Левит 10
10
Надавилги Авигьулги хвел
1Гьарунил васал Надавицаги Авигьуцаги жинди-жиндир гьуинмахӀал рухӀулеб щурун босана, амма гьениб жаниб БЕТӀЕРГЬАНАС бихьизабичӀеб батӀияб цӀа лъуна, тӀаде махӀгьуинаб жубайги бана, ва гьеб Гьесда цебе босана. 2Гьебмехалъ БЕТӀЕРГЬАНАСУЛ цӀа рещтӀана, ва цо параялда жанир гьеб цӀаялъ рухӀана гьел – кӀиялго БЕТӀЕРГЬАНАСДА цере хвана. 3Гьеб бихьидал, Мусаца Гьарунида абуна:
«Гьале БЕТӀЕРГЬАНАС абун букӀараб:
„Диде гӀагарлъулезда
Дица Дирго тӀадегӀанаб бацӀцӀалъи бихьизабила;
ТӀолабго халкъалда цебе
Дирго къудрат загьир гьабила“, – ян».
Гьарун сихӀкъотӀун чӀана.
4Мусаца Гьарунил инсул вац ГӀузиэлил васал Мишаэлги Элцафанги ахӀана ва гьезда абуна:
«АскӀорегӀан рачӀа, ва нужерго гӀагарал чагӀазул жаназаби, гьаниса нахъеги росун, халкъалъ гӀумру гьабулеб бакӀалдаса къватӀире щвезаре».
5Гьезда тӀад букӀараб кашишзабазул ретӀелги ккун, гьез, Мусаца абухъе, жаназаби халкъалдаса рикӀкӀадегӀан щвезаруна.
6Цинги Мусаца Гьарунидаги гьесул васал Элеазаридаги Итамаридаги абуна:
«Хваразе гӀолоян, я тӀагърал рахъуге, я ретӀел бихъ-бихъуге, гурони нужги хвезе руго, цинги ГӀизраилил тӀолабго халкъалдеги БЕТӀЕРГЬАНАСУЛ ццин рещтӀине буго. БЕТӀЕРГЬАНАС рухӀун хваразда хадуб магӀу бахъизе биччанте нужер гӀагарлъиялъги тӀолалго гӀизраилазги.
7Нужин абуни, ДандчӀваялъул Чадиралъул кӀалтӀаса кирего унге, нужго хвечӀого рукӀине, щайгурелъул нуж БЕТӀЕРГЬАНАСУЛ хирияб нах бахарал чагӀи ругелъул».
Гьез Мусаца малъараб гьабуна.
Кашишзабазда тӀалъулеб
8БЕТӀЕРГЬАНАС Гьарунида абуна:
9«ДандчӀваялъул Чадиралда жанире лъугьиналда цебе дуцаги дур васазги чагъир яги батӀияб мехтизабулеб жо гьекъоге, нужго хвечӀого рукӀине. Гьеб букӀина нужее абадияб ва хисулареб къанунлъун: 10хириябги гӀадатиябги, бацӀцӀадабги хъубабги нужеда батӀа бахъун бажаризе букӀиналъе 11ва Мусадасан БЕТӀЕРГЬАНАС кьурал къанунал нужеца ГӀизраилил халкъалда малъизе рукӀиналъе гӀоло».
12Мусаца абуна Гьарунидаги гьесул нахъе хутӀарал васал Элеазаридаги Итамаридаги:
«БЕТӀЕРГЬАНАСЕ рачӀарал ролъул хириял садакъабазул нахъе хутӀараб босе ва, гьелъул бугьурго чадалги режун, гьеб къурбан-бакӀалда аскӀоб кванай – гьеб кӀудияб хиралъи кколелъул.
