ГӀакъилал рагӀаби 14
14
БЕТӀЕР 14
1ГӀакъилай лъадуца рукъ гӀуцӀула,
гӀанталъ гьеб жиндирго квераз биххизабула.
2БитӀараб нухдасан унев чи БетӀергьанасукьа хӀинкъула,
кӀичӀ-кӀичӀараб нухдасан унес Гьев сан гьавуларо.
3ГӀабдаласул кӀалалъе жиндирго гьодилъ кьабизе хьоп хайирлъула,
гӀакъиласул кӀалалъ живго цӀунула.
4Оцал гьечӀесул руссун чӀобого букӀуна,
оцал хӀалтӀизарулесул хур цӀун бачӀуна.
5РитӀухъав нугӀас гьереси бицунаро,
гьересинугӀас гьерсал хъурула.
6ЯхӀ-намус гьечӀесе, кигӀан балагьаниги, гӀакъиллъи щоларо,
цӀодорасе гӀелму-лъай бигьаго щола.
7ГӀантав чиясдаса рикӀкӀалъе,
гьесул рагӀулъ гӀакъиллъи батуларин дуда.
8ГӀакъиласул цӀодорлъи –
жиндирго нух лъай,
гӀабдалзабазул гӀакълу гьечӀолъи –
хӀилла-макруялъул нух тӀаса бищи.
9ГӀабдалзаби – мунагьалдаса лъутулезда тӀад релъанхъула,
лъикӀал гӀадамазул рукъалда баркат лъола.
10РекӀеда лъала жиндилъго бугеб пашманлъи-къварилъи,
рекӀелъ бугеб рохалилъе чияр чи лъугьунаро.
11Пасикъав чиясул рукъзал риххула,
муъминчиясул чадир берцинлъула.
12Буго нух инсанасда битӀарабилан кколеб,
амма ахиралда гьелъ хвалде рачуна.
13Велъанхъулеб мехалъгицин унтизе бегьула инсанасул ракӀ,
рохелги пашманлъиялде сверизе бегьула.
14Пасикъазе – жидерго ишазухъ жаза насиблъула,
лъикӀазе – жидерго ишазухъ кири насиблъула.
15Жагьилав чи сундаго божула,
цӀодорав чи щибаб гали тӀамизе ургъула.
16ГӀакъилав чи, квешлъиялдаса хӀинкъун,
гьелдаса рикӀкӀад чӀола,
гӀабдал сункьаниги хӀинкъуларо,
ва лъиданиги кӀоларо гьесда квелъ базе.
17Ццин хехас гӀантал жал гьарула,
квешлъиялъе ургъулев чи халкъалда рихуна.
18Жагьилал гӀадамазе гӀантлъи насиблъула,
цӀодорал гӀадамазе гӀелму-лъаялъул таж щола.
19Квешаз лъикӀазда цебе бетӀер къулизе буго,
пасикъазги муъминзабазул кавудухъ бетӀер къулизе буго.
20Мискинчиясдаса мадугьалгицин лъутула,
бечедасул гьудулзаби гӀемер рукӀуна.
21Мискинав мадугьал сан гьавуларесе мунагь букӀуна,
гьардарав гурищ мискинзабазда гурхӀулев чи!
22Квешлъиялъе ургъулел чагӀи къосун ккун гьечӀелищха?
Амма лъикӀлъиялъе ургъулев чи гӀадамазе вокьула
ва гьесде божилъиги букӀуна.
23Щибаб хӀалтӀи-пишаялъулъ пайда-хайир букӀуна,
гӀадада кӀалъалеб кӀалалдасан зарал гуреб жо букӀунаро.
24ГӀакъилазул бечелъи – жидерго бетӀералда лъолеб таж,
гӀакълу гьечӀелалги жидерго гӀантлъиялдалъун лъала.
25БитӀараб бицунев нугӀас гӀадамал хвасар гьарула,
гьересинугӀас хиянат гьабула.
26Аллагьасукьа хӀинкъи – бахъизе кӀолареб хъала,
Гьесукьа хӀинкъулесул лъималазеги
гьеб хъалаялъуб хӀинкъи букӀунаро.
27Аллагьасукьа хӀинкъи – маулхӀаяталъул ицц,
хвалил кӀичӀикьаги гьелъин рорчӀизарулел.
28Халкъ гӀемерлъани – хан тӀадегӀанлъула,
гӀадамал дагьлъани – пача паналъула.
29Сабру кӀудияв чи жиндирго гӀакълуялдалъун тӀадегӀанлъула,
ццин хехас жиндирго гӀантлъи тӀатинабула.
30РекӀел сабруялъ чорхое чӀаголъи кьола,
бербахиллъиялъ рукьби туризарула.
31Мискиназе зулму гьабулес гьел рижарав Аллагь какула,
хӀажатасда гурхӀулес Гьесие рецц гьабула.
32Пасикъал чагӀи жидерго квешлъиялъулъ гъанкъула,
муъминзаби жидерго лъикӀлъиялъ хвасар гьарула.
33ЦӀодорасул ракӀ гӀакъиллъиялъе рекъон ккола,
гӀабдалзабазда гьеб бугеблъигицин лъаларо.
34РитӀухълъиялъ халкъ кӀодо гьабула,
мунагьалъ щибаб къавмалъе рогьо-нич гьабула.
35ЦӀодорав лагъас хан вохизавула,
инжитав лагъас гьесул ццин бахъинабула.
