Даниял 4
4
1Дун, Навуходоносор, парахатго дирго рокъов – кӀалгӀаялда – гьарзаяб ва рахӀатаб гӀумруялда вукӀана. 2Амма цо сордоялъ бихьараб макьуялъ кутакалда хӀинкъизавуна дун; сардилъ цере тӀамурал хӀинкъа-хӀинкъарал жалаз сородизавуна. 3Цинги Вавилоналъул тӀолалго гӀакъилзаби раче дихъеян буюрухъ кьуна дица, гьез дир макьуялъул магӀна бицине букӀине. 4СихӀручагӀи, балъголъи лъалел чагӀи, гӀакълучагӀи ва нужумчагӀи дида цере рачӀиндал, дица макьу бицана гьезда. Амма лъидаго гьелъул магӀна бичӀчӀичӀо. 5Ахирги Даниял вачӀана дихъе (дица гьесда Белтешацар абун цӀар лъун букӀана, дирго аллагьасул цӀар) – Хирияв Аллагьасул РухӀ жиндилъ бугев чи. Гьесдаги бицана дирго макьу.
6Дица абуна: „Белтешацар, тӀолалго балъголъи лъалезул бетӀер! Дида лъала дулъ Хирияв Аллагьасул РухӀ букӀин ва дуца бокьараб балъголъи бигьаго тӀатинабулеблъи. Гьанже бице дида, гьаб дида бихьараб макьу кинаб ва гьелъул магӀна щиб?
7Гьале къаси бусада кьижун вукӀаго дида бихьараб макьу. Дунялалъул бакьулъ борхатаб гъветӀ буго эхетун. 8Гьеб кутакалда кӀодолъана, кар зобалазде гӀунтӀана. Дунялалда кисанго бихьулеб букӀана гьеб. 9ГъотӀода гьайбатаб тӀамахги букӀана, пихъги гьарзаго бижун букӀана – киназего гӀураб нигӀмат букӀана гъотӀода. Гьелда гъоркь гӀалхул жанаварал рахчана, гьелъул тӀамах-гӀаркьелазулъ зобалазул хӀанчӀаз бусаби гьаруна ва щибаб рухӀчӀаголъиялъ гьелдаса пихъ кваналеб букӀана.
10Цинги макьилъ дида малаик вихьана – зобалаздасан гӀодове рещтӀун вачӀунев Хирияв ВорчӀухъан. 11Гьес киназдаго рагӀун абуна: ‘ГъветӀ къотӀе, гьелъул гӀаркьалаби гъура-чунке, пихъги щущазабе. Жанаварал гьелда гъоркьа нахъе аян абе, хӀанчӀиги, гьелъул гӀаркьалабиги тун, нахъе роржаян абе. 12Амма хӀехьгин кьалбал, тӀад маххги мазгарги бан, гӀурдал харилъ те. Зодисан щвараб щубалъ чурулеб букӀа абе гьеб ва жанаваразда цадахъ букӀа абе, чӀахӀ-херги кванан. 13Инсанасул гӀакълуги нахъе босун, жанаваралъул гӀакълу кье гьесие. Гьедин букӀа абе анкьго соналъ. 14Гьаб хӀукму загьир гьабуна Зобалазул РорчӀухъабаз, Хириял малаикзабаз амруги босун бачӀана. ЧӀагоялщиназда лъан букӀа абе гӀадамазул пачалъи ТӀадегӀанасул кверщаликь букӀин. Жиндиего бокьарасе гьебги кьолеб, бищун гӀодовегӀанавцин пачалъунги гьавулев Гьес’.
15Гьеле Навуходоносор пачаясда къаси бихьараб макьу. Гьанже, Белтешацар, бице дида гьелъул магӀна, дир пачалихъалъул тӀокӀав цониги гӀакъиласда кӀолеб гьечӀо гьелъул магӀна гьабизе“».
Даниялица макьу къотӀи
16Гьебмехалда Даниял (гьевго Белтешацар) кутакалда хӀал хисун лъугьана, ва гьев жиндирго пикрабаз хӀинкъизавуна.
