Тархъанлъи 25
25
ДандчӀваялъул Чадиралъубе кьезе кколеб
(Тархъ. 35:4-9)
1БЕТӀЕРГЬАНАС Мусада абуна:
2«ГӀизраилил халкъалда абе Дир Мукъадасаб бакӀалде хириял садакъаби кьеян. Щивав чияс жиндиего бокьараб кьезе биччанте, рекӀел ахӀиялда рекъон – гьедин хириял садакъаби ракӀаре. 3Гьезухъа бакӀаре месед, гӀарац ва мазгар; 4канчӀхъахӀилаб, бецӀбагӀараб ва канчӀбагӀараб квасул кун, тӀеренаб хӀебет ва цӀцӀел квас; 5багӀаркьералъ релъарал гӀиял къухьдул, тӀеренал цӀакал ва акациялъул цӀул; 6нахучирахъазе тӀезе зайтуналъул нах; бахунеб хирияб нах гьабиялъе ва хирияб бакӀалда гьуинмахӀал рахъинариялъе махӀгьуинал пицӀалгун хурдул; 7эфодалда ва кашишасул ратӀлил каранзул цебебухьалда лъезе оникс ва цогидал жавгьарал. 8Биччанте гӀизраилаз Дие Мукъадасаб Рукъ базе, Дун гьенив загьирлъизе вукӀине. 9Гьеб Рукъги гьениб жаниб лъолеб кинабго къайиги гьабе дурусго Дица дуда бихьизабухъе.
КъотӀиялъул гъамас
(Тархъ. 37:1-9)
10Гьезда абе акациялъул цӀулал гъамас гьабеян, кӀигогун бащдаб натӀ халалъи бугеб ва натӀгун бащдаб гӀеблъиги борхалъиги бугеб. 11Жанисанги тӀасанги гьелда месед бекье ва гьелда сверун меседил чӀологи ккве. 12Биун меседги тӀун, ункъго гор гьабе ва гьел щула гьаре гъоркьиял бокӀназда, кӀиябго рахъалъан кӀи-кӀи. 13Цинги акациялъул цӀулал гӀурдул гьаре ва гьезда тӀадги месед бекье. 14Гьел гӀурдул ккезаре гъамасалъул кӀиябго рахъалда ругел горазулъе, гъамас баччизе букӀине гьел гӀурдулги ккун. 15ГӀурдул кидаго горазда жанир рукӀине ккола – гьел гьениса нахъе росизе бегьуларо. 16Гьеб гъансинир лъе Дица духъе кьезе ругел Мукъадасаб КъотӀиялъул къанал.
17БацӀцӀадаб меседалъул тӀалъелги гьабе, кӀиго натӀгун бащдаб халалъиги натӀгун бащдаб гӀеблъиги бугеб. 18ТӀалъелалъул кӀиябго рахъалда, рачитӀаги бухун, меседалъул кӀиго херувим гьабе. 19Цо херувим – цо рагӀалда, цоги херувим цогидаб рагӀалда гьабе. Гьел херувимал тӀалъелгун рекӀарал гьаре – цо меседил кесекалъул. 20Риччанте херувимазул куркьби тӀалъелалда тӀад тӀиритӀун рукӀине, гьезул гьурмалги цоцаздехунги руссун, тӀалъелалде къулун рукӀине.
21Гьеб тӀалъел гъамасалда тӀад лъе. Гьенир жанир лъе Дица духъе кьолел ругел, КъотӀиялъул хъвай-хъвагӀай гьабурал къанал. 22Гьенив, КъотӀиялъул гъансил тӀалъелалда тӀад ругел херувимазда гьоркьосан Дун кӀалъазе вуго мунгун ва, мунги гьоркьов ккун, Дир амрабиги кьезе руго ГӀизраилил халкъалъе.
Мукъадасаб чед лъолеб бакӀ
(Тархъ. 37:10-16)
23Стол гьабе акациялъул цӀулал, кӀиго натӀалъ халатаб, цо натӀалъ гӀебаб ва натӀгун бащдалъ борхатаб. 24Гьелда тӀадги кисанго месед бекье ва сверухъги гьабе меседил чалу. 25Столалъул рагӀалккун кисанго гьабе цо хъат борхалъиялда бугеб тӀеренаб къед, ва гьелда тӀасан меседил чалу баче. 26Столалъе ункъго меседил гор гьабе ва гьел рекӀинаре столалъул бокӀназда, бохдузда тӀад. 27Горал рукӀине ккола рагӀалдегӀан, стол баччулел гӀурдул жанире ккезаризе санагӀаталда. 28ГӀурдул гьаре акациялъул цӀулал, гьезда тӀадги месед бекье ва гьелги ккун бачче стол. 29Гьаре бацӀцӀадаб меседалъул суркӀабиги, гелалги, гулгуналги, щурмалги – къурбанал тӀоритӀулелъул хӀалтӀизаризе рукӀине. 30Гьеб столалда тӀад кидаго Мукъадасаб чед букӀине ккола Дида цебе.
