4 Пачаби 18
18
Хизкиягь – Ягьудиялъул пача
1Элагьил вас Гьошеа ГӀизраилалъул пачалъун вахъун лъабабилеб соналъ, Ахазил вас Хизкиягь Ягьудиялъул пачалъун вахъана. 2Къоло щуго сон барав чи вахъана гьев пачалъун ва къоло ичӀго соналъ пачалъи гьабуна гьес Иерусалималда. Гьесул эбелалда цӀар Ави букӀана, гьей Закариягьил яс йикӀана. 3Гьес, жиндирго умумузул чи Давудидаса мисал босун, БЕТӀЕРГЬАНАСДА берцин бихьанщинаб гьабуна. 4ГохӀ-щобазда гьересиаллагьзабазе гӀибадаталъе рарал бакӀалги риххана, «мукъадасал» ганчӀалги щущахъ разаруна ва Ашерал хӀубиги къотӀ-къотӀана гьес. Муса аварагас гьабун букӀараб пахьул борохьги бек-бекун бана гьес, щайгурелъул Нехуштан#18:4 Нехуштан – пахьул борохь абураб магӀна ккола гьеб рагӀул. абун цӀарги лъун, чӀечӀого гьелда цере кьеккенал рухӀулел рукӀана гӀизраилаз.
5ГӀизраилалъул БЕТӀЕРГЬАН Аллагьасде божи щулияб букӀана Хизкиягьил. Ягьудиялъул пачабазда гьоркьов гьесде вахъарав цонигияв вукӀинчӀо – я гьесда цере рукӀаразда, я хадур рукӀаразда гьоркьов. 6Гьес кутакалда БЕТӀЕРГЬАНАСДЕ мугъ чӀвана ва кьуричӀого Гьесул нухккун хьвадана; Муса аварагги гьоркьов ккун БЕТӀЕРГЬАНАС тӀад лъурал Гьесул амруял рагӀа-ракьанде щун тӀуразарулаан гьес. 7БЕТӀЕРГЬАНАСГИ гьесие сундулъго кумек гьабулеб букӀана, гьединлъидал гьесул гьабулебщиналъулъ баракат букӀана. Гьелда тӀадеги Ассириялъул пачаясе мукӀурлъизе инкар гьабуна гьес ва гьесул кверщелчилъиялда данде чӀана. 8Пилистималги тӀуран къезарун, Газа ва гьелъул тӀолабго сверухълъи кверде босана гьес – гьитӀинаб росу букӀа, кӀудияб щула гьабураб шагьар букӀа, батӀалъи гьечӀого.
Ассирияз Самария кверде боси
9Хизкиягь пачалъун вахъун ункъабилеб соналъ (Элагьил вас Гьошеа ГӀизраилалъул пачалъун вахъун анкьабилеб сон букӀана гьеб) Ассириялъул пача Шалманасар Самариялде тӀаде кӀанцӀана ва гьеб сверун ккуна. 10Гьеб сверун ккун лъабабилеб соналъ Самария кверде босизе кӀвана ассириязда. Гьеб букӀана Хизкиягь пачалъун вахъун анлъабилеб сон ва Гьошеа ГӀизраилалъул пачалъун вахъун ичӀабилеб сон. 11Ассириялъул пачаяс ГӀизраилалъул халкъ жиндирго ракьалде асирлъуде бачун ана ва ХалахӀ, ХӀавор гӀурухъ бугеб Гозан ва мадаязул шагьарал рихьизаруна гьезие яшав гьабизе. 12Гьеб гьедин ккана гьел жиндирго БЕТӀЕРГЬАН Аллагьасе мутӀигӀлъунгутӀиялъ ва гьез Гьесул КъотӀи хвезабиялъ – БЕТӀЕРГЬАНАСУЛ лагъ Мусаца тӀадкъарабщинаб гьабичӀо гьез. Гьел гьелъухъ гӀенеккичӀо ва гьеб тӀубазабичӀо.