Цинги пачаяс абуна: «Белтешацар, я гьеб макьуялъ, я гьелъул магӀнаялъ мун хӀинкъизавизе кколаро».
Цинги Белтешацарица абуна: «БетӀерчӀахъад, дур тушбабазе анищ гьеб макьу ва мун рихаразе анищ гьелъул магӀнаги!
17Дуда макьилъ бихьараб гъветӀ – кӀудияб ва щулияб, борхалъиялъ зодоб тункараб ва кисанго жиб бихьулеб, 18гьайбатаб тӀамахгун, кинацаго кваналеб лазатаб пихъгун, жиндир рагӀдукь гӀалхул жанаварал рахчулеб ва гӀаркьелазда зодил хӀанчӀаца бусен лъураб – 19мун ккола гьев, дир пача! Мун кӀодолъана, ва дур гуч цӀикӀкӀана; дур цӀар зобалазде бахана, ва дур кверщеллъи дунялалъул рагӀалдеги гӀунтӀана.
20Дир пача, цинги дуда вихьана зобалаздаса гӀодове рещтӀун вачӀунев Хирияв ВорчӀухъан, ва Гьес абуна: „ГъветӀ къотӀе, гьеб хвезабе, амма хӀехьги кьалбалги, тӀад маххги мазгарги бан, гӀурдал харилъ те. Зодил щубалъ чурулеб букӀа абе гьеб ва жанаваразда цадахъ букӀа абе, чӀахӀ-херги кванан. Гьедин букӀине те анкьго соналъ“.
21Гьале, дир пача, гьелъул магӀна ва гьале ТӀадегӀанас дир бетӀерчӀахъадие къотӀараб хӀукму: 22мун гӀадамазда гъорлъа вачахъизе вуго ва гӀалхул жанаваралгун цадахъ гӀумру гьабун вукӀине вуго. ХӀайван кинигин чӀахӀ-херги кванан зодил щубалъ чурулев вукӀина мун. Гьедин анкьго сон бала, цинги дуда бичӀчӀила гӀадамазул пачалъи ТӀадегӀанасул кверщаликь букӀинги, Жиндиего бокьарасе Гьес гьеб кьолеблъиги.
23Амма хӀехьги кьалбалги нахъе цӀунеян лъазабун бугелъул, дур пачалъи духъе тӀадбуссине буго, сундаго тӀад кверщеллъи Зобалазухъ букӀиналъе мун кантӀараб ва мукӀурлъараб мехалъ. 24Гьединлъидал, дир пача, гьаб дица кьолеб гӀакълу къабуллъаги дуе: ритӀухъал ишалги гьарун, дурго мунагьазул гьир тӀаса рехе ва зулмуялъул рахсалги чучун, мискинзабазе квер гӀатӀид гьабе».
Макьу тӀубай
25ХӀакъикъаталдаги кинабго гьедин ккезеги ккана Навуходоносорие. 26Гьелдаса анцӀила кӀиго моцӀ ун хадуб, цо къоялъ Вавилоналда пачаясул кӀалгӀаялъул тӀохда хьвада-чӀвадилев вукӀаго, 27пачаяс абуна:
«Гьаб гурищ цӀар рагӀараб Вавилон! Пачабазул тахшагьар, дица дирго къуваталъ ва дирго хӀалкӀолъиялъ бараб, дир кутакги дир цӀарги машгьур гьабураб!»
28Пачаяс гьеб рагӀи бицун бахъиналде зобалаздасан гьаракь рагӀана: «ГӀенекке, Навуходоносор пача! Гьале дуе къотӀараб хӀукму: мун пачалъиялдаса рехулев вуго!
29ГӀадамазда аскӀоса нахъе гъезе вуго мун ва гӀалхул жанаваразда аскӀов хӀайван кинигин, чӀахӀ-херги кванан, вукӀине вуго. Гьедин анкьго сон бала. Цинги дуда бичӀчӀила гӀадамазул пачалъи ТӀадегӀанасул кверщаликь букӀинги, Жиндиего бокьарасе Гьес гьеб кьолеблъиги».
