Даниял 2
2
Навуходоносорил макьу
1Пачалъун вахъун кӀиабилеб соналъ Навуходоносорида#2:1 Цебесеб эраялъул 603 с. хӀикматал макьаби рихьана; гьел макьабаз гьесул рахӀат хвезабуна ва макьу тӀуризабуна. 2Цинги пачаяс буюрана тӀолалго балъголъи лъалел чагӀиги, сихӀручагӀиги, палихъабиги, гӀакълучагӀиги жиндихъе ахӀеян, гьез жиндир макьу къотӀизе абун. Гьел киналго пачаясда цере эхетана. 3Пачаяс абуна: «Кутакалда рахӀат хвезабураб макьу бихьун буго дида; гьелъул магӀна лъазе бокьун буго дие», – ян.
4ГӀакълучагӀи кӀалъана пачаясда арамеязул мацӀалда#2:4 Гьаб бакӀалдаса бахъараб анкьабилеб бетӀералъул ахиралде щвезегӀан гьаб тӀехь хъван буго арамеязул мацӀалда.: «БетӀерчӀахъаяв пача, дур гӀумру халалъаяв! Нижеда, дур лагъзадерида, бице гьеб макьу. Цинги нижеца бицина дуда гьелъул магӀна», – ян.
5Пачаяс гӀакълучагӀазе жаваб кьуна: «Гьале дир амру! Нужеца дида бихьараб макьу бицинчӀони ва гьеб макьуги къотӀичӀони, нужгоги къотӀ-къотӀун ран, нужер мина-къайги щущахъ биххизабизе буго.
6Амма нужеца дида бихьараб макьуги бицани ва гьеб макьуги битӀун къотӀани, нужее дир рахъалъан сайгъаталги, шапакъаталги ва кӀудияб адаб-хӀурматги букӀине буго. Гьанже бице доб дида бихьараб макьуги ва гьелъул магӀнаги».
7Гьез нахъеги абуна: «БетӀерчӀахъаяв пача, бицеха нижеда, дур лагъзадерида, щиб макьилъ бихьарабали, цинги нижецаги бицина гьелъул магӀна», – ян.
8Пачаяс жаваб кьуна: «Гьеле, дида ракӀчӀун бихьулеб буго, нужеца заман цӀалеб букӀин. Нужеда лъалелъул дир къотӀи щулияб букӀин.
9Дир макьу бицинчӀони, нужее тамихӀ букӀине бугелъул. Гьединлъидал, гьерсалги рицун дун махсароде кквезе къеркьолел руго нуж, гьалъул хиса-баси ккезе бегьулин хьулазда. Бице дида макьу, гьебмехалъ божила дунги нужехъ гьелъул магӀна гьабизе гӀураб гьунар букӀиналда».
10ГӀакълучагӀаз пачаясда абуна: «Гьаб дунялалъул рокъоб цониги чиясда бажарулеб жо гуро нижедаса пачаяс тӀалаб гьабулеб бугеб жо. Цониги пачаяс киданиги цӀехечӀо гьединаб жо балъголъи лъалел чагӀазда, сихӀручагӀазда ва гӀакълучагӀазда.
11Кутакалда захӀматаб суал кьолеб буго пачаяс. Аллагьзабазда гурони гьелъие жаваб лъаларо, амма гьел инсанияталъул дунялалда рукӀунаро».
12Гьел рагӀабаз пачаясул кутакалда ццин гьалаглъизабуна, ва тӀолалго Вавилоналъул гӀакъилзаби чӀваян буюрухъ кьуна гьес. 13ТӀолалго гӀакъилзаби чӀваян абураб пачаясул буюрухъ къватӀибе бахъана. Гьединго Даниялида ва гьесул гьалмагъзабазда хадурги, гьелги чӀвазе, чагӀи ритӀун ана.
14Амма Вавилоналъул гӀакъилзаби чӀвазе витӀарав пачаясул рорчӀухъабазул бетӀер Ариохида берцинаб калам гьабун кӀалъана Даниял. 15Даниялица Ариохида цӀехана: «Пачаясул кӀудияв хӀаким! Щай пачаяс гьедигӀан гӀасияб буюрухъ кьураб?» – ин. Ариохица ккараб жо бицана гьесда.