Currently Selected:
ГӀакъилал рагӀаби 14: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 14
14
БЕТӀЕР 14
1ГӀакъилай лъадуца рукъ гӀуцӀула,
гӀанталъ гьеб жиндирго квераз биххизабула.
2БитӀараб нухдасан унев чи БетӀергьанасукьа хӀинкъула,
кӀичӀ-кӀичӀараб нухдасан унес Гьев сан гьавуларо.
3ГӀабдаласул кӀалалъе жиндирго гьодилъ кьабизе хьоп хайирлъула,
гӀакъиласул кӀалалъ живго цӀунула.
4Оцал гьечӀесул руссун чӀобого букӀуна,
оцал хӀалтӀизарулесул хур цӀун бачӀуна.
5РитӀухъав нугӀас гьереси бицунаро,
гьересинугӀас гьерсал хъурула.
6ЯхӀ-намус гьечӀесе, кигӀан балагьаниги, гӀакъиллъи щоларо,
цӀодорасе гӀелму-лъай бигьаго щола.
7ГӀантав чиясдаса рикӀкӀалъе,
гьесул рагӀулъ гӀакъиллъи батуларин дуда.
8ГӀакъиласул цӀодорлъи –
жиндирго нух лъай,
гӀабдалзабазул гӀакълу гьечӀолъи –
хӀилла-макруялъул нух тӀаса бищи.
9ГӀабдалзаби – мунагьалдаса лъутулезда тӀад релъанхъула,
лъикӀал гӀадамазул рукъалда баркат лъола.
10РекӀеда лъала жиндилъго бугеб пашманлъи-къварилъи,
рекӀелъ бугеб рохалилъе чияр чи лъугьунаро.
11Пасикъав чиясул рукъзал риххула,
муъминчиясул чадир берцинлъула.
12Буго нух инсанасда битӀарабилан кколеб,
амма ахиралда гьелъ хвалде рачуна.
13Велъанхъулеб мехалъгицин унтизе бегьула инсанасул ракӀ,
рохелги пашманлъиялде сверизе бегьула.
14Пасикъазе – жидерго ишазухъ жаза насиблъула,
лъикӀазе – жидерго ишазухъ кири насиблъула.
15Жагьилав чи сундаго божула,
цӀодорав чи щибаб гали тӀамизе ургъула.
16ГӀакъилав чи, квешлъиялдаса хӀинкъун,
гьелдаса рикӀкӀад чӀола,
гӀабдал сункьаниги хӀинкъуларо,
ва лъиданиги кӀоларо гьесда квелъ базе.
17Ццин хехас гӀантал жал гьарула,
квешлъиялъе ургъулев чи халкъалда рихуна.
18Жагьилал гӀадамазе гӀантлъи насиблъула,
цӀодорал гӀадамазе гӀелму-лъаялъул таж щола.
19Квешаз лъикӀазда цебе бетӀер къулизе буго,
пасикъазги муъминзабазул кавудухъ бетӀер къулизе буго.
20Мискинчиясдаса мадугьалгицин лъутула,
бечедасул гьудулзаби гӀемер рукӀуна.
21Мискинав мадугьал сан гьавуларесе мунагь букӀуна,
гьардарав гурищ мискинзабазда гурхӀулев чи!
22Квешлъиялъе ургъулел чагӀи къосун ккун гьечӀелищха?
Амма лъикӀлъиялъе ургъулев чи гӀадамазе вокьула
ва гьесде божилъиги букӀуна.
23Щибаб хӀалтӀи-пишаялъулъ пайда-хайир букӀуна,
гӀадада кӀалъалеб кӀалалдасан зарал гуреб жо букӀунаро.
24ГӀакъилазул бечелъи – жидерго бетӀералда лъолеб таж,
гӀакълу гьечӀелалги жидерго гӀантлъиялдалъун лъала.
25БитӀараб бицунев нугӀас гӀадамал хвасар гьарула,
гьересинугӀас хиянат гьабула.
26Аллагьасукьа хӀинкъи – бахъизе кӀолареб хъала,
Гьесукьа хӀинкъулесул лъималазеги
гьеб хъалаялъуб хӀинкъи букӀунаро.
27Аллагьасукьа хӀинкъи – маулхӀаяталъул ицц,
хвалил кӀичӀикьаги гьелъин рорчӀизарулел.
28Халкъ гӀемерлъани – хан тӀадегӀанлъула,
гӀадамал дагьлъани – пача паналъула.
29Сабру кӀудияв чи жиндирго гӀакълуялдалъун тӀадегӀанлъула,
ццин хехас жиндирго гӀантлъи тӀатинабула.
30РекӀел сабруялъ чорхое чӀаголъи кьола,
бербахиллъиялъ рукьби туризарула.
31Мискиназе зулму гьабулес гьел рижарав Аллагь какула,
хӀажатасда гурхӀулес Гьесие рецц гьабула.
32Пасикъал чагӀи жидерго квешлъиялъулъ гъанкъула,
муъминзаби жидерго лъикӀлъиялъ хвасар гьарула.
33ЦӀодорасул ракӀ гӀакъиллъиялъе рекъон ккола,
гӀабдалзабазда гьеб бугеблъигицин лъаларо.
34РитӀухълъиялъ халкъ кӀодо гьабула,
мунагьалъ щибаб къавмалъе рогьо-нич гьабула.
35ЦӀодорав лагъас хан вохизавула,
инжитав лагъас гьесул ццин бахъинабула.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023