Маккавейёслэн 2-тӥ книгазы 2
2
2-тӥ ЛЮКЕТ
1Иеремия пророклэн гожъямъёсыз пӧлын вань гожтэт: отын верамын, кызьы со кужмысь улыны выжытоноослы бӧрсязы тыллэсь люкетсэ басьтыны косӥз, кызьы возьматэмын, 2кызьы пророк, кужмысь улыны выжтоноослы закон сётыса, сӥзиз-косӥз Кузё-Инмарлэсь косонъёссэ медаз вунэтэ, язычникъёслэсь зарнилэсь, азвесьлэсь лэсьтэм сульдэръёссы, чеберъянъёссы шоры учкыса, малпанэнызы-мылкыдынызы медаз йыроме шуыса. 3Та выллем ик кылъёс вераса, со соосты куриз, сюлмысьтызы законэз медаз уллялэ шуыса. 4Гожтэтын верамын на, кызьы та пророк, Инмарлэн солы усьтыса верамезъя, скинияез но ковчегез сьӧраз нуыны косӥз, гурезе тубыкуз, Моисей со гурезь йылэ ик тубам бере Инмарлэсь сётэм люкетсэ адӟиз. 5Отчы вуэм бераз Иеремия гурезьысь пещерае улыны ярамон инты шедьтӥз но отчы скинияез, ковчегез, ческыт зыно ӵындытон курбон сётон ӝӧкез пыртӥз, пырон пасез ӵоксаз. 6Соин ӵош ветлӥсьёс пӧлысь куд-огез пещерае пырон ӧс борды пус пуктыны лыктӥзы, но сое ӧз шедьтэ. 7Иеремия та сярысь тодэм бераз пыкылыса соослы шуиз: «Инмар гажаса-жаляса калыксэ огазе люкатозь, та интыез нокин но уз шедьты. 8Соку Кузё-Инмар со интыез возьматоз, соку Моисей дыръя кадь Кузё-Инмарлэн пиштӥсь данлыкез но пилем возьматскоз, кызьы Соломон но та инты дун-чылкыт каремын мед луоз шуыса вӧсяськыса куриз».#2:8 Пот. 16:10; 24:15-18; Лыд. 14:10; 3 Экс. 8:10-11 9Озьы ик верамын вал, кызьы Соломон, визьлыкен пачылмыса, выльдӥськонлы сӥзьыса, храм пуктонэз быдэстонлы сӥзьыса, курбон вайиз. 10Кызьы Моисей Кузё-Инмарлы вӧсяськиз но инмысь тыл васькыса курбонэз ньылӥз, озьы ик Соломон вӧсяськиз но, тылын сутоно курбонэз лэзиськем тыл быдтӥз. 11Моисей шуиз: «Сьӧлык понна сётӥськем курбон сӥль сиемын ӧй вал бере, сое тыл ньылӥз».#2:11 Лев. 10:16-20 12Тазьы, тазьы ик Соломон но тямыс нунал ӵоже шумпотыса-шулдыръяськыса улӥз.
13Та ужъёс сярысь ик Неемиялэн тодэ ваён книгаосаз, гожтэтъёсаз но верамын, со ачиз библиотеказэ кылдытӥз бере, эксэйёс, пророкъёс, Давид сярысь веранъёсты, эксэйёслэн сӥзьыса ваем салам-кузьымъёссы сярысь гожъямъёссэс люказ уго. 14Тазьы ик Иуда но, милям дорамы ортчем ожмаськон бере, ышем книга люкетъёсты ваньзэ огазе бичаз, со таре ваньмыз милям вань. 15Озьыен, та тӥледлы кулэ ке, таосты ми дорысь басьтыны адямиосты ыстэ. 16Храмез Чылкытатон праздникез ортчытыны малпаса, та сярысь ми тӥледлы гожтӥмы; та нуналъёсты тӥ но праздник карыса ортчытӥды ке, ӟеч лэсьтоды. 17Инмар Аслэсьтыз вань калыксэ утиз, ваньзылы люкетсэс, кун-эксэйлыкез, священникъёсты, вӧсяськон интыез берыктӥз, 18кызьы закон пыр кыл сётӥз, – Инмар вылэ оскиськиськомы, – ӝоген асьмеды, музъем вылэ пазьгиськемъёсты, гажаса-жаляса, Со святой интые люкалоз. 19Уго Со трос бадӟымесь курадӟонъёслэсь асьмеды мозмытӥз, интыез дун-чылкыт кариз.
