Левит 8
8
Гьарунги гьесул васалги кашишлъиялде тӀами
(Тархъ. 29:1-37)
1БЕТӀЕРГЬАНАС Мусада абуна:
2«Гьарунги гьесул васалги ахӀе, ва босе кашишлъиялъул парталги, бахунеб хирияб нахги, мунагь чурулеб къурбаналъе хъвезе оцги, кӀиго куйги, бугьурго чадазул чӀепги. 3ГӀизраилазул тӀолабго жамагӀатги бакӀаре ДандчӀваялъул Чадиралда цебе».
4Мусаца кинабго БЕТӀЕРГЬАНАС малъухъе гьабуна. Ва Чадиралъул кӀалтӀе халкъ бакӀаридал,
5Мусаца абуна:
«Гьале БЕТӀЕРГЬАНАС дида тӀадкъараб жо».
6Цинги гьес Гьарунги гьесул васалги цере рачана ва гьезда лъим бахъана. 7Хадуб гьес Гьарунида гурде ретӀана, гьелда тӀасан рачелги бана; гурдида тӀасан риза ретӀана, гьелдаги тӀасан эфод ретӀана ва эфодалъул рачел бухьана. 8Гьединго каранзул цебебухь ретӀана ва гьениб Уримги Туммимги лъуна. 9Гьарунил ботӀрода хасаб тӀагъур лъуна ва гьелда тӀасан надалда меседил тӀамач, ай хиралъиялъул таж рекӀинабуна, БЕТӀЕРГЬАНАС Мусаде гьабураб амруялда рекъон.
10Хадуб Мусаца хирияб нах босана ва гьеб пунхъана Мукъадасаб Чадиралдеги гьелда жаниб букӀарабщиналдеги, гьеб кинабго Аллагьасул хиралъилъун букӀин лъазабизе. 11Мусаца хирияб нах анкьцӀул пунхъана къурбан-бакӀалдеги, гьелъул кинабго цӀарагӀалдеги, беркӀал чурулеб хӀерчалдеги, гьелъул гъоркьчӀелалдеги – гьеб кинабгоги Аллагьасул хиралъилъун букӀин лъазабизе. 12Ва цодагьаб хирияб нах босун Гьарунил ботӀроде тӀуна, гьевги Аллагьас ватӀа гьавурав вукӀин лъазабизе. 13Хадуб Мусаца Гьарунил васал ахӀана ва, БЕТӀЕРГЬАНАСУЛ амруялда рекъон, гьезда кашишлъиялъул гурдал ретӀана, рухьана рачелал ва ботӀрода лъуна хасал тӀагърал.
14Цинги гьес цебе бачана мунагь чуриялъул къурбаналъе хӀадурараб оц; Гьаруницаги гьесул васазги хӀайваналъул ботӀрода кверал лъуна. 15Хадуб оц хъуна ва, гьелъул бидулъ килищги ччун, Мусаца къурбан-бакӀалъул бокӀназда чӀварал лълъурдузда би бахана, къурбан-бакӀ бацӀцӀад гьабизе. ХутӀараб би гьес къурбан-бакӀалда цебе тӀуна. Гьедин рацӀцӀалъиялъул низамги тӀобитӀун, къурбан-бакӀ Аллагьасул хиралъилъун букӀин лъазабуна. 16Мусаца оцол ургьимесалъул кинабго тӀатӀи батӀа гьабуна ва тӀулал халасеб бутӀаги, ургьисалабигун ва гьезда сверун букӀунеб тӀатӀигун цадахъ къурбан-бакӀалда тӀад бухӀана. 17Къурбаналъул тӀомги, гьанги, ургьимесги халкъ рещтӀараб бакӀалдаса къватӀибехун бухӀана, БЕТӀЕРГЬАНАС Мусаде гьабураб амруялда рекъон.
18Хадуб тӀубан бухӀулеб къурбаналъе къачӀараб куй цебе бачана ва Гьаруницаги гьесул васазги гьелъул ботӀрода кверал лъуна. 19Гьеб хъун бахъиндал, Мусаца гьелъул би пунхъана къурбан-бакӀалъул ункъабго рахъалде. 20Куйдул къулагӀи къотӀ-къотӀана ва Мусаца гьебги, куйдул бетӀерги, тӀатӀиги цадахъ бухӀана. 21Гьелъул ургьимесги хӀатӀалги лъеца чурана ва, куйдул щибниги жо нахъе течӀого, Мусаца гьебги къурбан-бакӀалда тӀад бухӀана. БЕТӀЕРГЬАНАС Мусаде гьабураб амруялда рекъон, гьеб буго тӀубан бухӀулеб къурбан – кӀкӀуялдеги сверизабун Аллагьасе кьолеб гьуинаб махӀалъул къурбан.
