2 Kaatessaloniki 2
2
ONTOPORUA 2.
Ejo rja Kristus
1Mokudimburukua ejo rja Muene guetu Jesus Kristus negongero rjetu ku he, ss’atu mu indire jamuameme,
2inamu rimbirirua nzija nokutengatenga momadiradiro geni, ne mu tiricue neji k’ombepo#2:2 Paulus ta ti: Inamu iteera aantu taa ti: Esiku rja Muene ori ri popepi. Otue tshi rombuerua k’Ombepo ha Karunga. — Eehapu doka odo iirombo. nenge keehapu, nenge kombrife ha tshangua ku sse annua,#2:2 Jamue taa ti: Paulus muene okue tshi tshanga mombrife he. — Iirombo jouara. nokutja esiku rja Muene ori ri popepi.
3Nand’ogumue e mu pukice mondjira ndji nenge ndjijaka. Ehiteko ori nokuja tango, nomuntu gu’uurunde otii ihorora, ohe omuna guekano.#2:3 Tara Mateus 24:4–13.
4He oku nondumbo,#2:4 Oku nondumbo na Jesus Kristus. ot’inenepeke kombanda hajishe hatshi rukua Karunga nenge hatshi simanekua.#2:4 Hatshi simanekua moru’uujapuki uatsho. Ta kar’omutumba motempeli ha Karunga,#2:4 He muene, omunandumbo na Kristus okua ara okusimanekua nomasimaneko guukarunga. ot’itire he muene oKarunga.
5Inamu dimburukua nani, kutja onde tshi mu rombuera ngija nda ri pu ne?
6Shoka atshi mu imbi manka sigo ota k’oroka mecimbo rje, omu tshi tshi.
7Otshoorekua tshuukorokoshi#2:7 Okutja ehiteko ndi ari randurua keshuriro rjuujuni. atshi rongo nokuri. Nde shoka atshi imbi ngashingika, natshi imbe, sigo otsha kucua po.#2:7 Keehapu da Jesus Kristus eshuriro rjuujuni itari ja manka evangelium inari uvicua muujuni aushe. Mateus 24:14. Ano eshuriro rjuujuni tari imbiua sigo uujuni aushe ua uvicirua evangelium.
8Nena omududu ota k’oroka. Ndere Muene Jesus ote mu dipaga nomufudo guokana ke, ote mu shanagura mehadimo rjejo rje.
9Ongoka ota k’oroka nekuaco rjomusatana nokuronga iironga jeenkondo, omadidiriko niinjengandunge jiirombo,
10niironga ojindji jokupukica kuurunde mboka taa kana, sho ja ri kaa hore otshiri, inaa hi tuumba kehupico rjauo. Otsho Karunga te ja tumine eenkondo depuko, jo j’iteere uurunde.#2:10 Okutja mba inaa hara hara okuiteera Karunga kotshiri, je nokuiteera omusatana guiirombo.
12Otsho ajeshe taa pangurirua, mba inaa hiteera otshiri, no ja panda uuhineji.
13Ndere sse, jamuameme aahorike ja Karunga, otu nokupandura Karunga arushe morueni. Moru’ejapuro rja rongua k’Ombepo no moru’ehiteero rjokuiteera otshiri, Karunga okue mu ogorora ng’aatango#2:13 Aatessaloniki oja ri mokati ka mboka j’iteera Kristus tango. mu upicue.
14Okue mu icana nevangelium rjetu mu mone ehadimo rja Muene guetu Jesus Kristus.
15Kareni mua kora jakuetu. Dameni omarongo nga mua peua ku sse kokana nenge kombrife.
16Muene guetu Jesus Kristus muene, na Karunga Tate hetu ngu e tu ore, nde e tu pa moshenda he ehekererico rjarushe netegerero ehanaua,
17he a kumagide eemtima deni, he e mu koreke kotshironga no kohapu ombuanaua.
Omission Heklesia Ekatolika, 1951. Namibian Catholic Bishops Conference.