20Маккавей Иудалэн, солэн агай-вынъёсызлэн ужъёссы сярысь, быдӟым храмез чылкытатон, курбон сётон ӝӧкез выльдон сярысь; 21озьы ик Антиох Епифанлы, солэн Евпатор пиезлы пумит нуэм ожъёс сярысь, 22иудейлыкез утёнын сокем тыршыса улэмъёслы Инмысь паймымон тодметъёс возьматскылэм сярысь, – соос сокем ик трос ке но ӧй вал, но быдэс кунэз тушмонлэн киулысьтыз мозмытӥзы, туж трос тушмонъёс сьӧры уйиськыса ветлӥзы, 23быдэс дунне вылын данъяськымон храмез выльдӥзы-тупатъязы, городэз мозмытӥзы, куашкан пала кымаськыны кутскем законъёсты улӟытӥзы, Кузё-Инмар соослы ӟеч мылкыдзэ, гажан-жалянзэ возьматӥз уго; 24ваньмыз Киринеяысь Иасон та сярысь ваньзэ вить книгае гожтӥз, нош ми тае вакчияк одӥг книгае гожтыса утчалом. 25Уго, узыр пуштросэн, туж трос лыдпусъёсты лыдэ басьтыса гожтэм, улон радлэсь азинскемзэ возьматӥсь книга сое тодыны мылкыд карисьёс понна секытлык кылдоз, 26соин ик ми сюлмаськимы лыдӟыны мылкыд карисьёслэн лулзылы-сюлэмзылы шумпотон сётыны, йырвизьмазы возьыны тыршисьёслэсь ужзэс капчиятыны, – ваньмызлы, кинъёслы книгаез лыдӟыны кылдоз, пайда мед сётоз; 27милемлы, вакчиятон ужез ас выламы басьтӥсьёслы, со капчи уж ӧвӧл, со кужым понэмез, сак улонэз кулэ каре. 28Юондыр дасясьлэн но ужез капчи ӧвӧл, кунооссэ шумпоттыны малпа ке уго со. Но трос муртъёслэсь тау каремзэс кыломы шуыса тодӥськомы бере, та секыт ужез быдэсъян борды мылысь-кыдысь басьтӥськиськомы, 29историез гожтӥсьлы ортчем ужъюгдуръёсты пыр-поч гожтыса кельтыны луонлык сётӥськомы, вакчиятыса вераны быгатӥсьлэсь адӟем кариськомы. 30Уго кызьы выль корка пуктӥсьлы быдэс пуктӥськон сярысь сюлмаськыны кулэ, нош вандылыса, суредаса чеберъясьлы чеберъян амалъёс гинэ утчаны кулэ, озьы ик асьмеос но асьме сярысь малпаськомы. 31Историез гожтӥсь пыдло пырыны, ваньмыз сярысь вераны, котькуд люкетсэ пыр-поч эскерыны-чакланы тырше. 32Нош кин вакчиятон уж бордын тырше, солы вераськонэз вакчи амалэн сётыны лэзёно, вань ужъюгдурез котыр ласянь, пыр-поч эскерыса, со гожтыны кулэ ӧвӧл. 33Озьыен, тазьы верамы ни бере, кутскомы историмес возьматон борды, уго ассэ историез вакчиятыса, историлэсь азькылзэ будэтыны ӟеч ӧвӧл.
