Mataafa orra Lewi 12
12
Taanteta a jaqqaysuma a iskatta oto xaayo kamma tooytaado
1Yaahiwwe ka Muuse kide, 2“Samayta Isira'eeliti lele ka kide, ‘Iskatteeta oto hitto ka inna diirta xaaytooyye, eta isiquda jureeta qapnaannitto mina'e, kuyyaata tappa kara'e a nyalte koddita. 3Kuyyaata settattatiiyyiiw a inna dawra qara muren. #uuma 17:12; Luqa 2:21 4Iskatteetase nefo haka jureese isheetta quda tawnitto kara'e, a kuyyaata kunda sessa sessa jarto; umma wa qulqullaawe quda in kaynin, umma tukkana Waaqa nefo opa in deenin.
5Ma xoori oton inna enenta'e xaaytaayye, eta a isiquda jureeta qapnaannitto mina'e, torpa lakki kara'e a nyalte koddita; ka haka jureeta isheetta quda tawnitto'e kuyyaata kunda lehi lehi jartaaw.
6Oton punu inna diirta taaki enenta xaayteeyye, oto etoosen xaadi a jaqqaysuma dikadan kammaayye, kalisoota kupannitto'e a laha para takka pire; ka kalisoota juppootati'iw jiwjiwa napaala taaki elela qapatto ka tukkana Waaqa opan anto ka qeesitta daasso. 7Qeesitta ka fuula Yaahiwwe tura dehaaysho; ka akka jureetaadi isheetta quda tawte akkissa'e taanteta a jaqqaysuma ishi kodo, ikka a jaqqatte koddito; iskatteeta oto xaaytooyye, taantetaadi a kooto sede. #Luqa 2:24
8Oton xoori laaha kalissa malaaltaayye, a jiwjiwa napaala lakki taaki elela lakki dehasso ka kalisoota a kupannitto kooto ka takka kalisoota hasenta juppootati kooto ka kalisso; qeesitta ka taanteta a jaqqaysuma ishi kodo ikka a jaqqamte koddito.
Currently Selected:
Mataafa orra Lewi 12: MaQu
Highlight
Copy
Compare
Share
Want to have your highlights saved across all your devices? Sign up or sign in