13Нужеца хирияб бакӀалда кваназе ккола гьеб, щайгурелъул гьеб буго БЕТӀЕРГЬАНАСУЛ цӀадул садакъабаздаса дуеги дур васазеги кколеб бутӀа. Гьединаб амру бачӀана дихъе. 14ХьвагӀезабулеб къурбаналъул мегьедги, гьединго БЕТӀЕРГЬАНАСЕ хасаб къурбанлъун кколеб бохги – гьеб кваназе бегьула дур васазги ясазги бокьараб бацӀцӀадаб бакӀалда: гьеб ккола гӀизраилазул тӀолалго ракълил къурбаназул нужееги нужер лъималазеги кколеб бутӀа. 15ТӀатӀигун цадахъ гьез кьезе ккола хьвагӀезабулеб къурбаналъе мегьедги хасаб къурбаналъе бохги, дуца БЕТӀЕРГЬАНАСДА цере росизе рукӀине. БЕТӀЕРГЬАНАСУЛ амруялда рекъон, гьеб букӀине буго дурги дур лъималазулги кидагосеб бутӀа. Гьединаб амру бачӀана дихъе».
16Муса лъугьана мунагь чуриялъул къурбаналъе хӀадурараб дегӀен балагьизе, амма гьеб цебего бухӀун батана. Гьебмехалъ Мусал кутакалда ццин бахъана, ва Гьарунил хутӀарал васал Элеазаридаги Итамаридаги гьес абуна:
17«Щай нужеца мунагь чуриялъул къурбаналъул гьан хирияб бакӀалда кваначӀеб? Гьеб кӀудияб хиралъи гуребищ? Нужее гуребищ гьеб кьун бугеб, нужеца БЕТӀЕРГЬАНАСДА цебе халкъ бацӀцӀалъизабулеб къурбан тӀобитӀиялъе гӀоло? 18Гьелъул биги Мукъадасаб бакӀалде босун букӀинчӀеб мехалъ, нужеца гьелъул гьан кваназе кколаан дица абурабги гьабун!»
19Гьаруница Мусада абуна:
«Жакъа БЕТӀЕРГЬАНАСЕ мунагь чурулеб къурбанги тӀубан бухӀулеб къурбанги хъуна, амма хадуб нижее лъугьараб жо дудаго лъала. Жакъаго дица мунагь чурулеб къурбаналъул гьан кванан букӀарабани, БЕТӀЕРГЬАНАСЕ къабуллъилаанищха гьеб?»
20Гьебмехалъ Муса гьесул рагӀуда тӀадрекъана.
Currently Selected:
Левит 10: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 10
10
Надавилги Авигьулги хвел
1Гьарунил васал Надавицаги Авигьуцаги жинди-жиндир гьуинмахӀал рухӀулеб щурун босана, амма гьениб жаниб БЕТӀЕРГЬАНАС бихьизабичӀеб батӀияб цӀа лъуна, тӀаде махӀгьуинаб жубайги бана, ва гьеб Гьесда цебе босана. 2Гьебмехалъ БЕТӀЕРГЬАНАСУЛ цӀа рещтӀана, ва цо параялда жанир гьеб цӀаялъ рухӀана гьел – кӀиялго БЕТӀЕРГЬАНАСДА цере хвана. 3Гьеб бихьидал, Мусаца Гьарунида абуна:
«Гьале БЕТӀЕРГЬАНАС абун букӀараб:
„Диде гӀагарлъулезда
Дица Дирго тӀадегӀанаб бацӀцӀалъи бихьизабила;
ТӀолабго халкъалда цебе
Дирго къудрат загьир гьабила“, – ян».
Гьарун сихӀкъотӀун чӀана.
4Мусаца Гьарунил инсул вац ГӀузиэлил васал Мишаэлги Элцафанги ахӀана ва гьезда абуна:
«АскӀорегӀан рачӀа, ва нужерго гӀагарал чагӀазул жаназаби, гьаниса нахъеги росун, халкъалъ гӀумру гьабулеб бакӀалдаса къватӀире щвезаре».
5Гьезда тӀад букӀараб кашишзабазул ретӀелги ккун, гьез, Мусаца абухъе, жаназаби халкъалдаса рикӀкӀадегӀан щвезаруна.
6Цинги Мусаца Гьарунидаги гьесул васал Элеазаридаги Итамаридаги абуна:
«Хваразе гӀолоян, я тӀагърал рахъуге, я ретӀел бихъ-бихъуге, гурони нужги хвезе руго, цинги ГӀизраилил тӀолабго халкъалдеги БЕТӀЕРГЬАНАСУЛ ццин рещтӀине буго. БЕТӀЕРГЬАНАС рухӀун хваразда хадуб магӀу бахъизе биччанте нужер гӀагарлъиялъги тӀолалго гӀизраилазги.
