ГӀакъилал рагӀаби 12
12
БЕТӀЕР 12
1НасихӀат бокьулесе гӀелму-лъайги бокьула,
кантӀизе бокьуларев чиги гӀабдал вуго.
2ЛъикӀасдаса БетӀергьан разилъула,
макруяв чиясени Гьес тамихӀ гьабула.
3Пасикъасул гъотӀоца кьалбал риччаларо,
муъминзабазул гъотӀол кьалбал щулиял рукӀуна.
4ГӀамал лъикӀай лъади –
росасул бетӀералда лъолеб таж ккола,
инжитай лъади –
гьесул рукьбузда чӀвалеб ккал буго.
5Муъминчиясул къасд-ният ритӀухълъиялде буссараб букӀуна,
пасикъазул ишазулъ хӀилла-макру букӀуна.
6Пасикъазул кӀалзул калам ккола
гӀадамазул би гӀодобе тӀезе гьабулеб гъоркьчӀел,
муъминзабазул кӀалалъ гӀадамал хвасар гьарула.
7Пасикъав чи кӀалагъоркье речӀчӀула,
гьесул иш лъугӀула,
муъминчиясул рукъалъул кьучӀ щулияб букӀуна.
8Инсан веццула гьесул цӀодорлъи бихьун,
рекӀелъ хӀилла-рекӀкӀги хиянатги бугев халкъалъе инжитлъула.
9ЦохӀо лагъасул бетӀергьанлъун вукӀун,
живго гӀодовегӀанлъун вихьи лъикӀ,
чадил мочӀу гьечӀеб мехалъги гӀамал кӀодолъун вукӀиналдаса.
10Муъминчиясда лъала жиндирго хӀайваназе хӀажатаб жо,
пасикъасул ракӀ бицатаб букӀуна.
11Хур бекьулев чи чадица гӀорцӀула,
гьодорал анищазда гӀумру тӀамулевги гӀакълу гьечӀев чи вуго.
12Пасикъазул хъала – чвахун унеб сали,
муъминзабазул гъотӀол кьибил къвакӀараб ракьулъ букӀуна.
13Пасикъасе жиндирго мунагьаб кӀалалъ къор гъола,
муъминчи балагьалдаса ворчӀула.
14Кверал квалквадун щолебго гӀадин,
кӀалзул каламалдалъунги щола инсанасе боцӀи-рикъзи.
15ГӀабдаласда ккола жиндир нух битӀараб бугилан,
цӀодорав чи цогидасул гӀакълуялъухъ гӀенеккула.
16ГӀабдалас гъобсагӀатго тӀатинабула жиндирго рекӀекълъи,
цӀодорас пикруцин гьабуларо жиндир ракӀ лъукъиялъул.
17РитӀухъав нугӀас битӀараб бицуна,
гьересинугӀас гьерсал рицуна.
18УргъичӀого рехараб рагӀуца хвалчаца гӀадин лъукъула,
гӀакъилазул мацӀалдасан дару бецӀцӀула.
19БитӀараб рагӀи абадиялъего хутӀула,
гьереси цохӀо лахӀзаталда тӀатуна.
20Квешлъиялъе ургъулез жидеего хӀилла-рекӀкӀ гьабула,
маслихӀатчагӀазул рекӀелъ рохел букӀуна.
21Муъминчиясде балагь бачӀунаро,
пасикъал гӀадамал балагьалъулъ къан рукӀуна.
22Гьереси бицунеб кӀал БетӀергьанасе рихараб буго,
ритӀухъал чагӀаздаса Гьев разилъула.
23ЦӀодорас жиндирго гӀелму-лъай бахчула,
гӀабдаласул рекӀелъан гӀантлъи гьулчун бачӀуна.
24Квалквадулеб квер ханлъуда букӀина,
кӀвахӀалъ лагълъиялде ккезарула.
25РакӀкъварилъиялъ чи чурхъула,
лъикӀаб рагӀуца вохизавула.
26Муъминчияс мадугьаласе нух бихьизабула,
пасикъазул гӀамал-хасияталъ жалго къосинарула.
27КӀвахӀалав чияс жиндирго чанил гьан бежуларо,
кӀвахӀ гьечӀесе боцӀи-рикъзи камуларо.
28РитӀухълъиялъул нух – чӀаголъиялъул нух,
мекъаб-тӀекъаб нухалъ хвалде рачуна.