Сенахеривица Иерусалималъе хӀинкъи кьей
13Хизкиягь пачалъун вахъун анцӀила ункъабилеб соналъ#18:13 Цебесеб эраялъул 701 с. Ассириялъул пача Сенахерив#18:13 Сенахерив – II Саргонил вас ва гьесул ирсилав. Цебесеб эраялъул 705-681 соназ Ассириялъул пачалъун вукӀана гьев. Ягьудиялда тӀаде кӀанцӀана ва къед сверун бан щула гьарурал киналго шагьарал кверде росана.
14Цинги Ягьудиялъул пача Хизкиягьица Лахиш абураб шагьаралда вугев Ассириялъул пачаясухъе ругьел битӀана: «Дида гӀайиб ккана. ТӀад вуссун нахъе а, цинги дуца тӀад лъураб жо кьела дуе».
Ассириялъул пачаяс лъабнусго талант#18:14 300 талант – гӀага-шагарго 10 тонна. гӀарцулги, лъеберго талант#18:14 30 талант – гӀага-шагарго 1 тонна. меседилги тӀад лъуна Хизкиягьида. 15БЕТӀЕРГЬАНАСУЛ Рокъоб ва пачаясул кӀалгӀаялда батарабщинаб гӀарац-месед бакӀарун Хизкиягьица гьесие кьуна; 16БЕТӀЕРГЬАНАСУЛ Рукъалъул нуцӀбузда ва нуцӀбузул гьундузда бекьун букӀараб меседгицин бахъун гьес Ассириялъул пачаясе битӀана.
17Амма букӀаниги, Ассириялъул пачаяс Лахишалдаса, кӀудияб аскаргун цадахъ жиндирго бищун кӀудияв аскаралъул бетӀерги, хъулухъчагӀазул бетӀерги, бетӀерав гӀакълучиги ритӀана Хизкиягьихъе. Иерусалималде щведал, ретӀел-кун чурулеб авлахъалде унеб нухда, «ТӀадехунаб» абулеб къулгӀаялдаса чвахулеб лъадал рахънида аскӀор чӀана гьел.
18Гьез пачаясде ахӀи бана; гьебмехалъ Хилкиягьил вас кӀалгӀаялъул бетӀерав тадбирчи Элияким, хъвадарухъан Шевна ва Асапил вас тарихчи Ёах рачӀана къватӀире гьезухъе.
19БетӀерав гӀакълучияс абуна:
«Хизкиягьида абе: „Гьадин абулеб буго тӀадегӀанав Ассириялъул пачаяс: ‘Мун сунда мугъ чӀварав чи? 20Дур гьодорал рагӀаби рагъул махщалида ва къуваталда данде кквезе ракӀалдейищ ккараб дуда? Лъиде хьулги лъун мун дида данде чӀарав? 21Мисриялде хьулги лъун вуго мун гьанже, гьеб жинде къуланщинасул квер борлъулеб бекараб гӀонсоде. Гьелде мугъчӀванщинасе гьеб гӀонсода релълъуна Мисриялъул пача пиргӀавн. 22Нагагьлъун нужерго БЕТӀЕРГЬАН Аллагьасде хьул бугин ракӀалде ккун батани нужеда, Иерусалималда бугеб цохӀо гьаб къурбаналъе бакӀалда цебе гурони гьабуге тӀагӀат-гӀибадатилан киналго ягьудиязда ва Иерусалималъул жамагӀаталдаги лъазабун, гохӀ-щобаздаса Гьесул гӀибадаталъе бакӀалги къурбаналъе бакӀалги гурелищ Хизкиягьица тӀагӀинарурал?’“
23Гьединлъидал, дир бетӀергьан Ассириялъул пачаясулгун къотӀи гьабе: дица кӀиазарго чу кьела дуе, гьезда рекӀине чотӀахъаби дур ратани. 24Дуе гьакалги чотӀахъабиги ритӀун рачӀинилан Мисриялде хьулги лъун вугев чи, дир бетӀергьанасул бищун гьитӀинав рагъул бетӀерасда данде вагъунцин бажарулищ духъа? 25БЕТӀЕРГЬАНАСУЛ амруялда рекъон гуревищ дун Иерусалим щущахъ базабизе гьаниве вачӀун вугев? БЕТӀЕРГЬАНАС абуна дида, тӀадеги кӀанцӀун гьаб бакӀ щущахъ базабеян».
