Тархъанлъи 23
23
РитӀухълъи ва рахӀму
1Гьересихарбал тӀиритӀизаруге; гьересияб нугӀлъиялдалъун гӀайибиясе кумек гьабуге.
2ГӀемерисез квешлъи гьабулеб бугони, гьезда нахъ рилълъунге; гӀемерисезда тӀадги рекъон, тӀекъаб диваналъе квербакъиги гьабуге ва, 3мискинав вугин абун, чиясул такъсир бахчизеги квербакъуге.
4Нагагь дур тушманасул оц яги хӀама нух къосун ккун батани, чара гьечӀого гьесухъе тӀадбуссинабе гьеб. 5Нагагь мун рихарав чиясул хӀама, тӀад бугеб гьирги бакӀлъун гӀодоб ккани, гьедин тоге гьеб – чара гьечӀого кумек гьабе гьелъие.
6Мискинчиясул гӀарзалъе ритӀухъаб диван къотӀе. 7Бугьтаназда тӀад рекъоге ва гӀайиб гьечӀев, ракӀбацӀцӀадав чи хваликье ккезавуге: гьединав чиясе жаза гьабичӀого толаро Дица.
8Ришватал росуге: гьез канлъи бихьулелги бецлъизарула ва ракӀбацӀцӀадазул нугӀлъиги гӀаксалда сверизабула.
9КъватӀиса гочун рачӀаразе квешлъи гьабуге. Нужеда лъала гьезул хӀал, щайгурелъул Мисриялда нужги гьединаллъун рукӀиндал.
Шаматалъул лъагӀел ва шаматкъо
10Анлъго соналъ хурзал рекье ва бачӀин бакӀаре, 11анкьабилеб соналъ хур хӀухьбахъизе те. Гьениб жибго бижарабщинаб мискинзабаз кваназе биччай, гьезухъаги хутӀараб гӀалхул хӀайваназ кваназе те. Гьединго гьабе цӀолбол ва зайтуналъул ахазеги.
12Анлъго къоялъ нужерго хӀалтӀаби гьаре, анкьабилеб къоялъ рахӀаталда рукӀа, нужер оцалъеги хӀамиеги хӀалхьи щвезе букӀине ва нужер рокъов вижарав лагъасдаги гочун вачӀарасдаги рухӀ лъезе букӀине.
13Дица нужее амру гьабунщиналде кӀвар кье. Цогидал аллагьзабазе хӀелуге, гьезул цӀаралцин нужер кӀалалъ такрар гьаруге.
ЛъагӀалил лъабго байрам
14ЛъагӀалида жаниб лъабцӀул Дие байрам тӀобитӀе.
15Бугьурго Чадазул байрам тӀобитӀе: анкьго къоялъ, Дир амруялда рекъон, реччеб гьечӀеб чед кванай Авив моцӀалъул гьелъие рихьизарурал къоязда#23:15 Ихдалил авалалда., щайгурелъул нуж Мисриялдаса къватӀире рахъана гьеб заманалда.
Дие тӀагӀат-гӀибадат гьабизе рачӀунелъул, чӀорого рачӀунге.
16Лъилъариялъул байрам тӀобитӀе, лъилъари байбихьулеб заманалда.
ЛъагӀалил ахиралда ХӀалухъен бакӀариялъул байрамги тӀобитӀе#23:16 ХӀалухъен бакӀариялъул байрам – заман ун хадуб гьеб байрамалда «Хъошазул байрам» абун цӀар лъуна (бал. Лев. 23:39-43)., хуриса кинабго хӀалухъен рокъобе бакӀарараб заманалда.
17ПалхӀасил, лъагӀалида жаниб лъабго нухалда тӀолалго бихьинал ракӀаризе ккола ХӀалкӀолев БЕТӀЕРГЬАНАСЕ гӀибадат гьабизе.
18Дие хъолеб къурбаналъул бигун жубазе бегьуларо щибниги реччеб гъорлъ бугеб жо.
