ГӀакъилал рагӀаби 13
13
БЕТӀЕР 13
1ЦӀодорав васас инсуца малъараб босула,
яхӀ-намус гьечӀев чи кантӀизавиялъухъ гӀенеккуларо.
2КӀалзул каламалдалъун инсанасе лъикӀлъи щола,
хиянатчиясул рекӀелъ квешлъи букӀуна.
3КӀал цӀунарас рухӀги цӀунула,
ургъичӀого кӀалъалесде балагь бачӀуна.
4КӀвахӀаласул рекӀее гӀемераб жо бокьула – щибниги щоларо,
кӀвахӀ гьечӀезейин абуни, рекӀее бокьарабщинаб щола.
5Муъминчиясе гьереси рихараб буго,
пасикъав чи инжитго ва къабихӀго хьвадула.
6РакӀбацӀцӀадав инсан ритӀухълъиялъ сапаралдаги цӀунула,
пасикъав чи мунагьалъ гӀодов ккезавула.
7Цояв жив бечедав вугилан чӀола,
жиндир щибниги гьечӀониги,
цогидавин абуни, кигӀан кӀудияб бечелъи жиндир бугониги,
щибниги гьечӀилан чӀола.
8Инсанасул бечелъи – гьесул гӀумруялъухъ бахъулеб магъало,
мискинчиясе гьелъул хӀинкъи букӀунаро.
9Муъминчиясда тӀад нур чӀун букӀуна,
пасикъазул чирахъ сун уна.
10ГӀамалкӀодолъиялдалъун гӀицӀго дагӀба-рагӀи ккола,
гӀакълу дандбалезулъ гӀакъиллъи букӀуна.
11ГӀедегӀун данде бакӀарараб бечелъи
хехго лълъаранибе уна,
дагьа-дагьабккун данде бакӀарараб –
цӀикӀкӀунебго цӀикӀкӀунеб букӀуна.
12Хьул хӀорлъани – ракӀ чӀунтула,
анищ тӀубайги гӀумруялъул иццлъун рикӀкӀуна.
13НасихӀат гӀадахъ босуларесе гӀазаб хӀакълъула,
амруял тӀуразарулесе кири хъвала.
14ГӀакъиласул насихӀат – маулхӀаяталъул ицц,
хвалил кӀичӀикьа гьелъин рорчӀизарулел.
15ГӀакълу камиллъиялъ ракӀ рази гьабула,
хиянатчиясул нух цӀакъ захӀматаб букӀуна.
16ЦӀодорав чи гӀелму-лъаялда нахъвилълъуна,
гӀабдалас жиндирго гӀантлъи тӀатинабула.
17Намус гьечӀев чапарас балагьалде рачуна,
божи бугев вакил унтуе дару гӀадин вукӀуна.
18Малъараб босуларесда тӀаде ресукълъиги хӀакъирлъиги бачӀуна,
малъухъе хьвадулесул хӀурмат гьабула.
19Мурадалде щвеялъ ракӀ бохизабула, гӀабдалзабазин абуни,
квешлъиялдаса инкар гьаби балагьлъун рикӀкӀуна.
20ГӀакъиласулгун гьоркьоблъи ккурасе гӀакълу щола,
гӀабдаласулгун гьудуллъи гьабурасе зарал ккола.
21Мунагь гьабурасда хадубчӀун балагь букӀуна,
муъминчиясе шапакъаталъе лъикӀлъи щола.
22ЛъикӀав чияс лъималазул лъималазеги ирс нахъе тола,
мунагьчияс данде гьабураб боцӀи-рикъзи муъминзабазе хутӀула.
23Мискинасулги хур цӀун бачӀине бегьула,
хӀилла-рекӀкӀалъ хурул бачӀин хӀурудахъ инабула.
24Хьопалда гурхӀарав чи – жиндирго вас рихарав чи,
вас вокьулес гьесие гӀадлу гьабичӀого толаро.
25Муъминзаби гӀорцӀизегӀан кванала,
пасикъазул чехь бакъун хутӀула.