Меседил нахучирахъ
(Тархъ. 37:17-24)
31БацӀцӀадаб меседги рачитӀа бухун нахучирахъ гьабе. Гьеб бацӀцӀадаб меседалъул ва цорекӀараб букӀине ккола – гьелъул бохги, гӀаркьелалги, гьединго суркӀабигун тӀанчалги. 32Нахучирахъалда букӀине ккола анлъго гӀаркьел: лъабго цояб рахъалда, лъабго цогидаб рахъалда. 33Биччанте щибаб гӀаркьелалда букӀине лъаб-лъаб суркӀа, миндалалъул тӀогьол сипаталда, тӀанчалгун – гьедин букӀине ккола нахучирахъалъул цо бохалдаса кӀиябго рахъалде бикьараб анлъабго гӀаркьелалда. 34Жибго нахучирахъалда, гьелъул бохалда тӀадехун, букӀине те тӀанчалги ругеб миндалалъул тӀогьол сипаталда гьабураб жеги ункъго суркӀа. 35Цо тӀогьокъвачӀа букӀине те нахучирахъалъул бохалдасан раккарал гӀаркьалабазул тӀоцебесеб жуталда гъоркь, кӀиабилеб – кӀиабилеб жуталда гъоркь, лъабабилеб – лъабабилеб жуталда гъоркь, ва гьедин гьабе анлъабго гӀаркьелалда гъоркь. 36Биччанте бацӀцӀадаб меседалъул гьарурал тӀугьдулги гӀаркьалабиги чирахъги цорекӀарал рукӀине.
37Жеги гьабе нахги жанибе тӀун бакулеб анкьго гьитӀинаб чирахъ ва гьел рекъезаре нахучирахъалда тӀад, жинда цебе бугеб тӀолго сверухълъи гьез цадахъго гвангъизабулеб куцалъ. 38Гьединго билтаялъул гъуцӀдулги гелалги рукӀине ккола бацӀцӀадаб меседалъул гьарурал. 39Нахучирахъги кинабго гьелъул цӀарагӀги гьабиялъе хӀалтӀизабе бацӀцӀадаб меседалъул цо талант#25:39 34 кило.. 40Вореги, магӀарда дуда бихьизабураб сипаталда рекъон гьабе кинабго.
Currently Selected:
Тархъанлъи 25: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 25
25
ДандчӀваялъул Чадиралъубе кьезе кколеб
(Тархъ. 35:4-9)
1БЕТӀЕРГЬАНАС Мусада абуна:
2«ГӀизраилил халкъалда абе Дир Мукъадасаб бакӀалде хириял садакъаби кьеян. Щивав чияс жиндиего бокьараб кьезе биччанте, рекӀел ахӀиялда рекъон – гьедин хириял садакъаби ракӀаре. 3Гьезухъа бакӀаре месед, гӀарац ва мазгар; 4канчӀхъахӀилаб, бецӀбагӀараб ва канчӀбагӀараб квасул кун, тӀеренаб хӀебет ва цӀцӀел квас; 5багӀаркьералъ релъарал гӀиял къухьдул, тӀеренал цӀакал ва акациялъул цӀул; 6нахучирахъазе тӀезе зайтуналъул нах; бахунеб хирияб нах гьабиялъе ва хирияб бакӀалда гьуинмахӀал рахъинариялъе махӀгьуинал пицӀалгун хурдул; 7эфодалда ва кашишасул ратӀлил каранзул цебебухьалда лъезе оникс ва цогидал жавгьарал. 8Биччанте гӀизраилаз Дие Мукъадасаб Рукъ базе, Дун гьенив загьирлъизе вукӀине. 9Гьеб Рукъги гьениб жаниб лъолеб кинабго къайиги гьабе дурусго Дица дуда бихьизабухъе.
КъотӀиялъул гъамас
(Тархъ. 37:1-9)
10Гьезда абе акациялъул цӀулал гъамас гьабеян, кӀигогун бащдаб натӀ халалъи бугеб ва натӀгун бащдаб гӀеблъиги борхалъиги бугеб. 11Жанисанги тӀасанги гьелда месед бекье ва гьелда сверун меседил чӀологи ккве. 12Биун меседги тӀун, ункъго гор гьабе ва гьел щула гьаре гъоркьиял бокӀназда, кӀиябго рахъалъан кӀи-кӀи. 13Цинги акациялъул цӀулал гӀурдул гьаре ва гьезда тӀадги месед бекье. 14Гьел гӀурдул ккезаре гъамасалъул кӀиябго рахъалда ругел горазулъе, гъамас баччизе букӀине гьел гӀурдулги ккун. 15ГӀурдул кидаго горазда жанир рукӀине ккола – гьел гьениса нахъе росизе бегьуларо. 16Гьеб гъансинир лъе Дица духъе кьезе ругел Мукъадасаб КъотӀиялъул къанал.