Currently Selected:
Маккавейёслэн 2-тӥ книгазы 2: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 2
2
2-тӥ ЛЮКЕТ
1Иеремия пророклэн гожъямъёсыз пӧлын вань гожтэт: отын верамын, кызьы со кужмысь улыны выжытоноослы бӧрсязы тыллэсь люкетсэ басьтыны косӥз, кызьы возьматэмын, 2кызьы пророк, кужмысь улыны выжтоноослы закон сётыса, сӥзиз-косӥз Кузё-Инмарлэсь косонъёссэ медаз вунэтэ, язычникъёслэсь зарнилэсь, азвесьлэсь лэсьтэм сульдэръёссы, чеберъянъёссы шоры учкыса, малпанэнызы-мылкыдынызы медаз йыроме шуыса. 3Та выллем ик кылъёс вераса, со соосты куриз, сюлмысьтызы законэз медаз уллялэ шуыса. 4Гожтэтын верамын на, кызьы та пророк, Инмарлэн солы усьтыса верамезъя, скинияез но ковчегез сьӧраз нуыны косӥз, гурезе тубыкуз, Моисей со гурезь йылэ ик тубам бере Инмарлэсь сётэм люкетсэ адӟиз. 5Отчы вуэм бераз Иеремия гурезьысь пещерае улыны ярамон инты шедьтӥз но отчы скинияез, ковчегез, ческыт зыно ӵындытон курбон сётон ӝӧкез пыртӥз, пырон пасез ӵоксаз. 6Соин ӵош ветлӥсьёс пӧлысь куд-огез пещерае пырон ӧс борды пус пуктыны лыктӥзы, но сое ӧз шедьтэ. 7Иеремия та сярысь тодэм бераз пыкылыса соослы шуиз: «Инмар гажаса-жаляса калыксэ огазе люкатозь, та интыез нокин но уз шедьты. 8Соку Кузё-Инмар со интыез возьматоз, соку Моисей дыръя кадь Кузё-Инмарлэн пиштӥсь данлыкез но пилем возьматскоз, кызьы Соломон но та инты дун-чылкыт каремын мед луоз шуыса вӧсяськыса куриз».#2:8 Пот. 16:10; 24:15-18; Лыд. 14:10; 3 Экс. 8:10-11 9Озьы ик верамын вал, кызьы Соломон, визьлыкен пачылмыса, выльдӥськонлы сӥзьыса, храм пуктонэз быдэстонлы сӥзьыса, курбон вайиз. 10Кызьы Моисей Кузё-Инмарлы вӧсяськиз но инмысь тыл васькыса курбонэз ньылӥз, озьы ик Соломон вӧсяськиз но, тылын сутоно курбонэз лэзиськем тыл быдтӥз. 11Моисей шуиз: «Сьӧлык понна сётӥськем курбон сӥль сиемын ӧй вал бере, сое тыл ньылӥз».#2:11 Лев. 10:16-20 12Тазьы, тазьы ик Соломон но тямыс нунал ӵоже шумпотыса-шулдыръяськыса улӥз.
13Та ужъёс сярысь ик Неемиялэн тодэ ваён книгаосаз, гожтэтъёсаз но верамын, со ачиз библиотеказэ кылдытӥз бере, эксэйёс, пророкъёс, Давид сярысь веранъёсты, эксэйёслэн сӥзьыса ваем салам-кузьымъёссы сярысь гожъямъёссэс люказ уго. 14Тазьы ик Иуда но, милям дорамы ортчем ожмаськон бере, ышем книга люкетъёсты ваньзэ огазе бичаз, со таре ваньмыз милям вань. 15Озьыен, та тӥледлы кулэ ке, таосты ми дорысь басьтыны адямиосты ыстэ. 16Храмез Чылкытатон праздникез ортчытыны малпаса, та сярысь ми тӥледлы гожтӥмы; та нуналъёсты тӥ но праздник карыса ортчытӥды ке, ӟеч лэсьтоды. 17Инмар Аслэсьтыз вань калыксэ утиз, ваньзылы люкетсэс, кун-эксэйлыкез, священникъёсты, вӧсяськон интыез берыктӥз, 18кызьы закон пыр кыл сётӥз, – Инмар вылэ оскиськиськомы, – ӝоген асьмеды, музъем вылэ пазьгиськемъёсты, гажаса-жаляса, Со святой интые люкалоз. 19Уго Со трос бадӟымесь курадӟонъёслэсь асьмеды мозмытӥз, интыез дун-чылкыт кариз.