7Нужин абуни, ДандчӀваялъул Чадиралъул кӀалтӀаса кирего унге, нужго хвечӀого рукӀине, щайгурелъул нуж БЕТӀЕРГЬАНАСУЛ хирияб нах бахарал чагӀи ругелъул».
Гьез Мусаца малъараб гьабуна.
Кашишзабазда тӀалъулеб
8БЕТӀЕРГЬАНАС Гьарунида абуна:
9«ДандчӀваялъул Чадиралда жанире лъугьиналда цебе дуцаги дур васазги чагъир яги батӀияб мехтизабулеб жо гьекъоге, нужго хвечӀого рукӀине. Гьеб букӀина нужее абадияб ва хисулареб къанунлъун: 10хириябги гӀадатиябги, бацӀцӀадабги хъубабги нужеда батӀа бахъун бажаризе букӀиналъе 11ва Мусадасан БЕТӀЕРГЬАНАС кьурал къанунал нужеца ГӀизраилил халкъалда малъизе рукӀиналъе гӀоло».
12Мусаца абуна Гьарунидаги гьесул нахъе хутӀарал васал Элеазаридаги Итамаридаги:
«БЕТӀЕРГЬАНАСЕ рачӀарал ролъул хириял садакъабазул нахъе хутӀараб босе ва, гьелъул бугьурго чадалги режун, гьеб къурбан-бакӀалда аскӀоб кванай – гьеб кӀудияб хиралъи кколелъул.
13Нужеца хирияб бакӀалда кваназе ккола гьеб, щайгурелъул гьеб буго БЕТӀЕРГЬАНАСУЛ цӀадул садакъабаздаса дуеги дур васазеги кколеб бутӀа. Гьединаб амру бачӀана дихъе. 14ХьвагӀезабулеб къурбаналъул мегьедги, гьединго БЕТӀЕРГЬАНАСЕ хасаб къурбанлъун кколеб бохги – гьеб кваназе бегьула дур васазги ясазги бокьараб бацӀцӀадаб бакӀалда: гьеб ккола гӀизраилазул тӀолалго ракълил къурбаназул нужееги нужер лъималазеги кколеб бутӀа. 15ТӀатӀигун цадахъ гьез кьезе ккола хьвагӀезабулеб къурбаналъе мегьедги хасаб къурбаналъе бохги, дуца БЕТӀЕРГЬАНАСДА цере росизе рукӀине. БЕТӀЕРГЬАНАСУЛ амруялда рекъон, гьеб букӀине буго дурги дур лъималазулги кидагосеб бутӀа. Гьединаб амру бачӀана дихъе».
16Муса лъугьана мунагь чуриялъул къурбаналъе хӀадурараб дегӀен балагьизе, амма гьеб цебего бухӀун батана. Гьебмехалъ Мусал кутакалда ццин бахъана, ва Гьарунил хутӀарал васал Элеазаридаги Итамаридаги гьес абуна:
17«Щай нужеца мунагь чуриялъул къурбаналъул гьан хирияб бакӀалда кваначӀеб? Гьеб кӀудияб хиралъи гуребищ? Нужее гуребищ гьеб кьун бугеб, нужеца БЕТӀЕРГЬАНАСДА цебе халкъ бацӀцӀалъизабулеб къурбан тӀобитӀиялъе гӀоло? 18Гьелъул биги Мукъадасаб бакӀалде босун букӀинчӀеб мехалъ, нужеца гьелъул гьан кваназе кколаан дица абурабги гьабун!»
19Гьаруница Мусада абуна:
«Жакъа БЕТӀЕРГЬАНАСЕ мунагь чурулеб къурбанги тӀубан бухӀулеб къурбанги хъуна, амма хадуб нижее лъугьараб жо дудаго лъала. Жакъаго дица мунагь чурулеб къурбаналъул гьан кванан букӀарабани, БЕТӀЕРГЬАНАСЕ къабуллъилаанищха гьеб?»
20Гьебмехалъ Муса гьесул рагӀуда тӀадрекъана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023