26Гьебмехалъ Хилкиягьил вас Элиякимица, Шевнаца ва Ёахица бетӀерав гӀакълучиясда абуна: «Гьарула дуда, нижеда арам мацӀалда кӀалъай, – нижеда гьеб мацӀ бичӀчӀула. Шагьаралъул къеда тӀад бахъун чӀун бугеб халкъалда рагӀизе жугьутӀ мацӀалъ кӀалъаге нижеда».
27Амма бетӀерав гӀакълучияс абуна: «Гьаб каламги босун цохӀо нужехъеги нужер пачаясухъеги витӀарав чи вугин дуниланищ нужеда ккараб? Нужецаго гӀадин жиндирго гъвес кваназе ва кӀварщ гьекъезе бугел дол къеда тӀад чӀарал гӀадамаздагийин гьаб хабар рагӀизе кколеб».
28Цинги бетӀерав гӀакълучияс тӀадеги вахъун, ахӀун гьаракьги биччан, жугьутӀазул мацӀалда абуна: «ГӀенекке тӀадегӀанав Ассириялъул пачаясул рагӀухъ! 29Гьадин лъазабулеб буго гьес: „Хизкиягьица махсароде кквезе чӀоге нуж. Гьесда бажаруларо дир квердаса нуж хвасар гьаризе. 30БЕТӀЕРГЬАНАС ракӀчӀун хвасар гьаризе ругин нилъ, гьаб шагьарги Ассириялъул кверде кьезе гьечӀинги абун БЕТӀЕРГЬАНАСДЕ нужерго хьул ккезабизе биччаге Хизкиягьида. 31ГӀинцин тӀамуге гьесухъ“.
Гьадин абулеб буго Ассириялъул пачаяс: „Диргун ракълилаб къотӀиги гьабун, дихъе къватӀире рачӀа. Цинги нужерго цӀолбол гъабуялдаса ва инжиралъул гъутӀбуздаса пихъ кванай ва нужерго гъуязухъа лъимги гьекъе: 32ролъги, чагъирги, чедги, цӀолбол ахалги, зайтуналъул гъутӀбиги, гьоцӀоги гьарзаяб нужералда релълъараб улкаялде нуж рачине дун нужеда хадув вачӀинегӀан. ГӀумру тӀаса бище, хвел бищичӀого! Хизкиягьихъ гӀенеккуге; БЕТӀЕРГЬАНАС хвасар гьарила нилъиланги абун, гьес мекъи ккезарулел руго нуж. 33Цогидал халкъазул аллагьзабаз гьезул цонигиял хвасар гьарунищ Ассириялъул пачаясул квердаса? 34Кир ругел Хаматалъулги Арпадалъулги аллагьзаби? Сепарвайималъул, Гьенаялъул ва ГӀиввагьалъул аллагьзаби кир ругел? Самария хвасар гьабунищ лъицаниги дир квердаса? 35Гьел ракьазул аллагьзабазул лъида кӀвараб дидаса жиндирго ракь хвасар гьабизе? БЕТӀЕРГЬАНАСДАЙИЩ дихъа Иерусалим цӀунун бажаризе бугеб“».
36Амма халкъ буцӀцӀухӀун чӀун букӀана, щайгурелъул пачаяс гьесда данде щибго жаваб гьабугеян лъазабун букӀиндал. 37Хелкиягьил вас, пачаясул кӀалгӀаялъул тадбирчи Элиякимги, хъвадарухъан Шевнаги, тарихчи Ёахги бихъун тӀад букӀараб ретӀелгун Хизкиягьихъе рилълъана ва бетӀерав гӀакълучияс абурабщинаб жо гьесда бицана.