20Маккавей Иудалэн, солэн агай-вынъёсызлэн ужъёссы сярысь, быдӟым храмез чылкытатон, курбон сётон ӝӧкез выльдон сярысь; 21озьы ик Антиох Епифанлы, солэн Евпатор пиезлы пумит нуэм ожъёс сярысь, 22иудейлыкез утёнын сокем тыршыса улэмъёслы Инмысь паймымон тодметъёс возьматскылэм сярысь, – соос сокем ик трос ке но ӧй вал, но быдэс кунэз тушмонлэн киулысьтыз мозмытӥзы, туж трос тушмонъёс сьӧры уйиськыса ветлӥзы, 23быдэс дунне вылын данъяськымон храмез выльдӥзы-тупатъязы, городэз мозмытӥзы, куашкан пала кымаськыны кутскем законъёсты улӟытӥзы, Кузё-Инмар соослы ӟеч мылкыдзэ, гажан-жалянзэ возьматӥз уго; 24ваньмыз Киринеяысь Иасон та сярысь ваньзэ вить книгае гожтӥз, нош ми тае вакчияк одӥг книгае гожтыса утчалом. 25Уго, узыр пуштросэн, туж трос лыдпусъёсты лыдэ басьтыса гожтэм, улон радлэсь азинскемзэ возьматӥсь книга сое тодыны мылкыд карисьёс понна секытлык кылдоз, 26соин ик ми сюлмаськимы лыдӟыны мылкыд карисьёслэн лулзылы-сюлэмзылы шумпотон сётыны, йырвизьмазы возьыны тыршисьёслэсь ужзэс капчиятыны, – ваньмызлы, кинъёслы книгаез лыдӟыны кылдоз, пайда мед сётоз; 27милемлы, вакчиятон ужез ас выламы басьтӥсьёслы, со капчи уж ӧвӧл, со кужым понэмез, сак улонэз кулэ каре. 28Юондыр дасясьлэн но ужез капчи ӧвӧл, кунооссэ шумпоттыны малпа ке уго со. Но трос муртъёслэсь тау каремзэс кыломы шуыса тодӥськомы бере, та секыт ужез быдэсъян борды мылысь-кыдысь басьтӥськиськомы, 29историез гожтӥсьлы ортчем ужъюгдуръёсты пыр-поч гожтыса кельтыны луонлык сётӥськомы, вакчиятыса вераны быгатӥсьлэсь адӟем кариськомы. 30Уго кызьы выль корка пуктӥсьлы быдэс пуктӥськон сярысь сюлмаськыны кулэ, нош вандылыса, суредаса чеберъясьлы чеберъян амалъёс гинэ утчаны кулэ, озьы ик асьмеос но асьме сярысь малпаськомы. 31Историез гожтӥсь пыдло пырыны, ваньмыз сярысь вераны, котькуд люкетсэ пыр-поч эскерыны-чакланы тырше. 32Нош кин вакчиятон уж бордын тырше, солы вераськонэз вакчи амалэн сётыны лэзёно, вань ужъюгдурез котыр ласянь, пыр-поч эскерыса, со гожтыны кулэ ӧвӧл. 33Озьыен, тазьы верамы ни бере, кутскомы историмес возьматон борды, уго ассэ историез вакчиятыса, историлэсь азькылзэ будэтыны ӟеч ӧвӧл.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016