4 Пачаби 17
17
Гьошеа – ГӀизраилалъул ахирисев пача
1Ягьудиялъул пачалъун Ахаз вахъун анцӀила кӀиабилеб соналъ Элагьил вас Гьошеа вахъана ГӀизраилалъул пачалъун ва ичӀго соналъ пачалъи гьабуна гьес Самариялда. 2Гьес БЕТӀЕРГЬАНАСДА квешбихьанщинаб гьабуна, амма цере рукӀарал ГӀизраилалъул пачабаз гӀадин гӀорхъи тун гьабичӀо.
3Ассириялъул пача Шалманасарица#17:3 V Шалманасар – III Тиглатпаласарил вас ва гьесул ирсилав. Гьес пачалъи гьабуна цебесеб эраялъул 727–722 сс. Гьошеада данде рагъ гьабуна, Гьошеа гьесул кверщаликье ккана, ва гьесда тӀад ясахъ лъуна. 4Амма цодагьаб заманалдаса Гьошеаца Мисриялъул пача Сохъе чапарзаби ритӀана, ва лъагӀалидаса лъагӀалиде Ассириялъул пачаясе гьес кьезе кколеб ясахъ кьечӀо. Гьединлъидал, Шалманасарица гьев кквезеги ккун, туснахъалде рехана.
ГӀизраил асирлъуде ккей
5Ассириялъул пача ГӀизраилалде тӀаде кӀанцӀана ва Самария сверун ккуна – лъабго соналъ сверун ккун букӀана гьеб. 6Гьошеа пачалъун вахъун ичӀабилеб соналъ Ассириялъул пачаяс Самария кверде босана, ва гӀизраилал Ассириялде асирлъуде рачун ана. Гьес ХалахӀ, ХӀавор гӀурухъ бугеб Гозан, ва мадаязул шагьарал рихьизаруна гьезие яшав гьабизе.
7Гьеб кинабго ккана, жалго Мисриялдаса пиргӀавнасул лагълъиялдаса хвасар гьарурав БЕТӀЕРГЬАН Аллагьасда данде гӀизраилаз гьарурал мунагьал сабаблъун: гьез чияр аллагьзабазул дин гьабуна, 8БЕТӀЕРГЬАНАС гьезда цереса нахъе гъурал халкъазул гӀадатал росана, ва ГӀизраилалъул пачабаз чӀезарурал гӀадатазда хадур хьвадана.
9ГӀизраилаз балъго лъугьун жидерго БЕТӀЕРГЬАН Аллагьасда рихарабщинаб гьабуна; киса-кирего, щибаб росулъ ва щибаб шагьаралда, жиндиего батӀи-батӀиял аллагьзабазе гӀибадаталъе бакӀал гьаруна. 10Ашерае гӀибадаталъе ганчӀалги хӀубалги лъуна жиб-жиб гохӀда ва жиб-жиб гӀаркьахараб гъотӀода гъоркь. 11БЕТӀЕРГЬАНАС жидеда цереса нахъе ахӀарал халкъазда релълъун, гьез кьеккенал рухӀулаан гьел рорхалъабазда гьарурал гӀибадаталъе бакӀазда. БЕТӀЕРГЬАНАСУЛ ццинги бахъинабун гьел квешал ишал гьаруна гьез. 12БЕТӀЕРГЬАНАС гьабуге гьеб жоян лъазабун букӀаниги, гьез гьересиаллагьзабазе сужда-тӀагӀатги гьабуна. 13БЕТӀЕРГЬАНАС Жиндирго аварагзабиги Гьесул амру лъалел чагӀиги гьоркьор ккун, ГӀизраилалдаги Ягьудиялдаги лъазабун букӀана: «Квешал нухазде мугъ рехе! Дица Дир лагъзал аварагзабиги гьоркьор ккун, нужеда тӀад лъураб ва гьеб тӀубазабеян нужер умумузда тӀад къараб Къануналда рекъон, Дир амруялги ахӀкамалги цӀунун хьваде», – ян.
