Iironga 11
11
ONTOPORUA 11.
Omuapostoli Petrus mu Jerusalem. Eklesia rjomu Antiokia.
1Aapostoli naarongua jakuauo, mba ja ri mu Judea, oj’uvu uo nokutja aapagani oja tuumba eehapu da Karunga.
2Ndere Petrus, sho e ja ku Jerusalem, mboka ja fukarekua oje mu rudikica.
3Oja ti: “Otshike nduno ngueje ua hire kaarumentu, mba inaa fukarekua, ngueje ua rja na jo?”.
4Nena Petrus okua shimbike oku ja okororera iinima ajishe ngashi ja rambacana ta ti:
5“Ngaje onda ri motshirando Joppe, nde nda garikana Onda sir’onkunkumucika, nda mona emoniko. Otshinima tsha zi meguru, tsha f’elapi etokere, ndi rja kuatua keenkotse darjo ine, tsha kurukicua, tshe ja kungaje.
6Onde tshi tongorora, ngaje nda tara iinamuenjo ji nomaguru gane, niirikama, na mbjioka haji ipueda needira dokeguru.
7Tandi uvu uo eui rja rombuerandje: Cikama Petrus, tsera ngueje u rje.
8Ndere ngaje onda ti: ‘Nandodiro Muene, oshoka iinima j’indikua jo ja njata inaji ja nande nande mokana kandje.’
9Eui ndijaka orja zi meguru orutijari rja jamukura: ‘Shono tsha jerekua ku Karunga, ngueje ino tshi tja tsha njata.’
10Shoka otsha ningua rutatu. Natshishe otsha tshunicua itsheue meguru.
11Ndere tara, naanzija aarumentu jatatu ja cikama pondjugo mu nda ri, ja zi ku Kesarea, ja tumuandje.
12Ombepo ha rombuerandje nokutja nandi he puamue na jo, kandi nomarimbiriro. Jakuetu mboka kanekamue oj’enda puamue nangaje, no tua hi mondjugo homurumentu nguka.
13He te tu okororere ngashi a mona omujengeli mondjugo he, a cikama a ti: ‘Tuma ku Joppe, u k’icane Simon, e nedina rjoponto Petrus.
14He te ku rombuere eehapu di adi ku upica, ngueje muene nondjugo hohe ahishe.’
15Sho nda tameka okupopja, naanzija Ombepo Ondjapuki ohe ja kurukira, ngashi peshimbiko uo pusse.
16Nena ngaje nda dimburukua ohapu ha Muene sho a tire: ‘Johannes okua tshatsha nomeja. Ndere one otamu ka tshatshua n’Ombepo Ondjapuki.’
17Ano Karunga, sho e ja pe oshenda ndji hi cike pu ndjijaka, sse jene tua perue, sho tu’iteera Jesus Kristus, ano ngaje omukuatshee ndi kerere Karunga?”.
18Sho j’uvu eehapu doka, oja muena, j’amberera Karunga ja ti: “Ano otsho Karunga a gandja uo kaapagani ehidirururo rjokumona omuenjo.”
19Metidaguro ndi rja tukuruka morua Stefanus, ojendji oja sharakanicua, j’endaenda sigo oku Foinikia, Kipro, sigo oku Antiokia. Oj’uvica eehapu, ndere opaajuda ike.
20Mokati kauo omua ri uo aarumentu jamue ja zi ku Kipro no ku Kirene. Sho je ja ku Antiokia, oja popi uo naagreka,#11:20 Aagreka mboka ojo aapagani mba ja ara okutshiua Karunga kotshiri. jo je j’uvicire Muene Jesus.
21Eke rja Muene orja kara na jo, ongundu onene oh’iteere, ha gama ku Muene.
22Ekundano rja mbjoka orja ada omakutsi geklesia rjomu Jerusalem. Ndere Barnabas ta tumua ku Antiokia.
23Sho a ciki ko, ta mono esiroshenda rja Karunga, okua njanjukua, ta kumagida ajeshe ja kare nuudiginini meharo ndika ehanaua rjeemuenjo dauo mu Muene.
24He okua ri omurumentu omuhanaua, a huda Ombepo Ondjapuki nehiteero. Ongundu onene oha rikorerua Muene.
25Nena Barnabas a hi ku Tarsus, a ka konge Paulus. Ndere, sho e mu mono, okue mu fara ku Antiokia.
26Taa menekere mo megongaro rjeklesia omuvo gumue, ja ronga aantu ojendji. Mu Antiokia aarongua oja rukua tango aakriste.
27Momasiku ngaka aaprofeti#11:27 Aaprofeti mboka kaje shi aaprofeti jetestamente ekuru, aaue, aakriste mba ja peua ku Karunga Ombepo Ondjapuki eendunge dokushunganeka. ja zi mu Jerusalem, je ja ku Antiokia.
28Ogumue gua mboka, edina rje Agabus, a cikama nde ta shunganeke meenkondo d’Ombepo Ondjapuki nokutja ondjara onene tahi ja kombanda hevi arishe. Ongashi he ja muujuni ua Klaudius.#11:28 Klaudius okua ri omukuaniirua guaaroma mecimbo ndika.
29Aarongua j’uvacana nokutja keshe tuu mokati kauo na tumine aarongua jakuauo, mba ja kara mu Judea, iikuaca, mbi ji cike peenkondo de.
30Otsho ja ningi, nde taje ji tumine aakuruntu#11:30 Aakuruntu mboka ojo aapristeri jegongaro mu Jerusalem. momake ga Barnabas na Saulus.
Omission Heklesia Ekatolika, 1951. Namibian Catholic Bishops Conference.