Currently Selected:
ГӀакъилал рагӀаби 13: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 13
13
БЕТӀЕР 13
1ЦӀодорав васас инсуца малъараб босула,
яхӀ-намус гьечӀев чи кантӀизавиялъухъ гӀенеккуларо.
2КӀалзул каламалдалъун инсанасе лъикӀлъи щола,
хиянатчиясул рекӀелъ квешлъи букӀуна.
3КӀал цӀунарас рухӀги цӀунула,
ургъичӀого кӀалъалесде балагь бачӀуна.
4КӀвахӀаласул рекӀее гӀемераб жо бокьула – щибниги щоларо,
кӀвахӀ гьечӀезейин абуни, рекӀее бокьарабщинаб щола.
5Муъминчиясе гьереси рихараб буго,
пасикъав чи инжитго ва къабихӀго хьвадула.
6РакӀбацӀцӀадав инсан ритӀухълъиялъ сапаралдаги цӀунула,
пасикъав чи мунагьалъ гӀодов ккезавула.
7Цояв жив бечедав вугилан чӀола,
жиндир щибниги гьечӀониги,
цогидавин абуни, кигӀан кӀудияб бечелъи жиндир бугониги,
щибниги гьечӀилан чӀола.
8Инсанасул бечелъи – гьесул гӀумруялъухъ бахъулеб магъало,
мискинчиясе гьелъул хӀинкъи букӀунаро.
9Муъминчиясда тӀад нур чӀун букӀуна,
пасикъазул чирахъ сун уна.
10ГӀамалкӀодолъиялдалъун гӀицӀго дагӀба-рагӀи ккола,
гӀакълу дандбалезулъ гӀакъиллъи букӀуна.
11ГӀедегӀун данде бакӀарараб бечелъи
хехго лълъаранибе уна,
дагьа-дагьабккун данде бакӀарараб –
цӀикӀкӀунебго цӀикӀкӀунеб букӀуна.
12Хьул хӀорлъани – ракӀ чӀунтула,
анищ тӀубайги гӀумруялъул иццлъун рикӀкӀуна.
13НасихӀат гӀадахъ босуларесе гӀазаб хӀакълъула,
амруял тӀуразарулесе кири хъвала.
14ГӀакъиласул насихӀат – маулхӀаяталъул ицц,
хвалил кӀичӀикьа гьелъин рорчӀизарулел.
15ГӀакълу камиллъиялъ ракӀ рази гьабула,
хиянатчиясул нух цӀакъ захӀматаб букӀуна.
16ЦӀодорав чи гӀелму-лъаялда нахъвилълъуна,
гӀабдалас жиндирго гӀантлъи тӀатинабула.
17Намус гьечӀев чапарас балагьалде рачуна,
божи бугев вакил унтуе дару гӀадин вукӀуна.
18Малъараб босуларесда тӀаде ресукълъиги хӀакъирлъиги бачӀуна,
малъухъе хьвадулесул хӀурмат гьабула.
19Мурадалде щвеялъ ракӀ бохизабула, гӀабдалзабазин абуни,
квешлъиялдаса инкар гьаби балагьлъун рикӀкӀуна.
20ГӀакъиласулгун гьоркьоблъи ккурасе гӀакълу щола,
гӀабдаласулгун гьудуллъи гьабурасе зарал ккола.
21Мунагь гьабурасда хадубчӀун балагь букӀуна,
муъминчиясе шапакъаталъе лъикӀлъи щола.
22ЛъикӀав чияс лъималазул лъималазеги ирс нахъе тола,
мунагьчияс данде гьабураб боцӀи-рикъзи муъминзабазе хутӀула.
23Мискинасулги хур цӀун бачӀине бегьула,
хӀилла-рекӀкӀалъ хурул бачӀин хӀурудахъ инабула.
24Хьопалда гурхӀарав чи – жиндирго вас рихарав чи,
вас вокьулес гьесие гӀадлу гьабичӀого толаро.
25Муъминзаби гӀорцӀизегӀан кванала,
пасикъазул чехь бакъун хутӀула.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023