14Амма гьез гьелъухъ гӀинтӀамичӀо; жидерго БЕТӀЕРГЬАН Аллагьасда божуларел гьезул умумузда релълъун, гӀорцӀмал гӀамал течӀо гьез. 15Бичасул ахӀкамал, Гьес гьезул умумулгун гьабураб КъотӀи, Гьесул амруял – гьеб киналдего мугъги рехун, къабихӀал гьересиаллагьзабазе гӀибадат гьабуна ва гьелъ жалгоги къабихӀлъана. Жидедаго свера-тирун ругел халкъаз гьабу-гьабураб гьабуна гьез, гьедин гьабугеян БЕТӀЕРГЬАНАС лъазабун букӀаниги.
16Жидерго БЕТӀЕРГЬАН Аллагьасул киналго амруязде мугъги рехун, кӀиго гьересиаллагь гьабуна гьез басидул сураталда ва Ашерал хӀубиги лъуна. Киналго зодир ругел цӀвабзазеги гьабуна гьез сужда-тӀагӀат, БагӀалиеги гьабуна гӀибадат. 17Жидерго лъимал къурбаналъе рухӀун, пал тӀамун, сихӀру гьабун, Бичасул ццин гьалаглъизабуна ва БЕТӀЕРГЬАНАСДА рихарабщинаб гьабуна гьез. 18Кутакалда ццин бахъана БЕТӀЕРГЬАНАСУЛ гӀизраилазде ва, цохӀо Ягьудал къавм тун, гьел Жиндасаго рикӀкӀад гьаруна, 19амма Ягьудиязгицин тӀуразарулел рукӀинчӀо жиндирго БЕТӀЕРГЬАН Аллагьасул амруял. ГӀизраилазул гӀадатал росана гьезги. 20Гьединлъидал БЕТӀЕРГЬАНАС тӀолалго ГӀизраилалъул наслабазде мугъ рехана. Гьес гьезие тамихӀ гьабун, гьел хъачагъазул кверде кьуна ва Жиндаго цереса нахъе къотӀана.
21БЕТӀЕРГЬАНАС Давудил наслуялъухъа ГӀизраилалда тӀад кверщеллъи нахъе босараб мехалда, гьез Наватил вас Яровам гьавуна пачалъун. Яровамица ГӀизраил БетӀергьанасул нухдаса къосинабуна ва кӀудияб мунагьалде бачана. 22ГӀизраилал Яровамил мунагьазукь къан хутӀана, – гьезде мугъ рехичӀо гьез. 23Ахирги БЕТӀЕРГЬАНАС, Жиндирго лагъзал ва аварагзаби гьоркьор ккун цебеккунго лъазабун букӀараб рагӀуда рекъон, Жиндаго цереса нахъе къотӀана гьел. Гьедин ГӀизраилалъул халкъ жиндирго ватӀанги тун Ассириялде асирлъуде бачун ана, – жакъа къоялъги гьенир руго гьел.
Самариялде къватӀиса халкъал рахъинари
24Ассириялъул пачаяс Вавилоналдаса, Кутагьалдаса, Авваялдаса, Хаматалдаса ва Сепарвайималдаса гӀадамал рахъинаруна Самариялъул шагьаразде, гӀизраилазул бакӀалда яшав гьабизе. 25Гьел гьенире рахъун байбихьуда гьез жеги БЕТӀЕРГЬАНАСУЛ как-дин гьабулеб букӀинчӀо; БЕТӀЕРГЬАНАС гъалбацӀал риччалел рукӀана гьезда тӀаде ва гьезул цо-цоял гьез чӀвалел рукӀана. 26Ассириялъул пачаясухъе гьелъул хӀакъалъулъ ругьел битӀана:
«Дуца Самариялъул шагьаразде рахъинарурал халкъазда гьаб ракьалъул Аллагьасул Къанун лъалеб гьечӀо. Гьеб сабаблъун, Гьес гъалбацӀал ритӀулел руго гьезда тӀаде, ва гьез чӀвалел руго гьел».