Currently Selected:
4 Пачаби 18: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 18
18
Хизкиягь – Ягьудиялъул пача
1Элагьил вас Гьошеа ГӀизраилалъул пачалъун вахъун лъабабилеб соналъ, Ахазил вас Хизкиягь Ягьудиялъул пачалъун вахъана. 2Къоло щуго сон барав чи вахъана гьев пачалъун ва къоло ичӀго соналъ пачалъи гьабуна гьес Иерусалималда. Гьесул эбелалда цӀар Ави букӀана, гьей Закариягьил яс йикӀана. 3Гьес, жиндирго умумузул чи Давудидаса мисал босун, БЕТӀЕРГЬАНАСДА берцин бихьанщинаб гьабуна. 4ГохӀ-щобазда гьересиаллагьзабазе гӀибадаталъе рарал бакӀалги риххана, «мукъадасал» ганчӀалги щущахъ разаруна ва Ашерал хӀубиги къотӀ-къотӀана гьес. Муса аварагас гьабун букӀараб пахьул борохьги бек-бекун бана гьес, щайгурелъул Нехуштан#18:4 Нехуштан – пахьул борохь абураб магӀна ккола гьеб рагӀул. абун цӀарги лъун, чӀечӀого гьелда цере кьеккенал рухӀулел рукӀана гӀизраилаз.
5ГӀизраилалъул БЕТӀЕРГЬАН Аллагьасде божи щулияб букӀана Хизкиягьил. Ягьудиялъул пачабазда гьоркьов гьесде вахъарав цонигияв вукӀинчӀо – я гьесда цере рукӀаразда, я хадур рукӀаразда гьоркьов. 6Гьес кутакалда БЕТӀЕРГЬАНАСДЕ мугъ чӀвана ва кьуричӀого Гьесул нухккун хьвадана; Муса аварагги гьоркьов ккун БЕТӀЕРГЬАНАС тӀад лъурал Гьесул амруял рагӀа-ракьанде щун тӀуразарулаан гьес. 7БЕТӀЕРГЬАНАСГИ гьесие сундулъго кумек гьабулеб букӀана, гьединлъидал гьесул гьабулебщиналъулъ баракат букӀана. Гьелда тӀадеги Ассириялъул пачаясе мукӀурлъизе инкар гьабуна гьес ва гьесул кверщелчилъиялда данде чӀана. 8Пилистималги тӀуран къезарун, Газа ва гьелъул тӀолабго сверухълъи кверде босана гьес – гьитӀинаб росу букӀа, кӀудияб щула гьабураб шагьар букӀа, батӀалъи гьечӀого.
Ассирияз Самария кверде боси
9Хизкиягь пачалъун вахъун ункъабилеб соналъ (Элагьил вас Гьошеа ГӀизраилалъул пачалъун вахъун анкьабилеб сон букӀана гьеб) Ассириялъул пача Шалманасар Самариялде тӀаде кӀанцӀана ва гьеб сверун ккуна. 10Гьеб сверун ккун лъабабилеб соналъ Самария кверде босизе кӀвана ассириязда. Гьеб букӀана Хизкиягь пачалъун вахъун анлъабилеб сон ва Гьошеа ГӀизраилалъул пачалъун вахъун ичӀабилеб сон. 11Ассириялъул пачаяс ГӀизраилалъул халкъ жиндирго ракьалде асирлъуде бачун ана ва ХалахӀ, ХӀавор гӀурухъ бугеб Гозан ва мадаязул шагьарал рихьизаруна гьезие яшав гьабизе. 12Гьеб гьедин ккана гьел жиндирго БЕТӀЕРГЬАН Аллагьасе мутӀигӀлъунгутӀиялъ ва гьез Гьесул КъотӀи хвезабиялъ – БЕТӀЕРГЬАНАСУЛ лагъ Мусаца тӀадкъарабщинаб гьабичӀо гьез. Гьел гьелъухъ гӀенеккичӀо ва гьеб тӀубазабичӀо.
