Маккавейёслэн 2-тӥ книгазы 3
3
3-тӥ ЛЮКЕТ
1Святой городын каньылэн, тупаса улон вакытъёсы, куке законъёсты туж тыршыса утизы, малы ке шуоно Ония архиерей Инмарлэсь кышканэн улӥз, лек ужъёсты синазькыль кариз, 2сыӵе дыръёс но вал – храм интыез эксэйёс но сӥлы карылӥзы, вӧсяськон интыез дуно салам-кузьымъёсын данъяллязы, 3Азиялэн эксэез Селевк но люкам узырлыкез пӧлысь курбон сётыса вӧсяськонлы кӧня кулэ, сомында сётылӥз. 4Но Вениамин выжыысь кыӵе ке но Симон, храмез чакласа-эскерыса улыны пуктэм мурт, городын законъёсты сӧрыса улэм пумысен архиереен споре пыроно луиз. 5Онияез вормыны ӧз быгаты бере, Келе-Сирияын но Финикияын ож ужъёсъя кивалтӥсьын пукись Фрасейлэн Аполлоний пиез доры мынӥз, 6Иерусалимысь ваньбур возён инты вераны луонтэм трос узырлыкен пачылмемын шуыса, солы ялӥз, сыӵе ик вераны луонтэм трос коньдон люкаськемын, курбон сётон понна соослы кулэяськон ик ӧвӧл, но ваньмыз та эксэйлэн киулаз берыктыны яралоз. 7Нош Аполлоний эксэен адӟиськем бераз солы вераз та узырлыкъёс сярысь, нош эксэй кун ужъёсын вырись Илиодорез та ужен вырыны пуктӥз, сое ыстӥз, вылӥ верам узырлыкъёсты отысь поттыны косӥз. 8Илиодор соку ик Келе-Сирияысь, Финикияысь городъёсты учкон амалэн сюрес вылэ потӥз, нош зэмзэ ке верано, эксэйлэсь косонзэ быдэстыны мынӥз. 9Иерусалиме вуэм бераз городысь архиерей сое эшлыко мылкыдын пумитаз, со солы эксэйлэн косонэз сярысь, малы лыктэмез сярысь вераз, эшшо юаз на: «Зэмзэ ик-а та тазьы?» 10Архиерей возьматӥз ке но та палкышноос, анайтэм-атайтэм нылпиос понна утьыны сётэм ваньбур луэ шуыса, 11нош та ваньбур пӧлысь оглюкетэз нимо-дано воргоронлэн, Товиялэн Гиркан пиезлэн, луэ; сьӧлыклэсь кышкасьтэм Симонлэн юнме кыл вӧлдэмез зэм ӧвӧл, ваньмыз-ӧвӧлэз ньыль сю талант азвесез но кык сю зарниез вань татын; 12нош святой интылы, быдэс дунне вылын тодмо, сӥё-дано храмлы, солэн йӧтылыны ярантэм луэмезлы оскиськисьёсты нокызьы но ултӥяны уг яра. 13Нош эксэй косонэн лыктэм Илиодор, чик сётӥськытэк, тае ваньзэ эксэйлэн казна возён интыяз нуоно шуыса вераз.
