Левит 9
9
Кашишзабазул хъулухъ байбихьи
1Микьабилеб къоялъ Мусаца Гьарунги, гьесул васалги, гӀизраилазул кӀудиялги ахӀана. 2Мусаца Гьарунида абуна:
«Мунагь чурулеб къурбаналъе хъвезе басиги босе, тӀубан бухӀулеб къурбаналъе хъвезе куйги босе – щибниги гӀузру жиделъ гьечӀел тӀаса рищун. Цинги гьел БЕТӀЕРГЬАНАСДА цере раче.
3ГӀизраилазда абе мунагь чурулеб къурбаналъе хъвезе дегӀенги, тӀубан бухӀулеб къурбаналъе хъвезе лъагӀел бараб басиги, кьегӀерги бачеян – щибгӀаги жагъаллъи жиделъ гьечӀел. 4Ракълил къурбаналъе БЕТӀЕРГЬАНАСДА цебе хъвезе оцги куйги бачеян абе, зайтуналъул нах жубараб ролъул хирияб садакъагун. Жакъа нужее БЕТӀЕРГЬАНАС Живго загьирлъизавизе вуго».
5Мусаца буюрарабщинаб ДандчӀваялъул Чадиралъул кӀалтӀе босун бачӀана халкъалъ; тӀолабго жамагӀатги гьенибе бакӀарана ва БЕТӀЕРГЬАНАСДА цебе бахъун чӀана. 6Мусаца абуна:
«БЕТӀЕРГЬАНАС амру гьабуна нужеца гьадин гьабеян, БЕТӀЕРГЬАНАСУЛ къудрат нужее загьирлъизе букӀине».
7Мусаца Гьарунида абуна:
«Къурбан-бакӀалда аскӀове вилълъа ва дурго къурбан хъве – мунагь чуриялъулги тӀубан бухӀулебги – мунгоги халкъги мунагьаздаса рацӀцӀад гьаризе рукӀине. Хадуб халкъалъ рачӀарал къурбаналги тӀоритӀе, БЕТӀЕРГЬАНАСУЛ амруялда рекъон халкъ мунагьаздаса бацӀцӀад гьабизе букӀине».
8Къурбан-бакӀалда аскӀовеги вилълъун, Гьаруница жиндирго баси хъуна мунагь чурулеб къурбан хӀисабалда. 9Гьесул васаз къурбаналъул би кьуна инсухъе ва гьес, гьениб килищги ччун, би бахана къурбан-бакӀалъул бокӀназда чӀварал лълъурдузда, хутӀараб би къурбан-бакӀалда цебе тӀуна. 10Къурбаналъул тӀатӀи, гьелъул ургьисалаби ва тӀулал халасеб бутӀа Гьаруница мунагь чуриялъул къурбан хӀисабалда къурбан-бакӀалда тӀад бухӀана, БЕТӀЕРГЬАНАСУЛ амруялда рекъон. 11Гьелъул гьанги тӀомги гьес халкъалъ гӀумру гьабулеб бакӀалдаса къватӀибехун бухӀана. 12Хадуб Гьаруница тӀубан бухӀулеб къурбан хъуна. Гьесул васаз къурбаналъул би инсухъе кьуна ва гьес гьеб би къурбан-бакӀалъул ункъабго рахъалде пунхъана. 13Гьарунил васаз къурбаналъул къотӀ-къотӀараб къулагӀиги гьелъул бетӀерги инсухъе кьуна ва гьес гьеб къурбан-бакӀалда тӀад бухӀана. 14Къурбаналъул ургьимесги хӀатӀалги чурана ва гьебги киналдаго цадахъ къурбан-бакӀалда тӀад бухӀана.
15Хадуб гьес халкъалъ рачӀарал хӀайванал хъуна. Цин халкъалдаса дегӀен хъуна мунагь чуриялъул къурбан хӀисабалда, ва, цебехунго гӀадин, мунагь чуриялъул низам тӀобитӀана.