17БацӀцӀадаб меседалъул тӀалъелги гьабе, кӀиго натӀгун бащдаб халалъиги натӀгун бащдаб гӀеблъиги бугеб. 18ТӀалъелалъул кӀиябго рахъалда, рачитӀаги бухун, меседалъул кӀиго херувим гьабе. 19Цо херувим – цо рагӀалда, цоги херувим цогидаб рагӀалда гьабе. Гьел херувимал тӀалъелгун рекӀарал гьаре – цо меседил кесекалъул. 20Риччанте херувимазул куркьби тӀалъелалда тӀад тӀиритӀун рукӀине, гьезул гьурмалги цоцаздехунги руссун, тӀалъелалде къулун рукӀине.
21Гьеб тӀалъел гъамасалда тӀад лъе. Гьенир жанир лъе Дица духъе кьолел ругел, КъотӀиялъул хъвай-хъвагӀай гьабурал къанал. 22Гьенив, КъотӀиялъул гъансил тӀалъелалда тӀад ругел херувимазда гьоркьосан Дун кӀалъазе вуго мунгун ва, мунги гьоркьов ккун, Дир амрабиги кьезе руго ГӀизраилил халкъалъе.
Мукъадасаб чед лъолеб бакӀ
(Тархъ. 37:10-16)
23Стол гьабе акациялъул цӀулал, кӀиго натӀалъ халатаб, цо натӀалъ гӀебаб ва натӀгун бащдалъ борхатаб. 24Гьелда тӀадги кисанго месед бекье ва сверухъги гьабе меседил чалу. 25Столалъул рагӀалккун кисанго гьабе цо хъат борхалъиялда бугеб тӀеренаб къед, ва гьелда тӀасан меседил чалу баче. 26Столалъе ункъго меседил гор гьабе ва гьел рекӀинаре столалъул бокӀназда, бохдузда тӀад. 27Горал рукӀине ккола рагӀалдегӀан, стол баччулел гӀурдул жанире ккезаризе санагӀаталда. 28ГӀурдул гьаре акациялъул цӀулал, гьезда тӀадги месед бекье ва гьелги ккун бачче стол. 29Гьаре бацӀцӀадаб меседалъул суркӀабиги, гелалги, гулгуналги, щурмалги – къурбанал тӀоритӀулелъул хӀалтӀизаризе рукӀине. 30Гьеб столалда тӀад кидаго Мукъадасаб чед букӀине ккола Дида цебе.
Меседил нахучирахъ
(Тархъ. 37:17-24)
31БацӀцӀадаб меседги рачитӀа бухун нахучирахъ гьабе. Гьеб бацӀцӀадаб меседалъул ва цорекӀараб букӀине ккола – гьелъул бохги, гӀаркьелалги, гьединго суркӀабигун тӀанчалги. 32Нахучирахъалда букӀине ккола анлъго гӀаркьел: лъабго цояб рахъалда, лъабго цогидаб рахъалда. 33Биччанте щибаб гӀаркьелалда букӀине лъаб-лъаб суркӀа, миндалалъул тӀогьол сипаталда, тӀанчалгун – гьедин букӀине ккола нахучирахъалъул цо бохалдаса кӀиябго рахъалде бикьараб анлъабго гӀаркьелалда. 34Жибго нахучирахъалда, гьелъул бохалда тӀадехун, букӀине те тӀанчалги ругеб миндалалъул тӀогьол сипаталда гьабураб жеги ункъго суркӀа. 35Цо тӀогьокъвачӀа букӀине те нахучирахъалъул бохалдасан раккарал гӀаркьалабазул тӀоцебесеб жуталда гъоркь, кӀиабилеб – кӀиабилеб жуталда гъоркь, лъабабилеб – лъабабилеб жуталда гъоркь, ва гьедин гьабе анлъабго гӀаркьелалда гъоркь. 36Биччанте бацӀцӀадаб меседалъул гьарурал тӀугьдулги гӀаркьалабиги чирахъги цорекӀарал рукӀине.
37Жеги гьабе нахги жанибе тӀун бакулеб анкьго гьитӀинаб чирахъ ва гьел рекъезаре нахучирахъалда тӀад, жинда цебе бугеб тӀолго сверухълъи гьез цадахъго гвангъизабулеб куцалъ. 38Гьединго билтаялъул гъуцӀдулги гелалги рукӀине ккола бацӀцӀадаб меседалъул гьарурал. 39Нахучирахъги кинабго гьелъул цӀарагӀги гьабиялъе хӀалтӀизабе бацӀцӀадаб меседалъул цо талант#25:39 34 кило.. 40Вореги, магӀарда дуда бихьизабураб сипаталда рекъон гьабе кинабго.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023