10Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ. 11Амос весиг шуис, мый Еровам кулас шыпурт помысь, а Израиль войтырӧс нуӧдасны пленӧ».
12Амасей шуис Амослы: «Тӧдысь-аддзысь, мун Иуда муӧ. Сэні кынӧмпӧттӧ перйы да сэні пророкав, 13а Вефильын эн пророкав. Тані ӧксылӧн вежаин да войтырлӧн вежа керка».
14Амос вочавидзис Амасейлы: «Ме абу пророк и абу пророклӧн пи. Ме рӧдмӧда ыжъясӧс да чукӧрта инжир. 15Но Господь босьтіс менӧ ыжъяс дорысь да шуис: ”Мун да пророкав Менам Израиль войтырлы”. 16Ӧні кывзы Господьлысь кывсӧ. Тэ шуан: ”Эн пророкав Израиль йылысь, эн юӧрт Исаак рӧд йылысь”. 17Та вӧсна Господь тадзи висьталӧ:
– Тайӧ карас гӧтырыд лоас кырсалысь аньӧн,
ныв-пиыд кулас шыпурт помысь,
мутӧ мурталӧмӧн юкласны.
Пеж муын тэ кулан,
а Израиль войтырӧс нуӧдасны пленӧ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023