Маккавейёслэн 2-тӥ книгазы 1
1
1-тӥ ЛЮКЕТ
1Египетын улӥсь иудей агай-вынъёслы – шумпотоно; Иерусалимысь, быдэс Иудей кунысь иудей агай-вынъёсты тӥледлы шудбуро, тупаса улон сӥзё. 2Инмар тӥледлы ӟеч мед кароз, Аслаз оскиськымон ляльчиосыныз Авраамен, Исаакен, Иаковен сӥзён-косон пыр кылдытэм кусыпсэ тодаз мед ваёз! 3Тӥлесьтыд сюлэмъёстэс Ассэ сӥё-дано карись мед кароз, вань сюлмыныды, лулыныды мед тыршоды Солэсь эриксэ быдэсъяса улыны! 4Аслэсьтыз законзэ, косонъёссэ валаны тӥлесьтыд сюлэмъёстэс мед усьтоз, тупаса улон мед сётоз! 5Вӧсяськемъёстэс со мед кылоз, тӥледыз мед гажалоз-жалялоз, шугадӟонъёс вуылыку, тӥледыз медаз кушты. 6Тазьы ми та виын тӥ понна вӧсяськиськомы.
7Димитрий эксэйын пукыку, сю куатьтон укмысэтӥ арын, со аръёсы ми доры вуэм курадӟонъёс пӧлын улыкумы, ми, иудейёс, тӥледлы ӝожомыса, тӥледлы гожтэт гожъямы вал, отын верамын вал, кызьы Иасон но соин одӥг мылкыдын улӥсьёс святой музъем бордысь но, эксэйлык бордысь но усизы. 8Соос капкаез сутӥзы, янгыштэм вирез кисьтӥзы. Соку ми Кузё-Инмарлы вӧсяськимы но Кузё-Инмар милемыз кылӥз, курбон но салам нянь#1:8 салам нянь – оригиналын семидал шуэмын вайылӥмы, лампадаосты ӝуатылӥмы, курбон няньёс ӝӧк вылэ тыримы. 9Соин ик али Хаслев толэзе Тылыс Пуктон праздник ортчытэ.
10Сю тямыстон тямысэтӥ арын Иерусалимын но Иудеяын улӥсьёс, тӧроос, Иуда вӧйын зырӟыса пуктэм священникъёслэн выжыысьтызы потэмлы, Птоломей эксэйлэн дышетӥсезлы – Аристовуллы, Египетын улыны интыяськем иудейёслы – шумпотэлэ, тазалыкоесь луэлэ. 11Туж бадӟым кышкытлыкъёслэсь Инмар милемыз мозмытӥз, соин ик ми, эксэйлы пумит ожмаськем муртъёс кадь, шумпотыса-данъяськыса Солы тау кариськомы, 12уго Со святой город вылэ урдскемъёсты улляса лэзиз. 13Вормыны луонтэм кадь адӟиськись ожгарчиосын эксэй Персияе мынэм бере Нанеялэн#1:13 Нанея – персъёслэн но куд-ог мукет шундыӝужанпал калыкъёслэн нылкышно инмарзы вӧсясьёсыз пӧяськыса соосты Нанеялы сӥзем храмын виылӥзы. 14Ӵапак соку Антиох, Нанеяен огазеяськыны кариськемъяськыса, со интые вуиз, нош соин ӵош лыктэм эшъёсыз йырдонлы уксё басьтыны лыктӥзы, 15Нанеялэн вӧсясьёсыз соослэн азязы йырдонлы уксёез пуктӥзы но, Антиох кӧня ке муртъёсыныз ӵош храм пушкы пыриз, – Антиох храм пушкы пырыса гинэ вуиз, сое соку ик тып-тып ворсазы, 16вӧлдэтысь лушкем пасез усьтӥзы но отысен изъёс зӥръяны кутскизы, азьветлӥсез но соин ӵош пыремъёсты погыръязы, мугорзэс кораса, йырзэс ӵогыса, кыр палаз сылӥсьёс доры зӥртыса лэзьязы. 17Милям Инмармы котыр ласянь данлыко, сьӧлыклэсь кышкасьтэмъёсты бырон киулэ сётэмез понна. 18Озьы, Хаслев толэзьлэн кызь витетӥ нуналаз Храмез Чылкытатон праздник ортчытыны малпаса, милям тӥледлы ивортэммы потӥз, тӥ но Тылыс Пуктон, тыллы сӥзем праздник мед ортчытысалды, кызьы Неемия, храм пуктыса, курбон сётон ӝӧк лэсьтӥз но курбон сётӥз. 19Атайёсмес Персияе нуэм бере Инмарлэсь кышканэн улӥсь священникъёс курбон сётон интыысь тылэз лушкемен басьтӥзы но сое вутэм гудӟем (колодча) пыдсы ватӥзы, отын кышкатэк утьыны сое быгатӥзы, – та инты нокинлы но тодмо ӧй вал.