27Цинги Ассириялъул пачаяс буюрухъ кьуна: «Самариялдаса асирлъуде рачарал кашишзабазул цояв тӀадвуссун витӀе дове. Биччанте гьес Самариялда чӀел гьабизе ва дозда доб ракьалъул Аллагьасул Къанун малъизе».
28Гьедин цо Самариялдаса асирлъуде вачун ун вукӀарав кашиш вахъинавуна Бет-Элалде, гьес гьениб гӀумру гьабизе ва гьезда БЕТӀЕРГЬАНАСУЛ дин малъизе.
29Амма Самариялде бахъинабураб жиб-жиб халкъалъ жинди-жиндир аллагьзабиги гьаруна ва ГӀизраилаз гохӀ-щобазда гьересиаллагьзабазе гӀибадаталъе рарал бакӀазда лъуна. 30Вавилоналдаса гӀадамаз Суккот-Бенотие гьабулаан гӀибадат, кутагьияз – Нергалие, хаматаз – Ашимае, 31аввияз – Нивхазие ва Тартакие. Сепарвайималдаса чагӀаз Сепарвайималъул аллагьзаби Адрамелехиеги ГӀанамелехиеги къурбаналъе лъимал рухӀулаан. 32Гьелдаго цадахъ БЕТӀЕРГЬАНАСУЛ динги гьабулеб букӀана гьез. Амма жидедаго гьоркьоса, гохӀ-щобазда гьересиаллагьзабазе гӀибадаталъе рарал бакӀазда тезе кашишзабиги рищана. 33Гьез БЕТӀЕРГЬАНАСУЛ динги гьабулеб букӀана, жидерго аллагьзабазеги гьабулеб букӀана тӀагӀат-гӀибадат – гьезул цебе букӀараб улкаялъул гӀадатазда рекъон. 34Жакъа къоялъги цӀунун руго гьез жидерго цересел гӀадатал. Гьел БЕТӀЕРГЬАНАСУКЬА хӀинкъуларо, ва БЕТӀЕРГЬАНАС ГӀизраилин цӀар лъурав Якъубил наслуялъе загьир гьарурал Бичасул амруялги, къануналги, ахӀкамалги гьез тӀуразаруларо.
35ГӀизраилазулгун къотӀи гьабулеб мехалда БЕТӀЕРГЬАНАС гьезда лъазабун букӀана: «Чияр аллагьзабазул дин гьабуге, гьезие наку чӀваге, гьезие хъулухъ гьабуге ва къурбанал гьаруге. 36Кутакаб къуваталдалъун ва хӀалкӀолъиялдалъун нуж Мисриялдаса хвасар гьарурав БЕТӀЕРГЬАН вуго! Гьеле Гьев кӀодо гьавизе ккола нужеца. Гьесие чӀвай наку, Гьесие гьаре къурбаналги. 37Гьес нужеда тӀад лъурал Бичасул амруялги, фарзги, Гьесул къануналги, ахӀкамалги тӀуразаре абадиялъго. БатӀиял аллагьзаби кӀодо гьаруге. 38Дица нужергун гьабураб къотӀи кӀочон тоге ва батӀиял аллагьзаби кӀодо гьаруге. 39ЦохӀо нужер БЕТӀЕРГЬАН Аллагь кӀодо гьаве, Гьесги киналго тушбабаздаса хвасар гьарила нуж», – ин.
40Амма гьез гьелъухъ гӀин бачӀо ва цересел гӀадатал цӀунун чӀана. 41БЕТӀЕРГЬАНАСЕГИ гӀибадат гьабуна гьез, амма гьересиаллагьзабиги рехун течӀо. Жакъа къоялъги гьезул наслабаз жидерго умумуз гьабурабщинаб гьабулеб буго.
