Михей 4
4
4-тӥ ЛЮКЕТ
1Берпум аръёсы Кузё-Инмарлэн коркаезлэн гурезез гурезьёслы йыр каремын луоз, вырйылъёслэсь вылӥе ӝутскоз, но калыкъёс со доры вистэм-вожтэм трос кузя лыктозы. 2Трос калыкъёс лыктыса шуозы: «Ойдолэ, Кузё-Инмарлэн гурезяз тубоме, Иаковлэн Инмарезлэн корказ пыроме, Аслаз сюресъёсызлы Со асьмеды дышетоз, соку асьмеос Солэн сюресъёсыз кузя ветломы; уго Сӥонысь закон потоз, Кузё-Инмарлэн кылыз Иерусалимысь потоз. 3Трос калыкъёсты Со судить кароз, кыдёкысь шаеръёсысь кужмо выжыослэсь шекъёссэс шарае поттоз; мечъёссэс соос усы-геры лэсьтыны ӵыжатозы, шибодыоссылэсь сюрло лэсьтозы; калык калыклы пумит мечсэ уз ни ӝуты, ожмаськыны но азьланяз уз ни дышетске. 4Котькудӥз адями пукоз аслаз мерттэм виноградпуд улаз, смоквапу улаз, нокин но соосты кышкатыса уз возьы, уго та кылъёсты Саваоф Кузё-Инмар вераз. 5Котькудӥз калык аслаз инмарезлы йыбыртъя, нош ми асьмелэн Инмармылы Кузё-Инмарлы йыбыртъяломы вапумъёсысь вапумъёс ӵоже». 6Со нуналэ, – шуэ Кузё-Инмар, – люкало чутӥсьёсты, уллямъёсты-таркамъёсты но кинъёс вылэ Мон шугадӟон лэзи, соосты огазе люкало. 7Чутӥсьсэ кылем люкет каро, кыдёке пазямъёсты кужмо калык каро, Кузё-Инмар Сӥон гурезьын пумтэм вапумъёс ӵоже соослы эксэй луоз. 8Нош тон, пудо уллёлэн каланчаез, Сӥон ныллэн вырйылэз! Азьвыл кузёяськонэд тон доры лыктоз, со тон доры берытскоз, эксэйлык Иерусалим ныл доры вуоз. 9Мар понна бен тон али сыӵе бадӟым куараен кесяськиськод? Тынад эксэед ӧвӧл шат? Визь-нод сётӥсед ӧвӧл ни шат, – нуны вайись муртэ кадь курадӟонъёс тонэ шымыртӥзы? 10Сӥон ныл, висьы, нуны вайись кадь курадӟы, уго тон али городысь потод но бусыын улод, Вавилонозь вуод. Отын тон утиськод, тушмонъёсыдлэн киулысьтызы тонэ Кузё-Инмар мозмытоз. 11Нош табере тыныд пумит трос калыкъёс люкаськизы, соос шуо: «Сӥон саптамын мед луоз, солэн куашкамез шоры учкыса, синъёсмы мед буйгалозы!» 12Но соос Кузё-Инмарлэсь малпанъёссэ уг тодо, Солэсь визьнодамзэ уг валало, итыме культо люкам кадь Со соосты люказ. 13Сӥон ныл, султыса кутсаськы, уго тынэсьтыд сюръёстэ мон кортлэсь лэсьто, пыдгижыостэ ыргонлэсь дуро, – трос калыкъёсты погыртод, юртъеръёссэс Кузё-Инмарлы сӥзёд, узырлыксэс быдэс музъемлэн Кузёезлы сётод.
Currently Selected:
Михей 4: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