16Гьебмехалъ Даниял пачаясухъе вилълъана ва пачаясул макьуги лъазе гьелъул магӀнаги къотӀизе жиндие заман кьеян гьарана.
17Гьениса рокъове щведал, гьес гьеб кинабго жиндирго гьудулзабазда, ай, Хананиягьида, Мишаэлида ва Азариягьида бицана. 18Жидеда гурхӀел-рахӀму гьабун гьеб балъголъи тӀатинабеян зобалазул Аллагьасда гьареян абуна Даниялица гьудулзабазда, Вавилоналъул цогидал гӀакъилзабигун цадахъ жалгоги чӀвачӀого хутӀизе. 19Къаси сардилъ гьеб балъголъи Даниялие загьирлъана – кинабго гьесда цебе тӀамуна. Гьебмехалъ Даниялица Зобалазул Аллагьасе рецц гьабун,
20гьадинаб дугӀа гьабуна:
«Абадул абадиялъего Аллагьасе рецц!
Гьесулъ бугелъул гӀакълуги къуватги.
21Заманги гӀасрабиги Гьес хисизарула;
пачазаби тахиде рахинарула ва гъоркьеги рехула;
гӀакъилазе гӀакълу кьола,
цӀодоразе – лъай щола;
22Гьес балъголъиялъул тӀину тӀатинабула,
бецӀлъиялъукь тӀупарабги Гьесда лъала.
Канлъиялъул хӀубилъунги Гьев вуго.
23Дир умумузул Аллагь, дица Дуе рецц гьабула,
Дуца дие гӀакълуги къуватги кьуна!
Нижеца Дуда гьарарабщинаб Дуца дие тӀатинабуна.
Пачаясул суалалъе жаваб Дуца загьир гьабуна».
24Цинги пачаяс Вавилоналъул гӀакъилзаби чӀвазе витӀун вукӀарав Ариохихъе вилълъана Даниял ва гьесда кӀалъана: «Вавилоналъул гӀакъилзаби чӀваге! Дун пачаясухъе ваче, дица бицина гьесда бихьараб макьуги гьелъул магӀнаги».
25ГьебсагӀаталдаго Ариохица Даниял пачаясухъе вачана ва пачаясда бицана: «Дида цо чи ватана Ягьудиялдаса гьанире гочинарурал асирзабазда гьоркьов. Гьес пачаясул макьу къотӀизе буго», – ян.
26Гьебмехалъ пача Даниялида кӀалъана (гьевго Белтешацар): «Дуда унго-унголъунги кӀолебищ дида бихьараб макьу бицине, гьелъул магӀнаги загьир гьабизе?»
27Даниялица пачаясе жаваб кьуна: «Пачаяс цӀехолеб балъголъи тӀатине кӀоларо, я гӀакъилзабазда, я сихӀручагӀазда, я балъголъи лъалел чагӀазда, я нужумчагӀазда.
28Амма балъголъаби загьир гьарулев Аллагь зобалазда вуго! Гьесин Навуходоносор пачаясда бихьизабураб гьаб дунялалъул ахиралда букӀине бугебги.
Гьале мун къаси кьижун вукӀаго дуда бихьараб макьу.
29Кьижизе вегарав чи, букӀинеселъул хивалазда вукӀана мун. Цинги балъголъи Рагьулес букӀинесеб бихьизабуна дуда. 30Дие гьеб балъголъи тӀатана дун цогидаздаса гӀакъилав вукӀиналъ гуреб, амма дуда, дир пача, гьелъул магӀна лъан букӀине ва дур рахӀат хвезабураб жо дудаго бичӀчӀун букӀине.
31Дир пача, гьале дуда бихьараб макьу: дуда бихьана тӀаде балагьизе хӀинкъараб, залимаб, берал беццлъизарулеб хӀалалъ паркъолеб, цебе эхетараб кӀудияб сипат-сурат#2:31 Сипат-сурат – статуя-идол.. 32Гьелъул бетӀер букӀана бацӀцӀадаб меседил, керенги квералги – гӀарцул, чехьги мачӀабиги – мазгарул, 33бохдул – маххул, хӀатӀал – бакӀбакӀалдаса маххул, бакӀбакӀалдаса хӀатӀул. 34Мун валагьун вукӀаго, инсанасул квер хъвачӀого кьурдаса батӀалъараб гамачӀ, бащдал хӀатӀул бащдал маххул гьарурал хӀатӀазда тӀад речӀчӀана, ва гьел щущазаруна. 35Гьебмехалъ хӀатӀги, мазгарги, гӀарацги, меседги цадахъ, риидал гьоцӀиб чӀахӀ гӀадин, щущахъ биххун ана. РукӀараб бакӀцин хутӀичӀого гьороца хъамун ана гьел. Гьеб сипат-сураталда тӀад речӀчӀараб гамачӀин абуни, кӀудияб мегӀералде сверана ва гьелъ тӀолабго дунял цӀезабуна.
