Даниял 3
3
Даниялил гьудулзаби цӀадул коронире рехи
1Навуходоносор пачаяс буюрухъ кьуна лъабкъого натӀалъ борхатаб, анлъго натӀалъ гӀебаб меседил сипат-сурат гьабеян ва гьеб Вавилоналда бугеб Дура абулеб расалъиялда эхетеян. 2Цинги Навуходоносорица ахӀана тӀолалго сардарал, шагьаразул бутӀрул, вазирзаби, гӀакълучагӀи, пачаясул хазиначагӀи, диванчагӀи ва вилаятазул чӀухӀби-хӀакимзаби гьеб сипат-сурат кӀодо гьабизе. 3Сардарал, шагьаразул бутӀрул, вазирзаби, гӀакълучагӀи, хазиначагӀи, диванчагӀи ва вилаятазул чӀухӀби-хӀакимзаби Навуходоносорил сипат-сураталда цере эхетидал,
4гӀакӀа ахӀулев чияс киназдаго рагӀун абуна: «ТӀолалго халкъал, къавмал ва киналго гӀадамал, гӀенекке гьанире!
5Нужеда суралъул, швантӀихалъул, лалуялъул, лираялъул, арфаялъул, къолол ва цогидал музыкалиял алатазул гьаракь рагӀидал, Навуходоносорил меседил сипат-сураталда цере накабазде ккун гьесие сужда гьабе нужеца! 6Гьедин гьабизе инкар гьабуравщинав вехъерхъун вачун боркьараб корониве рехизе вуго!»
7Суралъул, швантӀихалъул, лалуялъул, лираялъул, арфаялъул, къолол ва цогидал музыкалиял алатазул гьаракь бахъараб сагӀаталда тӀолалго халкъал, къавмал ва батӀи-батӀиял мацӀазул гӀадамал накабазде ккана ва гьеб меседил сипат-сураталъе сужда гьабизе лъугьана.
8Амма гӀакълучагӀазда гьоркьоса чагӀаз ягьудияздасан мацӀ гьабуна. 9Гьез Навуходоносорида абуна: «БетӀерчӀахъаяв пача, дур гӀумру халалъаяв!
10Дуца – нижер пачаяс, буюрухъ кьуна суралъул, швантӀихалъул, лалуялъул, лираялъул, арфаялъул, къолол ва цогидал музыкалиял алатазул гьаракь рагӀидал, щивав чи накабазде ккун, меседил сипат-сураталъе сужда гьабеян. 11Гьедин гьабичӀев чи цӀадул корониве рехизе вугилан. 12Амма дуца Вавилоналда тӀад тарал ягьудияз – Шадрахица, Мешахица ва Авед-Негоца – дуца абураб жо гӀадахъ босулеб гьечӀо, дур аллагьзабазе гӀибадатги гьабулеб гьечӀо, меседил аллагьасда цебе накуги чӀвалеб гьечӀо».
13Кутакалда ццин бахъана гьебмехалъ Навуходоносорил ва Шадрахги, Мешахги, Авед-Негоги жиндихъе ахӀеян лъазабуна. Гьел гьесда цере рачӀиндал, 14Навуходоносорица гьезда цӀехана: «Шадрах, Мешах ва Авед-Него, нужеца дир аллагьзабазе гӀибадат гьабуларин ва дир меседил аллагьасда цебе нужеца накуги чӀваларин абулеб жо битӀараб бугищ?
15Дихъ гӀенекке: нуж хӀадур ратани суралъул, швантӀихалъул, лалуялъул, лираялъул, арфаялъул, къолол ва цогидал алатазул гьаракь рагӀидал, накабазде ккун дица эхетарав аллагьасда цебе сужда гьабизе, лъикӀ буго. Амма нужеца гьелъие инкар гьабуни, гьабсагӀаталъго цӀадул коронире рехизе руго. Цинги кинав аллагьасдай нуж дир кверщаликьа хвасар гьарилел?»
16Амма Шадрахица, Мешахица ва Авед-Негоца абуна: «Навуходоносор, гьеб каламалъе жаваб кьезе ккараб хӀал гьечӀо нижер.
17Пача, ниж цӀадул коронире рехани, нижеца Жиндие гӀибадат гьабулев Бичасул хӀалкӀолъи буго ниж гьениса хвасар гьаризе, ва Гьес дур квердасаги цӀунила ниж. 18Амма, Гьес хвасар гьаричӀониги, дуда лъан букӀа пача: дур аллагьзабазе нижеца гӀибадат гьабуларо, ва дуца эхетараб меседил аллагьасе нижеца бетӀерги къулуларо».