30ГьебсагӀаталдаго гьеб рагӀиги тӀубана. Навуходоносор гӀадамазда цевеса нахъе ахӀана; щубалъ черхги чурун, херги кванан, хӀайван гӀадин лъугьана гьев ва гьесул рас цӀумалъул хӀули гӀадаб халатаб бижана, малъалги, хъарчигъадул гӀадин, кӀудиял гӀуна.
31«Анкьго сон ахиралде щведал, дун, Навуходоносор, борхун бетӀергун, зодиве валагьана ва дихъе гӀакълу тӀадбуссана. Гьебмехалда дица ТӀадегӀанасе рецц гьабуна, Абадиясе реццгун гӀибадат гьабуна.
Гьесул кверщеллъи – абадияб,
Гьесул парччахӀлъи – гӀасрабазулъа гӀасрабазулъе!
32Гьаб дунялалъул гӀалам –
щибго гуреб жо.
Жиндиего бокьухъе гьабула Гьес
зобалазул боязеги
дунялалъул агьлуялъеги.
Гьесда данде чӀезе кӀолеб къуват лъилниги гьечӀо –
„Дуца гьабулеб жо щиб?“ – ин Гьесда лъицаго абуларо.
33Дун гӀакълуялде вачӀараб сагӀаталъго, пачаясул къадру-къиматги, чӀухӀиги, кӀодолъиги тӀадбуссана дихъе. ЧӀухӀби-хӀакимзабаз дун нахъеги къабул гьавуна. Дун цӀидасан пачалъун лъугьана, ва цебе букӀаралдасаги дир къадру-къимат цӀикӀкӀана. 34Гьанже, дица, Навуходоносорица, Зобалазул ПарччахӀасе рецц гьабула, щайгурелъул, Гьес гьабулебщинаб хӀакъаб бугелъул ва Гьесул нухал рацӀцӀадал ругелъул. ГӀамалкӀодого хьвадулелщиназда квелъ базеги Гьесул хӀалкӀолъи буго».
Currently Selected:
Даниял 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Даниял 4
4
1Дун, Навуходоносор, парахатго дирго рокъов – кӀалгӀаялда – гьарзаяб ва рахӀатаб гӀумруялда вукӀана. 2Амма цо сордоялъ бихьараб макьуялъ кутакалда хӀинкъизавуна дун; сардилъ цере тӀамурал хӀинкъа-хӀинкъарал жалаз сородизавуна. 3Цинги Вавилоналъул тӀолалго гӀакъилзаби раче дихъеян буюрухъ кьуна дица, гьез дир макьуялъул магӀна бицине букӀине. 4СихӀручагӀи, балъголъи лъалел чагӀи, гӀакълучагӀи ва нужумчагӀи дида цере рачӀиндал, дица макьу бицана гьезда. Амма лъидаго гьелъул магӀна бичӀчӀичӀо. 5Ахирги Даниял вачӀана дихъе (дица гьесда Белтешацар абун цӀар лъун букӀана, дирго аллагьасул цӀар) – Хирияв Аллагьасул РухӀ жиндилъ бугев чи. Гьесдаги бицана дирго макьу.
6Дица абуна: „Белтешацар, тӀолалго балъголъи лъалезул бетӀер! Дида лъала дулъ Хирияв Аллагьасул РухӀ букӀин ва дуца бокьараб балъголъи бигьаго тӀатинабулеблъи. Гьанже бице дида, гьаб дида бихьараб макьу кинаб ва гьелъул магӀна щиб?
7Гьале къаси бусада кьижун вукӀаго дида бихьараб макьу. Дунялалъул бакьулъ борхатаб гъветӀ буго эхетун. 8Гьеб кутакалда кӀодолъана, кар зобалазде гӀунтӀана. Дунялалда кисанго бихьулеб букӀана гьеб. 9ГъотӀода гьайбатаб тӀамахги букӀана, пихъги гьарзаго бижун букӀана – киназего гӀураб нигӀмат букӀана гъотӀода. Гьелда гъоркь гӀалхул жанаварал рахчана, гьелъул тӀамах-гӀаркьелазулъ зобалазул хӀанчӀаз бусаби гьаруна ва щибаб рухӀчӀаголъиялъ гьелдаса пихъ кваналеб букӀана.