Байрамкъоязул къурбаналъул тӀатӀи рогьинегӀан цӀунизе бегьуларо.
19Лъилъариялъул авалалда бакӀарараб хӀалухъеналъул бищунго лъикӀаб бутӀа щвезабе БЕТӀЕРГЬАН Аллагьасул Мукъадасаб Рокъобе.
БурутӀ гьелъул эбелалъул рахьдалъ белъунге.
Нух хӀадуризе Малаик витӀи
20Дица Малаик витӀулев вуго нужеда цеве-цеве, нухда нуж цӀуниялъул ва Дица нужее хӀадурараб ракьалде нуж рачиналъул мурадалда. 21Гьесда цере берцинго рукӀа ва Гьесухъ гӀенекке. Гьесда данде чӀоге; нужер мунагьаздаса тӀасалъугьине гьечӀо Гьев, щайгурелъул Гьесулъ буго Дир цӀар. 22Нуж Гьесухъ гӀенеккани, Дица малъарабщинабги гьабуни, нужер тушбабазе тушманлъун вукӀина Дун ва нужеда данде чӀаразда дандеги чӀела. 23Нужеда цеве-цеве ина Дир Малаик ва Гьес щвезарила нуж амориязулги, хитиязулги, перизиязулги, ханааниязулги, хивиязулги ва евусиязулги ракьазде, ва Дица гьел халкъалги дунялалдаса тӀагӀинарила. 24Гьезул аллагьзабазе тӀагӀат-гӀибадат гьабуге ва гьел халкъазул гӀадаталги такрар гьаруге. Щущахъ риххизаре гьезул аллагьзаби ва гъуре гьезул «мукъадасал» ганчӀал. 25Нужерго БЕТӀЕРГЬАН Аллагьасе гьабе тӀагӀат-гӀибадат, ва Гьес гьарзаго кьела нужее квенги лъимги, унта-шокълъабаздасаги цӀунила. 26Ва нужер ракьалда букӀинаро, я лъимер биххи, я лъимал гьарунгутӀи; нужер гӀумруялъул къоязул къадарги цӀикӀкӀинабила Дица.
27Дица кӀудияб хӀинкъи рещтӀинабила нухда нужеда дандчӀваралщинал халкъазде, ва тӀолалго нужер тушбаби тӀуризарила нужеда цереса. 28Нужеда цере-цере Дица кӀудияб тайпаялъул кьужнаял ритӀила, хивиялги, ханааниялги, хитиялги нужеда цереса нахъе гъезе. 29Амма Дица цойидасанго ялъуни цо лъагӀалида жанир нахъе гъеларо гьел: гьедин гьабуни, ракь чӀобоголъулелъул ва гӀалхул жанаваралги цӀакъго гӀемерлъулелъул. 30Дагь-дагьккун нахъе ахӀила Дица гьел нужеда цереса, гьеб ракьалда нужер къадар цӀикӀкӀинегӀан ва тӀолабго ракьалда тӀад кверщел гьабизе нужее рес рекъезегӀан.
31Дица нужее кьела БагӀараб ралъдахъа бахъараб Ефрат гӀурухъе щвезегӀан тӀолабго ракь. БакътӀерхьул рахъалда нужер гӀорхъилъун букӀина Пилистимияб ралъад ва бакъбаккул рахъалда – кӀудияб салул авлахъ. Гьеб ракьалъул тӀолалго халкъал нужер ихтияралде кьела Дица ва нужеца гьениса нахъе рачахъила гьел. 32Гьезулгун ва гьезул аллагьзабазулгун кинабгӀаги къотӀи-къай гьабуге нужеца. 33Нужер ракьалда гьел халкъал тезе бегьуларо, гурони гьез нуж Дида данде мунагьал гьариялде ккезаризе руго. Гьезул аллагьзабазе сужда гьабизе лъугьани, нуж гьезул къорикье ккезе руго“».