14Со нуналэз пусйиз но храмысь ваньбур возён интыез учкыны-эскерыны пыриз, быдэс городын юн гинэ бугыръяськыны кутскизы. 15Священникъёс вӧсяськон дӥськутъёсынызы курбон сётон азе ымнырынызы музъем вылэ выдылӥзы, Ин пала учкыса, сюлворыса вазиськизы Солы, Кин закон сётӥз, вӧсяськон интылы оскыса сётэм ваньбурез Со быдэскын мед утёз оскиськемъёслы берыктон вылысь. 16Архиерейлэн ымныр шораз учкисьёслэн лулзы-сюлэмзы куалекъяз; уго солэн шоре учконэз, ымнырызлэн буёлэзлэн воштӥськемез шарае поттӥз лулызлэсь куалектэмзэ. 17Со шимес кышкатскиз, мугорыз куалекъяны кутскиз, тая ик шораз учкисьёс валазы сюлмызлэсь куректэмзэ. 18Куд-огез, вань калыкен ӵош вӧсяськон вылысь, быдэс семьяенызы коркасьтызы бызьыса потылӥзы, уго святой интылы саптан-сантэманэз адӟоно луоз. 19Нылкышноос, гадьёссэс бышкиськись урдэг дэраен думылыса, туж трос кузя люкаськыса, ульча кузя ветлӥзы; юрт пушкын ватыса возем нылъёс капкаос доры бызьыса мынылӥзы, куд-огез борддоръёс йылэ тубылӥзы, куд-огез укно пыр учкыса сылӥзы, 20нош ваньзы, киоссэс Ин пала ӝутыса, вӧсяськизы. 21Сюлэмез вырӟытӥсь адӟон вал: вань калык ӵош пыдесъяськыса йыбырттылӥз, нош чылкак куалектэм архиерей мар луонэз возьмаса сылӥз. 22Дунне Кутӥсь Инмарлэсь соос тэльмырыса куризы: оскыса сётэмез быдэскын мед утёз-возёз, оскиськыса сётэмъёслы берен берыктон вылысь. 23Нош Илиодор быдэсъяз сое, мар солы оскемын вал. 24Ожмаськон тӥрлык кутэм муртъёсын ваньбур возён интые со пырем бере атайёслэн Кузё-Инмарзы, вань кужымъёслэн-властьёслэн Кузёзы, туж бадӟым паймымон тодмет возьматӥз: ваньзы, Илиодорен ӵош храмысь ваньбур возён интые пырыны дӥсьтӥсьёс, Инмар кужымлэсь кышкаса куалектӥзы, кынарзы быриз, туж курдатскизы – 25соослы вал возьматскиз, солэн вылаз туж шимес мурт пукиз, со туж чебер шобырен шобырскемын, вал туж ӝог ворттыса мынӥз но азь пыдыныз Илиодорез ӵабыштыса погыртӥз, нош вал вылын пукисьлэн вань ожмаськон тӥрлыкез зарнилэсь лэсьтэмын кадь потӥз. 26Илиодорлы эшшо кык егит пиос возьматскизы на, кужымзы туж бадӟым, тусбуйзы чебер, туж тузӥ дӥсяськемын, соос, мыд-мыд палтӥз султыса, дугдылытэк сое жугизы, яраё-виро каризы. 27Шӧдтэк шорысь со музъем вылэ усиз но, тём-тём пеймытлык сое шобыртӥз, соку солэн адямиосыз сое ӝутыса носилкае понӥзы. 28Сое, кин трос адямиосыныз, мугор возьмасьёсыныз ӵош али гинэ ваньбур возён интые пыриз, кулэм муртэз кадь поттӥзы, со ӟеч-ӟеч валаз Инмарлэсь быдӟым кужымзэ. 29Инмарлэн кужыменыз кылтэм-ымтэм карыса, со погыртэмын вал, улэп кыльыны чик оскиськонэз ӧй ни вал. 30Нош иудейёс Аслэсьтыз улон интызэ данэ поттэм Кузё-Инмарез данъяса улыны кутскизы; та азьын куалектыса, кышкаса улонэн пачылмем храм, – Дунне Кутӥсь Кузё-Инмар кужымзэ возьматэм бере шумпотонэн, шулдыръяськонэн пачылмиз. 