16Гьелда хадуб тӀубан бухӀулеб къурбан хъуна ва кинабго гьабуна гьелъие чӀезабураб къагӀидаялда. 17Рогьалил цӀадул къурбаналъе бухӀаралда тӀаде ролъул хирияб садакъаялъул цо дангъураги босана ва гьебги къурбан-бакӀалда тӀад бухӀана.
18Гьединго Гьаруница халкъалдаса ракълил къурбаналъе оцги куйги хъуна. Гьесул васаз къурбаназул би кьуна инсухъе, ва гьес гьеб къурбан-бакӀалъул ункъабго рахъалде пунхъана. 19Оцолги куйдулги тӀатӀи, ай мохмохги, ургьимесалъул тӀатӀиги, ургьисалабиги, тӀулал халасеб бутӀаги 20гьес къурбаназул кӀиябго мегьедалда тӀад лъуна, ва кинабго тӀатӀи къурбан-бакӀалда тӀад бухӀана. 21Мегьедги кваранаб бохги, хьвагӀезабулеб къурбан хӀисабалда, гьес БЕТӀЕРГЬАНАСДА цебе эхеде борхана, Мусаца малъараб къагӀидаялъ.
22ТӀолалго къурбанал тӀоритӀун рахъиндал – мунагь чуриялъулги, тӀуран рухӀулелги, ракълилги – Гьаруница, квералги эхеде рорхун, халкъалъе дугӀа гьабуна ва къурбан-бакӀалдаса гъоркье рещтӀана.
23Цинги Мусаги Гьарунги ДандчӀваялъул Чадиралда жанире лъугьана. Гьениса къватӀире рачӀиндал, гьез нахъеги халкъалъе дугӀа гьабуна. Гьебмехалъ халкъалъего БЕТӀЕРГЬАНАСУЛ къудрат загьирлъана. 24БЕТӀЕРГЬАНАСУЛ цӀа рещтӀана, ва къурбан-бакӀалда тӀад букӀараб къурбанги тӀатӀиги гьеб цӀадуца тӀубан бухӀана. Гьеб бихьарабго, кӀудияб рохалил гьаракьги гьабун, тӀолабго халкъ суждаялда ккана.
Currently Selected:
Левит 9: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 9
9
Кашишзабазул хъулухъ байбихьи
1Микьабилеб къоялъ Мусаца Гьарунги, гьесул васалги, гӀизраилазул кӀудиялги ахӀана. 2Мусаца Гьарунида абуна:
«Мунагь чурулеб къурбаналъе хъвезе басиги босе, тӀубан бухӀулеб къурбаналъе хъвезе куйги босе – щибниги гӀузру жиделъ гьечӀел тӀаса рищун. Цинги гьел БЕТӀЕРГЬАНАСДА цере раче.
3ГӀизраилазда абе мунагь чурулеб къурбаналъе хъвезе дегӀенги, тӀубан бухӀулеб къурбаналъе хъвезе лъагӀел бараб басиги, кьегӀерги бачеян – щибгӀаги жагъаллъи жиделъ гьечӀел. 4Ракълил къурбаналъе БЕТӀЕРГЬАНАСДА цебе хъвезе оцги куйги бачеян абе, зайтуналъул нах жубараб ролъул хирияб садакъагун. Жакъа нужее БЕТӀЕРГЬАНАС Живго загьирлъизавизе вуго».
5Мусаца буюрарабщинаб ДандчӀваялъул Чадиралъул кӀалтӀе босун бачӀана халкъалъ; тӀолабго жамагӀатги гьенибе бакӀарана ва БЕТӀЕРГЬАНАСДА цебе бахъун чӀана. 6Мусаца абуна:
«БЕТӀЕРГЬАНАС амру гьабуна нужеца гьадин гьабеян, БЕТӀЕРГЬАНАСУЛ къудрат нужее загьирлъизе букӀине».
7Мусаца Гьарунида абуна:
«Къурбан-бакӀалда аскӀове вилълъа ва дурго къурбан хъве – мунагь чуриялъулги тӀубан бухӀулебги – мунгоги халкъги мунагьаздаса рацӀцӀад гьаризе рукӀине. Хадуб халкъалъ рачӀарал къурбаналги тӀоритӀе, БЕТӀЕРГЬАНАСУЛ амруялда рекъон халкъ мунагьаздаса бацӀцӀад гьабизе букӀине».
