Тархал 26
26
КӀиабилеб нухалда халкъалъул рикӀкӀен гьаби
1Квешаб унти лъугӀараб мехалда, БЕТӀЕРГЬАНАС Мусадаги кашиш Гьарунил вас Элеазаридаги абуна:
2«Къогоялдаса цӀикӀкӀун сон барал ва рагъуе ярагьунел гӀизраилал рикӀкӀе, щивасул инсул агьлуги хӀисабалде босун».
3МогӀавалъул гӀатӀиракьалда – Иордан гӀурул рагӀалда – Ерихон шагьаралда гӀагарлъухъ гьел чӀун рукӀаго, Мусаги кашиш Элеазарги кӀалъана гӀизраилазда:
4«БЕТӀЕРГЬАНАС Мусаде гьабураб амруялда рекъон, къогоялдаса цӀикӀкӀун сон барал гӀизраилал рикӀкӀе», – ян.
Гьале Мисриялдаса къватӀире рахъарал гӀизраилал.
5ГӀизраилил тӀоцевесев вас Рувимил наслаби:
Енохидасан лъугьана Енохил тухум;
Паллудасан – Паллул тухум;
6ХӀецронидасан – ХӀецронил тухум;
Кармидасан – Кармил тухум.
7Гьел руго Рувимил наслаби; гьезул кинавниги сияхӀалде восана 43 730 бихьинчи.
8Паллул вас вукӀана Элиав. 9Элиавил васал – Немуэл, Датан ва Авирам. Халкъалъул церехъабазул цоял, амма КъорахӀил рахъги ккун, Мусадаги Гьарунидаги дандечӀей гьабурал ва БЕТӀЕРГЬАНАСДА данде рахъарал Датанги Авирамгийин гьел кколел. 10Доб мехалъ гьезда гъоркь ракь кьватӀана ва гьел ракьулъе рачун ана; КъорахӀида цадахъго, цӀадуца рухӀун хвана кӀинусиялда кӀикъоялда анцӀго гьесул гьалмагъги. Гьеб ккана халкъалъ цӀодорлъи гьабизе ккеялъул гӀаламатлъун хутӀизе. 11Амма КъорахӀил васал хвечӀо доб къоялъ.
12Шимеонил къавмалъул наслаби:
Немуэлидасан – Немуэлил тухум;
Яминидасан – Яминил тухум;
Яхинидасан – Яхинил тухум;
13ЗерахӀидасан – ЗерахӀил тухум;
Шаулидасан – Шаулил тухум.
14Гьел руго Шимеонил наслаби – 22 200 бихьинчи.
15Гадил къавмалъул наслаби:
Цефонидисан – Цефонил тухум;
Хаггидасан – Хаггил тухум;
Шунидасан – Шунил тухум;
16Ознидасан – Ознил тухум;
Эридасан – Эрил тухум;
17Ародидасан – Ародил тухум;
Ариэлидасан – Ариэлил тухум.
18Гьел руго Гадил наслаби; гьезул кинавниги сияхӀалде восана 40 500 бихьинчи.
19Ягьудал рукӀана Эрги Онанги абурал васал. Гьел хвана Ханааналда.
20Ягьудал къавмалъул наслаби:
Шеладасан – Шелал тухум;
Парецидасан – Парецил тухум;
ЗерахӀидасан – ЗерахӀил тухум.
21Парецил наслаби:
ХӀецронидасан – ХӀецронил тухум;
Хамулидасан – Хамулил тухум.
22Гьел руго Ягьудал наслаби; гьезул кинавниги сияхӀалде восана 76 500 бихьинчи.
23Иссахарил къавмалъул наслаби:
Толадасан – Толал тухум;
Пувадасан – Пувал тухум;
24Яшувидасан – Яшувил тухум;
Шимронидасан – Шимронил тухум.
25Гьел руго Иссахарил наслаби; кинавниги гьезул вукӀана 64 300 бихьинчи.
26Зевулунил къавмалъул наслаби:
Середидасан – Середил тухум;
Элонидасан – Элонил тухум;
Яхлиэлидасан – Яхлиэлил тухум.
27Гьел руго Зевулунил наслаби; гьезул кинавниги вукӀана 60 500 бихьинчи.
28Манассидасанги Ефраимидасанги лъугьарал Юсупил къавмалъул наслаби:
29Манассил наслаби:
Махиридасан – Махирил тухум (Махир ккола ГилгӀадил эмен);
ГилгӀадидасан – ГилгӀадил тухум.
30Гьале ГилгӀадил наслаби:
Иезеридасан – Иезерил тухум;
Хелекидасан – Хелекил тухум;
31Асриэлидасан – Асриэлил тухум;
Шехемидасан – Шехемил тухум.
32Шемидадасан – Шемидал тухум;
Хеферидасан – Хеферил тухум.
33(Хеферил вас Целофхадил васал рукӀинчӀо, гӀицӀго ясал гурони; гьесул ясазул цӀарал: Махла, НогӀа, Хогла, Милка ва Тирза).
34Гьел руго Манассидасан лъугьарал тухумал; кинавниги гьезул вукӀана 52 700 бихьинчи.
