Kaaroma 6
6
ONTOPORUA 6.
Uujuki uotshiri ua zi moshenda
1Atu ti ngiini ano? Natu kare mo nduno muurunde, opo oshenda hi ninge ohindjihindji?
2Tshivarerue! Uurunde sho ua sire musse#6:2 Sho tua ningi aakriste mesakramente rjetshatsho. sse natu kare mu uo ngiini nanena?
3Kamu tshi tshi nani, nokutja sse mba tua tshatsherua mu Kristus Jesus, otua tshatsherua meso rje.#6:3 Jesus okua sir’uurunde, nde te tu pe etshatsho tu mu fe, tu kare aaranduri je. Ano musse namu se uo uurunde.
4Ano ketshatsho mokusa#6:4 Okutja etshatsho ndi tua peua moru’okusa kua Jesus. sse tua fumbikua puamue na he, opo ngashi Kristus a jumudua kuusi kehadimo rja She, otsho nasse uo tu nokuenda momuenjo omupe.#6:4 Omuenjo gu’uurunde gu fumbikue metshatsho. Omuenjo omupe gua Karunga ngu tua peua metshatsho gu tu fare kehadimo rja Karunga.
5Oshoka nge tua guanekua na he nokufacana meso, otatu ka kara uo tua guanekua na he nokufacana mejumuko.
6Sse otu tshi tshi, omuntu guetu omukuru oku’arerua puamue na he,#6:6 Jesus Kristus okua arerua komutshigakano peshara no medina rjaarunde, ano opeshara rjetu. orutu ru’uurunde ru shanagurue po, katu karere ue uurunde.
7Oshoka ngoka a sa, ohe a kuatunuka muurunde.#6:7 Ngu a sir’uurunde metshatsho.
8Nde nge tua si puamue na Kristus, otu’iteera nokutja ss’otatu ka kara uo nomuenjo puamue na he.#6:8 Uurunde nge ua si meemuenjo detu ngashi Kristus a sire uurunde, nena ss’otu na uo omuenjo gua Kristus.
9Otua tshiua nokutja Kristus, sho a jumuka kuusi, ita si ue, eso itari mu pangere ue.
10Sho a si okua sire uurunde rumuike. Nde mokukara kue nomuenjo, ota karerere Karunga.#6:10 Ota kara nananana nomuenjo gua Karunga.
11Ano nane uo idiradireni, one mua sira uurunde, ndere omu nomuenjo okukarera Karunga mu Muene guetu Jesus Kristus.
12Ano, inamu pangerica ue uurunde momarutu geni omasi, ne mu vurike kuuharu uago.
13Inamu gandja iikuarutu jeni ng’iirongico juukoroshi, aaue, igandjereni Karunga nga mboka ja jumuka kuusi, niikuarutu jeni ku Karunga ng’iirongico juujuki.#6:13 Omarutu getu oga japurua mesakramente rjetshatsho. Ano inatu ara tu ga nigirike muurunde.
14Oshoka uurunde itau vuru ue oku mu pangera, oshoka kamu ri ue koshi hompango, aaue, omu ri moshenda.#6:14 Oshenda ha Karunga ohahi tu pe eenkondo da guanenena dokukerera uurunde.
15Ongiini ano, otatu ka jona, sho katu ri koshi hompango, aaue, tu ri moshenda? Tshivarerue!
16Kamu tshi tshi nokutja omu ri mepangero rja ngoka mu’igandjera ng’aakareri, — ng’aakareri juurunde keso, nenge ng’aakareri jevuriko kuujuki.
17Karunga na pandurue! Ne mua ri aakareri juurunde, ndere mua vurika nomutima agushe kerongo ndika#6:17 Eehapu da Jesus Kristus. mu mua farerua.
18Mua mangururua kuurunde, ne mua ningi aakareri juujuki.
19Otandi popi pamukaro guopantu moru’uunkundi uonjama heni, oshoka ngashika mua gandjere iikuarutu jeni ng’aakareri juurunde no juukorokoshi muukorokoshi, otsho tuu uo ngashingika gandjeni iikuarutu jeni kuukarere u’uujuki mejapuro.
20Oshoka manka mua ri aakareri juurunde, omua ri kamu nuujuki.
21Iinima mbi mue ji sir’oshoni nena, oje mu etera nare iihimati jatshee? Eshuriro rjiinima mbjoka orjo eso.
22Ndere ngashingika, sho mua mangururua kuurunde, nde mua ningi aakareri ja Karunga, omu na iihimati jeni, nokutja ejapuro nomuenjo guarushe.
23Oshoka ondjambi huurunde oho eso. Ndere omaganoshenda ga Karunga ogo omuenjo guarushe mu Kristus Jesus Muene guetu.
Omission Heklesia Ekatolika, 1951. Namibian Catholic Bishops Conference.