Efesios 3
3
Pablo judíos huocotörö jiähuinö huȩnȩ
1Ja̧'hua̧nö̧ ja̧'a̧ttö̧ ttö Pablo, Cristo Jesúsru esetö ucutu judíos huocotörö ppädäda'attö cärenä chö̧'o̧mȩnä̧, Diosrö ucuocu jä'epösä ucuturu. 2Täcö huo̧juä̧tö̧jä̧ ucutu, Diosrö pä̧huä̧ rö̧jo̧mȩnä̧ ttörö hueinäcusä adihuä huȩnȩ jidähua pä'ö ucuturu. 3Ttö̧ja̧ ttieru huȩnȩ jiähuinäcusä chu̧huo̧jua̧ pä'ö, ucuturu ji'äu chi̧huȩyu̧ti̧nö̧ ta'anö. 4Ucuocutä cu̧huo̧juä̧cuo̧tö̧jä̧ Cristorö ttieru huȩnȩ huo̧jua̧sä̧ pä'ö. 5Korotömä pä'äjimä jerupinätödo yoröiso ja̧u̧ huȩnȩ. Jitämä Dios i̧jȩpi̧nö̧do ja̧u̧ huȩnȩ Jesús hue'ähuotörö'inä, Dios i̧huȩnȩ jiäcuähuä isotörö'inä Espíritu Santonä huo̧juȩtö̧ ttami iso'quinä. 6Ja̧u̧ ttieru huȩnȩ pi̧yȩtä̧. Suronä jȩttö̧ jȩpö̧ icu huȩnȩ esetätötä yoräteunä ttȩmä̧cuo̧tö̧ Dios iyä̧cuȩ, judíos huotö'inä, judíos huocotö'inä. Jahuätömä ji̧nä̧ yotöte huotö ja̧'a̧ttö̧, Dios Cristo Jesúsnä iya päinö yoräteunä ttȩmä̧cuo̧tö̧.
7Ttötä adihuä i̧sa̧ choca'anä, Dios re rö̧jö̧nä̧ topö ujurunä hueinäcusä ja̧u̧ huȩnȩ jidähua pä'ö. 8Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö. 9Dios ttörö hue'inö o'ca toi'önärö jidäu ttu̧huo̧jua̧ pä'ö ja̧u̧ ttieru huȩnȩ. Täbocö kä̧mä̧dö̧ jitä mo̧ro̧ päi'önä Dios adita päinömä pi̧yȩ ji̧nö̧do. Ja̧u̧tä̧ Dios o'ca juiyönä aditinödo. 10Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧. 11Dios ja̧'hua̧nö̧ jȩpi̧nö̧do chutä päinö ta'anö, Tu̧ru̧hua̧ Jesucristo ichomenä. 12Cristorö adiu tesetomenä, yecuäcuähuä juiyönä tö'cöpächätöjä Diosrö. 13Ja̧'hua̧nö̧ ja̧'a̧ttö̧ ucuturu ppä'ädö ji'äu ubara ttudomenä, cua̧'cua̧ tta̧cu̧huȩcuä̧tu̧cuä̧ttö̧. Pärocua'acu cuami iso'quitucunä eseunu cu̧ja̧cuä̧tu̧cu̧'a̧nö̧ ja̧'a̧.
Cristo repeö huȩnȩ
14Ja̧'hua̧nö̧ ja̧'a̧ttö̧ chihue'quiyunä kä̧mä̧dö̧ ucuocusä Tu̧ru̧hua̧ Jesucristo Jä'o Dios ä'ca jo̧mȩttö̧. 15Chutä tti̧mi̧ hueinä̧u̧do o'ca toi'önärö, mo̧ro̧jä̧ra̧'a̧ ka̧cuä̧tö̧rö̧'i̧nä̧, pi̧jä̧ra̧'a̧ ka̧cuä̧tö̧rö̧'i̧nä̧. 16Tä'o Diosrö jä'epösä adihuä juäi u̧ju̧nä̧rö̧ iyatö pä'ö cujuruhuätucua pä'ö cuami iso'quitucunä Espíritu Santonä. 17Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä. 18Ja̧'hua̧ta̧nö̧ o'ca toi'önä Diosrö esetätöcu Cristo ujuturu repeömä öcähuecu'inä, öotocu'inä, täcua'acu'inä, ju'tojucu'inä adiu cu̧huo̧juä̧tu̧cuä̧cua̧'a̧nö̧ jä'epösä. 19Ja̧u̧ repeömä cu̧huo̧juä̧tu̧cua̧'a̧ttö̧, Dios cuami iso'quitucunä suhuädi'önä ö̧ja̧ pä'ö jä'epösä Diosrö. Ihueye rȩbȩhuo̧co̧tö̧jä̧ o'ca juiyönä tu̧huo̧jua̧ pä'ö ja̧u̧ repeömä.
20Jitämä teseäcuähuätucuaja Diosrö. Dios ujuruhua'attö, Diosrö jätepöttö'inä, tamöcuädöttö'inä abonänö rö̧ȩnä̧ i̧yä̧cua̧, chutä ujuru tu̧ju̧nä̧ro̧mȩnä̧. 21¡Diosrö esetätörö amöcuädö, 'cuäopönä teseäcuähuätucuaja Diosrö! Ja̧'hua̧ta̧nö̧ Cristo Jesúsru esetö, jitä'inä, yodoji'inä, 'cuäopönä teseäcuähuätucuaja Diosrö. Amén.
Currently Selected:
Efesios 3: PIDNT86
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