10Цинги макьилъ дида малаик вихьана – зобалаздасан гӀодове рещтӀун вачӀунев Хирияв ВорчӀухъан. 11Гьес киназдаго рагӀун абуна: ‘ГъветӀ къотӀе, гьелъул гӀаркьалаби гъура-чунке, пихъги щущазабе. Жанаварал гьелда гъоркьа нахъе аян абе, хӀанчӀиги, гьелъул гӀаркьалабиги тун, нахъе роржаян абе. 12Амма хӀехьгин кьалбал, тӀад маххги мазгарги бан, гӀурдал харилъ те. Зодисан щвараб щубалъ чурулеб букӀа абе гьеб ва жанаваразда цадахъ букӀа абе, чӀахӀ-херги кванан. 13Инсанасул гӀакълуги нахъе босун, жанаваралъул гӀакълу кье гьесие. Гьедин букӀа абе анкьго соналъ. 14Гьаб хӀукму загьир гьабуна Зобалазул РорчӀухъабаз, Хириял малаикзабаз амруги босун бачӀана. ЧӀагоялщиназда лъан букӀа абе гӀадамазул пачалъи ТӀадегӀанасул кверщаликь букӀин. Жиндиего бокьарасе гьебги кьолеб, бищун гӀодовегӀанавцин пачалъунги гьавулев Гьес’.
15Гьеле Навуходоносор пачаясда къаси бихьараб макьу. Гьанже, Белтешацар, бице дида гьелъул магӀна, дир пачалихъалъул тӀокӀав цониги гӀакъиласда кӀолеб гьечӀо гьелъул магӀна гьабизе“».
Даниялица макьу къотӀи
16Гьебмехалда Даниял (гьевго Белтешацар) кутакалда хӀал хисун лъугьана, ва гьев жиндирго пикрабаз хӀинкъизавуна.
Цинги пачаяс абуна: «Белтешацар, я гьеб макьуялъ, я гьелъул магӀнаялъ мун хӀинкъизавизе кколаро».
Цинги Белтешацарица абуна: «БетӀерчӀахъад, дур тушбабазе анищ гьеб макьу ва мун рихаразе анищ гьелъул магӀнаги!
17Дуда макьилъ бихьараб гъветӀ – кӀудияб ва щулияб, борхалъиялъ зодоб тункараб ва кисанго жиб бихьулеб, 18гьайбатаб тӀамахгун, кинацаго кваналеб лазатаб пихъгун, жиндир рагӀдукь гӀалхул жанаварал рахчулеб ва гӀаркьелазда зодил хӀанчӀаца бусен лъураб – 19мун ккола гьев, дир пача! Мун кӀодолъана, ва дур гуч цӀикӀкӀана; дур цӀар зобалазде бахана, ва дур кверщеллъи дунялалъул рагӀалдеги гӀунтӀана.
20Дир пача, цинги дуда вихьана зобалаздаса гӀодове рещтӀун вачӀунев Хирияв ВорчӀухъан, ва Гьес абуна: „ГъветӀ къотӀе, гьеб хвезабе, амма хӀехьги кьалбалги, тӀад маххги мазгарги бан, гӀурдал харилъ те. Зодил щубалъ чурулеб букӀа абе гьеб ва жанаваразда цадахъ букӀа абе, чӀахӀ-херги кванан. Гьедин букӀине те анкьго соналъ“.
21Гьале, дир пача, гьелъул магӀна ва гьале ТӀадегӀанас дир бетӀерчӀахъадие къотӀараб хӀукму: 22мун гӀадамазда гъорлъа вачахъизе вуго ва гӀалхул жанаваралгун цадахъ гӀумру гьабун вукӀине вуго. ХӀайван кинигин чӀахӀ-херги кванан зодил щубалъ чурулев вукӀина мун. Гьедин анкьго сон бала, цинги дуда бичӀчӀила гӀадамазул пачалъи ТӀадегӀанасул кверщаликь букӀинги, Жиндиего бокьарасе Гьес гьеб кьолеблъиги.
