ГӀакъилал рагӀаби 11
11
БЕТӀЕР 11
1ХӀилла-рекӀкӀ гьабурал цӀадираби БетӀергьанасе рихарал руго,
битӀун цӀалел гираби Гьесие рокьула.
2ГӀамалкӀодолъиялда цадахъ инжитлъи-къабихӀлъи букӀуна,
хӀеренлъи-хӀалимлъиялда цадахъ гӀакъиллъи букӀуна.
3РитӀухъазул ракӀбацӀцӀалъиялъ гьел нухда рачуна,
божизе бегьуларезул хиянаталъ жалго гьалаглъизарула.
4БетӀергьанасул ццин бахъараб къоялъ
бечелъиялъ кумек гьабуларо,
ритӀухълъиялъ хвалдаса хвасар гьавула.
5РакӀбацӀцӀадав чиясул ритӀухълъиялъ гьесул нух битӀизабула,
квешалги жидерго квешлъиялъ хвезарула.
6Муъминчиясул ритӀухълъиялъ гьев хвасар гьавула,
хиянатчагӀи жидерго рекӀел гьаваялъул гьиналъ ккун руго.
7Квешав чи хвараб мехалъ
гьесул букӀараб хьул-къасд гӀадада ккола,
жиндирго къуват-жаналдалъун щвезе
ракӀалда букӀарабги лъугӀун уна.
8Муъминчи балагьалдаса хвасарлъула,
яхӀ-намус гьечӀев чи гьесул бакӀалда балагьалда гъоркье ккола.
9ЯхӀ-намус гьечӀесул кӀалалъ мадугьал паналъизавула,
Аллагь вичӀчӀиялъул гӀелмуялъ муъминчи хвасар гьавула.
10Муъминчиясде гьарзалъи-баркат рещтӀараб мехалъ,
шагьарго бохула,
яхӀ-намус гьечӀев чи паналъараб мехалъ,
киназго рохел лъазабула.
11Муъминзабазул баркаталдалъун шагьаралъул цӀар борхизабула,
пасикъазул кӀалалъ гьеб щущазабула.
12ГӀакълу гьечӀев чи мадугьаласда тӀад велъанхъула,
гӀакъилас кӀал данде бачун тола.
13МацӀихъанас чияр балъголъи къватӀибе загьир гьабула,
гӀакъилав чияс балъголъи цӀунула.
14НасихӀатал гьечӀони, халкъ паналъула,
гӀакълучагӀи цӀикӀкӀанагӀан бергьенлъиги хӀакълъула.
15Чияе гӀоло гъоркье чӀарав чияс жиндиего квешлъи гьабула,
квер бачун рагӀи кьей рихарасе хӀинкъи букӀунаро.
16РакӀ лъикӀай чӀужугӀадамалъ лъикӀаб цӀар-рецц балагьула,
ракӀ квешав бихьинчияс гӀицӀго бечелъи балагьула.
17РакӀ лъикӀасе пайда-хайир насиблъула,
ракӀ квешас жиндаго тӀаде балагь бачуна.
18Квешлъиялъухъ щолеб хайир рекӀкӀаб букӀуна,
ритӀухълъи бекьулесул хур цӀун бачӀиналда божизе бегьула.
19Унго-унголъун ритӀухъав чи чӀаго хутӀула,
квешлъиялда хадув лъугьарасде хвел тӀаде гӀунтӀула.
20РекӀелъ хӀилла-рекӀкӀ бугев чи БетӀергьанасе рихарав вуго,
ракӀбацӀцӀадго хьвадулесдаса Гьев разилъула.
21РакӀчӀун абизе бегьула
квешав чи тамихӀалдаса ворчӀиларилан,
амма муъминчи хвасарлъила.
22Берцинай, амма цӀодорлъи гьабуларей чӀужугӀадан релълъуна
болъонил магӀарзукъалазда бараб меседил кӀиликӀалда.
23Муъминзабаз хӀаракат бахъула гӀицӀго лъикӀлъи гьабизе,
пасикъазул хӀаракаталъ БетӀергьанасул ццин бахъиналде рачуна.
24Цояс сахаватго чвахизабула садакъаде кьолеб жо,
ва гьесул бечелъи жеги цӀикӀкӀуна,
цогидас къан ккун тола –
жиндиего заралалъе.
25Сахаватав чиясул лъикӀаб гӀумру букӀуна,
цогидазул хӀалхьезабулев чи хӀалхьиялда хутӀула.
26Жиндиего чед нахъе цӀунарав чиясе халкъалъ нагӀана кьола,
амма гьеб бичулесул надалда баркаталъул мугьру букӀуна.
27ЛъикӀлъи гьабизе гӀедегӀулев чи ккола
Аллагьасдасан баркат балагьулев чи,
амма квешлъи балагьулев чиясда тӀаде
квешлъи рещтӀуна.
28Бечелъиялде мугъ чӀварав чи гӀодов ккола,
муъминчиясул хуриб тӀор цӀубараб букӀуна.
29Жиндирго хъизан биххизабурасе гьури насиблъула,
гӀабдаласни гӀакъиласе лагълъи гьабизе ккола.
30Муъминчиясул гӀамал – гӀумруялъул гъветӀ,
гӀакъилав чияс гӀадамазул ракӀ жиндехунго цӀала.
31Муъминчиясе дуниялалда щола шапакъат,
пасикъазеги мунагьал гьарулезеги щолеб гӀазаб-гӀакъуба
гӀемерго цӀикӀкӀараб букӀуна.