Currently Selected:
4 Пачаби 17: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 17
17
Гьошеа – ГӀизраилалъул ахирисев пача
1Ягьудиялъул пачалъун Ахаз вахъун анцӀила кӀиабилеб соналъ Элагьил вас Гьошеа вахъана ГӀизраилалъул пачалъун ва ичӀго соналъ пачалъи гьабуна гьес Самариялда. 2Гьес БЕТӀЕРГЬАНАСДА квешбихьанщинаб гьабуна, амма цере рукӀарал ГӀизраилалъул пачабаз гӀадин гӀорхъи тун гьабичӀо.
3Ассириялъул пача Шалманасарица#17:3 V Шалманасар – III Тиглатпаласарил вас ва гьесул ирсилав. Гьес пачалъи гьабуна цебесеб эраялъул 727–722 сс. Гьошеада данде рагъ гьабуна, Гьошеа гьесул кверщаликье ккана, ва гьесда тӀад ясахъ лъуна. 4Амма цодагьаб заманалдаса Гьошеаца Мисриялъул пача Сохъе чапарзаби ритӀана, ва лъагӀалидаса лъагӀалиде Ассириялъул пачаясе гьес кьезе кколеб ясахъ кьечӀо. Гьединлъидал, Шалманасарица гьев кквезеги ккун, туснахъалде рехана.
ГӀизраил асирлъуде ккей
5Ассириялъул пача ГӀизраилалде тӀаде кӀанцӀана ва Самария сверун ккуна – лъабго соналъ сверун ккун букӀана гьеб. 6Гьошеа пачалъун вахъун ичӀабилеб соналъ Ассириялъул пачаяс Самария кверде босана, ва гӀизраилал Ассириялде асирлъуде рачун ана. Гьес ХалахӀ, ХӀавор гӀурухъ бугеб Гозан, ва мадаязул шагьарал рихьизаруна гьезие яшав гьабизе.
7Гьеб кинабго ккана, жалго Мисриялдаса пиргӀавнасул лагълъиялдаса хвасар гьарурав БЕТӀЕРГЬАН Аллагьасда данде гӀизраилаз гьарурал мунагьал сабаблъун: гьез чияр аллагьзабазул дин гьабуна, 8БЕТӀЕРГЬАНАС гьезда цереса нахъе гъурал халкъазул гӀадатал росана, ва ГӀизраилалъул пачабаз чӀезарурал гӀадатазда хадур хьвадана.
9ГӀизраилаз балъго лъугьун жидерго БЕТӀЕРГЬАН Аллагьасда рихарабщинаб гьабуна; киса-кирего, щибаб росулъ ва щибаб шагьаралда, жиндиего батӀи-батӀиял аллагьзабазе гӀибадаталъе бакӀал гьаруна. 10Ашерае гӀибадаталъе ганчӀалги хӀубалги лъуна жиб-жиб гохӀда ва жиб-жиб гӀаркьахараб гъотӀода гъоркь. 11БЕТӀЕРГЬАНАС жидеда цереса нахъе ахӀарал халкъазда релълъун, гьез кьеккенал рухӀулаан гьел рорхалъабазда гьарурал гӀибадаталъе бакӀазда. БЕТӀЕРГЬАНАСУЛ ццинги бахъинабун гьел квешал ишал гьаруна гьез. 12БЕТӀЕРГЬАНАС гьабуге гьеб жоян лъазабун букӀаниги, гьез гьересиаллагьзабазе сужда-тӀагӀатги гьабуна. 13БЕТӀЕРГЬАНАС Жиндирго аварагзабиги Гьесул амру лъалел чагӀиги гьоркьор ккун, ГӀизраилалдаги Ягьудиялдаги лъазабун букӀана: «Квешал нухазде мугъ рехе! Дица Дир лагъзал аварагзабиги гьоркьор ккун, нужеда тӀад лъураб ва гьеб тӀубазабеян нужер умумузда тӀад къараб Къануналда рекъон, Дир амруялги ахӀкамалги цӀунун хьваде», – ян.