19Гьебмехалъ Шадрахиде, Мешахиде ва Авед-Негоде бахъараб гьалагаб ццидаца Навуходоносорил гьурмал кьер тӀуна ва анкьго нухалъ цӀикӀкӀун багӀаризабун кор боркьизабеян буюрана. 20Гьес жиндирго аскаразул тӀаса рищарал рагъухъабазе буюрухъ кьуна Шадрахги, Мешахги, Авед-Негоги рухь-рухьун цӀадулъе рехеян. 21ТӀад ретӀелгун – тӀажал, гурдал, тӀагъралгун – гьел рухьана ва гьелегьараб цӀадулъе рехана.
22Пачаясул кьварараб буюрухъалда рекъон, гьалаг гьабураб цӀадул кутакалъ, Шадрахги, Мешахги, Авед-Негоги цӀадулъе рехулел рукӀарал пачаясул рагъухъаби, корониса къватӀире бурулел цӀадул мацӀаз рухӀун рехана. 23Гьел лъабалгойин абуни, ай, Шадрах, Мешах ва Авед-Него рухьухъего беролеб цӀадулъе ккана.
24ЦинтӀаго хӀикмалъун вачӀана Навуходоносор ва кӀанцӀун тӀаде вахъана. «Лъабгоял гурелищ нилъеца рухьинеги рухьун цӀадулъе рехарал?» – ин цӀехана гьес гӀакълучагӀазда:
Гьез жаваб кьуна: «БитӀараб буго, пача», – ян.
25Цинги пачаяс абуна: «Дида ункъгоял рихьулел ругогури цӀадулъ хьвадулел, эркенго ва щибго заралги ккечӀого! Ункъабилесул куц-мухъин абуни Аллагьасул Васасда релълъуна!»
26Боркьараб корол кӀалтӀа цевегӀанги къан, Навуходоносорица ахӀана: «Шадрах, Мешах ва Авед-Него, ТӀадегӀанав Аллагьасул лагъзал, къватӀире лъугьа! Гьанире рачӀа!» Гьебмехалъ Шадрах, Мешах ва Авед-Него цӀадулъа къватӀире рачӀана.
27ГьебсагӀатго сардараз, шагьаразул бутӀруз, вазирзабаз ва пачаясул тӀолалго чӀухӀби-хӀакимзабаз сверун ккуна гьел, ва гьезда бихьана гьел гӀолохъабазе цӀадуца щибго зарал гьабун гьечӀеблъи: я ботӀродаса рас чӀурхӀун гьечӀо, я ретӀел бухӀун гьечӀо, я кӀкӀуйдул махӀцин гьечӀо.
28Гьебмехалъ Навуходоносорица абуна: «Шадрахил, Мешахил ва Авед-Негол Аллагьасе рецц! Гьес, малаикги витӀун, Жиндирго лагъзал хвасар гьаруна! Пачаясул рагӀухъги гӀенеккичӀого, гьез Гьесде мугъ чӀвайдал! Жиндирго гӀумруялда барахщичӀого, гӀицӀго жиндирго Аллагьасе гурони накуги чӀвачӀо гӀибадатги гьабичӀо!
29Гьале киналго халкъазе, къавмазе ва батӀи-батӀиял мацӀазул гӀадамазе дир буюрухъ: Шадрахил, Мешахил ва Авед-Негол Аллагь гӀодовегӀан гьавуравщинав чи ункъиде къотӀизе вуго, гьесул мина-къайги чӀвадназде сверизабизе буго, щайгурелъул, гьедин инсан хвасар гьавизе хӀалкӀолев цоги батӀияв Аллагь гьечӀо тӀокӀалъ!»
30Цинги пачаяс гьел Вавилон пачалихъалъул къадруял хъулухъазде тӀадруссинаруна.
КъотӀараб гъотӀол хӀакъалъулъ Навуходоносорил макьу
31«Навуходоносор пачаясул рахъалъ тӀолалго халкъазе, къавмазе ва батӀи-батӀиял мацӀазул гӀадамазе саламгун баракат!
32Дир мурад буго ТӀадегӀанав БетӀергьанас дир гӀумруялда жанир гьарурал кӀудиял ишазул ва мугӀжизатазул нужеда бицин.
33Гьесул гӀаламатазул кутаклъи!
Гьесул мугӀжизатазул гучлъи!
Гьесул парччахӀлъи – абадияб парччахӀлъи,
Гьесул кверщеллъи – гӀасрабазулъа гӀасрабазулъе!