20Трос аръёс ортчем бере, кызьы Инмарлы кулэ луиз, Персиялэн эксэез дорысь ыстэм Неемия та тылэз вайыны сое ватӥсь священникъёслэн выжыысьтызы адямиосты келяз. Тылэз ӧм шедьтэ, нап вуэз гинэ шедьтӥм шуыса ялэмзы бере, 21со косон сётӥз: омыртыса сое мед ваёзы; курбон сётон дась луэм бере Неемия священникъёсты пуосты но соос вылэ тырем макеосты та вуэн пазьгыны косӥз. 22Тазьы карем бере дыр вуиз но, шунды пиштыны кутскиз, нош та дырозь инбам пилемъёсын возъяськыса улӥз, соку ик бадӟым тыл ӝуатскиз, вань калык талы паймиз. 23Курбон ӝуаса улыку, священникъёс но вань люкаськем калык вӧсяськыса улӥзы; Ионафан (архиерей) чирдыны кутскылӥз, нош мукетъёсыз, Неемия сямен ик, со сьӧры чирдӥзы. 24Вӧсяськонлэн таӵе вал кылъёсыз: «Кузё-Инмаре, Инмаре Кузё-Инмаре, ваньзэ Кылдытӥсь, кышкыт но кужмо, шонерлыко, гажась-жалясь, одӥгнад Тон Эксэй, ӟеч лэсьтӥсь, 25Огнад Тон ваньзэ сётӥськод, одӥгнад шонер лэсьтӥсь, ваньмызлэсь кужмоез, пумтэм вапумъёс улӥсь, Израилез вань уродлэсь утись, атайёсмес Аслыд бырйись, соосты дун-чылкыт карись! 26Аслад быдэс израиль калыкед понна та курбонмес кабыл басьты, Аслэсьтыд та быръем люкеттэ уть, дун-чылкыт кар. 27Пазьгиськыса улӥсь калыкмес огазе люка, язычникъёслэн киулазы ляльчи радэ сюрем муртъёсмес мозмыты, ултӥям, сантэмам муртъёсмы шоры учкы, язычникъёс мед тодозы: Тон – милям Инмармы. 28Вылтӥяськыса милемды ултӥясьёсты, ёртыса-ӝикатыса возисьёсты вӧсь кар. 29Моисей шуэмъя Аслэсьтыд калыктэ святой интыяд мертты». 30Священникъёс данъян-ушъян гуръёс кырӟаса улӥзы. 31Курбон ӝуаса бырем бере Неемия кылем вуэз бадӟым изъёс вылэ киськаны косӥз. 32Та косонэз быдэстыса гинэ вуизы, соку ик бадӟым тыл гомӟиз, нош курбон сётон ӝӧк вылысь пиштӥсь тыл сое кысӥз. 33Та учыр тодмо луэм бере, куке та сярысь иворез персъёслэн эксэйзы доры вуттӥзы – кужмысь улыны ваем священникъёслэн тылэз ватэм интыязы ву, пе, потэм, Неемия но соин ӵош учырамъёс со вуэн курбонъёсты вӧсяллям, – 34та ужез эскерем бере эксэй та интыез священной шуыса кенерен котыртӥз. 35Яратоно-гажано муртъёсызлы эксэй трос саламъёс сётъяз, соос но солы саламъёс сётъязы. 36Неемияен ӵош ветлӥсьёс та интыез Нефтар шуыса нимазы, кудӥз «сузяськон-чылкытатӥськон» шуэм луэ; нош тросэз сое Нефтай, шуо.