Currently Selected:
Тархъанлъи 23: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 23
23
РитӀухълъи ва рахӀму
1Гьересихарбал тӀиритӀизаруге; гьересияб нугӀлъиялдалъун гӀайибиясе кумек гьабуге.
2ГӀемерисез квешлъи гьабулеб бугони, гьезда нахъ рилълъунге; гӀемерисезда тӀадги рекъон, тӀекъаб диваналъе квербакъиги гьабуге ва, 3мискинав вугин абун, чиясул такъсир бахчизеги квербакъуге.
4Нагагь дур тушманасул оц яги хӀама нух къосун ккун батани, чара гьечӀого гьесухъе тӀадбуссинабе гьеб. 5Нагагь мун рихарав чиясул хӀама, тӀад бугеб гьирги бакӀлъун гӀодоб ккани, гьедин тоге гьеб – чара гьечӀого кумек гьабе гьелъие.
6Мискинчиясул гӀарзалъе ритӀухъаб диван къотӀе. 7Бугьтаназда тӀад рекъоге ва гӀайиб гьечӀев, ракӀбацӀцӀадав чи хваликье ккезавуге: гьединав чиясе жаза гьабичӀого толаро Дица.
8Ришватал росуге: гьез канлъи бихьулелги бецлъизарула ва ракӀбацӀцӀадазул нугӀлъиги гӀаксалда сверизабула.
9КъватӀиса гочун рачӀаразе квешлъи гьабуге. Нужеда лъала гьезул хӀал, щайгурелъул Мисриялда нужги гьединаллъун рукӀиндал.
Шаматалъул лъагӀел ва шаматкъо
10Анлъго соналъ хурзал рекье ва бачӀин бакӀаре, 11анкьабилеб соналъ хур хӀухьбахъизе те. Гьениб жибго бижарабщинаб мискинзабаз кваназе биччай, гьезухъаги хутӀараб гӀалхул хӀайваназ кваназе те. Гьединго гьабе цӀолбол ва зайтуналъул ахазеги.
12Анлъго къоялъ нужерго хӀалтӀаби гьаре, анкьабилеб къоялъ рахӀаталда рукӀа, нужер оцалъеги хӀамиеги хӀалхьи щвезе букӀине ва нужер рокъов вижарав лагъасдаги гочун вачӀарасдаги рухӀ лъезе букӀине.
13Дица нужее амру гьабунщиналде кӀвар кье. Цогидал аллагьзабазе хӀелуге, гьезул цӀаралцин нужер кӀалалъ такрар гьаруге.
ЛъагӀалил лъабго байрам
14ЛъагӀалида жаниб лъабцӀул Дие байрам тӀобитӀе.
15Бугьурго Чадазул байрам тӀобитӀе: анкьго къоялъ, Дир амруялда рекъон, реччеб гьечӀеб чед кванай Авив моцӀалъул гьелъие рихьизарурал къоязда#23:15 Ихдалил авалалда., щайгурелъул нуж Мисриялдаса къватӀире рахъана гьеб заманалда.
Дие тӀагӀат-гӀибадат гьабизе рачӀунелъул, чӀорого рачӀунге.
16Лъилъариялъул байрам тӀобитӀе, лъилъари байбихьулеб заманалда.
ЛъагӀалил ахиралда ХӀалухъен бакӀариялъул байрамги тӀобитӀе#23:16 ХӀалухъен бакӀариялъул байрам – заман ун хадуб гьеб байрамалда «Хъошазул байрам» абун цӀар лъуна (бал. Лев. 23:39-43)., хуриса кинабго хӀалухъен рокъобе бакӀарараб заманалда.
17ПалхӀасил, лъагӀалида жаниб лъабго нухалда тӀолалго бихьинал ракӀаризе ккола ХӀалкӀолев БЕТӀЕРГЬАНАСЕ гӀибадат гьабизе.
18Дие хъолеб къурбаналъул бигун жубазе бегьуларо щибниги реччеб гъорлъ бугеб жо.
