Iironga 9
9
ONTOPORUA 9.
Ehidirururo rja Saulus. Omuapostoli Petrus mu Iidda no mu Joppe.
1Nanena Saulus okua siririre aarongua ja Muene ondjashi nuuharu uoku ja dipaga. He ta hi komupristeri omukuruntu.
2Ote mu indire eentumuafo da tshangerua eesinagoga domu Damaskus, opo nge ta mono mo aahiteeri jerongo ndika#9:2 Erongo ndika orjo erongo rja Jesus Kristus, erongo rjotshikriste., aarumentu naakiintu e ja mange nde te ja fara ku Jerusalem.
3Opua ningi, sho a ri mondjira popepi na Damaskus, naanzija okua adiminua kuujerere uokeguru.
4Oku’ishata po pevi, nde t’uvu eui rja ti ku he: “Saulus Saulus, otshike to tidatidandje?”
5He ta ti: “Muene ongueere?” He ta jamukura: “Ongaje Jesus ngu to tidatida. Otshidigu kungueje okurjata omakegua.”#9:5 Okutja, otatshi ku monica uudigu nge to tindi okugama kungaje.
6Okua kuatua keruriro nokua kekama a ti: “Muene oua ara tshee ndi tshi ninge?” Muene okue mu rombuere: “Cikama, inda kotshirando. Oko to ka rombuerua shono u nokuninga.”
7Aarumentu, mba j’enda puamue na he, oja s’onkunkumucika. Nanto j’uvu eui, inaa mona nand’omuntu.
8Nena nduno Saulus okua cikama po pevi. Ndere sho a pashura omesho, ka ri e uete tsha. Jo je mu kuata keke, nde taje mu fara ku Damaskus.
9Ta kara uure uomasiku gatatu a tsika, ina rja tsha, h’ina nua tsha.
10Ndere mu Damaskus omua ri omurongua, edina rje Ananias. Muene okue mu popica memoniko a ti: “Ananias!” He ta jamukura: “Tara ongaje ngu Muene.”
11Nena Muene okua ti ku he: “Cikama, u he kondjira ndji tahi rukua ‘ondjira h’uka’, mondjugo ha Judas u ka pure omurumentu, edina rje Saulus guokotshirando tsha Tarsus, oshoka tara, oha garikana.”
12Ohe#9:12 Saulus okua mona Ananias memoniko. okua mono omurumentu a ri nedina Ananias, te ja ku he he te mu tenteke omake, opo a taatare.#9:12 Manka Karunga ta popi na Ananias, Saulus okua ri nemoniko ndika.
13Ananias okua jamukura: “Muene omurumentu nguka onde mu uvu kojendii, nokutja okua ningira aajapuki johe mu Jerusalem uuhineji oundji.
14Nokuri he oku neenkondo, e di peua kaapristeri aakuruntu oku manga ajeshe mba haa hicana edina rjohe.”
15Muene okue mu rombuere: “Inda ko, oshoka ohe otshirongico tshandje tsh’ogororua, a hokorore edina rjandje miipaci jaapagani, jaakuaniirua no jaana j’Israel.
16Oshoka nda ara uo ndi mu urukire uunene u’uudigu mbu ta ningirua moru’edina rjandje.”
17Nena Ananias okua hi, nde ta hi mondjugo, te mu tenteke omake nokua ti: “Mumuameme Saulus. Muene Jesus ngu e ku orokore mondjira ndji ue ja na ho, okua tumandje ngueje u taatare u ude Ombepo Ondjapuki.”
18Opo tuu mpoka pua fe iishuuo ja gu momesho ge nokua taatara itsheue nde ta tshatshua.
19Nde sho a ri eendia okua koro. Nde ta kara omasiku gamue paarongua jomu Damaskus.
20Naanzija oku’uvica meesinagoga, nokutja Jesus ohe tshiri Omumuua Karunga.
21Ndere ajeshe, mba je tsh’uvu, oja rurirua ja ti: “Ke shi nani nguijaka, ngu kua ha tidatida mu Jerusalem ajeshe mba j’icana edina ndino? Ha he nani nguijaka ngu kua he ja huka, a mange he e ja fare kaapristeri aakuruntu?”