8Къурбан-бакӀалда аскӀовеги вилълъун, Гьаруница жиндирго баси хъуна мунагь чурулеб къурбан хӀисабалда. 9Гьесул васаз къурбаналъул би кьуна инсухъе ва гьес, гьениб килищги ччун, би бахана къурбан-бакӀалъул бокӀназда чӀварал лълъурдузда, хутӀараб би къурбан-бакӀалда цебе тӀуна. 10Къурбаналъул тӀатӀи, гьелъул ургьисалаби ва тӀулал халасеб бутӀа Гьаруница мунагь чуриялъул къурбан хӀисабалда къурбан-бакӀалда тӀад бухӀана, БЕТӀЕРГЬАНАСУЛ амруялда рекъон. 11Гьелъул гьанги тӀомги гьес халкъалъ гӀумру гьабулеб бакӀалдаса къватӀибехун бухӀана. 12Хадуб Гьаруница тӀубан бухӀулеб къурбан хъуна. Гьесул васаз къурбаналъул би инсухъе кьуна ва гьес гьеб би къурбан-бакӀалъул ункъабго рахъалде пунхъана. 13Гьарунил васаз къурбаналъул къотӀ-къотӀараб къулагӀиги гьелъул бетӀерги инсухъе кьуна ва гьес гьеб къурбан-бакӀалда тӀад бухӀана. 14Къурбаналъул ургьимесги хӀатӀалги чурана ва гьебги киналдаго цадахъ къурбан-бакӀалда тӀад бухӀана.
15Хадуб гьес халкъалъ рачӀарал хӀайванал хъуна. Цин халкъалдаса дегӀен хъуна мунагь чуриялъул къурбан хӀисабалда, ва, цебехунго гӀадин, мунагь чуриялъул низам тӀобитӀана.
16Гьелда хадуб тӀубан бухӀулеб къурбан хъуна ва кинабго гьабуна гьелъие чӀезабураб къагӀидаялда. 17Рогьалил цӀадул къурбаналъе бухӀаралда тӀаде ролъул хирияб садакъаялъул цо дангъураги босана ва гьебги къурбан-бакӀалда тӀад бухӀана.
18Гьединго Гьаруница халкъалдаса ракълил къурбаналъе оцги куйги хъуна. Гьесул васаз къурбаназул би кьуна инсухъе, ва гьес гьеб къурбан-бакӀалъул ункъабго рахъалде пунхъана. 19Оцолги куйдулги тӀатӀи, ай мохмохги, ургьимесалъул тӀатӀиги, ургьисалабиги, тӀулал халасеб бутӀаги 20гьес къурбаназул кӀиябго мегьедалда тӀад лъуна, ва кинабго тӀатӀи къурбан-бакӀалда тӀад бухӀана. 21Мегьедги кваранаб бохги, хьвагӀезабулеб къурбан хӀисабалда, гьес БЕТӀЕРГЬАНАСДА цебе эхеде борхана, Мусаца малъараб къагӀидаялъ.
22ТӀолалго къурбанал тӀоритӀун рахъиндал – мунагь чуриялъулги, тӀуран рухӀулелги, ракълилги – Гьаруница, квералги эхеде рорхун, халкъалъе дугӀа гьабуна ва къурбан-бакӀалдаса гъоркье рещтӀана.
23Цинги Мусаги Гьарунги ДандчӀваялъул Чадиралда жанире лъугьана. Гьениса къватӀире рачӀиндал, гьез нахъеги халкъалъе дугӀа гьабуна. Гьебмехалъ халкъалъего БЕТӀЕРГЬАНАСУЛ къудрат загьирлъана. 24БЕТӀЕРГЬАНАСУЛ цӀа рещтӀана, ва къурбан-бакӀалда тӀад букӀараб къурбанги тӀатӀиги гьеб цӀадуца тӀубан бухӀана. Гьеб бихьарабго, кӀудияб рохалил гьаракьги гьабун, тӀолабго халкъ суждаялда ккана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023