Байрамкъоязул къурбаналъул тӀатӀи рогьинегӀан цӀунизе бегьуларо.
19Лъилъариялъул авалалда бакӀарараб хӀалухъеналъул бищунго лъикӀаб бутӀа щвезабе БЕТӀЕРГЬАН Аллагьасул Мукъадасаб Рокъобе.
БурутӀ гьелъул эбелалъул рахьдалъ белъунге.
Нух хӀадуризе Малаик витӀи
20Дица Малаик витӀулев вуго нужеда цеве-цеве, нухда нуж цӀуниялъул ва Дица нужее хӀадурараб ракьалде нуж рачиналъул мурадалда. 21Гьесда цере берцинго рукӀа ва Гьесухъ гӀенекке. Гьесда данде чӀоге; нужер мунагьаздаса тӀасалъугьине гьечӀо Гьев, щайгурелъул Гьесулъ буго Дир цӀар. 22Нуж Гьесухъ гӀенеккани, Дица малъарабщинабги гьабуни, нужер тушбабазе тушманлъун вукӀина Дун ва нужеда данде чӀаразда дандеги чӀела. 23Нужеда цеве-цеве ина Дир Малаик ва Гьес щвезарила нуж амориязулги, хитиязулги, перизиязулги, ханааниязулги, хивиязулги ва евусиязулги ракьазде, ва Дица гьел халкъалги дунялалдаса тӀагӀинарила. 24Гьезул аллагьзабазе тӀагӀат-гӀибадат гьабуге ва гьел халкъазул гӀадаталги такрар гьаруге. Щущахъ риххизаре гьезул аллагьзаби ва гъуре гьезул «мукъадасал» ганчӀал. 25Нужерго БЕТӀЕРГЬАН Аллагьасе гьабе тӀагӀат-гӀибадат, ва Гьес гьарзаго кьела нужее квенги лъимги, унта-шокълъабаздасаги цӀунила. 26Ва нужер ракьалда букӀинаро, я лъимер биххи, я лъимал гьарунгутӀи; нужер гӀумруялъул къоязул къадарги цӀикӀкӀинабила Дица.
27Дица кӀудияб хӀинкъи рещтӀинабила нухда нужеда дандчӀваралщинал халкъазде, ва тӀолалго нужер тушбаби тӀуризарила нужеда цереса. 28Нужеда цере-цере Дица кӀудияб тайпаялъул кьужнаял ритӀила, хивиялги, ханааниялги, хитиялги нужеда цереса нахъе гъезе. 29Амма Дица цойидасанго ялъуни цо лъагӀалида жанир нахъе гъеларо гьел: гьедин гьабуни, ракь чӀобоголъулелъул ва гӀалхул жанаваралги цӀакъго гӀемерлъулелъул. 30Дагь-дагьккун нахъе ахӀила Дица гьел нужеда цереса, гьеб ракьалда нужер къадар цӀикӀкӀинегӀан ва тӀолабго ракьалда тӀад кверщел гьабизе нужее рес рекъезегӀан.
31Дица нужее кьела БагӀараб ралъдахъа бахъараб Ефрат гӀурухъе щвезегӀан тӀолабго ракь. БакътӀерхьул рахъалда нужер гӀорхъилъун букӀина Пилистимияб ралъад ва бакъбаккул рахъалда – кӀудияб салул авлахъ. Гьеб ракьалъул тӀолалго халкъал нужер ихтияралде кьела Дица ва нужеца гьениса нахъе рачахъила гьел. 32Гьезулгун ва гьезул аллагьзабазулгун кинабгӀаги къотӀи-къай гьабуге нужеца. 33Нужер ракьалда гьел халкъал тезе бегьуларо, гурони гьез нуж Дида данде мунагьал гьариялде ккезаризе руго. Гьезул аллагьзабазе сужда гьабизе лъугьани, нуж гьезул къорикье ккезе руго“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023