Сенахеривица Иерусалималъе хӀинкъи кьей
13Хизкиягь пачалъун вахъун анцӀила ункъабилеб соналъ#18:13 Цебесеб эраялъул 701 с. Ассириялъул пача Сенахерив#18:13 Сенахерив – II Саргонил вас ва гьесул ирсилав. Цебесеб эраялъул 705-681 соназ Ассириялъул пачалъун вукӀана гьев. Ягьудиялда тӀаде кӀанцӀана ва къед сверун бан щула гьарурал киналго шагьарал кверде росана.
14Цинги Ягьудиялъул пача Хизкиягьица Лахиш абураб шагьаралда вугев Ассириялъул пачаясухъе ругьел битӀана: «Дида гӀайиб ккана. ТӀад вуссун нахъе а, цинги дуца тӀад лъураб жо кьела дуе».
Ассириялъул пачаяс лъабнусго талант#18:14 300 талант – гӀага-шагарго 10 тонна. гӀарцулги, лъеберго талант#18:14 30 талант – гӀага-шагарго 1 тонна. меседилги тӀад лъуна Хизкиягьида. 15БЕТӀЕРГЬАНАСУЛ Рокъоб ва пачаясул кӀалгӀаялда батарабщинаб гӀарац-месед бакӀарун Хизкиягьица гьесие кьуна; 16БЕТӀЕРГЬАНАСУЛ Рукъалъул нуцӀбузда ва нуцӀбузул гьундузда бекьун букӀараб меседгицин бахъун гьес Ассириялъул пачаясе битӀана.
17Амма букӀаниги, Ассириялъул пачаяс Лахишалдаса, кӀудияб аскаргун цадахъ жиндирго бищун кӀудияв аскаралъул бетӀерги, хъулухъчагӀазул бетӀерги, бетӀерав гӀакълучиги ритӀана Хизкиягьихъе. Иерусалималде щведал, ретӀел-кун чурулеб авлахъалде унеб нухда, «ТӀадехунаб» абулеб къулгӀаялдаса чвахулеб лъадал рахънида аскӀор чӀана гьел.
18Гьез пачаясде ахӀи бана; гьебмехалъ Хилкиягьил вас кӀалгӀаялъул бетӀерав тадбирчи Элияким, хъвадарухъан Шевна ва Асапил вас тарихчи Ёах рачӀана къватӀире гьезухъе.
19БетӀерав гӀакълучияс абуна:
«Хизкиягьида абе: „Гьадин абулеб буго тӀадегӀанав Ассириялъул пачаяс: ‘Мун сунда мугъ чӀварав чи? 20Дур гьодорал рагӀаби рагъул махщалида ва къуваталда данде кквезе ракӀалдейищ ккараб дуда? Лъиде хьулги лъун мун дида данде чӀарав? 21Мисриялде хьулги лъун вуго мун гьанже, гьеб жинде къуланщинасул квер борлъулеб бекараб гӀонсоде. Гьелде мугъчӀванщинасе гьеб гӀонсода релълъуна Мисриялъул пача пиргӀавн. 22Нагагьлъун нужерго БЕТӀЕРГЬАН Аллагьасде хьул бугин ракӀалде ккун батани нужеда, Иерусалималда бугеб цохӀо гьаб къурбаналъе бакӀалда цебе гурони гьабуге тӀагӀат-гӀибадатилан киналго ягьудиязда ва Иерусалималъул жамагӀаталдаги лъазабун, гохӀ-щобаздаса Гьесул гӀибадаталъе бакӀалги къурбаналъе бакӀалги гурелищ Хизкиягьица тӀагӀинарурал?’“
23Гьединлъидал, дир бетӀергьан Ассириялъул пачаясулгун къотӀи гьабе: дица кӀиазарго чу кьела дуе, гьезда рекӀине чотӀахъаби дур ратани. 24Дуе гьакалги чотӀахъабиги ритӀун рачӀинилан Мисриялде хьулги лъун вугев чи, дир бетӀергьанасул бищун гьитӀинав рагъул бетӀерасда данде вагъунцин бажарулищ духъа? 25БЕТӀЕРГЬАНАСУЛ амруялда рекъон гуревищ дун Иерусалим щущахъ базабизе гьаниве вачӀун вугев? БЕТӀЕРГЬАНАС абуна дида, тӀадеги кӀанцӀун гьаб бакӀ щущахъ базабеян».
