Bhaloma Nnongolelo
Nnongolelo
Chitabu heche cha Bhaloma komboleka chikajandikwa na Andundame Apaulo muuda teno pakati ja chaka cha 54 na 58 baada ja kubhelekwa kwa Akilisito. Apaulo akibha tangu jwangatyangila chilambo cha ku Loma henela akaajandikilanga chitabu chenjeni ili kwaalagianga bhandu bhabhahobhalile Akilisito bhabhakatamanga chilambo cha ku Loma, Bhayahudi na bhanga Bhayahudi. Apaulo akajandika chitabu hecho akibha ku chilambo cha ku Kolinto kubhatendita kutama gono muda. Akajandika ili bhandu bha hilambo yoha bhakombolange kwahobhalela na kwaajoanikia Ayesu Kilisito mu chula ja 16:26
Chitabu cha Bhaloma nga chammbone muno kwa lilubhalo lya bhandu lilyahobhalela Akilisito bha kila maali na kwa muda goa ligongo lya henela Apaulo chibhatendakongolela kwa ndaa na kwa kuaminika kwa ngani ya kuokolewa kutukombola kupata kupetela Ayesu Kilisitio. Apaulo kabhele akakombola kuhilondanika Ngani Jammbone ja Ayesu Kilisito na Lilagano lya lolo. Akaachomi bhajingi bhatendakutaukananga kubhee moomba jammbone muno mu heche chitabu nga chula ja 1:16 gugulobhola, “Ngajibhonela honi Ngani Jammbone, ligongo nga uwecho gwa Annoongo guguokoa kwa kila bhabhahobhalela, kujemeka kwa Bhayahudi, ngapena kwa Bhandu bhanga Bhayahudi.” Mu chula ja 1-12 Chehemu ja kujemeka ja Bhaloma jikongolela majigano kwa ngani ja kwaamanya Annoongo, mu chula ja 13-15 chehemu ja bhele, Andundame atekujandika chitabu chenjeni kwa hikubho kwa umomi gwa bhandu bhabhahobhalela Akilisito.
Gagabhile
Apaulo ajemeka kujandika chitabu heche kuchikongolea na kulobhola nga aganiki jwaatenda kwaajandikila mu chula ja 1:1-15.
Helahela Apaulo atendakujandika kwa ngani ja mundu chibhabhile mundu jwalemwite na kuokolewa kwabhe kukukomboleka kupetela Ayesu Kilisito mu chula ja 1:16, 11:36.
Apaulo atendakuhatambula henela chibhapalikwa kutenda na kutamanga kwa lilubhalo lya bhandu bhabhahobhalela Akilisito mu chula ja 12:1-15:13.
Apaulo atendakujomolekea kujandika kwa kwaasalimianga lilubhalo lya bhandu bhabhahobhalela Akilisito bha chilambo cha ku Loma mu chula ja 16.
Currently Selected:
Bhaloma Nnongolelo: NTNHBL
Highlight
Copy
Compare
Share
Want to have your highlights saved across all your devices? Sign up or sign in
The New Testament in Ndondehamba Language ©The Word for the World International and Ndondehamba Language Translation, All rights reserved.