Currently Selected:
Маккавейёслэн 2-тӥ книгазы 1: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 1
1
1-тӥ ЛЮКЕТ
1Египетын улӥсь иудей агай-вынъёслы – шумпотоно; Иерусалимысь, быдэс Иудей кунысь иудей агай-вынъёсты тӥледлы шудбуро, тупаса улон сӥзё. 2Инмар тӥледлы ӟеч мед кароз, Аслаз оскиськымон ляльчиосыныз Авраамен, Исаакен, Иаковен сӥзён-косон пыр кылдытэм кусыпсэ тодаз мед ваёз! 3Тӥлесьтыд сюлэмъёстэс Ассэ сӥё-дано карись мед кароз, вань сюлмыныды, лулыныды мед тыршоды Солэсь эриксэ быдэсъяса улыны! 4Аслэсьтыз законзэ, косонъёссэ валаны тӥлесьтыд сюлэмъёстэс мед усьтоз, тупаса улон мед сётоз! 5Вӧсяськемъёстэс со мед кылоз, тӥледыз мед гажалоз-жалялоз, шугадӟонъёс вуылыку, тӥледыз медаз кушты. 6Тазьы ми та виын тӥ понна вӧсяськиськомы.
7Димитрий эксэйын пукыку, сю куатьтон укмысэтӥ арын, со аръёсы ми доры вуэм курадӟонъёс пӧлын улыкумы, ми, иудейёс, тӥледлы ӝожомыса, тӥледлы гожтэт гожъямы вал, отын верамын вал, кызьы Иасон но соин одӥг мылкыдын улӥсьёс святой музъем бордысь но, эксэйлык бордысь но усизы. 8Соос капкаез сутӥзы, янгыштэм вирез кисьтӥзы. Соку ми Кузё-Инмарлы вӧсяськимы но Кузё-Инмар милемыз кылӥз, курбон но салам нянь#1:8 салам нянь – оригиналын семидал шуэмын вайылӥмы, лампадаосты ӝуатылӥмы, курбон няньёс ӝӧк вылэ тыримы. 9Соин ик али Хаслев толэзе Тылыс Пуктон праздник ортчытэ.
10Сю тямыстон тямысэтӥ арын Иерусалимын но Иудеяын улӥсьёс, тӧроос, Иуда вӧйын зырӟыса пуктэм священникъёслэн выжыысьтызы потэмлы, Птоломей эксэйлэн дышетӥсезлы – Аристовуллы, Египетын улыны интыяськем иудейёслы – шумпотэлэ, тазалыкоесь луэлэ. 11Туж бадӟым кышкытлыкъёслэсь Инмар милемыз мозмытӥз, соин ик ми, эксэйлы пумит ожмаськем муртъёс кадь, шумпотыса-данъяськыса Солы тау кариськомы, 12уго Со святой город вылэ урдскемъёсты улляса лэзиз. 13Вормыны луонтэм кадь адӟиськись ожгарчиосын эксэй Персияе мынэм бере Нанеялэн#1:13 Нанея – персъёслэн но куд-ог мукет шундыӝужанпал калыкъёслэн нылкышно инмарзы вӧсясьёсыз пӧяськыса соосты Нанеялы сӥзем храмын виылӥзы. 14Ӵапак соку Антиох, Нанеяен огазеяськыны кариськемъяськыса, со интые вуиз, нош соин ӵош лыктэм эшъёсыз йырдонлы уксё басьтыны лыктӥзы, 15Нанеялэн вӧсясьёсыз соослэн азязы йырдонлы уксёез пуктӥзы но, Антиох кӧня ке муртъёсыныз ӵош храм пушкы пыриз, – Антиох храм пушкы пырыса гинэ вуиз, сое соку ик тып-тып ворсазы, 16вӧлдэтысь лушкем пасез усьтӥзы но отысен изъёс зӥръяны кутскизы, азьветлӥсез но соин ӵош пыремъёсты погыръязы, мугорзэс кораса, йырзэс ӵогыса, кыр палаз сылӥсьёс доры зӥртыса лэзьязы. 17Милям Инмармы котыр ласянь данлыко, сьӧлыклэсь кышкасьтэмъёсты бырон киулэ сётэмез понна. 18Озьы, Хаслев толэзьлэн кызь витетӥ нуналаз Храмез Чылкытатон праздник ортчытыны малпаса, милям тӥледлы ивортэммы потӥз, тӥ но Тылыс Пуктон, тыллы сӥзем праздник мед ортчытысалды, кызьы Неемия, храм пуктыса, курбон сётон ӝӧк лэсьтӥз но курбон сётӥз. 19Атайёсмес Персияе нуэм бере Инмарлэсь кышканэн улӥсь священникъёс курбон сётон интыысь тылэз лушкемен басьтӥзы но сое вутэм гудӟем (колодча) пыдсы ватӥзы, отын кышкатэк утьыны сое быгатӥзы, – та инты нокинлы но тодмо ӧй вал.