Currently Selected:
ГӀакъилал рагӀаби 11: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 11
11
БЕТӀЕР 11
1ХӀилла-рекӀкӀ гьабурал цӀадираби БетӀергьанасе рихарал руго,
битӀун цӀалел гираби Гьесие рокьула.
2ГӀамалкӀодолъиялда цадахъ инжитлъи-къабихӀлъи букӀуна,
хӀеренлъи-хӀалимлъиялда цадахъ гӀакъиллъи букӀуна.
3РитӀухъазул ракӀбацӀцӀалъиялъ гьел нухда рачуна,
божизе бегьуларезул хиянаталъ жалго гьалаглъизарула.
4БетӀергьанасул ццин бахъараб къоялъ
бечелъиялъ кумек гьабуларо,
ритӀухълъиялъ хвалдаса хвасар гьавула.
5РакӀбацӀцӀадав чиясул ритӀухълъиялъ гьесул нух битӀизабула,
квешалги жидерго квешлъиялъ хвезарула.
6Муъминчиясул ритӀухълъиялъ гьев хвасар гьавула,
хиянатчагӀи жидерго рекӀел гьаваялъул гьиналъ ккун руго.
7Квешав чи хвараб мехалъ
гьесул букӀараб хьул-къасд гӀадада ккола,
жиндирго къуват-жаналдалъун щвезе
ракӀалда букӀарабги лъугӀун уна.
8Муъминчи балагьалдаса хвасарлъула,
яхӀ-намус гьечӀев чи гьесул бакӀалда балагьалда гъоркье ккола.
9ЯхӀ-намус гьечӀесул кӀалалъ мадугьал паналъизавула,
Аллагь вичӀчӀиялъул гӀелмуялъ муъминчи хвасар гьавула.
10Муъминчиясде гьарзалъи-баркат рещтӀараб мехалъ,
шагьарго бохула,
яхӀ-намус гьечӀев чи паналъараб мехалъ,
киназго рохел лъазабула.
11Муъминзабазул баркаталдалъун шагьаралъул цӀар борхизабула,
пасикъазул кӀалалъ гьеб щущазабула.
12ГӀакълу гьечӀев чи мадугьаласда тӀад велъанхъула,
гӀакъилас кӀал данде бачун тола.
13МацӀихъанас чияр балъголъи къватӀибе загьир гьабула,
гӀакъилав чияс балъголъи цӀунула.
14НасихӀатал гьечӀони, халкъ паналъула,
гӀакълучагӀи цӀикӀкӀанагӀан бергьенлъиги хӀакълъула.
15Чияе гӀоло гъоркье чӀарав чияс жиндиего квешлъи гьабула,
квер бачун рагӀи кьей рихарасе хӀинкъи букӀунаро.
16РакӀ лъикӀай чӀужугӀадамалъ лъикӀаб цӀар-рецц балагьула,
ракӀ квешав бихьинчияс гӀицӀго бечелъи балагьула.
17РакӀ лъикӀасе пайда-хайир насиблъула,
ракӀ квешас жиндаго тӀаде балагь бачуна.
18Квешлъиялъухъ щолеб хайир рекӀкӀаб букӀуна,
ритӀухълъи бекьулесул хур цӀун бачӀиналда божизе бегьула.
19Унго-унголъун ритӀухъав чи чӀаго хутӀула,
квешлъиялда хадув лъугьарасде хвел тӀаде гӀунтӀула.
20РекӀелъ хӀилла-рекӀкӀ бугев чи БетӀергьанасе рихарав вуго,
ракӀбацӀцӀадго хьвадулесдаса Гьев разилъула.
21РакӀчӀун абизе бегьула
квешав чи тамихӀалдаса ворчӀиларилан,
амма муъминчи хвасарлъила.
22Берцинай, амма цӀодорлъи гьабуларей чӀужугӀадан релълъуна
болъонил магӀарзукъалазда бараб меседил кӀиликӀалда.
23Муъминзабаз хӀаракат бахъула гӀицӀго лъикӀлъи гьабизе,
пасикъазул хӀаракаталъ БетӀергьанасул ццин бахъиналде рачуна.
24Цояс сахаватго чвахизабула садакъаде кьолеб жо,
ва гьесул бечелъи жеги цӀикӀкӀуна,
цогидас къан ккун тола –
жиндиего заралалъе.
25Сахаватав чиясул лъикӀаб гӀумру букӀуна,
цогидазул хӀалхьезабулев чи хӀалхьиялда хутӀула.
26Жиндиего чед нахъе цӀунарав чиясе халкъалъ нагӀана кьола,
амма гьеб бичулесул надалда баркаталъул мугьру букӀуна.
27ЛъикӀлъи гьабизе гӀедегӀулев чи ккола
Аллагьасдасан баркат балагьулев чи,
амма квешлъи балагьулев чиясда тӀаде
квешлъи рещтӀуна.
28Бечелъиялде мугъ чӀварав чи гӀодов ккола,
муъминчиясул хуриб тӀор цӀубараб букӀуна.
29Жиндирго хъизан биххизабурасе гьури насиблъула,
гӀабдаласни гӀакъиласе лагълъи гьабизе ккола.
30Муъминчиясул гӀамал – гӀумруялъул гъветӀ,
гӀакъилав чияс гӀадамазул ракӀ жиндехунго цӀала.
31Муъминчиясе дуниялалда щола шапакъат,
пасикъазеги мунагьал гьарулезеги щолеб гӀазаб-гӀакъуба
гӀемерго цӀикӀкӀараб букӀуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023