Currently Selected:
ГӀакъилал рагӀаби 12: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 12
12
БЕТӀЕР 12
1НасихӀат бокьулесе гӀелму-лъайги бокьула,
кантӀизе бокьуларев чиги гӀабдал вуго.
2ЛъикӀасдаса БетӀергьан разилъула,
макруяв чиясени Гьес тамихӀ гьабула.
3Пасикъасул гъотӀоца кьалбал риччаларо,
муъминзабазул гъотӀол кьалбал щулиял рукӀуна.
4ГӀамал лъикӀай лъади –
росасул бетӀералда лъолеб таж ккола,
инжитай лъади –
гьесул рукьбузда чӀвалеб ккал буго.
5Муъминчиясул къасд-ният ритӀухълъиялде буссараб букӀуна,
пасикъазул ишазулъ хӀилла-макру букӀуна.
6Пасикъазул кӀалзул калам ккола
гӀадамазул би гӀодобе тӀезе гьабулеб гъоркьчӀел,
муъминзабазул кӀалалъ гӀадамал хвасар гьарула.
7Пасикъав чи кӀалагъоркье речӀчӀула,
гьесул иш лъугӀула,
муъминчиясул рукъалъул кьучӀ щулияб букӀуна.
8Инсан веццула гьесул цӀодорлъи бихьун,
рекӀелъ хӀилла-рекӀкӀги хиянатги бугев халкъалъе инжитлъула.
9ЦохӀо лагъасул бетӀергьанлъун вукӀун,
живго гӀодовегӀанлъун вихьи лъикӀ,
чадил мочӀу гьечӀеб мехалъги гӀамал кӀодолъун вукӀиналдаса.
10Муъминчиясда лъала жиндирго хӀайваназе хӀажатаб жо,
пасикъасул ракӀ бицатаб букӀуна.
11Хур бекьулев чи чадица гӀорцӀула,
гьодорал анищазда гӀумру тӀамулевги гӀакълу гьечӀев чи вуго.
12Пасикъазул хъала – чвахун унеб сали,
муъминзабазул гъотӀол кьибил къвакӀараб ракьулъ букӀуна.
13Пасикъасе жиндирго мунагьаб кӀалалъ къор гъола,
муъминчи балагьалдаса ворчӀула.
14Кверал квалквадун щолебго гӀадин,
кӀалзул каламалдалъунги щола инсанасе боцӀи-рикъзи.
15ГӀабдаласда ккола жиндир нух битӀараб бугилан,
цӀодорав чи цогидасул гӀакълуялъухъ гӀенеккула.
16ГӀабдалас гъобсагӀатго тӀатинабула жиндирго рекӀекълъи,
цӀодорас пикруцин гьабуларо жиндир ракӀ лъукъиялъул.
17РитӀухъав нугӀас битӀараб бицуна,
гьересинугӀас гьерсал рицуна.
18УргъичӀого рехараб рагӀуца хвалчаца гӀадин лъукъула,
гӀакъилазул мацӀалдасан дару бецӀцӀула.
19БитӀараб рагӀи абадиялъего хутӀула,
гьереси цохӀо лахӀзаталда тӀатуна.
20Квешлъиялъе ургъулез жидеего хӀилла-рекӀкӀ гьабула,
маслихӀатчагӀазул рекӀелъ рохел букӀуна.
21Муъминчиясде балагь бачӀунаро,
пасикъал гӀадамал балагьалъулъ къан рукӀуна.
22Гьереси бицунеб кӀал БетӀергьанасе рихараб буго,
ритӀухъал чагӀаздаса Гьев разилъула.
23ЦӀодорас жиндирго гӀелму-лъай бахчула,
гӀабдаласул рекӀелъан гӀантлъи гьулчун бачӀуна.
24Квалквадулеб квер ханлъуда букӀина,
кӀвахӀалъ лагълъиялде ккезарула.
25РакӀкъварилъиялъ чи чурхъула,
лъикӀаб рагӀуца вохизавула.
26Муъминчияс мадугьаласе нух бихьизабула,
пасикъазул гӀамал-хасияталъ жалго къосинарула.
27КӀвахӀалав чияс жиндирго чанил гьан бежуларо,
кӀвахӀ гьечӀесе боцӀи-рикъзи камуларо.
28РитӀухълъиялъул нух – чӀаголъиялъул нух,
мекъаб-тӀекъаб нухалъ хвалде рачуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023