Iironga 3
3
ONTOPORUA 3.
Iironga jomuapostoli Petrus
1Petrus na Johannes oja rondo ja hi motempeli mostunde ontimugoji#3:1 Okutja ano ostunde ontitatu komatango. kegarikano.
2Tapu etua omurumentu a humbatua, a ri otshirema hera a varua, kua ha kaatumbikua keshe esiku potsheero tshotempeli, shi atshi tiua “otsheero tshopara”, a hehere pu mboka taa hi motempeli.
3Nena, sho a mono Petrus na Johannes, ja ara oku ha motempeli, okue ja hehera.
4Petrus na Johannes uo oje mu deng’omesho, nde Petrus ta ti: “Tu tara.”
5Okue ja deng’omesho metegerero rjokupeua tsha ku jo.
6Ongashi Petrus a ti: “Otshisilveri notshingoldi kandi tshi na. Ndere shi ndi na, otii tshi ku pe: Omedina rja Jesus Kristus omunatsaret, cikama, ngueje enda.”
7Te mu kuata keke rjokorurjo, e mu cikameka. Naanzija omatundji neempadi de oda koro.
8Ta nuka po, ta cikama t’ende, he ta hi puamue na jo motempeli, t’ende, ta tanta nenjanju nokua amberera Karunga.
9Aantu ajeshe oje mu tara, sho t’ende nokuamberera Karunga.
10Sho je mu dimburura, nokutja ohe tuu ngu kua ha kaatumba potsheero shija tshotempeli, shi atshi rukua tshopara, ngija a hehera, oj’aruka, ja rurirua, sho ja mono shoka a ningua.
11Ndere, sho a gama ku Petrus na Johannes, aantu ajeshe oj’enderera, ja gongara pu jo momukara hagu tiua gua Salomon, jo oja kuatua komaruriro.
12Petrus, sho e tshi mona, okua popica aantu a ti: “Jarumentu ne aaisraeli, shi tshe mu rurira otshee, nenge otshike mue tu tara tua f’osse tua endica omuntu nguno moru’uujuki nenge moru’eenkondo detu jene?
13Karunga ka Abraham no ka Isaak no ka Jakob, Karunga kootate, ohe a simaneka Omona Jesus. Ohe tuu ngu mua gandja, mue mu idimbika miipaci ja Pilatus, ngu a harere a hece.
14Ndere one omu’idimbika Omujapuki n’Omujuki, mu’indira omudipagi a hecue.
15Omutshiti guomuenjo mua dipaga, ngu a jumudua ku Karunga. Osse eentari de.#3:15 Aapostoli ojo eentari dokudipagua no dejumuko rja Jesus Kristus.
16Mokuiteera edina rje, edina ndika orja koreke omurumentu nguka, mu uete no mu mu tshi. Ehiteero ndi rja zi ku he, orja pa nguno uundjangere aushe miipaci jeni.
17Ndere jamuameme, ondi tshi tshi, nokutja omue tshi ningi#3:17 Okutja, omua dipagica Jesus. muusama ueni, ngashi uo ngaa omarenga geni.
18Ndere Karunga otsho a guanica shoka a shunganekere nare mokana kaaprofeti ajeshe, nokutja omeepeko g’Omuguajekua gue.
19Ano nduno idirurureni, ne mu tshune ku Karunga, opo eendjo deni di dimue po.
20Opo omacimbo getarareko ga ze kotshipara tsha Muene, he e mu tumine Jesus Kristus, ngu mua uvicirua.
21Ngu e nokutuumbua meguru, ta kara mo sigo okomacimbo gokuucirira naua iinima ajishe, ngu Karunga a popja nare mokana kaaprofeti aajapuki.
22Na Moses uo okua tire: ‘Muene Karunga keni ote mu penducire maamuanjoko omuprofeti nga ngaje, omu noku mu uva miinima ajishe mbi te mu rombuere.#3:22 (5 Moses 18:15)
23Ndere shoka otatshi ningua: keshe omunamuenjo ngu it’uvu omuprofeti ngu, ota ka tidatidua motshiguana.#3:23 Okutja, ke nomukaro ue motshiguana tsh’ogororua ku Karunga.
24Naaprofeti ajeshe, mba j’uvica, okuza Samuel, najeshe mba je mu randura, jo ja shunganeka omasiku ngaka.#3:24 Okutja omasiku ga Jesus pevi ndika.
25Ne ojana jaaprofeti no jeguaneno ndi Karunga a panga nootate, ngija a rombuerere Abraham a tire: ‘Moruvaro ruohe#3:25 Oruvaro nduka, Jesus Kristus muene. otamu jambekua omazimo ageshe gevi.#3:25 (1 Moses 2:3)
26One mua tuminua tango ku Karunga Omona gue, ngu e mu jumuda. He e mu jambeke, opo keshe gumue n’idirurure kuuhineji ue.”
Omission Heklesia Ekatolika, 1951. Namibian Catholic Bishops Conference.