31Ӝоген Илиодорлэн матысь муртъёсыз лыктӥзы но Онияез сюлворыса куризы, Вылысь Инмарлы мед вазиськоз, шокамысь дугдыны кутскем муртлы улон мед сётоз на шуыса. 32Архиерей талэсь кышкатскиз: эксэй малпаны быгатоз, Илиодорлы пумит иудейёс кыӵе ке но лек уж лэсьтӥллям шуыса; соин ик со, Илиодор улэп мед кылёз шуыса, курбон сётӥз. 33Архиерей буйгатсконлы сӥзем курбон сётыса улыку, со егит пиос нош ик Илиодорлы возьматскизы, соос азьло кадь ик чебер дӥськутэн дӥсяськемын, матаз лыктыса шуизы: «Оний архиерейлы туж-туж тау кар, уго солы луыса Кузё-Инмар тыныд улон сётӥз; 34нош тон, Солэн вӧсь карем муртэз, Инмарлэн быдӟым кужымез сярысь ваньмызлы вера». Тае верам беразы соос адскисьтэмесь луизы. 35Нош Илиодор Кузё-Инмарлы курбон сётэм бераз, улонзэ Утисьлы трос пумо курбонъёс сётыны сӥзиськем бераз, Ониялы тау кариз но ожгарчиосыныз ӵош эксэй доры берытскиз, 36вань адямиос азьын Быдӟым Инмарлэн ужъёсыз сярысь вераз-тодытӥз, кудъёссэ со ас синмыныз адӟиз. 37«Эшшо одӥг пол Иерусалиме лэзьыны тупамон-ярамон мурт вань на-а?», эксэйлэн тазьы юамезлы Илиодор таӵе ответ сётӥз: 38«Вань ке тынад кыӵе ке тушмонэд, кивалтон ужад пумитъяськисед, сое отчы ысты, – адӟод, кызьы со вӧсь карем куен берытскоз, – эшшо улэп ке кылиз, уго со интыын, зэм ик, Инмарлэн кужымез улэ: 39Со Ачиз, Инмын Улӥсь – со интылэн возьмаськисез но дурбасьтӥсез луэ, отчы лек малпанэн лыктӥсьёсты погыртэ, вие». 40Тӥни мар луиз Илиодорен, тазьы утемын вал храмлэн ваньбур возён интыез.
Currently Selected:
Маккавейёслэн 2-тӥ книгазы 3: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 3
3
3-тӥ ЛЮКЕТ
1Святой городын каньылэн, тупаса улон вакытъёсы, куке законъёсты туж тыршыса утизы, малы ке шуоно Ония архиерей Инмарлэсь кышканэн улӥз, лек ужъёсты синазькыль кариз, 2сыӵе дыръёс но вал – храм интыез эксэйёс но сӥлы карылӥзы, вӧсяськон интыез дуно салам-кузьымъёсын данъяллязы, 3Азиялэн эксэез Селевк но люкам узырлыкез пӧлысь курбон сётыса вӧсяськонлы кӧня кулэ, сомында сётылӥз. 4Но Вениамин выжыысь кыӵе ке но Симон, храмез чакласа-эскерыса улыны пуктэм мурт, городын законъёсты сӧрыса улэм пумысен архиереен споре пыроно луиз. 5Онияез вормыны ӧз быгаты бере, Келе-Сирияын но Финикияын ож ужъёсъя кивалтӥсьын пукись Фрасейлэн Аполлоний пиез доры мынӥз, 6Иерусалимысь ваньбур возён инты вераны луонтэм трос узырлыкен пачылмемын шуыса, солы ялӥз, сыӵе ик вераны луонтэм трос коньдон люкаськемын, курбон сётон понна соослы кулэяськон ик ӧвӧл, но ваньмыз та эксэйлэн киулаз берыктыны яралоз. 