22Хадуб кӀиабилеб куй цебе бачана – кашишлъиялде тӀамиялъул къурбаналъе хъвезе къачӀараб. Гьаруницаги гьесул васазги гьелъул ботӀрода цин кверал лъуна, 23ва куй хъуна. Мусаца гьелъул цодагьаб биги босун, гьеб бахана Гьарунил кваранаб гӀиндаги, кваранаб квералъул кӀудияб килщидаги, кваранаб хӀатӀил кӀудияб килщидаги. 24Хадуб Гьарунил васал цере рачана ва Мусаца би бахана гьезул щивасул кваранаб гӀиндаги, кваранаб квералъул кӀудияб килщидаги, кваранаб хӀатӀил кӀудияб килщидаги; хутӀараб би гьес къурбан-бакӀалъул ункъабго рахъалде пунхъана. 25Цинги Мусаца къурбаналъул тӀатӀи батӀа гьабуна: мохмохги, ургьимесалъул тӀатӀиги, тӀулал халасеб бутӀаги, тӀад тӀатӀигун ургьисалабиги. Гьединго куйдул кваранаб бохги босана. 26БЕТӀЕРГЬАНАСДА цебе лъураб реччеб гьечӀел чадазул чӀепалда жаниса Мусаца цо чедги, цо нахуда буцараб чедги, цо тӀеренаб бакариги босана ва тӀатӀудаги куйдул кваранаб бохалдаги тӀад лъуна. 27Гьеб кинабго Гьарунилги гьесул васазулги кодобе кьуна, ва гьезда цадахъ Мусаца гьеб БЕТӀЕРГЬАНАСДА цебе, хьвагӀезабулеб къурбан хӀисабалда, эхеде борхана. 28Цинги гьеб Гьарунил ва гьесул васазул кодосаги босун, къурбан-бакӀалда тӀад тӀубан бухӀулеб къурбаналда цадахъ бухӀизе лъуна. Гьединал рукӀана кашишлъиялде тӀамиялъул къурбанал, цӀадудалъун БЕТӀЕРГЬАНАСЕ хирияб гьуинаб махӀ бахъинабулел хириял садакъаби. 29Хадуб Мусаца куйдул мегьед босана ва, эхедеги борхун, хьвагӀезабулеб къурбан хӀисабалда БЕТӀЕРГЬАНАСДА цебе хьвагӀезабуна. БЕТӀЕРГЬАНАСУЛ амруялда рекъон гьеб букӀана кашишлъиялде тӀамиялъул къурбаналдаса Мусае кколеб бутӀа.
30Цодагьаб хирияб нахги къурбан-бакӀалда букӀараб биги босун, Мусаца гьеб пунхъана Гьарунидеги гьесул парталалдеги ва гьесул васаздеги гьезул парталалдеги. Гьедин Гьарунги гьесул парталги ва гьесул васалги гьезул парталги Аллагьасе ратӀа гьарурал рукӀин лъазабуна.
31Мусаца Гьарунида ва гьесул васазда абуна: Гьан белъе ДандчӀваялъул Чадиралъул кӀалтӀа ва чӀепалда жаниса чедгун цадахъ гьеб бакӀалдаго кванай. Дица нужеде амру гьабуна: «Гьаруницаги гьесул васазги кваназе ккола гьеб», – ин.
32Нахъе хутӀараб гьанги чедги нужеца бухӀизе ккола. 33ДандчӀваялъул Чадиралъул кӀалтӀаса анкьалъ нахъе унге, нуж кашишлъиялде тӀамиялъул заман рагӀалде щвезегӀан, щайгурелъул нуж кашишлъиялде тӀами анкьго къоялъ халат бахъуна. 34Жакъа нилъеца гьабурабщинаб жо БЕТӀЕРГЬАНАСУЛ амруялда рекъон гьабуна, нуж мунагь-хӀакъалдаса рацӀцӀад гьаризелъун. 35Анкьица ДандчӀваялъул Чадиралъул кӀалтӀа рукӀа, къасиги къадги БЕТӀЕРГЬАНАСЕ тӀагӀат-гӀибадатги гьабулаго, нужго хвечӀого рукӀине – гьединаб амру бачӀун бугелъул дихъе.
36Гьебмехалъ Гьаруницаги гьесул васазги БЕТӀЕРГЬАНАС Мусаде гьабураб амруялда рекъон гьабуна кинабго.