22Ndere Saulus okua koro nokukorererera. Okua rimbirika aajuda, mba ja ri mu Damaskus noku ja tompa nokutja he oKristus.#9:22 Okutja Jesus ta popiua Kristus.
23Omasiku ogendji, sho ga piti, aajuda oj’uvacana, je mu dipage.
24Saulus okue tshi rondorerua. Ndere mboka oja rangera iijeero omutenja nuusiku, je mu dipage.
25Ndere aarongua oje mu kuca mo uusiku, taje mu kurukicire motshimbamba kombanda hekuma.
26Sho e ja ku Jerusalem, okua kembadara okutshiga kaarongua. Ndere ajeshe oje mu tira, inaa hara okuiteera nokutja he a ninga omurongua tshiri.
27Ndere Barnabas okue mu tuumba, he te mu fara kaapostoli, nde te ja okororere ngashi he a mona Muene mondjira, ngu e mu popica, na shi a ronga mu Damaskus nuufure medina rja Muene.
28Ta kara mokati kauo moku ha nokupita puamue na jo mu Jerusalem, nde ta rongo nuuradi medina rja Muene.
29T’uvicire uo aapagani, nde ta rudike naaheleni.#9:29 Aaheleni mboka ojo aajuda. Ndere mboka ja ara oku mu dipaga.
30Aamuahina#9:30 Aamuahina okutja aakriste jakuauo. tsho je tshi dimburura, oje mu fara ku Kesarea, jo taje mu rareke a he ku Tarsus.#9:30 Motshirando Tarsus omu mua varerua Saulus okutja Paulus.
31Meklesia arishe mu Judea atshishe, mu Galilea no mu Samaria omua ri ombiri. Orja koka sho rja enda metiro rja Muene, rjo tari uda ehekererico rjok’Ombepo Ondjapuki.
32Opua ningi, Petrus, sho a ka tarera po ajeshe, okue ja uo kaajapuki mbejaka ja ri mu Lidda.
33Oko a hitsu omurumentu edina rje Eneas, a hera ombanda, a rara kontara eemvo uunutatu nokuri.
34Petrus okue mu rombuere: “Eneas, Muene Jesus Kristus, ote ku eruda, cikama, ijarera ngueje muene ontara hohe.” Nopo tuu mpoka h’okua cikama.
35Nena ajeshe jo ku Lidda na mbo jo ku Sarona oje mu mona, jo taa gama ku Muene.
36Motshirando Joppe omua ri omurongua omukiintu, edina rje Tabita, meraka rjotshigreka, Dorkas, okutja omenje. Ha rongo iironga iihanaua, he ha kuaca aacigona.
37Ndere pomasiku ngejaka a kuatua kuuvu nde ta si. Sho kua je mu kosha, oje mu rangeke motshoto tshokombanda.
38Ndere otshirando Lidda, sho tsha ri popepi na Joppe, aarongua mba je tsh’uvu, nokutja Petrus oko e ri, oja tumu ku he aarumentu jaari je mu garikana: “Ino shukumana ko hoka, ira kusse.”
39Petrus okua cikama, nde ta hi puamue na jo. Sho a ciki ko, oje mu fara motshoto shijaka tshokombanda. Aaserekadi ajeshe oja ri mo, ja cikama ouara jo taa riri, je mu urukira eenguuo neehema, di Dorkas e ja ondjera.
40Petrus okua tida mo ajeshe, ta tseengoro nde ta garikana. Okuza mpoka okua pungurukire komudimba a ti: “Tabita, penduka po.” Okua pashura omesho, nde sho a tara Petrus, okua kaatumba.
41Okue mu pe eke, e mu jambidida. Na sho a hicanene mo aajapuki naaserekadi, okue mu tura miipaci jauo, e nomuenjo.
42Shoka otsh’uvika mu Joppe atshishe, nojendji oj’iteera Muene.
43He muene okua menekera omasiku ogendji mu Joppe mondjugo ha Simon, omuperi guiipa.
Omission Heklesia Ekatolika, 1951. Namibian Catholic Bishops Conference.