Currently Selected:
Даниял 3: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Даниял 3
3
Даниялил гьудулзаби цӀадул коронире рехи
1Навуходоносор пачаяс буюрухъ кьуна лъабкъого натӀалъ борхатаб, анлъго натӀалъ гӀебаб меседил сипат-сурат гьабеян ва гьеб Вавилоналда бугеб Дура абулеб расалъиялда эхетеян. 2Цинги Навуходоносорица ахӀана тӀолалго сардарал, шагьаразул бутӀрул, вазирзаби, гӀакълучагӀи, пачаясул хазиначагӀи, диванчагӀи ва вилаятазул чӀухӀби-хӀакимзаби гьеб сипат-сурат кӀодо гьабизе. 3Сардарал, шагьаразул бутӀрул, вазирзаби, гӀакълучагӀи, хазиначагӀи, диванчагӀи ва вилаятазул чӀухӀби-хӀакимзаби Навуходоносорил сипат-сураталда цере эхетидал,
4гӀакӀа ахӀулев чияс киназдаго рагӀун абуна: «ТӀолалго халкъал, къавмал ва киналго гӀадамал, гӀенекке гьанире!
5Нужеда суралъул, швантӀихалъул, лалуялъул, лираялъул, арфаялъул, къолол ва цогидал музыкалиял алатазул гьаракь рагӀидал, Навуходоносорил меседил сипат-сураталда цере накабазде ккун гьесие сужда гьабе нужеца! 6Гьедин гьабизе инкар гьабуравщинав вехъерхъун вачун боркьараб корониве рехизе вуго!»
7Суралъул, швантӀихалъул, лалуялъул, лираялъул, арфаялъул, къолол ва цогидал музыкалиял алатазул гьаракь бахъараб сагӀаталда тӀолалго халкъал, къавмал ва батӀи-батӀиял мацӀазул гӀадамал накабазде ккана ва гьеб меседил сипат-сураталъе сужда гьабизе лъугьана.
8Амма гӀакълучагӀазда гьоркьоса чагӀаз ягьудияздасан мацӀ гьабуна. 9Гьез Навуходоносорида абуна: «БетӀерчӀахъаяв пача, дур гӀумру халалъаяв!
10Дуца – нижер пачаяс, буюрухъ кьуна суралъул, швантӀихалъул, лалуялъул, лираялъул, арфаялъул, къолол ва цогидал музыкалиял алатазул гьаракь рагӀидал, щивав чи накабазде ккун, меседил сипат-сураталъе сужда гьабеян. 11Гьедин гьабичӀев чи цӀадул корониве рехизе вугилан. 12Амма дуца Вавилоналда тӀад тарал ягьудияз – Шадрахица, Мешахица ва Авед-Негоца – дуца абураб жо гӀадахъ босулеб гьечӀо, дур аллагьзабазе гӀибадатги гьабулеб гьечӀо, меседил аллагьасда цебе накуги чӀвалеб гьечӀо».
13Кутакалда ццин бахъана гьебмехалъ Навуходоносорил ва Шадрахги, Мешахги, Авед-Негоги жиндихъе ахӀеян лъазабуна. Гьел гьесда цере рачӀиндал, 14Навуходоносорица гьезда цӀехана: «Шадрах, Мешах ва Авед-Него, нужеца дир аллагьзабазе гӀибадат гьабуларин ва дир меседил аллагьасда цебе нужеца накуги чӀваларин абулеб жо битӀараб бугищ?
15Дихъ гӀенекке: нуж хӀадур ратани суралъул, швантӀихалъул, лалуялъул, лираялъул, арфаялъул, къолол ва цогидал алатазул гьаракь рагӀидал, накабазде ккун дица эхетарав аллагьасда цебе сужда гьабизе, лъикӀ буго. Амма нужеца гьелъие инкар гьабуни, гьабсагӀаталъго цӀадул коронире рехизе руго. Цинги кинав аллагьасдай нуж дир кверщаликьа хвасар гьарилел?»
16Амма Шадрахица, Мешахица ва Авед-Негоца абуна: «Навуходоносор, гьеб каламалъе жаваб кьезе ккараб хӀал гьечӀо нижер.
17Пача, ниж цӀадул коронире рехани, нижеца Жиндие гӀибадат гьабулев Бичасул хӀалкӀолъи буго ниж гьениса хвасар гьаризе, ва Гьес дур квердасаги цӀунила ниж. 18Амма, Гьес хвасар гьаричӀониги, дуда лъан букӀа пача: дур аллагьзабазе нижеца гӀибадат гьабуларо, ва дуца эхетараб меседил аллагьасе нижеца бетӀерги къулуларо».