36Гьеле макьу. Гьанже гьелъул магӀнаги бицинин. 37Мун вуго пачабазулги пача. Пачалъиги, гучлъиги, къуватги ва цӀар-реццги дуе кьун буго Зобалазул Аллагьас. 38Дур ихтияралде кьун буго инсаниятго, гӀалхул жанаварал ва зобалазул хӀанчӀи. Гьел кир ратаниги, Гьес гьезда тӀад пачалъунги мун тун вуго. Мунин кколев гьеб меседил бетӀер.
39Мун ун хадуб бижила цӀияб пачалихъ, амма дур гӀадаб кӀудияб букӀинаро гьеб. Гьелдасаги хадуб лъабабилеб, мазгарул пачалихъ бижила – тӀолабго дунялалъул кверщеллъиги гьелъухъ букӀина. 40Ункъабилеб пачалихъ букӀина маххгӀан щулияб. Маххуца щибгоги гъурулеб гӀадин, гьелъги гъура-чункила киналго хутӀанщинал. 41Гьединго дуда бихьана хӀатӀал ва хӀатӀил килщал бащдал маххул бащдал хӀатӀул рукӀин – гьединлъидал гьеб пачалихълъиги букӀина кӀийиде бикьараб. Маххул къуватги букӀина гьелъулъ, гьединлъидалин дуда бихьараб маххги хӀатӀги цадахъ. 42Гьел хӀатӀал бащдал маххул бащдал хӀатӀул рукӀиналъул магӀнаги ккола – гьеб пачалихъ цо рахъалъ къвакӀараб, цогидаб рахъалъ загӀипаб букӀин. 43Махх хӀатӀгун жубан букӀин дуда бихьараб гӀадин, гьелъул халкъги букӀина жубараб, амма цолъун бажарулареб, маххгун хӀатӀ цолъуларебго гӀадин.
44Гьел пачабазул заманалда Зобалазул Аллагьас абадияб, гучаб ва цогидал халкъазда жидерго кверщаликье ккезабизе кӀолареб пачалихъ бижизабизе буго. Гьелъ гъуризе ва щущазаризе руго гьел киналго пачалихъал, жибгойин абуни абадиялъего щулалъизе буго. 45Гьединлъидалин дуда бихьараб жибго жиндаго кьурдаса бекун бачӀун гамачӀ батӀалъулеб ва маххги, мазгарги, хӀатӀги, гӀарацги, меседги гьелъ щущазабулеб.
Гьедин, Къудратав Аллагьас букӀинесеб бихьизабун буго пачаясда. Гьеб макьуги хӀакъаб, гьелъул магӀнаги битӀараб буго».
46Гьебмехалда Навуходоносор Даниялие наку чӀван къулана, ва гьесда цере гьуинал махӀал рухӀеян, гьесие сайгъаталги росеян буюрана.
47Пачаяс Даниялида абуна: «Унго-унголъунги нужер Аллагь вуго аллагьзабазулги Аллагь, пачабазулги БетӀергьан, балъголъаби Рагьулев – гьаб балъголъи загьир гьабизе духъа бажарун бугелъул!»
48Гьелдаса хадуб пачаяс Даниял тӀадегӀан гьавуна, гьесие гӀемерал къиматал сайгъаталги кьуна. ТӀолабго Вавилоналда тӀад бищун кӀудиявлъун ва киналго гӀакъилзабазул бетӀерлъун тана гьев. 49Даниялил гьариялда рекъон, пачаяс Шадрахги, Мешахги, Авед-Негоги тана Вавилон пачалихъ нухда бачиналъул хӀалтӀабазда, живго Даниялин абуни, пачаясул кӀалгӀаялда чӀана.