26Гьебмехалъ Хилкиягьил вас Элиякимица, Шевнаца ва Ёахица бетӀерав гӀакълучиясда абуна: «Гьарула дуда, нижеда арам мацӀалда кӀалъай, – нижеда гьеб мацӀ бичӀчӀула. Шагьаралъул къеда тӀад бахъун чӀун бугеб халкъалда рагӀизе жугьутӀ мацӀалъ кӀалъаге нижеда».
27Амма бетӀерав гӀакълучияс абуна: «Гьаб каламги босун цохӀо нужехъеги нужер пачаясухъеги витӀарав чи вугин дуниланищ нужеда ккараб? Нужецаго гӀадин жиндирго гъвес кваназе ва кӀварщ гьекъезе бугел дол къеда тӀад чӀарал гӀадамаздагийин гьаб хабар рагӀизе кколеб».
28Цинги бетӀерав гӀакълучияс тӀадеги вахъун, ахӀун гьаракьги биччан, жугьутӀазул мацӀалда абуна: «ГӀенекке тӀадегӀанав Ассириялъул пачаясул рагӀухъ! 29Гьадин лъазабулеб буго гьес: „Хизкиягьица махсароде кквезе чӀоге нуж. Гьесда бажаруларо дир квердаса нуж хвасар гьаризе. 30БЕТӀЕРГЬАНАС ракӀчӀун хвасар гьаризе ругин нилъ, гьаб шагьарги Ассириялъул кверде кьезе гьечӀинги абун БЕТӀЕРГЬАНАСДЕ нужерго хьул ккезабизе биччаге Хизкиягьида. 31ГӀинцин тӀамуге гьесухъ“.
Гьадин абулеб буго Ассириялъул пачаяс: „Диргун ракълилаб къотӀиги гьабун, дихъе къватӀире рачӀа. Цинги нужерго цӀолбол гъабуялдаса ва инжиралъул гъутӀбуздаса пихъ кванай ва нужерго гъуязухъа лъимги гьекъе: 32ролъги, чагъирги, чедги, цӀолбол ахалги, зайтуналъул гъутӀбиги, гьоцӀоги гьарзаяб нужералда релълъараб улкаялде нуж рачине дун нужеда хадув вачӀинегӀан. ГӀумру тӀаса бище, хвел бищичӀого! Хизкиягьихъ гӀенеккуге; БЕТӀЕРГЬАНАС хвасар гьарила нилъиланги абун, гьес мекъи ккезарулел руго нуж. 33Цогидал халкъазул аллагьзабаз гьезул цонигиял хвасар гьарунищ Ассириялъул пачаясул квердаса? 34Кир ругел Хаматалъулги Арпадалъулги аллагьзаби? Сепарвайималъул, Гьенаялъул ва ГӀиввагьалъул аллагьзаби кир ругел? Самария хвасар гьабунищ лъицаниги дир квердаса? 35Гьел ракьазул аллагьзабазул лъида кӀвараб дидаса жиндирго ракь хвасар гьабизе? БЕТӀЕРГЬАНАСДАЙИЩ дихъа Иерусалим цӀунун бажаризе бугеб“».
36Амма халкъ буцӀцӀухӀун чӀун букӀана, щайгурелъул пачаяс гьесда данде щибго жаваб гьабугеян лъазабун букӀиндал. 37Хелкиягьил вас, пачаясул кӀалгӀаялъул тадбирчи Элиякимги, хъвадарухъан Шевнаги, тарихчи Ёахги бихъун тӀад букӀараб ретӀелгун Хизкиягьихъе рилълъана ва бетӀерав гӀакълучияс абурабщинаб жо гьесда бицана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023