7Нош Аполлоний эксэен адӟиськем бераз солы вераз та узырлыкъёс сярысь, нош эксэй кун ужъёсын вырись Илиодорез та ужен вырыны пуктӥз, сое ыстӥз, вылӥ верам узырлыкъёсты отысь поттыны косӥз. 8Илиодор соку ик Келе-Сирияысь, Финикияысь городъёсты учкон амалэн сюрес вылэ потӥз, нош зэмзэ ке верано, эксэйлэсь косонзэ быдэстыны мынӥз. 9Иерусалиме вуэм бераз городысь архиерей сое эшлыко мылкыдын пумитаз, со солы эксэйлэн косонэз сярысь, малы лыктэмез сярысь вераз, эшшо юаз на: «Зэмзэ ик-а та тазьы?» 10Архиерей возьматӥз ке но та палкышноос, анайтэм-атайтэм нылпиос понна утьыны сётэм ваньбур луэ шуыса, 11нош та ваньбур пӧлысь оглюкетэз нимо-дано воргоронлэн, Товиялэн Гиркан пиезлэн, луэ; сьӧлыклэсь кышкасьтэм Симонлэн юнме кыл вӧлдэмез зэм ӧвӧл, ваньмыз-ӧвӧлэз ньыль сю талант азвесез но кык сю зарниез вань татын; 12нош святой интылы, быдэс дунне вылын тодмо, сӥё-дано храмлы, солэн йӧтылыны ярантэм луэмезлы оскиськисьёсты нокызьы но ултӥяны уг яра. 13Нош эксэй косонэн лыктэм Илиодор, чик сётӥськытэк, тае ваньзэ эксэйлэн казна возён интыяз нуоно шуыса вераз.
14Со нуналэз пусйиз но храмысь ваньбур возён интыез учкыны-эскерыны пыриз, быдэс городын юн гинэ бугыръяськыны кутскизы. 15Священникъёс вӧсяськон дӥськутъёсынызы курбон сётон азе ымнырынызы музъем вылэ выдылӥзы, Ин пала учкыса, сюлворыса вазиськизы Солы, Кин закон сётӥз, вӧсяськон интылы оскыса сётэм ваньбурез Со быдэскын мед утёз оскиськемъёслы берыктон вылысь. 16Архиерейлэн ымныр шораз учкисьёслэн лулзы-сюлэмзы куалекъяз; уго солэн шоре учконэз, ымнырызлэн буёлэзлэн воштӥськемез шарае поттӥз лулызлэсь куалектэмзэ. 17Со шимес кышкатскиз, мугорыз куалекъяны кутскиз, тая ик шораз учкисьёс валазы сюлмызлэсь куректэмзэ. 18Куд-огез, вань калыкен ӵош вӧсяськон вылысь, быдэс семьяенызы коркасьтызы бызьыса потылӥзы, уго святой интылы саптан-сантэманэз адӟоно луоз. 19Нылкышноос, гадьёссэс бышкиськись урдэг дэраен думылыса, туж трос кузя люкаськыса, ульча кузя ветлӥзы; юрт пушкын ватыса возем нылъёс капкаос доры бызьыса мынылӥзы, куд-огез борддоръёс йылэ тубылӥзы, куд-огез укно пыр учкыса сылӥзы, 20нош ваньзы, киоссэс Ин пала ӝутыса, вӧсяськизы. 21Сюлэмез вырӟытӥсь адӟон вал: вань калык ӵош пыдесъяськыса йыбырттылӥз, нош чылкак куалектэм архиерей мар луонэз возьмаса сылӥз. 22Дунне Кутӥсь Инмарлэсь соос тэльмырыса куризы: оскыса сётэмез быдэскын мед утёз-возёз, оскиськыса сётэмъёслы берен берыктон вылысь. 