Currently Selected:
Левит 8: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 8
8
Гьарунги гьесул васалги кашишлъиялде тӀами
(Тархъ. 29:1-37)
1БЕТӀЕРГЬАНАС Мусада абуна:
2«Гьарунги гьесул васалги ахӀе, ва босе кашишлъиялъул парталги, бахунеб хирияб нахги, мунагь чурулеб къурбаналъе хъвезе оцги, кӀиго куйги, бугьурго чадазул чӀепги. 3ГӀизраилазул тӀолабго жамагӀатги бакӀаре ДандчӀваялъул Чадиралда цебе».
4Мусаца кинабго БЕТӀЕРГЬАНАС малъухъе гьабуна. Ва Чадиралъул кӀалтӀе халкъ бакӀаридал,
5Мусаца абуна:
«Гьале БЕТӀЕРГЬАНАС дида тӀадкъараб жо».
6Цинги гьес Гьарунги гьесул васалги цере рачана ва гьезда лъим бахъана. 7Хадуб гьес Гьарунида гурде ретӀана, гьелда тӀасан рачелги бана; гурдида тӀасан риза ретӀана, гьелдаги тӀасан эфод ретӀана ва эфодалъул рачел бухьана. 8Гьединго каранзул цебебухь ретӀана ва гьениб Уримги Туммимги лъуна. 9Гьарунил ботӀрода хасаб тӀагъур лъуна ва гьелда тӀасан надалда меседил тӀамач, ай хиралъиялъул таж рекӀинабуна, БЕТӀЕРГЬАНАС Мусаде гьабураб амруялда рекъон.
10Хадуб Мусаца хирияб нах босана ва гьеб пунхъана Мукъадасаб Чадиралдеги гьелда жаниб букӀарабщиналдеги, гьеб кинабго Аллагьасул хиралъилъун букӀин лъазабизе. 11Мусаца хирияб нах анкьцӀул пунхъана къурбан-бакӀалдеги, гьелъул кинабго цӀарагӀалдеги, беркӀал чурулеб хӀерчалдеги, гьелъул гъоркьчӀелалдеги – гьеб кинабгоги Аллагьасул хиралъилъун букӀин лъазабизе. 12Ва цодагьаб хирияб нах босун Гьарунил ботӀроде тӀуна, гьевги Аллагьас ватӀа гьавурав вукӀин лъазабизе. 13Хадуб Мусаца Гьарунил васал ахӀана ва, БЕТӀЕРГЬАНАСУЛ амруялда рекъон, гьезда кашишлъиялъул гурдал ретӀана, рухьана рачелал ва ботӀрода лъуна хасал тӀагърал.
14Цинги гьес цебе бачана мунагь чуриялъул къурбаналъе хӀадурараб оц; Гьаруницаги гьесул васазги хӀайваналъул ботӀрода кверал лъуна. 15Хадуб оц хъуна ва, гьелъул бидулъ килищги ччун, Мусаца къурбан-бакӀалъул бокӀназда чӀварал лълъурдузда би бахана, къурбан-бакӀ бацӀцӀад гьабизе. ХутӀараб би гьес къурбан-бакӀалда цебе тӀуна. Гьедин рацӀцӀалъиялъул низамги тӀобитӀун, къурбан-бакӀ Аллагьасул хиралъилъун букӀин лъазабуна. 16Мусаца оцол ургьимесалъул кинабго тӀатӀи батӀа гьабуна ва тӀулал халасеб бутӀаги, ургьисалабигун ва гьезда сверун букӀунеб тӀатӀигун цадахъ къурбан-бакӀалда тӀад бухӀана. 17Къурбаналъул тӀомги, гьанги, ургьимесги халкъ рещтӀараб бакӀалдаса къватӀибехун бухӀана, БЕТӀЕРГЬАНАС Мусаде гьабураб амруялда рекъон.
18Хадуб тӀубан бухӀулеб къурбаналъе къачӀараб куй цебе бачана ва Гьаруницаги гьесул васазги гьелъул ботӀрода кверал лъуна. 19Гьеб хъун бахъиндал, Мусаца гьелъул би пунхъана къурбан-бакӀалъул ункъабго рахъалде. 20Куйдул къулагӀи къотӀ-къотӀана ва Мусаца гьебги, куйдул бетӀерги, тӀатӀиги цадахъ бухӀана. 21Гьелъул ургьимесги хӀатӀалги лъеца чурана ва, куйдул щибниги жо нахъе течӀого, Мусаца гьебги къурбан-бакӀалда тӀад бухӀана. БЕТӀЕРГЬАНАС Мусаде гьабураб амруялда рекъон, гьеб буго тӀубан бухӀулеб къурбан – кӀкӀуялдеги сверизабун Аллагьасе кьолеб гьуинаб махӀалъул къурбан.