14Амма гьез гьелъухъ гӀинтӀамичӀо; жидерго БЕТӀЕРГЬАН Аллагьасда божуларел гьезул умумузда релълъун, гӀорцӀмал гӀамал течӀо гьез. 15Бичасул ахӀкамал, Гьес гьезул умумулгун гьабураб КъотӀи, Гьесул амруял – гьеб киналдего мугъги рехун, къабихӀал гьересиаллагьзабазе гӀибадат гьабуна ва гьелъ жалгоги къабихӀлъана. Жидедаго свера-тирун ругел халкъаз гьабу-гьабураб гьабуна гьез, гьедин гьабугеян БЕТӀЕРГЬАНАС лъазабун букӀаниги.
16Жидерго БЕТӀЕРГЬАН Аллагьасул киналго амруязде мугъги рехун, кӀиго гьересиаллагь гьабуна гьез басидул сураталда ва Ашерал хӀубиги лъуна. Киналго зодир ругел цӀвабзазеги гьабуна гьез сужда-тӀагӀат, БагӀалиеги гьабуна гӀибадат. 17Жидерго лъимал къурбаналъе рухӀун, пал тӀамун, сихӀру гьабун, Бичасул ццин гьалаглъизабуна ва БЕТӀЕРГЬАНАСДА рихарабщинаб гьабуна гьез. 18Кутакалда ццин бахъана БЕТӀЕРГЬАНАСУЛ гӀизраилазде ва, цохӀо Ягьудал къавм тун, гьел Жиндасаго рикӀкӀад гьаруна, 19амма Ягьудиязгицин тӀуразарулел рукӀинчӀо жиндирго БЕТӀЕРГЬАН Аллагьасул амруял. ГӀизраилазул гӀадатал росана гьезги. 20Гьединлъидал БЕТӀЕРГЬАНАС тӀолалго ГӀизраилалъул наслабазде мугъ рехана. Гьес гьезие тамихӀ гьабун, гьел хъачагъазул кверде кьуна ва Жиндаго цереса нахъе къотӀана.
21БЕТӀЕРГЬАНАС Давудил наслуялъухъа ГӀизраилалда тӀад кверщеллъи нахъе босараб мехалда, гьез Наватил вас Яровам гьавуна пачалъун. Яровамица ГӀизраил БетӀергьанасул нухдаса къосинабуна ва кӀудияб мунагьалде бачана. 22ГӀизраилал Яровамил мунагьазукь къан хутӀана, – гьезде мугъ рехичӀо гьез. 23Ахирги БЕТӀЕРГЬАНАС, Жиндирго лагъзал ва аварагзаби гьоркьор ккун цебеккунго лъазабун букӀараб рагӀуда рекъон, Жиндаго цереса нахъе къотӀана гьел. Гьедин ГӀизраилалъул халкъ жиндирго ватӀанги тун Ассириялде асирлъуде бачун ана, – жакъа къоялъги гьенир руго гьел.
Самариялде къватӀиса халкъал рахъинари
24Ассириялъул пачаяс Вавилоналдаса, Кутагьалдаса, Авваялдаса, Хаматалдаса ва Сепарвайималдаса гӀадамал рахъинаруна Самариялъул шагьаразде, гӀизраилазул бакӀалда яшав гьабизе. 25Гьел гьенире рахъун байбихьуда гьез жеги БЕТӀЕРГЬАНАСУЛ как-дин гьабулеб букӀинчӀо; БЕТӀЕРГЬАНАС гъалбацӀал риччалел рукӀана гьезда тӀаде ва гьезул цо-цоял гьез чӀвалел рукӀана. 26Ассириялъул пачаясухъе гьелъул хӀакъалъулъ ругьел битӀана:
«Дуца Самариялъул шагьаразде рахъинарурал халкъазда гьаб ракьалъул Аллагьасул Къанун лъалеб гьечӀо. Гьеб сабаблъун, Гьес гъалбацӀал ритӀулел руго гьезда тӀаде, ва гьез чӀвалел руго гьел».