Currently Selected:
Даниял 2: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Даниял 2
2
Навуходоносорил макьу
1Пачалъун вахъун кӀиабилеб соналъ Навуходоносорида#2:1 Цебесеб эраялъул 603 с. хӀикматал макьаби рихьана; гьел макьабаз гьесул рахӀат хвезабуна ва макьу тӀуризабуна. 2Цинги пачаяс буюрана тӀолалго балъголъи лъалел чагӀиги, сихӀручагӀиги, палихъабиги, гӀакълучагӀиги жиндихъе ахӀеян, гьез жиндир макьу къотӀизе абун. Гьел киналго пачаясда цере эхетана. 3Пачаяс абуна: «Кутакалда рахӀат хвезабураб макьу бихьун буго дида; гьелъул магӀна лъазе бокьун буго дие», – ян.
4ГӀакълучагӀи кӀалъана пачаясда арамеязул мацӀалда#2:4 Гьаб бакӀалдаса бахъараб анкьабилеб бетӀералъул ахиралде щвезегӀан гьаб тӀехь хъван буго арамеязул мацӀалда.: «БетӀерчӀахъаяв пача, дур гӀумру халалъаяв! Нижеда, дур лагъзадерида, бице гьеб макьу. Цинги нижеца бицина дуда гьелъул магӀна», – ян.
5Пачаяс гӀакълучагӀазе жаваб кьуна: «Гьале дир амру! Нужеца дида бихьараб макьу бицинчӀони ва гьеб макьуги къотӀичӀони, нужгоги къотӀ-къотӀун ран, нужер мина-къайги щущахъ биххизабизе буго.
6Амма нужеца дида бихьараб макьуги бицани ва гьеб макьуги битӀун къотӀани, нужее дир рахъалъан сайгъаталги, шапакъаталги ва кӀудияб адаб-хӀурматги букӀине буго. Гьанже бице доб дида бихьараб макьуги ва гьелъул магӀнаги».
7Гьез нахъеги абуна: «БетӀерчӀахъаяв пача, бицеха нижеда, дур лагъзадерида, щиб макьилъ бихьарабали, цинги нижецаги бицина гьелъул магӀна», – ян.
8Пачаяс жаваб кьуна: «Гьеле, дида ракӀчӀун бихьулеб буго, нужеца заман цӀалеб букӀин. Нужеда лъалелъул дир къотӀи щулияб букӀин.
9Дир макьу бицинчӀони, нужее тамихӀ букӀине бугелъул. Гьединлъидал, гьерсалги рицун дун махсароде кквезе къеркьолел руго нуж, гьалъул хиса-баси ккезе бегьулин хьулазда. Бице дида макьу, гьебмехалъ божила дунги нужехъ гьелъул магӀна гьабизе гӀураб гьунар букӀиналда».
10ГӀакълучагӀаз пачаясда абуна: «Гьаб дунялалъул рокъоб цониги чиясда бажарулеб жо гуро нижедаса пачаяс тӀалаб гьабулеб бугеб жо. Цониги пачаяс киданиги цӀехечӀо гьединаб жо балъголъи лъалел чагӀазда, сихӀручагӀазда ва гӀакълучагӀазда.
11Кутакалда захӀматаб суал кьолеб буго пачаяс. Аллагьзабазда гурони гьелъие жаваб лъаларо, амма гьел инсанияталъул дунялалда рукӀунаро».
12Гьел рагӀабаз пачаясул кутакалда ццин гьалаглъизабуна, ва тӀолалго Вавилоналъул гӀакъилзаби чӀваян буюрухъ кьуна гьес. 13ТӀолалго гӀакъилзаби чӀваян абураб пачаясул буюрухъ къватӀибе бахъана. Гьединго Даниялида ва гьесул гьалмагъзабазда хадурги, гьелги чӀвазе, чагӀи ритӀун ана.
14Амма Вавилоналъул гӀакъилзаби чӀвазе витӀарав пачаясул рорчӀухъабазул бетӀер Ариохида берцинаб калам гьабун кӀалъана Даниял. 15Даниялица Ариохида цӀехана: «Пачаясул кӀудияв хӀаким! Щай пачаяс гьедигӀан гӀасияб буюрухъ кьураб?» – ин. Ариохица ккараб жо бицана гьесда.
