Тархъанлъи 24
24
КъотӀи гьаби
1Хадуб БЕТӀЕРГЬАНАС Мусада абуна:
«БЕТӀЕРГЬАНАСДА цеве магӀарде вачӀа, цадахъ Гьарунгун, Надавгун, Авигьугун ва гӀизраилазул лъабкъоялда анцӀавго кӀудиявгун. Нужеца рикӀкӀадасан сужда гьабе Дие, 2амма БЕТӀЕРГЬАНАСДЕ гӀагарлъизе вуго гӀицӀго Муса – хутӀарал рикӀкӀадегӀан чӀа. Халкъин абуни, магӀарде тӀаде бахинеянцин лъугьунге».
3Муса халкъалъухъе вилълъана ва БЕТӀЕРГЬАНАСУЛ рагӀабиги Гьесул къануналги гьезие загьир гьаруна. Гьелда данде халкъалъ цокӀалго жаваб кьуна:
«Нижеца кинабго гьабила БЕТӀЕРГЬАНАС малъухъе», – ян.
4БЕТӀЕРГЬАНАС малъараб кинабго жоялъул Мусаца хъвай-хъвагӀай гьабуна. Хадусеб къоялъ цудунго тӀадеги вахъун, мегӀералъул ахалъиялда къурбан-бакӀ бана Мусаца ва анцӀила кӀиго ганчӀил хӀуби эхетизабуна гьениб – ГӀизраилил халкъалъул щибаб къавм рикӀкӀун.
5Гьес гӀизраилазул гӀолохъабазул анцӀила кӀиго чиясда тӀад къана, БЕТӀЕРГЬАНАСЕ тӀуран рухӀулел къурбанал тӀоритӀиялъе ва ракълил къурбаналъе анцӀила кӀиго баси хъвеян. 6Мусаца къурбаналъе хъурал оцазул бащдаб би щурминибе тӀуна ва хутӀараб бащдаб къурбан-бакӀалда тӀаде щвана. 7Хадуб гьес КъотӀиялъул тӀехь босана ва гьеб халкъалъе цӀалана. Гьебмехалъ халкъалъ абуна:
«Ниж БЕТӀЕРГЬАНАСУЛ рагӀуе мутӀигӀлъила ва кинабго Гьес малъухъе гьабила», – ян.
8Мусаца къурбаналъул хутӀараб би халкъалде пунхъана, ва гьес абуна:
«Гьаб буго БЕТӀЕРГЬАНАС нужергун гьабураб ва Гьесул къануназдалъун нужее загьир гьабураб КъотӀиялъул би», – ян.
9Цинги Мусаги, Гьарунги, Надавги, Авигьуги, ГӀизраилалъул халкъалъул лъабкъоялда анцӀавго кӀудиявги рилълъана магӀарде. 10Гьениб гьезда ГӀизраилалъул Аллагьасул сипат бихьана; Гьесул хӀатӀикь букӀана сапфиралъул гьабураб гӀадаб, рацӀцӀадал хъахӀилал зобалазда релълъараб жо. 11Амма Аллагьасул сипат гьезда бихьаниги, гӀизраилазул кӀудиял чӀаго тана Гьес ва гьел киналго гьенир цадахъ квана-гьекъана.
Муса Синай магӀарде вахин
12БЕТӀЕРГЬАНАС Мусада абуна:
«Дида аскӀове магӀарда тӀаде вачӀа. Дица кьела духъе, Дицаго ганчӀил къаназда хъварал, Дир амрабиги къануналги», – ян.
13Жиндирго кумекчи Егьошуагун цадахъ Муса Аллагьасул МагӀарде вахана. 14Халкъалъул кӀудиязда гьес абуна:
«Нуж гьанир чӀа, ниж нужехъе тӀадруссинегӀан. Гьарунги ХӀурги толел руго нужеда тӀад кӀудияллъун, щибгӀаги къваригӀел ккани, гьезулгун гӀакълу дандбай», – ин.
15Муса магӀарде вилълъана. МегӀер накӀкӀуца бацун букӀана, 16ва БЕТӀЕРГЬАНАСУЛ къудрат рещтӀана Синай магӀарда. Анлъго къоялъ накӀкӀаз бацун букӀана Синай мегӀер, анкьабилеб къоялъ Гьес накӀкӀулъан Мусаде ахӀана. 17ГӀизраилил халкъалда ТӀадегӀанасул къудрат бихьулеб букӀана магӀарда бакараб ва тӀолго мегӀер цӀураб кутакаб цӀадудалъун. 18Муса магӀарде вахана ва накӀкӀулъе жаниве лъугьана; гьес гьениб кӀикъого сордо-къо бана.