23Нош Илиодор быдэсъяз сое, мар солы оскемын вал. 24Ожмаськон тӥрлык кутэм муртъёсын ваньбур возён интые со пырем бере атайёслэн Кузё-Инмарзы, вань кужымъёслэн-властьёслэн Кузёзы, туж бадӟым паймымон тодмет возьматӥз: ваньзы, Илиодорен ӵош храмысь ваньбур возён интые пырыны дӥсьтӥсьёс, Инмар кужымлэсь кышкаса куалектӥзы, кынарзы быриз, туж курдатскизы – 25соослы вал возьматскиз, солэн вылаз туж шимес мурт пукиз, со туж чебер шобырен шобырскемын, вал туж ӝог ворттыса мынӥз но азь пыдыныз Илиодорез ӵабыштыса погыртӥз, нош вал вылын пукисьлэн вань ожмаськон тӥрлыкез зарнилэсь лэсьтэмын кадь потӥз. 26Илиодорлы эшшо кык егит пиос возьматскизы на, кужымзы туж бадӟым, тусбуйзы чебер, туж тузӥ дӥсяськемын, соос, мыд-мыд палтӥз султыса, дугдылытэк сое жугизы, яраё-виро каризы. 27Шӧдтэк шорысь со музъем вылэ усиз но, тём-тём пеймытлык сое шобыртӥз, соку солэн адямиосыз сое ӝутыса носилкае понӥзы. 28Сое, кин трос адямиосыныз, мугор возьмасьёсыныз ӵош али гинэ ваньбур возён интые пыриз, кулэм муртэз кадь поттӥзы, со ӟеч-ӟеч валаз Инмарлэсь быдӟым кужымзэ. 29Инмарлэн кужыменыз кылтэм-ымтэм карыса, со погыртэмын вал, улэп кыльыны чик оскиськонэз ӧй ни вал. 30Нош иудейёс Аслэсьтыз улон интызэ данэ поттэм Кузё-Инмарез данъяса улыны кутскизы; та азьын куалектыса, кышкаса улонэн пачылмем храм, – Дунне Кутӥсь Кузё-Инмар кужымзэ возьматэм бере шумпотонэн, шулдыръяськонэн пачылмиз. 31Ӝоген Илиодорлэн матысь муртъёсыз лыктӥзы но Онияез сюлворыса куризы, Вылысь Инмарлы мед вазиськоз, шокамысь дугдыны кутскем муртлы улон мед сётоз на шуыса. 32Архиерей талэсь кышкатскиз: эксэй малпаны быгатоз, Илиодорлы пумит иудейёс кыӵе ке но лек уж лэсьтӥллям шуыса; соин ик со, Илиодор улэп мед кылёз шуыса, курбон сётӥз. 33Архиерей буйгатсконлы сӥзем курбон сётыса улыку, со егит пиос нош ик Илиодорлы возьматскизы, соос азьло кадь ик чебер дӥськутэн дӥсяськемын, матаз лыктыса шуизы: «Оний архиерейлы туж-туж тау кар, уго солы луыса Кузё-Инмар тыныд улон сётӥз; 34нош тон, Солэн вӧсь карем муртэз, Инмарлэн быдӟым кужымез сярысь ваньмызлы вера». Тае верам беразы соос адскисьтэмесь луизы. 35Нош Илиодор Кузё-Инмарлы курбон сётэм бераз, улонзэ Утисьлы трос пумо курбонъёс сётыны сӥзиськем бераз, Ониялы тау кариз но ожгарчиосыныз ӵош эксэй доры берытскиз, 36вань адямиос азьын Быдӟым Инмарлэн ужъёсыз сярысь вераз-тодытӥз, кудъёссэ со ас синмыныз адӟиз. 37«Эшшо одӥг пол Иерусалиме лэзьыны тупамон-ярамон мурт вань на-а?», эксэйлэн тазьы юамезлы Илиодор таӵе ответ сётӥз: 38«Вань ке тынад кыӵе ке тушмонэд, кивалтон ужад пумитъяськисед, сое отчы ысты, – адӟод, кызьы со вӧсь карем куен берытскоз, – эшшо улэп ке кылиз, уго со интыын, зэм ик, Инмарлэн кужымез улэ: 39Со Ачиз, Инмын Улӥсь – со интылэн возьмаськисез но дурбасьтӥсез луэ, отчы лек малпанэн лыктӥсьёсты погыртэ, вие». 40Тӥни мар луиз Илиодорен, тазьы утемын вал храмлэн ваньбур возён интыез.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016