16Гьебмехалъ Даниял пачаясухъе вилълъана ва пачаясул макьуги лъазе гьелъул магӀнаги къотӀизе жиндие заман кьеян гьарана.
17Гьениса рокъове щведал, гьес гьеб кинабго жиндирго гьудулзабазда, ай, Хананиягьида, Мишаэлида ва Азариягьида бицана. 18Жидеда гурхӀел-рахӀму гьабун гьеб балъголъи тӀатинабеян зобалазул Аллагьасда гьареян абуна Даниялица гьудулзабазда, Вавилоналъул цогидал гӀакъилзабигун цадахъ жалгоги чӀвачӀого хутӀизе. 19Къаси сардилъ гьеб балъголъи Даниялие загьирлъана – кинабго гьесда цебе тӀамуна. Гьебмехалъ Даниялица Зобалазул Аллагьасе рецц гьабун,
20гьадинаб дугӀа гьабуна:
«Абадул абадиялъего Аллагьасе рецц!
Гьесулъ бугелъул гӀакълуги къуватги.
21Заманги гӀасрабиги Гьес хисизарула;
пачазаби тахиде рахинарула ва гъоркьеги рехула;
гӀакъилазе гӀакълу кьола,
цӀодоразе – лъай щола;
22Гьес балъголъиялъул тӀину тӀатинабула,
бецӀлъиялъукь тӀупарабги Гьесда лъала.
Канлъиялъул хӀубилъунги Гьев вуго.
23Дир умумузул Аллагь, дица Дуе рецц гьабула,
Дуца дие гӀакълуги къуватги кьуна!
Нижеца Дуда гьарарабщинаб Дуца дие тӀатинабуна.
Пачаясул суалалъе жаваб Дуца загьир гьабуна».
24Цинги пачаяс Вавилоналъул гӀакъилзаби чӀвазе витӀун вукӀарав Ариохихъе вилълъана Даниял ва гьесда кӀалъана: «Вавилоналъул гӀакъилзаби чӀваге! Дун пачаясухъе ваче, дица бицина гьесда бихьараб макьуги гьелъул магӀнаги».
25ГьебсагӀаталдаго Ариохица Даниял пачаясухъе вачана ва пачаясда бицана: «Дида цо чи ватана Ягьудиялдаса гьанире гочинарурал асирзабазда гьоркьов. Гьес пачаясул макьу къотӀизе буго», – ян.
26Гьебмехалъ пача Даниялида кӀалъана (гьевго Белтешацар): «Дуда унго-унголъунги кӀолебищ дида бихьараб макьу бицине, гьелъул магӀнаги загьир гьабизе?»
27Даниялица пачаясе жаваб кьуна: «Пачаяс цӀехолеб балъголъи тӀатине кӀоларо, я гӀакъилзабазда, я сихӀручагӀазда, я балъголъи лъалел чагӀазда, я нужумчагӀазда.
28Амма балъголъаби загьир гьарулев Аллагь зобалазда вуго! Гьесин Навуходоносор пачаясда бихьизабураб гьаб дунялалъул ахиралда букӀине бугебги.
Гьале мун къаси кьижун вукӀаго дуда бихьараб макьу.
29Кьижизе вегарав чи, букӀинеселъул хивалазда вукӀана мун. Цинги балъголъи Рагьулес букӀинесеб бихьизабуна дуда. 30Дие гьеб балъголъи тӀатана дун цогидаздаса гӀакъилав вукӀиналъ гуреб, амма дуда, дир пача, гьелъул магӀна лъан букӀине ва дур рахӀат хвезабураб жо дудаго бичӀчӀун букӀине.
31Дир пача, гьале дуда бихьараб макьу: дуда бихьана тӀаде балагьизе хӀинкъараб, залимаб, берал беццлъизарулеб хӀалалъ паркъолеб, цебе эхетараб кӀудияб сипат-сурат#2:31 Сипат-сурат – статуя-идол.. 32Гьелъул бетӀер букӀана бацӀцӀадаб меседил, керенги квералги – гӀарцул, чехьги мачӀабиги – мазгарул, 33бохдул – маххул, хӀатӀал – бакӀбакӀалдаса маххул, бакӀбакӀалдаса хӀатӀул. 34Мун валагьун вукӀаго, инсанасул квер хъвачӀого кьурдаса батӀалъараб гамачӀ, бащдал хӀатӀул бащдал маххул гьарурал хӀатӀазда тӀад речӀчӀана, ва гьел щущазаруна. 35Гьебмехалъ хӀатӀги, мазгарги, гӀарацги, меседги цадахъ, риидал гьоцӀиб чӀахӀ гӀадин, щущахъ биххун ана. РукӀараб бакӀцин хутӀичӀого гьороца хъамун ана гьел. Гьеб сипат-сураталда тӀад речӀчӀараб гамачӀин абуни, кӀудияб мегӀералде сверана ва гьелъ тӀолабго дунял цӀезабуна.