27Цинги Ассириялъул пачаяс буюрухъ кьуна: «Самариялдаса асирлъуде рачарал кашишзабазул цояв тӀадвуссун витӀе дове. Биччанте гьес Самариялда чӀел гьабизе ва дозда доб ракьалъул Аллагьасул Къанун малъизе».
28Гьедин цо Самариялдаса асирлъуде вачун ун вукӀарав кашиш вахъинавуна Бет-Элалде, гьес гьениб гӀумру гьабизе ва гьезда БЕТӀЕРГЬАНАСУЛ дин малъизе.
29Амма Самариялде бахъинабураб жиб-жиб халкъалъ жинди-жиндир аллагьзабиги гьаруна ва ГӀизраилаз гохӀ-щобазда гьересиаллагьзабазе гӀибадаталъе рарал бакӀазда лъуна. 30Вавилоналдаса гӀадамаз Суккот-Бенотие гьабулаан гӀибадат, кутагьияз – Нергалие, хаматаз – Ашимае, 31аввияз – Нивхазие ва Тартакие. Сепарвайималдаса чагӀаз Сепарвайималъул аллагьзаби Адрамелехиеги ГӀанамелехиеги къурбаналъе лъимал рухӀулаан. 32Гьелдаго цадахъ БЕТӀЕРГЬАНАСУЛ динги гьабулеб букӀана гьез. Амма жидедаго гьоркьоса, гохӀ-щобазда гьересиаллагьзабазе гӀибадаталъе рарал бакӀазда тезе кашишзабиги рищана. 33Гьез БЕТӀЕРГЬАНАСУЛ динги гьабулеб букӀана, жидерго аллагьзабазеги гьабулеб букӀана тӀагӀат-гӀибадат – гьезул цебе букӀараб улкаялъул гӀадатазда рекъон. 34Жакъа къоялъги цӀунун руго гьез жидерго цересел гӀадатал. Гьел БЕТӀЕРГЬАНАСУКЬА хӀинкъуларо, ва БЕТӀЕРГЬАНАС ГӀизраилин цӀар лъурав Якъубил наслуялъе загьир гьарурал Бичасул амруялги, къануналги, ахӀкамалги гьез тӀуразаруларо.
35ГӀизраилазулгун къотӀи гьабулеб мехалда БЕТӀЕРГЬАНАС гьезда лъазабун букӀана: «Чияр аллагьзабазул дин гьабуге, гьезие наку чӀваге, гьезие хъулухъ гьабуге ва къурбанал гьаруге. 36Кутакаб къуваталдалъун ва хӀалкӀолъиялдалъун нуж Мисриялдаса хвасар гьарурав БЕТӀЕРГЬАН вуго! Гьеле Гьев кӀодо гьавизе ккола нужеца. Гьесие чӀвай наку, Гьесие гьаре къурбаналги. 37Гьес нужеда тӀад лъурал Бичасул амруялги, фарзги, Гьесул къануналги, ахӀкамалги тӀуразаре абадиялъго. БатӀиял аллагьзаби кӀодо гьаруге. 38Дица нужергун гьабураб къотӀи кӀочон тоге ва батӀиял аллагьзаби кӀодо гьаруге. 39ЦохӀо нужер БЕТӀЕРГЬАН Аллагь кӀодо гьаве, Гьесги киналго тушбабаздаса хвасар гьарила нуж», – ин.
40Амма гьез гьелъухъ гӀин бачӀо ва цересел гӀадатал цӀунун чӀана. 41БЕТӀЕРГЬАНАСЕГИ гӀибадат гьабуна гьез, амма гьересиаллагьзабиги рехун течӀо. Жакъа къоялъги гьезул наслабаз жидерго умумуз гьабурабщинаб гьабулеб буго.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023