35Гьале Ефраимил наслаби:
ШутелахӀидасан – ШутелахӀил тухум;
Бехеридасан – Бехерил тухум;
Таханидасан – Таханил тухум.
36Гьале ШутелахӀил наслаби:
Эранидасан – Эранил тухум.
37Гьел руго Ефраимидасан лъугьарал тухумал; гьезул кинавниги вукӀана 32 500 бихьинчи.
Гьел киналго Юсупил къавмалда жанире уна.
38Буняминил наслаби:
Беладасан – Белал тухум;
Ашбелидасан – Ашбелил тухум;
Ахирамидасан – Ахирамил тухум;
39Шуфамидасан – Шуфамил тухум;
Хуфамидасан – Хуфамил тухум.
40Белал васал Ардидасанги Нааманидансаги лъугьарал наслаби:
Ардидасан – Ардил тухум;
Нааманидасан – Нааманил тухум.
41Гьел руго Буняминил къавмалъул тухумал; гьезул кинавниги вукӀана 45 600 бихьинчи.
42Гьале Данил къавмалъул наслаби:
Шухамидасан – Шухамил наслаби.
Гьел руго Данил къавмалъул наслаби. 43Кинавниги Шухамил наслабазул тухумазда вукӀана 64 400 бихьинчи.
44Ашерил наслаби:
Имнагьидасан – Имнагьил тухум;
Йишвидасан – Йишвил тухум;
Бериагьидасан – Бериагьил тухум;
45ва Бериагьил наслу:
Хеверидасан – Хеверил тухум;
Малкиэлидасан – Малкиэлил тухум.
46Ашерил ясалда цӀар букӀана СерахӀ.
47Гьел руго Ашерил къавмалъул тухумал; кинавниги гьезул вукӀана 53 400 бихьинчи.
48Нафталил къавмалъул наслаби:
Яхциэлидасан – Яхциэлил тухум;
Гунидасан – Гунил тухум;
49Ецеридасан – Ецерил тухум;
Шилемидасан – Шилемил тухум.
50Гьел руго Нафталил къавмалъул тухумал; гьезул кинавниги вукӀана 45 400 бихьинчи.
51Кинавниги ГӀизраилил халкъалъул вукӀана 601 730 бихьинчи.
52БЕТӀЕРГЬАНАС Мусада абуна:
53«Гьезие ракьал рикьизе ккола жиб-жиб тухумалъул чагӀазул рикӀкӀенги хӀисабалде босун. 54КӀудияб тухумалъе кье кӀудияб бутӀа, гьитӀинаб тухумалъе – гьитӀинаб. Биччанте щибаб тухумалъе щвезе гьезул чагӀазул къадаралда рекъон кколеб ракьалъул бутӀа. 55Ракь бикьизе ккола можороги рехун; щибаб къавмалъе букӀине буго къавмалъул бетӀерасул цӀарги лъураб ракьалъул бутӀа. 56КӀудиялги гьитӀиналги тухумазе ракь щвезе ккола можороги рехун».
57Гьале гьезул тухумалги хӀисабалде росун гьабураб левитазул сияхӀ:
Гершонидасан – Гершонил тухум;
Кехатидасан – Кехатил тухум;
Мераридасан – Мерарил тухум;
58Гьале Левийил васаздасан лъугьарал цогидал тухумал:
Ливнил тухум;
Хевронил тухум;
МахӀлил тухум;
Мушил тухум;
КъорахӀил тухум.
Кехатил вукӀана Амрам абурав вас.
59Амрамил чӀужуялда цӀар букӀана Йохевед; гьей йикӀана Мисриялда гьаюрай Левийил яс. Амрамие Йохеведица гьаруна Гьарунги, Мусаги, гьезул яц Марямги. 60Гьаруние гьаруна Надавги, Авигьуги, Элеазарги, Итамарги. 61Надавги Авигьуги хвана, БЕТӀЕРГЬАНАСДА цере бегьулареб чияраб цӀаги босун рачӀиндал.
62Левийилазул моцӀ баралдаса тӀаде араб ригьалъул кинавниги вукӀана 23 000 бихьинав. Гьезул цӀарал хъван рукӀинчӀо цогидал гӀизраилазул сияхӀалда, щайгурелъул гьезие кьезе кколароан ракьалъул бутӀа.
63Гьединаб букӀана Мусацаги кашиш Элеазарицаги МогӀавалъул гӀатӀиракьалда – Иордан гӀурул рагӀалда – Ерихон шагьаралда гӀагарлъухъ рукӀаго, гӀизраилалги рикӀкӀун гьабураб сияхӀ. 64Синай салул авлахъалда рукӀаго Мусацаги кашиш Гьаруницаги гьабураб цебесеб сияхӀалда рехсаразул цониги чи вукӀинчӀо гьезда гьоркьов. 65БЕТӀЕРГЬАНАС абун букӀиндал гьел киналго салул авлахъалда хвезе ругин абун, гӀицӀго Ефуннил вас Халевги Нунил вас Егьошуаги хутӀизегӀан.
Currently Selected:
Тархал 26: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
