Iironga 6
6
ONTOPORUA 6.
Ehogororo rjaadiakoni
1Pomasiku ngejaka omujaru guaarongua sho gua tana, opua ri engongotoro rjaaheleni#6:1 Aaheleni okutja aajuda mba ja ningi aakriste, ndere kaa ri haa popi eraka rjotshijuda, ondi rjaaheleni, oshoka oja varerua miirongo mu mua popiua eraka ndjo. ja ngunguturira aahebrei#6:1 Aahebrei okutja aajuda mba ja ningi aakriste, mba kua haa popi uo eraka rjaajuda, oshoka okua haa rumbu motshirongo tshauo. oshoka aaserekadi jauo anuua ja pangua iiparuca, nge taji toporua keshe uuna.
2Ongashi mboka omurongo na jaari j’icana ongundu haarongua ja ti: “Inatsh’opara sse tu ece ehuvico rjeehapu da Karunga moru’ejakuro rjopotshiriro.
3Ano nduno jamuameme, ogororeni mokati keni aarumentu uunuuari aahopari, jo j’uda Ombepo Ondjapuki nuunongo, ojo tu ture motshironga shi,
4manka sse tua diginina omagarikano nehuvico rjeehapu.”
5Otshigongi atshishe otsha panda eehapu dika. Taa hogorora mo Stefanus, omurumentu a huda ehiteero n’Ombepo Ondjapuki, na Filippus, Prokorus, Nikanor, Timon, Parmenas na Nikolaus omuproseliti#6:5 Tara efatururo rjohapu proseliti ontoporua 2:11. omuhantiokia.#6:5 Nikolaus okua zire kotshirando Antiokia.
6Mboka#6:6 Aarumentu mboka oja rukua uo aadiakoni. ja farua miipaci jaapostoli, nde taje ja tenteke omake noku ja garikanena.
7Ohapu ha Karunga oha taandera arushe, guo omujaru guaarongua jomu Jerusalem tagu tana. Ndere ongundu onene haapristeri ahi vurika uo kehiteero.
8Stefanus okua ri a huda oshenda neenkondo, a rong’iironga iinjengandunge iinene niirongadidiriko mokati kaantu.
9Ndere mpo pua ri jamue jomosinagoga#6:9 Osinagoga ondjugo mu aajuda ja gongara, j’uvicirue. Mu Jerusalem omua ri eesinagoga odindji. ndji haalibertini, haakireni, haaleksandrini, na jamue mba ja zire mu Kilikia na Asia. Oja umana na Stefanus.
10Ndere eendunge n’Ombepo ndji he mu popica, oha kara he ja njenga.
11Nena oja rombuera aarumentu ja tje: ss’otue mu uvu a njana Moses na Karunga.
12Otsho ja tsitsimike aantu, naakuruntu neenkurungu domambo, oje mu kumukire, taje mu kuca, taje mu kokorora motshigongi tshaakuruntu.
13Mpo j’eta aarundiri mba ja ti: “Omurumentu ngu ka zimbuka okunjana eshara ndi ejapuki nompango”.
14Oshoka sse otue mu uvire a tire: “Jesus omunatsaret ota ka shanagura po eshara ndika, he ta ka rundurura eemkaro di tua perue ku Moses”.
15Ajeshe mboka ja kaatumba motshigongi tshaakuruntu oje mu deng’omesho, ja mono otshipara tshe, tsha fa shi tshomujengeli.
Omission Heklesia Ekatolika, 1951. Namibian Catholic Bishops Conference.