19Гьебмехалъ Шадрахиде, Мешахиде ва Авед-Негоде бахъараб гьалагаб ццидаца Навуходоносорил гьурмал кьер тӀуна ва анкьго нухалъ цӀикӀкӀун багӀаризабун кор боркьизабеян буюрана. 20Гьес жиндирго аскаразул тӀаса рищарал рагъухъабазе буюрухъ кьуна Шадрахги, Мешахги, Авед-Негоги рухь-рухьун цӀадулъе рехеян. 21ТӀад ретӀелгун – тӀажал, гурдал, тӀагъралгун – гьел рухьана ва гьелегьараб цӀадулъе рехана.
22Пачаясул кьварараб буюрухъалда рекъон, гьалаг гьабураб цӀадул кутакалъ, Шадрахги, Мешахги, Авед-Негоги цӀадулъе рехулел рукӀарал пачаясул рагъухъаби, корониса къватӀире бурулел цӀадул мацӀаз рухӀун рехана. 23Гьел лъабалгойин абуни, ай, Шадрах, Мешах ва Авед-Него рухьухъего беролеб цӀадулъе ккана.
24ЦинтӀаго хӀикмалъун вачӀана Навуходоносор ва кӀанцӀун тӀаде вахъана. «Лъабгоял гурелищ нилъеца рухьинеги рухьун цӀадулъе рехарал?» – ин цӀехана гьес гӀакълучагӀазда:
Гьез жаваб кьуна: «БитӀараб буго, пача», – ян.
25Цинги пачаяс абуна: «Дида ункъгоял рихьулел ругогури цӀадулъ хьвадулел, эркенго ва щибго заралги ккечӀого! Ункъабилесул куц-мухъин абуни Аллагьасул Васасда релълъуна!»
26Боркьараб корол кӀалтӀа цевегӀанги къан, Навуходоносорица ахӀана: «Шадрах, Мешах ва Авед-Него, ТӀадегӀанав Аллагьасул лагъзал, къватӀире лъугьа! Гьанире рачӀа!» Гьебмехалъ Шадрах, Мешах ва Авед-Него цӀадулъа къватӀире рачӀана.
27ГьебсагӀатго сардараз, шагьаразул бутӀруз, вазирзабаз ва пачаясул тӀолалго чӀухӀби-хӀакимзабаз сверун ккуна гьел, ва гьезда бихьана гьел гӀолохъабазе цӀадуца щибго зарал гьабун гьечӀеблъи: я ботӀродаса рас чӀурхӀун гьечӀо, я ретӀел бухӀун гьечӀо, я кӀкӀуйдул махӀцин гьечӀо.
28Гьебмехалъ Навуходоносорица абуна: «Шадрахил, Мешахил ва Авед-Негол Аллагьасе рецц! Гьес, малаикги витӀун, Жиндирго лагъзал хвасар гьаруна! Пачаясул рагӀухъги гӀенеккичӀого, гьез Гьесде мугъ чӀвайдал! Жиндирго гӀумруялда барахщичӀого, гӀицӀго жиндирго Аллагьасе гурони накуги чӀвачӀо гӀибадатги гьабичӀо!
29Гьале киналго халкъазе, къавмазе ва батӀи-батӀиял мацӀазул гӀадамазе дир буюрухъ: Шадрахил, Мешахил ва Авед-Негол Аллагь гӀодовегӀан гьавуравщинав чи ункъиде къотӀизе вуго, гьесул мина-къайги чӀвадназде сверизабизе буго, щайгурелъул, гьедин инсан хвасар гьавизе хӀалкӀолев цоги батӀияв Аллагь гьечӀо тӀокӀалъ!»
30Цинги пачаяс гьел Вавилон пачалихъалъул къадруял хъулухъазде тӀадруссинаруна.
КъотӀараб гъотӀол хӀакъалъулъ Навуходоносорил макьу
31«Навуходоносор пачаясул рахъалъ тӀолалго халкъазе, къавмазе ва батӀи-батӀиял мацӀазул гӀадамазе саламгун баракат!
32Дир мурад буго ТӀадегӀанав БетӀергьанас дир гӀумруялда жанир гьарурал кӀудиял ишазул ва мугӀжизатазул нужеда бицин.
33Гьесул гӀаламатазул кутаклъи!
Гьесул мугӀжизатазул гучлъи!
Гьесул парччахӀлъи – абадияб парччахӀлъи,
Гьесул кверщеллъи – гӀасрабазулъа гӀасрабазулъе!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023