23Амма хӀехьги кьалбалги нахъе цӀунеян лъазабун бугелъул, дур пачалъи духъе тӀадбуссине буго, сундаго тӀад кверщеллъи Зобалазухъ букӀиналъе мун кантӀараб ва мукӀурлъараб мехалъ. 24Гьединлъидал, дир пача, гьаб дица кьолеб гӀакълу къабуллъаги дуе: ритӀухъал ишалги гьарун, дурго мунагьазул гьир тӀаса рехе ва зулмуялъул рахсалги чучун, мискинзабазе квер гӀатӀид гьабе».
Макьу тӀубай
25ХӀакъикъаталдаги кинабго гьедин ккезеги ккана Навуходоносорие. 26Гьелдаса анцӀила кӀиго моцӀ ун хадуб, цо къоялъ Вавилоналда пачаясул кӀалгӀаялъул тӀохда хьвада-чӀвадилев вукӀаго, 27пачаяс абуна:
«Гьаб гурищ цӀар рагӀараб Вавилон! Пачабазул тахшагьар, дица дирго къуваталъ ва дирго хӀалкӀолъиялъ бараб, дир кутакги дир цӀарги машгьур гьабураб!»
28Пачаяс гьеб рагӀи бицун бахъиналде зобалаздасан гьаракь рагӀана: «ГӀенекке, Навуходоносор пача! Гьале дуе къотӀараб хӀукму: мун пачалъиялдаса рехулев вуго!
29ГӀадамазда аскӀоса нахъе гъезе вуго мун ва гӀалхул жанаваразда аскӀов хӀайван кинигин, чӀахӀ-херги кванан, вукӀине вуго. Гьедин анкьго сон бала. Цинги дуда бичӀчӀила гӀадамазул пачалъи ТӀадегӀанасул кверщаликь букӀинги, Жиндиего бокьарасе Гьес гьеб кьолеблъиги».
30ГьебсагӀаталдаго гьеб рагӀиги тӀубана. Навуходоносор гӀадамазда цевеса нахъе ахӀана; щубалъ черхги чурун, херги кванан, хӀайван гӀадин лъугьана гьев ва гьесул рас цӀумалъул хӀули гӀадаб халатаб бижана, малъалги, хъарчигъадул гӀадин, кӀудиял гӀуна.
31«Анкьго сон ахиралде щведал, дун, Навуходоносор, борхун бетӀергун, зодиве валагьана ва дихъе гӀакълу тӀадбуссана. Гьебмехалда дица ТӀадегӀанасе рецц гьабуна, Абадиясе реццгун гӀибадат гьабуна.
Гьесул кверщеллъи – абадияб,
Гьесул парччахӀлъи – гӀасрабазулъа гӀасрабазулъе!
32Гьаб дунялалъул гӀалам –
щибго гуреб жо.
Жиндиего бокьухъе гьабула Гьес
зобалазул боязеги
дунялалъул агьлуялъеги.
Гьесда данде чӀезе кӀолеб къуват лъилниги гьечӀо –
„Дуца гьабулеб жо щиб?“ – ин Гьесда лъицаго абуларо.
33Дун гӀакълуялде вачӀараб сагӀаталъго, пачаясул къадру-къиматги, чӀухӀиги, кӀодолъиги тӀадбуссана дихъе. ЧӀухӀби-хӀакимзабаз дун нахъеги къабул гьавуна. Дун цӀидасан пачалъун лъугьана, ва цебе букӀаралдасаги дир къадру-къимат цӀикӀкӀана. 34Гьанже, дица, Навуходоносорица, Зобалазул ПарччахӀасе рецц гьабула, щайгурелъул, Гьес гьабулебщинаб хӀакъаб бугелъул ва Гьесул нухал рацӀцӀадал ругелъул. ГӀамалкӀодого хьвадулелщиназда квелъ базеги Гьесул хӀалкӀолъи буго».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023