Mataafa Sooketa Kullaysuma
Kullaysuma
Mataafa sooketa wa olkela la'anna, samaytase Isira'eeli piitase a Kipsi a kara karpishshuman kallaannaan kara atta akkima sookene lelli; mataafose porra kutkutta sessa'e qootammi.
1. Iproota atta akkima nata sookte ka irroota Siina opa anta ettanisse lelli.
2. Waaqa akka samaytaadi olli kodayteeta kodade ka seera isho taanteta a ishin kallaatta ka a amanteeta ishootta' daashe torrini.
3. Qoota koda samayta Isira'eeli ka a qeesewwa isho a isha waaqaysattaati desa seerra a daasame'e lelli.
Mataafose a piisa qaran qapto'e wa kokkonnanna, Waaqa ete samaytaadi a karpishshuma kela kalo sookshe kammaayye, itturopa akkima samayta kippeeta qapo koddo'e, atta akkima ishootta kara koda kode lelli.
Mataafose karaayye nama torraadi harmo dakaannaan, akka samaytaadi piita Kipsi kara sooksho'e namase a Waaqa reexade akka Muuse kodde lelli. Mataafose karaayye qajeeltota a pora kuttan upnaysamte, qajeeltota kunda lakki, isase a kara seerase kudani dikame ka taafame.
Wa mataafose kara ca
1. Akkima Isira'eeleta piita Kipsi kara nata sookte 1:1—15:21
1ha. Akkima piita kipsi kara karpishshuman kallaatte 1:1-22
1la. Akkima Muuse dalade ka kuttade 2:1—4:31
1ma. Akkima Muuse isho Arooni Feri'ooni turopa erkamen 5:1—11:10
1sa. Qarantarpeeta isho piita Kipsi kara sooketa 12:1—15:21
2. Pakateeta a tiimati paayyatte haka irroota Siinaati'i wa kodde 15:22—18:27
3. Seera isho kodayteeta a kodamte 19:1—24:18
4. Tukkanase qulqullaawe isho taanteta a waaqaysatta 25:1—40:38
Currently Selected:
Mataafa Sooketa Kullaysuma: MaQu
Highlight
Copy
Compare
Share
Want to have your highlights saved across all your devices? Sign up or sign in