Kaaroma 5
5
ONTOPORUA 5.
Oshenda ndji he tu eterua ku Kristus
1Nena nduno, sho tua ningi aajuki okehiteero, nasse otua ara tu kare mombiri ha Karunga morua Muene guetu Jesus Kristus.
2Omorue sse tua mona uo mehiteero ompito hokuada oshenda ndji#5:2 Oshenda ahishe hotshikriste. mu tu ri, nde ss’atu itangere etegerero rjehadimo rjaana ja Karunga.#5:2 Erago rjarushe rjomeguru.
3Ndere ndjoka ike aaue, sse tu’itangere uo uudigu, oshoka tua tshiua nokutja muudigu tamu zi ehididimiko.
4Mehididimiko amu zi ediginino. Mediginino amu zi etegerero.
5Ndere etegerero kari niirombo, oshoka ohore ha Karunga oha tirirua meemuenjo detu k’Ombepo Ondjapuki, ndji tua peua.
6Otshike nduno Kristus a sira aarunde pecimbo rj’uka, sse sho tua ri aarunde?
7Ondi tshi kapu na gumue ta sire omujuki. Otapu monikua ngiika gumue t’itsire omukumo okusira omuhanaua.
8Ndere Karunga oku’orora ohore he hoku tu ora mu Kristus, ngu e tu sira manka sse tua ri aarunde.
9Unene sse otatu ka kererua kondjashi he, oshoka tu’ucirua uujuki mombinzi he.
10Moru’eso rj’Omona gue, sse tua anganicua na Karunga, ngija tua ri aatondi je. Ano ong’aahanganicua tatu k’upicua tshiri moru’omuenjo gue.#5:10 Kristus ngu e tu kurira nokusa kue, h’ote tu fara tshiri kerago rjarushe nena sho e nomuenjo.
11Ndere shoka ike aaue, sse otu’itangere uo Karunga morua Muene guetu Jesus Kristus, ngu e tu rongera ehanganico.#5:11 Sse katu itangere ike ehadimo rjarushe, aaue, sse otu’itanga uo tu kare na Karunga Tate hetu.
12Uurunde oue ja muujuni moru’omuntu gumue. Uurunde ua eta eso. Otsho eso rja ha maantu ajeshe, oshoka ajeshe oja jona.
13Uurunde oua ri muujuni nokuri, ompango sho ha ri kahi po.#5:13 Ompango ndji ahi tiua oha Moses. Ndere uurunde itau jarurua nge kapu nompango.
14Ndere eso orja pangera okuza mu Adam sigo omu Moses no mu mbejaka inaa fa Adam mokujona,#5:14 Oshoka ajeshe oja ri aarunde moru’ondjo hecigururo. ngoka otshoorerua tsha nguka kua te ke ja.#5:14 Adam otshoorerua tsha Kristus. Ngashi ondjo ha Adam h’etera aantu ajeshe eso, otsho uo ekuriro rja Jesus Kristus rj’etera aantu ajeshe omuenjo guarushe.
15Ndere katshi ri nuurunde ongashi nomaganoshenda.#5:15 Okutja omagano noshenda ahishe ndji tua peua mekuriro rja Jesus Kristus. Nge ojendji ja si moru’uurunde ua gumue, nena omaganoshenda ga Karunga ga gandjua kojendji mehudorero moru’omuntu gumue Jesus Kristus.#5:15 Ejambeko noshenda Jesus Kristus a hetera aantu mekuriro rje ohi vure unene uudigu muunenene uaho, mbu tua mona moru’uurunde ua Adam.
16Eno, omaganoshenda inaga fa kombinga himue uurunde ua gumue,#5:16 Uurunde ua Adam. oshoka mondjo himue omua za epanguro rjeshunduro. Ndere oshenda otahi upica komajonaguro ogendji nokufara kuujuki.#5:16 Moru’oshenda ha Jesus Kristus itatu k’upicua kondjo ndji hotango ike, aaue, no komajonaguro getu ageshe.
17Ngashi uurunde ua gumue ua eta epangero rjeso morua nguijaka gumue#5:17 Okutja oh’Adam., otsho uo ajeshe, mba taa peua ehudo rjomaganoshenda no rjuujuki taa ka pangera momuenjo morua nguka gumue, okutja Jesus Kristus.#5:17 Adam a heta eso. Jesus Kristus a heta omuenjo guarushe.
18Ano, ngashi mejonaguro rja gumue mua zi eshunduro rjaantu ajeshe, otsho otshironga otshijuki tsha gumue#5:18 Okutja ekuriro rja Jesus Kristus. tsh’etera aantu ajeshe uujuki uomuenjo.
19Eno, ngashi moru’odino ha gumue#5:19 Odino ha Adam ngu a dina ohapu ha Karunga. ojendji ja ningi aarunde, otsho moru’evuriko rja gumue#5:19 Evuriko rja Jesus Kristus, ngu a vurika ku Karunga She sigo okusa. ojendji taa ningi aajuki.
20Ompango ohe ja pokati#5:20 Ompango ha Moses ohe ja pokati kecimbo rjotango no rjaapatriarke, po pokati kecimbo rjekuriro. uurunde opo u tane. Ndere apeshe mpo uurunde ua tana, opo uo esiroshenda rja tanena.
21Ngashi epangero rjuurunde orja oroka meso, otsho tuu uo nepangero rjoshenda ri oroke muujuki uokumona omuenjo guarushe morua Jesus Kristus Muene guetu.
Omission Heklesia Ekatolika, 1951. Namibian Catholic Bishops Conference.