36Гьеле макьу. Гьанже гьелъул магӀнаги бицинин. 37Мун вуго пачабазулги пача. Пачалъиги, гучлъиги, къуватги ва цӀар-реццги дуе кьун буго Зобалазул Аллагьас. 38Дур ихтияралде кьун буго инсаниятго, гӀалхул жанаварал ва зобалазул хӀанчӀи. Гьел кир ратаниги, Гьес гьезда тӀад пачалъунги мун тун вуго. Мунин кколев гьеб меседил бетӀер.
39Мун ун хадуб бижила цӀияб пачалихъ, амма дур гӀадаб кӀудияб букӀинаро гьеб. Гьелдасаги хадуб лъабабилеб, мазгарул пачалихъ бижила – тӀолабго дунялалъул кверщеллъиги гьелъухъ букӀина. 40Ункъабилеб пачалихъ букӀина маххгӀан щулияб. Маххуца щибгоги гъурулеб гӀадин, гьелъги гъура-чункила киналго хутӀанщинал. 41Гьединго дуда бихьана хӀатӀал ва хӀатӀил килщал бащдал маххул бащдал хӀатӀул рукӀин – гьединлъидал гьеб пачалихълъиги букӀина кӀийиде бикьараб. Маххул къуватги букӀина гьелъулъ, гьединлъидалин дуда бихьараб маххги хӀатӀги цадахъ. 42Гьел хӀатӀал бащдал маххул бащдал хӀатӀул рукӀиналъул магӀнаги ккола – гьеб пачалихъ цо рахъалъ къвакӀараб, цогидаб рахъалъ загӀипаб букӀин. 43Махх хӀатӀгун жубан букӀин дуда бихьараб гӀадин, гьелъул халкъги букӀина жубараб, амма цолъун бажарулареб, маххгун хӀатӀ цолъуларебго гӀадин.
44Гьел пачабазул заманалда Зобалазул Аллагьас абадияб, гучаб ва цогидал халкъазда жидерго кверщаликье ккезабизе кӀолареб пачалихъ бижизабизе буго. Гьелъ гъуризе ва щущазаризе руго гьел киналго пачалихъал, жибгойин абуни абадиялъего щулалъизе буго. 45Гьединлъидалин дуда бихьараб жибго жиндаго кьурдаса бекун бачӀун гамачӀ батӀалъулеб ва маххги, мазгарги, хӀатӀги, гӀарацги, меседги гьелъ щущазабулеб.
Гьедин, Къудратав Аллагьас букӀинесеб бихьизабун буго пачаясда. Гьеб макьуги хӀакъаб, гьелъул магӀнаги битӀараб буго».
46Гьебмехалда Навуходоносор Даниялие наку чӀван къулана, ва гьесда цере гьуинал махӀал рухӀеян, гьесие сайгъаталги росеян буюрана.
47Пачаяс Даниялида абуна: «Унго-унголъунги нужер Аллагь вуго аллагьзабазулги Аллагь, пачабазулги БетӀергьан, балъголъаби Рагьулев – гьаб балъголъи загьир гьабизе духъа бажарун бугелъул!»
48Гьелдаса хадуб пачаяс Даниял тӀадегӀан гьавуна, гьесие гӀемерал къиматал сайгъаталги кьуна. ТӀолабго Вавилоналда тӀад бищун кӀудиявлъун ва киналго гӀакъилзабазул бетӀерлъун тана гьев. 49Даниялил гьариялда рекъон, пачаяс Шадрахги, Мешахги, Авед-Негоги тана Вавилон пачалихъ нухда бачиналъул хӀалтӀабазда, живго Даниялин абуни, пачаясул кӀалгӀаялда чӀана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023