22Хадуб кӀиабилеб куй цебе бачана – кашишлъиялде тӀамиялъул къурбаналъе хъвезе къачӀараб. Гьаруницаги гьесул васазги гьелъул ботӀрода цин кверал лъуна, 23ва куй хъуна. Мусаца гьелъул цодагьаб биги босун, гьеб бахана Гьарунил кваранаб гӀиндаги, кваранаб квералъул кӀудияб килщидаги, кваранаб хӀатӀил кӀудияб килщидаги. 24Хадуб Гьарунил васал цере рачана ва Мусаца би бахана гьезул щивасул кваранаб гӀиндаги, кваранаб квералъул кӀудияб килщидаги, кваранаб хӀатӀил кӀудияб килщидаги; хутӀараб би гьес къурбан-бакӀалъул ункъабго рахъалде пунхъана. 25Цинги Мусаца къурбаналъул тӀатӀи батӀа гьабуна: мохмохги, ургьимесалъул тӀатӀиги, тӀулал халасеб бутӀаги, тӀад тӀатӀигун ургьисалабиги. Гьединго куйдул кваранаб бохги босана. 26БЕТӀЕРГЬАНАСДА цебе лъураб реччеб гьечӀел чадазул чӀепалда жаниса Мусаца цо чедги, цо нахуда буцараб чедги, цо тӀеренаб бакариги босана ва тӀатӀудаги куйдул кваранаб бохалдаги тӀад лъуна. 27Гьеб кинабго Гьарунилги гьесул васазулги кодобе кьуна, ва гьезда цадахъ Мусаца гьеб БЕТӀЕРГЬАНАСДА цебе, хьвагӀезабулеб къурбан хӀисабалда, эхеде борхана. 28Цинги гьеб Гьарунил ва гьесул васазул кодосаги босун, къурбан-бакӀалда тӀад тӀубан бухӀулеб къурбаналда цадахъ бухӀизе лъуна. Гьединал рукӀана кашишлъиялде тӀамиялъул къурбанал, цӀадудалъун БЕТӀЕРГЬАНАСЕ хирияб гьуинаб махӀ бахъинабулел хириял садакъаби. 29Хадуб Мусаца куйдул мегьед босана ва, эхедеги борхун, хьвагӀезабулеб къурбан хӀисабалда БЕТӀЕРГЬАНАСДА цебе хьвагӀезабуна. БЕТӀЕРГЬАНАСУЛ амруялда рекъон гьеб букӀана кашишлъиялде тӀамиялъул къурбаналдаса Мусае кколеб бутӀа.
30Цодагьаб хирияб нахги къурбан-бакӀалда букӀараб биги босун, Мусаца гьеб пунхъана Гьарунидеги гьесул парталалдеги ва гьесул васаздеги гьезул парталалдеги. Гьедин Гьарунги гьесул парталги ва гьесул васалги гьезул парталги Аллагьасе ратӀа гьарурал рукӀин лъазабуна.
31Мусаца Гьарунида ва гьесул васазда абуна: Гьан белъе ДандчӀваялъул Чадиралъул кӀалтӀа ва чӀепалда жаниса чедгун цадахъ гьеб бакӀалдаго кванай. Дица нужеде амру гьабуна: «Гьаруницаги гьесул васазги кваназе ккола гьеб», – ин.
32Нахъе хутӀараб гьанги чедги нужеца бухӀизе ккола. 33ДандчӀваялъул Чадиралъул кӀалтӀаса анкьалъ нахъе унге, нуж кашишлъиялде тӀамиялъул заман рагӀалде щвезегӀан, щайгурелъул нуж кашишлъиялде тӀами анкьго къоялъ халат бахъуна. 34Жакъа нилъеца гьабурабщинаб жо БЕТӀЕРГЬАНАСУЛ амруялда рекъон гьабуна, нуж мунагь-хӀакъалдаса рацӀцӀад гьаризелъун. 35Анкьица ДандчӀваялъул Чадиралъул кӀалтӀа рукӀа, къасиги къадги БЕТӀЕРГЬАНАСЕ тӀагӀат-гӀибадатги гьабулаго, нужго хвечӀого рукӀине – гьединаб амру бачӀун бугелъул дихъе.
36Гьебмехалъ Гьаруницаги гьесул васазги БЕТӀЕРГЬАНАС Мусаде гьабураб амруялда рекъон гьабуна кинабго.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023