20Трос аръёс ортчем бере, кызьы Инмарлы кулэ луиз, Персиялэн эксэез дорысь ыстэм Неемия та тылэз вайыны сое ватӥсь священникъёслэн выжыысьтызы адямиосты келяз. Тылэз ӧм шедьтэ, нап вуэз гинэ шедьтӥм шуыса ялэмзы бере, 21со косон сётӥз: омыртыса сое мед ваёзы; курбон сётон дась луэм бере Неемия священникъёсты пуосты но соос вылэ тырем макеосты та вуэн пазьгыны косӥз. 22Тазьы карем бере дыр вуиз но, шунды пиштыны кутскиз, нош та дырозь инбам пилемъёсын возъяськыса улӥз, соку ик бадӟым тыл ӝуатскиз, вань калык талы паймиз. 23Курбон ӝуаса улыку, священникъёс но вань люкаськем калык вӧсяськыса улӥзы; Ионафан (архиерей) чирдыны кутскылӥз, нош мукетъёсыз, Неемия сямен ик, со сьӧры чирдӥзы. 24Вӧсяськонлэн таӵе вал кылъёсыз: «Кузё-Инмаре, Инмаре Кузё-Инмаре, ваньзэ Кылдытӥсь, кышкыт но кужмо, шонерлыко, гажась-жалясь, одӥгнад Тон Эксэй, ӟеч лэсьтӥсь, 25Огнад Тон ваньзэ сётӥськод, одӥгнад шонер лэсьтӥсь, ваньмызлэсь кужмоез, пумтэм вапумъёс улӥсь, Израилез вань уродлэсь утись, атайёсмес Аслыд бырйись, соосты дун-чылкыт карись! 26Аслад быдэс израиль калыкед понна та курбонмес кабыл басьты, Аслэсьтыд та быръем люкеттэ уть, дун-чылкыт кар. 27Пазьгиськыса улӥсь калыкмес огазе люка, язычникъёслэн киулазы ляльчи радэ сюрем муртъёсмес мозмыты, ултӥям, сантэмам муртъёсмы шоры учкы, язычникъёс мед тодозы: Тон – милям Инмармы. 28Вылтӥяськыса милемды ултӥясьёсты, ёртыса-ӝикатыса возисьёсты вӧсь кар. 29Моисей шуэмъя Аслэсьтыд калыктэ святой интыяд мертты». 30Священникъёс данъян-ушъян гуръёс кырӟаса улӥзы. 31Курбон ӝуаса бырем бере Неемия кылем вуэз бадӟым изъёс вылэ киськаны косӥз. 32Та косонэз быдэстыса гинэ вуизы, соку ик бадӟым тыл гомӟиз, нош курбон сётон ӝӧк вылысь пиштӥсь тыл сое кысӥз. 33Та учыр тодмо луэм бере, куке та сярысь иворез персъёслэн эксэйзы доры вуттӥзы – кужмысь улыны ваем священникъёслэн тылэз ватэм интыязы ву, пе, потэм, Неемия но соин ӵош учырамъёс со вуэн курбонъёсты вӧсяллям, – 34та ужез эскерем бере эксэй та интыез священной шуыса кенерен котыртӥз. 35Яратоно-гажано муртъёсызлы эксэй трос саламъёс сётъяз, соос но солы саламъёс сётъязы. 36Неемияен ӵош ветлӥсьёс та интыез Нефтар шуыса нимазы, кудӥз «сузяськон-чылкытатӥськон» шуэм луэ; нош тросэз сое Нефтай, шуо.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016