Currently Selected:
Тархъанлъи 24: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 24
24
КъотӀи гьаби
1Хадуб БЕТӀЕРГЬАНАС Мусада абуна:
«БЕТӀЕРГЬАНАСДА цеве магӀарде вачӀа, цадахъ Гьарунгун, Надавгун, Авигьугун ва гӀизраилазул лъабкъоялда анцӀавго кӀудиявгун. Нужеца рикӀкӀадасан сужда гьабе Дие, 2амма БЕТӀЕРГЬАНАСДЕ гӀагарлъизе вуго гӀицӀго Муса – хутӀарал рикӀкӀадегӀан чӀа. Халкъин абуни, магӀарде тӀаде бахинеянцин лъугьунге».
3Муса халкъалъухъе вилълъана ва БЕТӀЕРГЬАНАСУЛ рагӀабиги Гьесул къануналги гьезие загьир гьаруна. Гьелда данде халкъалъ цокӀалго жаваб кьуна:
«Нижеца кинабго гьабила БЕТӀЕРГЬАНАС малъухъе», – ян.
4БЕТӀЕРГЬАНАС малъараб кинабго жоялъул Мусаца хъвай-хъвагӀай гьабуна. Хадусеб къоялъ цудунго тӀадеги вахъун, мегӀералъул ахалъиялда къурбан-бакӀ бана Мусаца ва анцӀила кӀиго ганчӀил хӀуби эхетизабуна гьениб – ГӀизраилил халкъалъул щибаб къавм рикӀкӀун.
5Гьес гӀизраилазул гӀолохъабазул анцӀила кӀиго чиясда тӀад къана, БЕТӀЕРГЬАНАСЕ тӀуран рухӀулел къурбанал тӀоритӀиялъе ва ракълил къурбаналъе анцӀила кӀиго баси хъвеян. 6Мусаца къурбаналъе хъурал оцазул бащдаб би щурминибе тӀуна ва хутӀараб бащдаб къурбан-бакӀалда тӀаде щвана. 7Хадуб гьес КъотӀиялъул тӀехь босана ва гьеб халкъалъе цӀалана. Гьебмехалъ халкъалъ абуна:
«Ниж БЕТӀЕРГЬАНАСУЛ рагӀуе мутӀигӀлъила ва кинабго Гьес малъухъе гьабила», – ян.
8Мусаца къурбаналъул хутӀараб би халкъалде пунхъана, ва гьес абуна:
«Гьаб буго БЕТӀЕРГЬАНАС нужергун гьабураб ва Гьесул къануназдалъун нужее загьир гьабураб КъотӀиялъул би», – ян.
9Цинги Мусаги, Гьарунги, Надавги, Авигьуги, ГӀизраилалъул халкъалъул лъабкъоялда анцӀавго кӀудиявги рилълъана магӀарде. 10Гьениб гьезда ГӀизраилалъул Аллагьасул сипат бихьана; Гьесул хӀатӀикь букӀана сапфиралъул гьабураб гӀадаб, рацӀцӀадал хъахӀилал зобалазда релълъараб жо. 11Амма Аллагьасул сипат гьезда бихьаниги, гӀизраилазул кӀудиял чӀаго тана Гьес ва гьел киналго гьенир цадахъ квана-гьекъана.
Муса Синай магӀарде вахин
12БЕТӀЕРГЬАНАС Мусада абуна:
«Дида аскӀове магӀарда тӀаде вачӀа. Дица кьела духъе, Дицаго ганчӀил къаназда хъварал, Дир амрабиги къануналги», – ян.
13Жиндирго кумекчи Егьошуагун цадахъ Муса Аллагьасул МагӀарде вахана. 14Халкъалъул кӀудиязда гьес абуна:
«Нуж гьанир чӀа, ниж нужехъе тӀадруссинегӀан. Гьарунги ХӀурги толел руго нужеда тӀад кӀудияллъун, щибгӀаги къваригӀел ккани, гьезулгун гӀакълу дандбай», – ин.
15Муса магӀарде вилълъана. МегӀер накӀкӀуца бацун букӀана, 16ва БЕТӀЕРГЬАНАСУЛ къудрат рещтӀана Синай магӀарда. Анлъго къоялъ накӀкӀаз бацун букӀана Синай мегӀер, анкьабилеб къоялъ Гьес накӀкӀулъан Мусаде ахӀана. 17ГӀизраилил халкъалда ТӀадегӀанасул къудрат бихьулеб букӀана магӀарда бакараб ва тӀолго мегӀер цӀураб кутакаб цӀадудалъун. 18Муса магӀарде вахана ва накӀкӀулъе жаниве лъугьана; гьес гьениб кӀикъого сордо-къо бана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023